পরাক্রম দিবস হায়না থৌরম পাংথোক্লিবা, নেতাজি সুভাস চন্দ্র বোসকী মপোক কুমওন্দা মহাক্কী মফমদা প্রধান মন্ত্রী শ্রী নরেন্দ্র মোদীনা ইকায়খুম্নবা উৎখ্রে। মহাক্না নেতাজিগী মাইথিবা পীবা ঙমদ্রবা থৌনা, অচেৎপা ৱাশক অমসুং লৈবাক্কীদমক পাংথোকখিবা লাম্বা লৈতবা থবক নিংশিংলদুনা, প্রধান মন্ত্রীনা হায়খি মদুদি মহাক্কী অকিবা লৈতবা লুচিংবগী গুন অমসুং মরৈবাক নুংশিবনা মপাঙ্গল কনবা ভারত অমা শেমগৎনবা মখা তানা মীরোলশিংদা ইথিল পীগনি। 

প্রধান মন্ত্রীনা হায়খি মদুদি নেতাজি সুভাস চন্দ্র বোসনা মতম পুম্নমক্ত মহাক্কী মফমদা ইথিল য়াম্না পীখি। জনুৱারি ২৩,২০০৯ দা, ই-গ্রাম বিশ্বাগ্রাম য়োজনা কৌবা, গুজরাতকী আই.তিগী লমদা অওনবা পুরক্নবা পান্দম থম্বা মরুওইবা স্কিম অমা হৌদোকখি। স্কিম অদু নেতাজি বোসকী পুন্সিদা মরুওইবা মফম অমা কনখিবা হরিপুরাদগী হৌদোকখিবনি অমসুং হরিপুরাগী মীয়াম্না তরাম্না ওকখিবা অমসুং নেতাজি বোসনা চৎখিবা লম্বী অদু মক্তদা খোঙচৎ অমা পাংথোকখিবা অদু নিংশিংলি।

অজাদ হিন্দ ফৌজ দে পাংথোক্নবা অহমেদবাদতা ২০১২ দা অচৌবা থৌরম অমা পাংথোকখিবা অদুসু প্রধান মন্ত্রীনা নিংশিংখি। মহাক্না হায়খি থৌরম অদুদা হান্নগী লোক সভাগী স্পিকর শ্রী পি.এ শংমা য়াওনা নেতাজি বোসনা ইথিল পীখিবা মীওই কয়া শরুক য়াখি।

প্রধান মন্ত্রীনা হায়খি মদুদি নেতাজি সুভাস চন্দ্র বোসকী অফবা থবকশিং নিংশিংবা হায়বসি চহি কয়া লৈবাক অসিদা পানখিবা মীওইশিংগী এজেন্দাদা য়াওদে অমসুং মহাক কাউথোক্নবা থবকশিং পায়খৎখি। হৌজিক লৈরিবা থাজবা অসি তোঙাল্লে অমসুং তাঙ্কক খুদিংমক্ত, নেতাজি সুভাস চন্দ্র বোসকী পুন্সি অমসুং অচুম্বা ফিদমশিং মমিং চৎনবা থবকশিং পায়খৎলে। মাইকৈ অসিদা থাংজিবা শিংথানিঙাই ওইরবা থবক অমদি নেতাজি সুভাস চন্দ্র বোসকা মরী লৈনবা ফাইলশিং অমসুং চে-চাংশিং মীয়ামদা খঙহনবা অসিনি।

প্রধান মন্ত্রীনা হায়খি মদুদি অচৌবা মরম অনিগীদমক ২০১৮ অসি মরুওইবা চহি অমনি। লাল কিলাদা অজাদ হিন্দ সরকার লিংখৎখিবগী চহি ৭৫শুবা মপোক কুমওন থৌরম পাংথোকখি, মফম অদুদা মচু অহুমগী ফিরাল পাইহনখি। থৌরম অদুদা মহাক্না আই.এন.এগী অহল ওইরবা লান্মী লালতি রাম জিগা ৱারি শানখি।

প্রধান মন্ত্রীনা মখা তানা নিংশিংলদুনা হায়খি মদুদি অন্দমান অমসুং নিকোবর ইথৎশিংদা শ্রীবিজয়পুরম(মতম অদুগী পোর্ত ব্লেয়ার) দা, নেতাজি সুভাস চন্দ্র বোসনা মচু অহুমগী ফিরাল পাইহনখিবগী চহি ৭৫ শুবা মপোক কুমওন পাংথোকপা ওইনা মফম অদুদা জাতিগী ফিরাল পাইহনখি। রোস ইথৎ য়াওনা মমিং লৈরবা ইথৎ অহুম নেতাজি সুভাস চন্দ্র বোস দ্বিপ হায়না অমুক হন্না মমিং থোনখ্রে।

