ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଗୁଜରାଟର ସୋମନାଥଠାରେ ସୋମନାଥ ସ୍ବାଭିମାନୀ ପର୍ବର ଝଲକ ସେୟାର କରିଛନ୍ତି।

ଏକ୍ସରେ ଅଲଗା ଅଲଗା ପୋଷ୍ଟରେ ଶ୍ରୀ ମୋଦୀ ଲେଖିଛନ୍ତି:

"ସୋମନାଥ ଚିରନ୍ତନ ଦେବତ୍ୱର ଆଲୋକବର୍ତ୍ତିକା ଭାବେ ଛିଡ଼ା ହୋଇଛନ୍ତି। ଏହାର ପବିତ୍ର ଉପସ୍ଥିତି ପିଢ଼ି ପରେ ପିଢ଼ିକୁ ମାର୍ଗଦର୍ଶନ ଜାରି ରଖିଛି। ଓଁକାର ମନ୍ତ୍ର ଜପ ଏବଂ ଡ୍ରୋନ୍ ଶୋ ସମେତ ଗତକାଲି କାର୍ଯ୍ୟକ୍ରମର ମୁଖ୍ୟାଂଶ ଏଠାରେ ଅଛି ।’’

#SomnathSwabhimanParv”

"ପବିତ୍ର ଏବଂ ଦିବ୍ୟ ସୋମନାଥ ଧାମରେ ପ୍ରଣାମ କରିବାର ସୌଭାଗ୍ୟ ପାଇଲି। ଏହି ଅନୁଭୂତି ଶାନ୍ତିଦାୟକ ଏବଂ ସକାରାତ୍ମକ ଶକ୍ତିରେ ପରିପୂର୍ଣ୍ଣ ଥିଲା। ଭଗବାନ ସୋମନାଥଙ୍କ କୃପା ସର୍ବଦା ସମସ୍ତ ଦେଶବାସୀଙ୍କ ଉପରେ ରହୁ, ଏହା ହେଉଛି ଇଚ୍ଛା ।’’

"ସୋମନାଥରେ, ସାହସୀ ବୀର ହମିରଜୀ ଗୋହିଲଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲି। ବର୍ବରତା ଏବଂ ହିଂସା ପରେ ସେ ସାହସ ଏବଂ ଦୃଢ଼ ସଂକଳ୍ପର ପ୍ରତୀକ ଭାବରେ ଠିଆ ହୋଇଛନ୍ତି। ତାଙ୍କର ସାହସିକତା ଆମ ସଭ୍ୟତାର ସ୍ମୃତିରେ ଚିରଦିନ ପାଇଁ ଲିପିବଦ୍ଧ ହୋଇ ରହିବ। ତାଙ୍କ ସାହସରେ ସେହିମାନଙ୍କ ପାଇଁ ସମୟୋଚିତ ଉତ୍ତର ରହିଛି ଯେଉଁମାନେ ବିଶ୍ୱାସ କରୁଥିଲେ ଯେ ପାଶବିକ ଶକ୍ତି ଆମ ସଭ୍ୟତାକୁ ପଦଦଲିତ କରିପାରିବ ।’’

"ଆଜି ଆମେ ଯେଉଁ ସୋମନାଥ ମନ୍ଦିର ଦେଖୁଛୁ, ତାହା ଯଦି ମହାନ ସର୍ଦ୍ଦାର ପଟେଲଙ୍କ ବିନା ତାହା ବାସ୍ତବତାରେ ପରିଣତ ହୋଇନଥାଆନ୍ତା। ୧୯୪୭ ମସିହାରେ ଦୀପାବଳି ସମୟରେ ଏକ ଗସ୍ତ ତାଙ୍କୁ ଏତେ ମାତ୍ରାରେ ପ୍ରଭାବିତ କରିଥିଲା ଯେ ସେ ସେଠାରେ ଏକ ଭବ୍ୟ ମନ୍ଦିର ପୁନଃନିର୍ମାଣ କରିବାକୁ ପ୍ରତିଶୃତି ଦେଇଥିଲେ। ୧୯୫୧ ମସିହା ମେ’ ମାସରେ ଯେତେବେଳେ ମନ୍ଦିର ଏହାର ଦ୍ୱାର ଖୋଲିଥିଲା, ସେତେବେଳେ ସର୍ଦ୍ଦାର ସାହେବ ସେଠାରେ ନଥିଲେ, କିନ୍ତୁ ତାଙ୍କର ଅଦମ୍ୟ ଇଚ୍ଛାଶକ୍ତି ଏବଂ ଦୂରଦୃଷ୍ଟି ଏହି ଦିବ୍ୟ ମନ୍ଦିର ପରିସରରେ ପ୍ରତିଫଳିତ ହୋଇଛି ।’’

