কেন্দ্রগী শেল-থুম অমসুং কোর্পোরেত এফিয়র্সকী মন্ত্রী শ্রীমতি সিতারমন্না ঙসি পার্লিয়ামেন্ততা ২০২৬-২০২৭গী কেন্দ্রগী বজেত পুথোক্লদুনা বিক্সিত ভারতকী মায়কৈদা রিফোর্মগী খোঙজেল য়াঙখৎহন্নবা কার্তব্য ৩ গী ৱাফম থমখি। শেল-থুম মন্ত্রীনা হায়খি মদুদি অহানবা কার্তব্য অসি পোত্থোক পুথোকপা অমসুং কম্পিতিতিবনেস হেনগৎহন্দুনা অমসুং মালেমগী হোংলক্লিবা ফিভমদা রেজিলিয়েন্স শেমগৎতুনা ইকোনোমিক গ্রোথ লেঙদনা থম্বনি। অনিশুবা কার্তব্য অসি মীয়ামগী আশাশিং মপুং ফাহন্নবা অমসুং মখোয়গী কেপাসিতী শেমগৎনবা, মখোয়বু ভারতকী চাউখৎপগী লম্বীদা মপাঙ্গল লৈবা পার্তনর ওইহনবা অমসুং অহুমশুবা কার্তব্য অসিনা সবকা সাথ, সবকা বিকাসকী ভিজনগা মরী লৈননা ইমুং খুদিং, কম্যুনিতী, লমদম অমসুং সেক্তর খুদিংমক্তা রিসোর্সশিং, খুদোংচাবশিং অমসুং মশক থোকনা শরুক য়াবগী খুদোংচাবশিং ফংহন্নবা হোৎনবনি।

শেলথুম মিনিস্তরনা হায়খি মদুদি থৌওং অহুম অসিদা সপোর্তিব ইকোসিস্তেম অমা মথৌ তাই। অহানবা তঙাইফদবা অসি স্ত্রকচরেল রিফোর্মশিংগী ইম্পেক্ত অসিবু লেপ্তনা, এদাপ্তিব ওইবা অমসুং তুংলমচৎতা উবা ঙম্বা ওইহনবনি। অনিশুবদা, মপাঙ্গল লৈরবা অমসুং রেজিলিএন্ত ওইবা ফাইনান্সিএল সেক্তর অমা লৈবনা সেভিংস মোবিলাইজ তৌবদা, কেপিতেল ইফিসেন্ত ওইনা এলোকেৎ তৌবদা অমসুং রিস্ক মেনেজ তৌবদা মরুওই। অহুমশুবদা, এ.আই. এপ্লিকেসনশিং য়াওনা অৱাংবা থাক্কী তেক্নোলোজীশিংনা হেন্না ফবা লৈঙাক্কীদমক ফোর্স মলতিপ্লাইয়র ওইনা মথৌ তৌবা য়াই।

শ্রীমতী নির্মলা সীতারমননা হায়খি মদুদি কার্তব্য ভাবন্দা শেম্লিবা অহানবা বজেৎ অসি 'ভিক্সিৎ ভারত য়ং লিদর্স দাইলোগ ২০২৬'তা প্রধান মন্ত্রীগা লোয়ননা শরুক য়াখিবা অনৌবা ৱাখল্লোন কয়াদগী ইথিল ফংলবা য়ুভ শক্তিনা পুরকপা বজেৎ অমনি।

শেলথুম মন্ত্রীনা হায়খি মদুদি হৌখিবা চহি ১২ অসিদা ভারতকী শেন্মিৎলোনগী ত্রেজেক্তরী অসি স্তেবিলিতী, ফিক্সেল দিসিপ্লিন, তুংকোইনা চাউখৎপা অমসুং অপীকপা মমল হোংবগী চাংনা মশক তাক্লি। সরকারনা স্ত্রকচরেল রিফোর্মশিং, ফিসকেল প্রুদেন্স অমসুং মোনিতরী স্তেবিলিতীবু মপাঙ্গল কনখৎহন্দুনা মীয়ামগী ইনভেস্তমেন্তদা মপাঙ্গল কনখৎহন্দুনা লেপ্তনা হোৎনরি। মহাক্না হায়খি, "আত্মনির্ভরতা"বু মপাঙ্গল কনখৎহন্দুনা, সরকারনা দোমেস্তিক মেনুফেকচরিং কেপাসিতী, ইনর্জী সিক্যুরিতী অমসুং মরুওইবা ইম্পোর্ত দিপেন্দেন্সী হন্থহন্দুনা সিতিজন সেন্ত্রিক দিবেলপমেন্ত অমসুং থবক পীবা, এগ্রিকলচরেল প্রদক্তিবিতী, য়ুমথোংগী পোর্তিং পাৱর অমসুং মীয়ামদা য়ুনিভর্সেল সর্বিসশিং ফংহন্নবা রিফোর্মশিং পায়খৎলে। খোঙথাংশিং অসিনা চাউরাক্না ৭%গী অৱাংবা গ্রোথ রেৎ অমা ফংহল্লে অমসুং লায়রবা হন্থহনবদা অমসুং মীওইশিংগী পুন্সি মহিং ফগৎহনবদা ঐখোয়না চাউনা খুমাং চাউশিনহনবদা মতেং পাংলি হায়না মহাক্না হায়খি।

