প্রধান মন্ত্রী শ্রী নরেন্দ্র মোদীনা ঙসি নই দিল্লীদা ভিক্সিৎ ভারত য়ং লীদর্স দাইলোগ ২০২৬গী অরোইবা মীফমদা ৱা ঙাংখ্রে। থৌরম অদুদা মীয়াম তিনখিবা অদুদা ৱা ঙাংলদুনা, শ্রী মোদীনা হায়খি মদুদি মহাক্না অহানবা ওইনা মুখ্য মন্ত্রী ওইনা ৱাশক লৌবা মতমদা, ঙসিগী নহা ওইরিবা নাগরিক কয়া অদু পোক্ত্রি, অমসুং মহাক্না ২০১৪দা প্রধান মন্ত্রী ওইনা ওফিস পায়বা মতমদা, মখোয় অয়াম্বদি অঙাং ওইরি। মতমনা হৌখ্রবসু, নহা ওইরিবা মীরোল অসিদা মহাক্কী থাজবা অসি লেপ্পা লৈতবা অমসুং লেংদনা লৈ হায়না মহাক্না ফোংদোকখি। অদোমগী তৌবা ঙম্বশিং, অদোমগী হৈশিংবশিং, ঐহাক্না মতম পুম্নমক্তা অদোমগী ইনর্জীদগী ইনর্জী লৌরকখি। অমসুং ঙসি য়েংবীয়ু, ময়াম পুম্নমক্না চাউখৎলবা ভারতকী পান্দমগী ৱায়েল চুপ্লি পাইরি।"

২০৪৭ ফাওবা, ভারতনা নীংখা তম্বগী চহি ১০০ মপুং ফারকপা মতম অসি লৈবাক অসিগী অমসুং নহাশিংগী অনিমক্কী ওইনা ৱারেপ লৌগদবা মতমনি হায়না প্রধান মন্ত্রীনা অকনবা ৱাফম থমখি। মহাক্না হায়খি মদুদি নহা ওইরিবা ভারতকী মপাঙ্গল অমসুং তৌবা ঙম্বনা ভারতকী মপাঙ্গল শেমগনি অমসুং মখোয়গী মাইপাকপা অসিনা লৈবাক অসিবু অনৌবা থাক্তা পুখৎকনি। ভিক্সিৎ ভারত য়ং লীদর্স দাইলোগকী শরুক য়ারবশিংদা নুংঙাইবা ফোংদোক্লদুনা, প্রধান মন্ত্রীনা চাউখৎলবা ভারত অমগী মঙলান ফংবদা নহারোলশিংগী লুচিংবগী মরুওইবা থৌদাং অদু পনখি।

প্রধান মন্ত্রীনা হায়খি মদুদি থৌরম অসি স্বামী বিবেকানন্দগী মপোক কুমওনগা চপ মান্ননা পাংথোক্লি। “স্বামী বিবেকানন্দবু নীংশিংদুনা ঐখোয়না চহি খুদিংগী জনুৱারীগী তাং ১২দা নেস্নেল য়ুথ দে পাংথোকই। মহাক্কী ৱাখল্লোনশিংদগী পুক্নিং থৌগৎলদুনা জনুৱারীগী তাং ১২বু ভিক্সিৎ ভারত য়ং লীদর্স দাইলোগকীদমক্তা খনখ্রে। স্বামী বিবেকানন্দগী পুন্সি অসি ঐখোয় পুম্নমক্কী অচৌবা লমজিং-লমতাকনি” হায়না শ্রী মোদীনা ফোংদোকখ্রে।

ভিক্সিৎ ভারত য়ং লীদর্স দাইলোগকী খোংজেল য়াংনা চাউখৎলকপদা নুংঙাইবা ফোংদোক্লদুনা শ্রী মোদীনা মসি ভারতকী চাউখৎ-থৌরাংগী এজেন্দা শেমগৎপদা নহাশিংনা হকথেংননা শরুক য়াবা ঙমহল্লিবা শক্তি লৈবা প্লেৎফোর্ম অমনি হায়না ফোংদোকখি। প্রধান মন্ত্রীনা হায়খি মদুদি ইনিসিয়েতিব অসিগা লোয়ননা নহারোল করোর কয়া শরুক য়াবা, রেজিস্ত্রেসন মিলিয়ন ৫ হেনবা, ভিকেসিত ভারত চেলেঞ্জতা নহারোল মিলিয়ন ৩ হেনবনা শরুক য়াবা অমসুং লৈবাক অসিগী চাউখৎ-থৌরাংগীদমক মখোয়গী ৱাখল্লোনশিং শেয়র তৌবা, নহারোলশিংগী শক্তি অসিগুম্বা পাক-শন্না শরুক য়াবা অসি মমাংদা অমুক্তা ওইখিদ্রি।