প্রধান মন্ত্রীনা হায়খি মদুদি লাল কিলাদা লৈবা ক্রান্তি মন্দির ম্যুজিয়মদা নেতাজি সুভাস চন্দ্র বোস অমসুং ইন্দিয়ান নেসনেল আর্মিগা মরী লৈনবা পুৱারিগী পোৎলম কয়া থম্লি, মখোয়গী মনুংদা নেতাজি সুভাস চন্দ্র বোসকী তুপী য়াওরি। মসি পুৱারিদা নেতাজি সুভাস চন্দ্র বোসনা পাংথোকখিবা থবকশিং ঙাক-শেন্নবা অমসুং হেন্না খঙনবা থবকশিংগী শরুক অমনি।

প্রধান মন্ত্রীনা হায়খি নেতাজি সুভাস চন্দ্র বোস ইকায়খুম্নবা উৎপা ওইনা, মহাক্কী মপোক নুমিৎ অসি পরাক্রম দিবস হায়না লাউথোক্লে।

মীনাই ওইবগী ৱাখল্লোন থাদোক্নবা অমসুং নেতাজি সুভাস চন্দ্র বোস ইকায়খুম্নবা উৎনবা ৱাশক্কী অরংবা খুদম অমা পীরদুনা, প্রধান মন্ত্রীনা হায়খি মদুদি  লৈবাক অসিগী কোনুংগী ময়োলদা ইন্দিয়া গেতকী ময়াদা নেতাজি সুভাস চন্দ্র বোসকী অচৌবা মীতম অমা থম্নবা ৱারেপ লৌখি। মীতম অদুনা লাক্লিবা চহিশিংদা মীরোল কয়াগী মীওইশিংদা ইথিল পীগনি।

এক্সতা পোষ্টশিংগী পরেং অমদা, প্রধান মন্ত্রীনা হায়খি;

“পরাক্রম দিবস হায়না থৌরম পাংথোক্লিবা, নেতাজি সুভাস চন্দ্র বোসকী মপোক কুমওন্দা মহাক্কী মাইথিবা পীবা ঙমদ্রবা থৌনা, অচেৎপা ৱাশক অমসুং লৈবাক্কীদমক পাংথোকখিবা লাম্বা লৈতবা থবক ঐখোয়না নিংশিংলি। মহাক্কী অকিবা লৈতবা লুচিংবগী গুন অমসুং মরৈবাক নুংশিবনা মপাঙ্গল কনবা ভারত অমা শেমগৎনবা মখা তানা মীরোলশিংদা ইথিল পীগনি”। 

On the birth anniversary of Netaji Subhas Chandra Bose, which is commemorated as Parakram Diwas, we recall his indomitable courage, resolve and unparalleled contribution to the nation. He epitomised fearless leadership and unwavering patriotism. His ideals continue to inspire… pic.twitter.com/KokJhJu33d

— Narendra Modi (@narendramodi) January 23, 2026

“নেতাজি সুভাস চন্দ্র বোসনা মতম পুম্নমক্ত ঐঙোন্দা ইথিল য়াম্না পীখি। জনুৱারি ২৩,২০০৯ দা, ই-গ্রাম বিশ্বাগ্রাম য়োজনা কৌবা, গুজরাতকী আই.তিগী লমদা অওনবা পুরক্নবা পান্দম থম্বা মরুওইবা স্কিম অমা হৌদোকখি। স্কিম অদু নেতাজি বোসকী পুন্সিদা মরুওইবা মফম অমা কনখিবা হরিপুরাদগী হৌদোকখিবনি অমসুং হরিপুরাগী মীয়াম্না তরাম্না ওকখিবা অমসুং নেতাজি বোসনা চৎখিবা লম্বী অদু মক্তদা খোঙচৎ অমা পাংথোকখিবা অদু ঐনা কৈদৌঙৈদা কাউবা ঙম্লোই”।

“অজাদ হিন্দ ফৌজ দে পাংথোক্নবা অহমেদবাদতা ২০১২ দা অচৌবা থৌরম অমা পাংথোকখি। থৌরম অদুদা হান্নগী লোক সভাগী স্পিকর শ্রী পি.এ শংমা য়াওনা নেতাজি বোসনা ইথিল পীখিবা মীওই কয়া শরুক য়াখি”।