ত্রেদ অমসুং মল্তিলেতরেলিজমগী খুদোংচাদবা অমসুং রিসোর্সশিং অমসুং সপ্লাই চেনশিংদা খুদোংচাদবা থেংনরিবা, অনৌবা তেক্নোলোজীশিংনা পোত্থোক পুথোকপগী পথাপশিংদা অহোংবা পুরক্লিবা অমসুং ঈশিং, ইনর্জী অমসুং মরুওইবা মিনরেলশিংদা তঙাই ফদবা হেনগৎলক্লিবা মপানগী ফিভম অসিদা, ভারতনা এম্বিসনগা ইনক্লুজনগা চুনহন্দুনা ভিক্সিৎ ভারতকী মায়কৈদা থাজবগা লোয়ননা খোঙথাং কয়া পায়খৎকনি অমসুং মালেমগী কৈথেলশিংগা কুপ্না পুনশিন্নবা, মপাল লমদা পোৎ পুথোকপা হেনগৎহনবা অমসুং অশাংবা মতমগী ওইবা ইনভেস্তমেন্ত লাকহনবা মথৌ তাই হায়না শ্রীমতী নির্মলা সীতারমননা হায়খি। মালেমগী খ্বাইদগী চাউবা ইকোনোমী অমা ওইনবগী মায়কৈদা পুন্না হোৎনমিন্নবগীদমক অমসুং সরকারগা লোইননা লেপ্পা লৈতনা লেপচবগীদমক শেল-থুম মন্ত্রীনা মীয়ামদা থাগৎপা ফোংদোকখি।

এস্পিরেসনবু এচিবমেন্ত অমসুং পোতেন্সিএলবু পর্ফোমেন্সতা ওন্থোক্নবা সরকারগী পান্দম অদু পল্লদুনা শেল-থুম মন্ত্রীনা হায়খি মদুদি সরকারনা গ্রোথকী দিভিদেন্তশিং অসি লৌমী খুদিংমক্তা, এসসি, এসটি, নোমাদ, নহাশিং, লায়রবশিং অমসুং নুপীশিংদা য়ৌহন্নবা হোৎনরি।

শেল-থুম মন্ত্রীনা হায়খি মদুদি সরকারনা থবক ফংহন্নবা, পোত্থোক হেনগৎহন্নবা অমসুং গ্রোথ খোংজেল য়াংখৎহন্নবা পাক-শন্না ইকোনোমিক রিফোর্মশিং পায়খৎলে। মহাক্না হায়খি মদুদি ২০২৫দা পাংথোক্কদৌরিবা নীংতম্বা নুমিৎতা প্রধান মন্ত্রীনা লাউথোকখিবা অদুগী মতুংদা, রিফোর্ম ৩৫০ হেন্না পায়খৎখ্রে। মসিগী মনুংদা জি.এস.তি.গী থবকশিং লায়থোকহনবা, লেবর কোদশিংগী নোতিফিকেসন তৌবা, অমসুং তঙাইফদবা ক্বালিতী কন্ত্রোল ওর্দরশিংবু মওং তানা চৎনহনবা য়াওরি। অৱাংবা থাক্কী কমিতীশিং শেমখ্রে অমসুং অমগা অমগা মান্ননা, কেন্দ্র সরকারনা রাজ্য সরকারশিংগা লোয়ননা দিরেগুলেসন তৌনবা অমসুং কমপ্লাইএন্সকী মথৌ তাবশিং হন্থহন্নবা থবক পায়খৎলি। মহাক্না হায়খি রিফোর্ম এক্সপ্রেস অসি মওং চুম্না চৎলি অমসুং মসিনা কার্তব্যবু মপুং ফাহন্নবগী খোঙজং অসি লেপ্তনা চংশিল্লগনি।