ইনপুতশিংগী ক্বালিতী অসিবু থাগৎলদুনা প্রধান মন্ত্রীনা মরুওইবা হীরমশিং হায়বদি নুপীনা লুচিংবা চাউখৎপা অমসুং দেমোক্রেসীদা নহাশিংনা শরুক য়াবা অসিনচিংবদা পীরিবা ৱাখল্লোনশিং অদু থাগৎখি। থৌরম অদুদা পীখিবা প্রজেন্তেসনশিং অদু পল্লদুনা মহাক্না হায়খি মদুদি মখোয়শিং অসিনা ভারতকী অমৃত পীধিগী চাউখৎলবা লৈবাক অমা শেমগৎনবা অচেৎপা ৱারেপ অদু উৎলি। প্রধান মন্ত্রীনা ভারতকী জেনরেসন জেদকী ক্রিএতিবিতী অমসুং ইন্নোবেতিব স্পিরিত অদুসু পনখি অমসুং মীফম অসি মায় পাক্না পাংথোকপগীদমক নহা ওইরিবা শরুক য়ারিবা পুম্নমক অমসুং মেরা য়ুবা ভারত ওর্গনাইজেসনগী মেম্বরশিংবু থাগৎপা ফোংদোকখি।

প্রধান মন্ত্রীনা ২০১৪গী মমাংগী মতম অদু নীংশিংখি অমসুং মসি পোলিসী পেরালাইসিস, কা হেনবা রেদ তেপ অমসুং নহারোলশিংগীদমক অকক্নবা খুদোংচাবশিংগী মতম অমনি হায়না শন্দোক্না তাকখি। মহাক্না হায়খি মদুদি নহারোলশিংনা থবক, একজামিন অমসুং বিজিনেস হৌদোকপদা ৱারেপ লৌবদা থিন্থবা অমসুং পোলিসীশিং অদু ফজনা ইমপ্লিমেন্ত তৌদবগা লোয়ননা অৱাবা থৌওংশিং থেংনখি। ঙসি অবনোর্মেল ওইনা উরিবা অসি চহি তরাগী মমাংদা চৎনবী ওইরম্মি হায়না মহাক্না অকনবা ৱাফম থমখি। মতম অদুদগী লৈঙাক্কী অহোংবশিংনা ভারতকী নহাশিংগী পুন্সি মহিংদা করি অহোংবা পুরক্লিবগে হায়বদু মহাক্না ফোংদোকখি।

ৱ. স্তার্ত-অপ ইকোসিস্তেম অসি অহোংবা পুরকপগী খুদম অমা ওইনা প্রধান মন্ত্রীনা পনখি। মহাক্না হায়খি মদুদি স্তার্ত-অপ কলচরদা চহি কয়াদগী মালেমগী থাক্তা চাউখৎলক্লবসু, ২০১৪গী মমাংদা ভারতনা স্তার্ত-অপশিংদা মীৎয়েং চঙবা ঙমখিদে। “২০১৪ ফাওবদা লৈবাক অসিদা রেজিস্তর তৌরবা স্তার্তঅপ ৫০০দগী তাখি। স্তার্তঅপ কলচর লৈতবনা মরম ওইদুনা সেক্তর খুদিংমক্তা সরকারগী ইন্তরভেন্সন লৈখি। ঐখোয়গী নহারোলশিংগী হৈশিংবা, মখোয়গী তৌবা ঙম্বশিং, মখোয়গী মঙলানশিং মপুং ফাহন্নবগী খুদোংচাবা ফংখিদে” হায়না শ্রী মোদীনা ফোংদোকখি।