“নেতাজি সুভাস চন্দ্র বোসকী অফবা থবকশিং নিংশিংবা হায়বসি চহি কয়া লৈবাক অসিদা পানখিবা মীওইশিংগী এজেন্দাদা য়াওদে। মহাক কাউথোক্নবা থবকশিং পায়খৎখি। হৌজিক লৈরিবা থাজবা অসি তোঙাল্লে। তাঙ্কক খুদিংমক্ত, নেতাজি সুভাস চন্দ্র বোসকী পুন্সি অমসুং অচুম্বা ফিদমশিং মমিং চৎনবা থবকশিং পায়খৎলে। মাইকৈ অসিদা থাংজিবা শিংথানিঙাই ওইরবা থবক অমদি নেতাজি সুভাস চন্দ্র বোসকা মরী লৈনবা ফাইলশিং অমসুং চে-চাংশিং মীয়ামদা খঙহনবা অসিনি”।

“অচৌবা মরম অনিগীদমক ২০১৮ অসি মরুওইবা চহি অমনি:

 লাল কিলাদা অজাদ হিন্দ সরকার লিংখৎখিবগী চহি ৭৫শুবা মপোক কুমওন থৌরম পাংথোকখি, ঐনা মফম অদুদা মচু অহুমগী ফিরাল পাইহনখি। থৌরম অদুদা ঐনা আই.এন.এগী অহল ওইরবা লান্মী লালতি রাম জিগা ৱারি শানখি।

অন্দমান অমসুং নিকোবর ইথৎশিংগী শ্রীবিজয়পুরম(মতম অদুগী পোর্ত ব্লেয়ার) দা, নেতাজি সুভাস চন্দ্র বোসনা মচু অহুমগী ফিরাল পাইহনখিবগী চহি ৭৫ শুবা মপোক কুমওন পাংথোকপা ওইনা মফম অদুদা জাতিগী ফিরাল পাইহনখি। রোস ইথৎ য়াওনা মমিং লৈরবা ইথৎ অহুম নেতাজি সুভাস চন্দ্র বোস দ্বিপ হায়না অমুক হন্না মমিং থোনখ্রে”।

“লাল কিলাদা লৈবা ক্রান্তি মন্দির ম্যুজিয়মদা নেতাজি সুভাস চন্দ্র বোস অমসুং ইন্দিয়ান নেসনেল আর্মিগা মরী লৈনবা পুৱারিগী পোৎলম কয়া থম্লি, মখোয়গী মনুংদা নেতাজি সুভাস চন্দ্র বোসকী তুপী য়াওরি। মসি পুৱারিদা নেতাজি সুভাস চন্দ্র বোসনা পাংথোকখিবা থবকশিং ঙাক-শেন্নবা অমসুং হেন্না খঙনবা থবকশিংগী শরুক অমনি”।

“নেতাজি সুভাস চন্দ্র বোস ইকায়খুম্নবা উৎপা ওইনা, ২০২১ দা মহাক্কী মপোক নুমিৎ অসি পরাক্রম দিবস হায়না লাউথোক্লে। নেতাজিনা নান্থোকখিবা কোলকাতাগী নেতাজি ভবন্দা ঐ চৎলুরে!”

মীনাই ওইবগী ৱাখল্লোন থাদোক্নবা অমসুং নেতাজি সুভাস চন্দ্র বোস ইকায়খুম্নবা উৎনবা ঐখোয়গী থবকশিংগী অরংবা খুদম অমা লৈবাক অসিগী কোনুংগী ময়োলদা ইন্দিয়া গেতকী ময়াদা নেতাজি সুভাস চন্দ্র বোসকী অচৌবা মীতম অমা থম্নবা ৱারেপ লৌখিবা অসিদা উবা ফংলে। মীতম অদুনা লাক্লিবা চহিশিংদা মীরোল কয়াগী মীওইশিংদা ইথিল পীগনি!”

Netaji Subhas Chandra Bose has always inspired me greatly. On 23rd January 2009, the e-Gram Vishwagram Yojana was launched. This was a pioneering scheme aimed at transforming Gujarat’s IT landscape. The scheme was launched from Haripura, which had a special place in Netaji Bose’s… pic.twitter.com/0pbEUu4eQx

— Narendra Modi (@narendramodi) January 23, 2026

পরাক্রম দিবস হিসেবে পালিত, নেতাজি সুভাষচন্দ্র বসুর জন্মবার্ষিকীতে, আমরা তাঁর অদম্য সাহস, দৃঢ় সংকল্প এবং জাতির প্রতি অতুলনীয় অবদানকে স্মরণ করছি। তিনি ছিলেন নির্ভীক নেতৃত্ব ও অটল দেশপ্রেমের মূর্ত প্রতীক । তাঁর আদর্শ আজও প্রজন্মের পর প্রজন্মকে শক্তিশালী ভারত গড়তে অনুপ্রাণিত করে। pic.twitter.com/GDo7MQCPnP

— Narendra Modi (@narendramodi) January 23, 2026

***