অহানবা কার্তব্যগী মখাদা শেনমিৎলোনগী চাউখৎপগী খোংজেল য়াঙখৎহন্নবা অমসুং তুং কোইনা চৎথহন্নবা লম তরুকদা মতেং পাংনবা শ্রীমতী নির্মলা সিতারমননা ৱাফম থমখি। i) স্ত্রেতেজিক অমসুং ফ্রন্তিয়র সেক্তর তরেৎতা মেনুফেকচরিং পাকথোক চাউথোকহন্নবা; ii) লিগেসী ইন্দস্ত্রীএল সেক্তরশিং নৌহৌননা শেমগৎপা; iii) "চেম্পিয়ন এম.এস.এম.ই.শিং" শেমগৎপা; iv) ইনফ্রাস্ত্রকচরদা মপাঙ্গল কনখৎহন্নবা; v) মতম শাংনা ইনর্জী সেক্যুরিতী অমসুং স্তেবিলিতী লৈহন্নবা; অমসুং vi) সিতারমননা সহরগী শেন্মিৎলোনগী লমশিং চাউখৎহন্নবা ৱাফম থমখি।

শেল-থুম মন্ত্রীনা হায়খি মদুদি অনিশুবা কার্তব্য অসি এস্পিরেসনশিং মপুং ফাহনবা অমসুং কেপাসিতী শেমগৎপনি। মহাক্না হায়খি মদুদি ঐখোয়গী সরকারনা চহী তরারোম অসিদা রিফোর্ম ওরিএন্তেদ ওইনা হোৎনবগী মতুং ইন্না মীওই ক্রোর ২৫ রোমদি মল্তি-দিমেন্সনেল পোভর্টিদগী থোরকখ্রে। মহাক্না হায়খি মদুদি সরকারনা নহা ওইরিবা ভারত অমগী এস্পিরেসনশিং মপুং ফাহন্নবগীদমক সর্ভিস সেক্তরদা অনৌবা মিৎয়েং চঙবা হায়না ৱারেপ লৌরে। মসিগীদমক সর্ভিস সেক্তরবু বিক্সিত ভারতকী কোর দ্রাইভর অমা ওইনা মিৎয়েং চঙহন্নবগীদমক থবকশিং পাংথোক্নবা হায়-পাৱর এজুকেসন তু এমপ্লোইমেন্ত এন্দ এন্তরপ্রাইজ স্তেন্দিং কমিতী অমা শেম্বা অসিনচিংবা থবকশিং পায়খৎলি। গ্রোথ, এমপ্লোইমেন্ত অমসুং এক্সপোর্তকী ওইথোকপা য়াবশিংবু খ্বাইদগী ফবা ওইহন্নবগীদমক ইকোনোমিক কমিতীনা হিরমশিংদা অহেনবা মীৎয়েং থমগনি। মখোয়না এ.আই. য়াওনা অনৌবা তেক্নোলোজীশিংনা থবক অমসুং হৈশিংবগী মথৌ তাবশিংদা পীরিবা শাফু অদুসু য়েংশিনগনি অমসুং মদুগী মতাংদা পাম্লিবা খোঙথাংশিং অদুসু পুথোক্কনি। মসিনা ভারতপু ২০৪৭ ফাওবদা মালেমগী শরুক ১০% ওইগদবা সর্ভিসশিংদা মালেমগী লুচিংবা অমা ওইহল্লগনি হায়না মহাক্না হায়খি।

শ্রীমতী নির্মলা সিতারমননা হায়খি মদুদি সবকা সাথ, সবকা বিকাসকী মঙলানগা চুনবা অহুমশুবা কার্তব্য অসিনা ক) অপীকপা অমসুং পীক্লবা লৌমীশিংদা অখন্নবা মীৎয়েং থমদুনা, প্রদক্তিবিতী হেনগৎহনবা অমসুং এন্ত্রিপ্রেন্যুওরশিপকী খুত্থাংদা লৌমীশিংগী শেন্থোক হেনগৎহনবা; খ) দিব্যাংজনশিংবু হিংনবগী খুদোংচাবশিং, ত্রেনিং অমসুং অৱাংবা থাক্কী তেংবাং পীনবা খুৎলাইশিং ফংহন্দুনা শক্তি লৈহনবা; গ) লায়রবশিংবু মেন্তেল হেল্থ অমসুং ত্রোমা কেয়র ফংহন্দুনা শক্তি লৈহনবা; অমসুং দিবেলপমেন্ত অমসুং থবক ফংহন্নবগী খুদোংচাবশিং তপথহন্নবগীদমক্তা পুর্বোদয়া স্তেতশিং অমসুং অৱাং-নোংপোক লমদমদা মীৎয়েং চংবা মথৌ তাই।

***