"ଭେଗଡାଜୀ ଭିଲଙ୍କ ସାହସ ସୋମନାଥଙ୍କ ଇତିହାସର ଏକ ଅବିଚ୍ଛେଦ୍ୟ ଅଙ୍ଗ। ଅମାନବୀୟ ହିଂସାର ଧମକ ଦ୍ୱାରା ଭୟଭୀତ ହେବାକୁ ମନା କରି ସେ ପବିତ୍ର ମନ୍ଦିରର ସୁରକ୍ଷାରେ ଦୃଢ ଭାବରେ ଠିଆ ହୋଇଥିଲେ। ତାଙ୍କ ଜୀବନ ଆମକୁ ଦର୍ଶାଉଛି ଯେ ସୋମନାଥଙ୍କ ଶକ୍ତି ସର୍ବଦା ଭାରତ ମାତାଙ୍କ ଅସଂଖ୍ୟ ସନ୍ତାନଙ୍କ ସଂକଳ୍ପରୁ ଆସିଛି ଯେଉଁମାନେ ଏହି ପ୍ରତିଷ୍ଠିତ ମନ୍ଦିରକୁ ସୁରକ୍ଷା ଦେଇ ଚାଲିଥିଲେ ।’’

"ସୋମନାଥ ସ୍ବାଭିମାନୀ ପର୍ବର ଶୌର୍ଯ୍ୟ ଯାତ୍ରାରେ ଯୋଗ ଦେଇ ଅତ୍ୟନ୍ତ ଗର୍ବିତ। ଏହି ଅବସରରେ, ମନ୍ଦିରର ସୁରକ୍ଷାରେ ନିଜୀବନକୁ ଉତ୍ସର୍ଗ କରିଥିବା ମା ଭାରତୀଙ୍କ ଅଗଣିତ ସାହସୀ ପୁତ୍ରମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବାର ସୌଭାଗ୍ୟ ମୋତେ ମିଳିଥିଲା। ତାଙ୍କର ଅଦମ୍ୟ ସାହସ ଏବଂ ବୀରତ୍ୱ ଦେଶବାସୀଙ୍କୁ ସର୍ବଦା ପ୍ରେରଣା ଯୋଗାଇବ ।’’

"ସୋମନାଥ ଠାରେ ବୀର ହମିରଜୀ ଗୋହିଲଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲି। ନିଷ୍ଠୁରତା ଏବଂ ହିଂସା ସମୟରେ ସେ ସାହସ ଏବଂ ସଂକଳ୍ପର ପ୍ରତୀକ ଭାବେ ଛିଡ଼ା ହୋଇଥିଲେ। ତାଙ୍କର ବୀରତ୍ୱ ଦେଶବାସୀଙ୍କ ସ୍ମୃତିରେ ଯୁଗ ଯୁଗ ଧରି ଲିପିବଦ୍ଧ ହୋଇ ରହିବ। ସେମାନଙ୍କର ସାହସ ଏବଂ ବୀରତ୍ୱ ଦର୍ଶାଉଛି ଯେ ଭାରତର ସଂସ୍କୃତିକୁ କୌଣସି ଶକ୍ତି ଦ୍ୱାରା ଦୁର୍ବଳ କରାଯାଇପାରିବ ନାହିଁ ।’’

"ଯଦି ଦେଶରେ ସର୍ଦ୍ଦାର ପଟେଲଙ୍କ ଭଳି ଜଣେ ମହାନ ବ୍ୟକ୍ତିତ୍ୱ ନଥାନ୍ତେ, ତେବେ ଆମେ ଆଜି ସୋମନାଥ ମନ୍ଦିରକୁ ଏଭଳି ରୂପରେ ଦେଖି ପାରି ନଥାନ୍ତୁ। ୧୯୪୭ ମସିହାରେ ଦୀପାବଳି ସମୟରେ ଏଠାକୁ ଏକ ଗସ୍ତ ତାଙ୍କୁ ଏତେ ପ୍ରଭାବିତ କରିଥିଲା ଯେ ସେ ଏକ ଭବ୍ୟ ମନ୍ଦିରର ପୁନଃନିର୍ମାଣ ପାଇଁ ସଂକଳ୍ପ ନେଇଥିଲେ। ମେ ୧୯୫୧ ରେ ଭକ୍ତମାନଙ୍କ ପାଇଁ ମନ୍ଦିରର ଦ୍ୱାର ଖୋଲାଯିବା ସମୟରେ ସର୍ଦ୍ଦାର ସାହେବ ଆମ ମଧ୍ୟରେ ନଥାଇପାରନ୍ତି, କିନ୍ତୁ ତାଙ୍କର ଅଦମ୍ୟ ଇଚ୍ଛା ଏବଂ ଦୃଷ୍ଟି ଏହି ଦିବ୍ୟ ମନ୍ଦିର ପରିସରରେ ସ୍ପଷ୍ଟ ଭାବରେ ଦୃଶ୍ୟମାନ ହୋଇଥିଲା ।’’