প্রধান মন্ত্রীনা ভারতকী নহাশিংগী তৌবা ঙম্বশিংদা থাজবা থম্লি হায়না ফোংদোকখি। মহাক্না হায়খি মদুদি থাজবা অসিনা নহা ওইরিবা ইন্নোবেতরশিংদা শক্তি পীনবদা মীৎয়েং থমদুনা অনৌবা চাউখৎ থৌরাং অমা পুরক্লে। মহাক্না স্তার্ত অপ ইন্দিয়া, দিজিতেল ইন্দিয়া, ইজ ওফ দুইং বিজিনেস, অমসুং তেক্স অমসুং কমপ্লাইন্সকী সিম্প্লিফিকেসনগুম্বা মরুওইবা রিফোর্মশিং অমসুং ইনিসিয়েতিবশিং শন্দোক্না তাকখি। মখোয়শিং অসিনা মমাংদা সরকারনা দোমিনেৎ তৌবা সেক্তরশিংবু ওন্তপ্রিন্যুওরশিপকীদমক হাংদোক্তুনা ভারতকী স্তার্ত অপ রিভোলুসন খোঙজেল য়াংহনখি।

স্পেস সেক্তরবু মরুওইবা খুদম অমা ওইনা পল্লদুনা শ্রী মোদীনা হায়খি, "চহি ৫-৬গী মমাংদা, স্পেস সেক্তরবু খুমাং চাউশিলহন্নবা থৌদাং অসি ইসরোগী খক্তদা লৈরম্মি। ঐখোয়না স্পেস সেক্তরবু প্রাইবেৎ এন্তর্প্রাইজকীদমক হাংদোকখি, সপোর্তিং ফ্রেমৱার্কশিং অমসুং ইন্সতিত্যুসনশিং শেমখি। শ্রী মোদীনা হায়খি মদুদি প্রাইবেৎ পার্তিসিপেসনগীদমক মসি হাংদোকপা অসিনা স্তার্তঅপ ৩০০ হেনবগী থোরকপদা মতেং পাংলি। মহাক্না স্কাইরুৎ এরোস্পেস অমসুং অগ্নিকুল কোস্মোসকী মাইপাকপশিং অদু পল্লদুনা মসিনা নহাশিংনা লুচিংবা ইন্নোবেসন্না মতৌ করম্না ভারতপু অনৌবা তেক্নোলোজীশিংদা মালেমগী লুচিংবা অমা ওইহনবগে হায়বগী খুদম ওইরি।

অথিংবা থম্লিবা চৎন-কাঙলোনশিং কোমথোকপনা মমাংদা অরুবা আইনশিং অমসুং লাইসেন্স পীবগী চয়েৎনবা লৈরম্বা দ্রোন সেক্তরবু মতৌ করম্না হোংদোকহনবগে হায়বদু প্রধান মন্ত্রীনা পনখি। মহাক্না মখা তাখি, "মাইদ-ইন-ইন্দিয়া দ্রোনশিং অমসুং নমো দ্রোন দিদিসকুম্বা ইনিসিয়েতিবশিংগী খুত্থাংদা দ্রোন তেক্নোলোজীদা নহাশিংনা লুচিংদুনা চাউখৎপা, নেস্নেল সেক্যুরিতী অমসুং লৌউ-শিংউদা কান্নবা পীবা অচম্বা কাংলোনশিং শেম্লে" হায়না মহাক্না মখা তাখি।

মহাক্না মতম অমদা পব্লিক এন্তর্প্রাইজশিংনা দোমিনেৎ তৌখিবা দিফেন্স সেক্তরদা অচৌবা রিফোর্মশিং পাংথোকখিবগী ৱাফমসু থমখি। “ঙসিদি, দিফেন্স স্তার্ত অপ ১০০০ হেন্না ভারত্তা মথৌ তৌরি। নহা খরনা দ্রোনশিং শাগৎলি, অতোপ্পা অমনা এন্তি-দ্রোন সিস্তেমশিং শেমগৎলি, মীওই খরনা এ.আই. পাৱরদা কেমেরা শেমগৎলি, অদুগা অতোপ্পশিংনা রোবোতিক্সতা থবক তৌরি”, হায়না শ্রী মোদীনা হায়খি।