"ବେଗଡାଜୀ ଭିଲଜୀଙ୍କ ବୀରତ୍ୱ ସୋମନାଥଙ୍କ ଇତିହାସର ଏକ ଅବିଚ୍ଛେଦ୍ୟ ଅଙ୍ଗ। ହିଂସାର ଧମକ ଦ୍ୱାରା ବିଚଳିତ ନହୋଇ, ସେମାନେ ଏହି ପବିତ୍ର ମନ୍ଦିରର ସୁରକ୍ଷାରେ ଅଟଳ ରହିଥିଲେ। ତାଙ୍କ ଜୀବନ ଆମକୁ ଶିକ୍ଷା ଦିଏ ଯେ ସୋମନାଥଙ୍କୁ ରକ୍ଷା କରିବା ପାଇଁ ମା ଭାରତୀଙ୍କ ପିଲାମାନଙ୍କ ସଂକଳ୍ପ କେତେ ଦୃଢ  ।’’

"ପବିତ୍ର ସୋମନାଥ ମନ୍ଦିରରେ ଆମ ମାତୃଶକ୍ତି ଯେଉଁଭଳି ଭାବେ ଅଂଶଗ୍ରହଣ କରିଥିଲେ, ତାହା ଅତୁଳନୀୟ। ସୋମନାଥଙ୍କ ମହିମା, ଦେବତ୍ୱ ଏବଂ ଅଖଣ୍ଡତାରେ ସେ ସର୍ବଦା ଏକ ବଡ଼ ଭୂମିକା ଗ୍ରହଣ କରିଛନ୍ତି ।’’

"ସୋମନାଥ ସ୍ବାଭିମାନ ପର୍ବ ହେଉଛି ବିଶ୍ୱାସ ଏବଂ ଧୈର୍ଯ୍ୟର । ସୋମନାଥ ଅସଂଖ୍ୟ ବଳିଦାନର ସ୍ମୃତି ବହନ କରନ୍ତି, ଯାହା ଆମକୁ ନିରନ୍ତର ପ୍ରେରଣା ଦେଉଛି। ଏହା ଦେବତ୍ୱ ଏବଂ ସଭ୍ୟତାର ମହାନତା ବିଷୟରେ ମଧ୍ୟ ସେତିକି। ଏଗୁଡ଼ିକ ହେଉଛି ଆଜିର ବିଶେଷତ୍ୱ । "

"ସୋମନାଥ ସ୍ବାଭିମାନୀ ପର୍ବ ଅବସରରେ, ମୁଁ ସେହି ସମସ୍ତ ସାହସୀ ବ୍ୟକ୍ତିମାନଙ୍କୁ ପ୍ରଣାମ ଜଣାଉଛି, ଯେଉଁମାନେ ସୋମନାଥଙ୍କୁ ସୁରକ୍ଷା ଦେବା ଏବଂ ମନ୍ଦିରର ପୁନଃନିର୍ମାଣକୁ ନିଜୀବନର ଲକ୍ଷ୍ୟ ଭାବେ ଗ୍ରହଣ କରିଥିଲେ। ଏହି ଲକ୍ଷ୍ୟ ହାସଲ କରିବା ପାଇଁ ସେ ମହାଦେବଙ୍କୁ ସବୁକିଛି ପ୍ରଦାନ କରିଥିଲେ।’’

ଅନେକ ଶତାବ୍ଦୀ ଧରି ଭାରତକୁ ଧ୍ୱଂସ କରିବା ପାଇଁ ବିଦେଶୀ ଆକ୍ରମଣକାରୀଙ୍କ ଦ୍ୱାରା ନିରନ୍ତର ପ୍ରୟାସ କରାଯାଇଥିଲା। କିନ୍ତୁ ନା ସୋମନାଥ ଧ୍ୱଂସ ହେଲା, ନା ଭାରତ! ।’’

"ସୋମନାଥ ସ୍ବାଭିମାନୀ ପର୍ବ ଇତିହାସର ଗୌରବର ପର୍ବ ସହିତ ଏହା ଭବିଷ୍ୟତ ପାଇଁ ଏକ ସମୟହୀନ ଯାତ୍ରାକୁ ଜୀବନ୍ତ କରିବାର ଏକ ମାଧ୍ୟମ ମଧ୍ୟ। ଆମକୁ ଏହି ସୁଯୋଗର ଉପଯୋଗ ନିଜର ଅସ୍ତିତ୍ୱ ଏବଂ ପରିଚୟକୁ ସୁଦୃଢ଼ କରିବା ପାଇଁ ଉପଯୋଗ କରିବାକୁ ହେବ। ’’

‘‘ହୃଦୟ ଜିତି କିପରି ବଞ୍ଚିବାକୁ ହୁଏ ତାହା ଭାରତ ବିଶ୍ୱକୁ ଶିଖାଇଛି। ଏହା ହିଁ ସୋମନାଥଙ୍କ ହଜାର ବର୍ଷର ଗାଥା ସମଗ୍ର ମାନବଜାତିକୁ ଶିକ୍ଷା ଦେଉଛି।’’

HS