প্রধান মন্ত্রীনা দিজিতেল ইন্দিয়া ইনিসিয়েতিব অসিনা অনৌবা জেনরেসনগী ক্রিএতরশিং শেমগৎপদা অমসুং ভারতকী ওরেঞ্জ ইকোনোমী, কলচর, কন্তেন্ত অমসুং ক্রিএতিবিতীদা মীৎয়েং থমদুনা চাউখৎহনবদা পীরিবা ইথিল অদু পনখি। ভারতনা "ওরেঞ্জ ইকোনোমী" হায়বদি কলচর, কন্তেন্ত অমসুং ক্রিএতিবিতীদা মমাংদা অমুক্তা ওইখিদ্রিবা মওংদা চাউখৎলক্লি। মীদিয়া, ফিল্ম, গেমিং, ম্যুজিক, দিজিতেল কন্তেন্ত অমসুং ভি.আর.-এক্স.আর.গুম্বা লমশিংদা ভারত অসি মালেমগী মরুওইবা মফম অমা ওইরক্লি হায়না শ্রী মোদীনা ফোংদোকখি। “‘ৱার্ল্দ ওদিও-ভিজুএল এন্দ এন্তর্তেন্মেন্ত সমিৎ’ (ৱেবস) অসি নহা ওইরিবা ক্রিএতিবশিংগী মরুওইবা লোঞ্চ পেদ অমা ওইরে। অতোপ্পা ৱাহৈ অমদা হায়রবদা, সেক্তরগী মতাংদা করিগুম্বা খন্নরবসু, ঙসি ভারত্তা ঙমখৈ লৈতবা খুদোংচাবশিংগী থোঙ হাংলি” হায়না শ্রী মোদীনা মখা তাখি। মহাক্না নহারোলশিংদা মখোয়গী ৱাখল্লোনশিং অদু চাউনা থাজবা থমদুনা চৎথনবা হায়খি অমসুং সরকারনা মখা তানা মতেং পাংগনি হায়না থাজবা পীখি।

প্রধান মন্ত্রীনা হায়খি মদুদি হৌখিবা চহি তরা অসিদা হৌদোকখিবা রিফোর্ম এজেন্দা অসি নহারোলশিংবু মরুওইনা থমদুনা খোঙজেল য়াঙখৎলে। নহা ওইরিবা প্রোফেস্নেলশিং অমসুং ওন্তপ্রিন্যুওরশিংগীদমক প্রোসেসশিং লাইথোকহন্নবা অমসুং সেভিং হেনগৎহন্নবা খোঙথাংশিং ওইনা মহাক্না নেক্স জেনরেসনগী জি.এস.তি.গী রিফোর্মশিং অমসুং লুপা লাখ ১২ ফাওবগী তেক্স রিলিফশিং পনখি। এ.আই. অমসুং এদভান্স মেন্যুফেকচরিংনা পুরক্লিবা ইনর্জীগী দিমান্দ হেনগৎলক্লিবা অদু পল্লদুনা মহাক্না হায়খি মদুদি সিভিল ন্যুক্লিয়র ইনর্জী, শান্তি এক্ততা পুরকখিবা রিফোর্মশিং অসিনা পাৱর সপ্লাই অমা লৈহন্নবা, পাক-শন্না থবক ফংহন্নবা অমসুং শেন্মিৎলোনদা পোজিতিব স্পিলওভর ইফেক্তশিং লৈহন্নবা পান্দম থম্লি।

প্রধান মন্ত্রীনা মালেমগী ওইবা ৱার্কফোর্সকী অৱাৎপা অদু পনখি অমসুং ভারতকী নহারোলশিংবু মালেমগী ওইবা খুদোংচাবশিংগীদমক শেম-শাবগী স্ত্রেতেজীদা মরুওইবা পীখি। ভারতকী নহারোলশিংনা মালেমগী ওইনা ফংলিবা খুদোংচাবশিং অদুগীদমক শেম-শারিবা ওইহন্নবা ঐখোয়না হোৎনরি। মরম অসিনা, স্কিল দিবেলপমেন্তকা মরী লৈনবা সেক্তরশিংদা লেপ্তনা রিফোর্মশিং পাংথোক্লি। অনৌবা নেস্নেল এজুকেসন পোলিসীগী মতুংদা, হৌজিক হায়র এজুকেসনগা মরী লৈনবা রিগুলেসনশিং রিফোর্ম তৌরি হায়না মহাক্না অমুক হন্না ফোংদোকখি। “মপান লৈবাক্কী য়ুনিভর্সিতীশিংসু ভারত্তা মখোয়গী কেম্পসশিং হাংলি। হন্দক্তা, লুপা করোর লিশিং কয়াগী শেনফমগা লোয়ননা পি.এম. সেতু প্রোগ্রাম হৌদোকখ্রে। মসিগী মখাদা, আই.তি.আই. লিশিং কয়া অমা অপগ্রেদ তৌরগনি। মসিনা নহাশিংবু ইন্দস্ত্রীগী হৌজিক্কী অমসুং তুংগী মথৌ তাবশিংগা চুনবা ত্রেনিং পীবা ঙম্লগনি" হায়না শ্রী মোদীনা ফোংদোকখি।

লৈবাক অমনা মশা-মরোমদোম লেপচবা অমসুং চাউখৎপা ওইনবগীদমক্তা মশা-মরোমদোম থাজবা অসি তঙাইফদে হায়না প্রধান মন্ত্রীনা অকনবা ৱাফম থমখি। মাকৌলেগী কোলোনিএল মতমগী এজুকেসন পোলিসীশিংবু পল্লদুনা মহাক্না হায়খি মদুদি মখোয়না ইন্দিয়নশিংদা মখোয়গী হেরিতেজ, প্রদক্তশিং অমসুং তৌবা ঙম্বশিংগা মরী লৈননা মশাগী থাক নেম্বগী ৱাখল্লোন অমা পোকহল্লি। ভারতকী নহারোলশিংদা ৱাখল্লোন অসিবু কোকহন্নবা অপুনবা ৱারেপ লৌনবা তকশিনখি। শ্রী মোদীনা হায়খি, "চহি ১০গী মনুংদা, মাকৌলাগী থৌনা ফরবা পোলিসীশিং অসি চহি ২০০ মপুং ফারগনি। মরম অসিনা, লৈবাক অসিগী নহারোল খুদিংমক্না ৱাখল্লোন অসিদগী ভারতপু কোকহন্নবা ৱারেপ লৌগদবনি।"

প্রধান মন্ত্রীনা ভারতকী মশাগী হেরিতেজবু ইকাই খুম্নবা অদুগা গ্লোবেল নোলেজগীদমক্তা ওপন ওইবগী মরুওইবা অদু পনখি। মহাক্না বেদিক্কী ৱাহৈ 'অনো ভাদ্রাহ ক্রতোভো য়ন্তু বিশ্বাতাহ' হায়বদি, মায়কৈ খুদিংদগী অফবা, কান্নবা অমসুং অফবা ৱাখল্লোনশিং লাকপীয়ু হায়বা ৱাহৈ অসি পনখি। "অদোম্না মালেম শিনবা থুংনা লৈরিবা খ্বাইদগী ফবা থবকশিং অসিদগী তমগদবনি, অদুবু অদোমগী হেরিতেজ অমসুং ৱাখল্লোনশিংবু হন্থনা লৌবগী চৎনবী অসি লৈহন্দনবা হোৎনগদবনি" হায়না শ্রী মোদীনা ফোংদোকখি।

শ্রী মোদীনা স্বামী বিবেকানন্দগী ৱাফম পনখি মহাক্না মালেমগী ৱাখল্লোনশিংবু শৌগৎখি অদুবু ভারতকী মরমদা লৈরম্বা অরানবা ৱাখল্লোনশিংবু শিংন্দুনা অফবা জাতি অমগী মঙলানদা ইথিল পীরি। মহাক্না নহারোলশিংবু থৌনা লৈনা মাংলোমদা চংশিন্নবা, ফিৎনেস ঙাক্তুনা লৈনবা অমসুং মখোয়গী ওইথোকপা য়াবশিং অদুদা থাজবা থমদুনা নুংঙাইবা ফোংদোক্নবা পুক্নিং থৌগৎখি। “ঐহাক্না ময়াম পুম্নমকপু, অদোমগী তৌবা ঙম্বশিং অমসুং থৌনা অদুদা মপুং ফানা থাজবা থম্লি। ৱাহৈশিং অসিগা লোয়ননা, ঐহাক্না অমুক্কা হন্না ময়াম পুম্নমকপু নেস্নেল য়ুথ দেগী য়াইফ পাউজেল পীজরি" হায়না প্রধান মন্ত্রীনা ফোংদোক্লদুনা ৱারোল পীবা লোইশিনখি।

***