প্রধান মন্ত্রী শ্রী নরেন্দ্র মোদীগী লুচিং মখাদা চহী তরাগী খোঙচৎ অসিদা কোওপরেতিব, রিজল্ত দাইরেক্ত গবর্নান্সকী মরুওইবা মাইলস্তোন অমা ওইরদুনা প্রো-এক্তিব গবর্নান্স অমসুং মতম চানা ইমপ্লিমেন্ত তৌনবা আই.সি.তি. শীজিন্নরবা মলতি মোদেল প্লেৎফোর্ম হায়বা প্রগতিগী ৫০শুবা মীফমদা প্রধান মন্ত্রী শ্রী নরেন্দ্র মোদীনা ঙসি ময়াই তাংবল লৌখি। মায় পাকপা অসিনা করম্না তেক্নোলোজীনা মতেং পাংলিবা লুচিংবা, রিএল-তাইম মোনিতরিং অমসুং তুং কোইনা চৎনদুনা লাক্লিবা সেন্তর-স্তেৎ কোলাবোরেসননা নেস্নেল প্রাইওরিতিশিং অসি করম্না থবক্তা ওন্থোকপা ঙম্বগে হায়বদু উৎলে।

৫০শুবা প্রগতিদা পাংথোকখিবা রিভ্যু

মীফম অদুদা প্রধান মন্ত্রীনা লম্বী, রেলৱেজ, পাৱর, ৱাতর রিসোর্স অমসুং কোইলা য়াওনা সেক্তরশিংগী মরক্তা মরুওইবা ইনফ্রাস্ত্রকচর প্রোজেক্ত মঙা য়েংশিনখি। প্রোজেক্তশিং অসি রাজ্য ৫দা শন্দোক্না চৎকনি। মসিগী অপুনবা শেনফম লুপা করোর ৪০,০০০ হেনগনি।

পি.এম.এস.আর.আই. স্কিমগী খন্ন-নৈনবগী মনুংদা, পি.এম.এস.আর.আই. স্কিম অসি হোলিস্তিক ওইবা অমসুং তুংলমচৎকীদমক শেম-শারিবা স্কুল এজুকেসনগীদমক নেস্নেল বেঞ্চমার্ক অমা ওইহনগদবনি হায়না প্রধান মন্ত্রীনা অকনবা ৱাফম থমখি। মহাক্না চীফ সেক্রেতরী পুম্নমক্তা পি.এম.এস.আর.আই. স্কিম অসি কুপ্না য়েংশিন্নবা হায়খি। পি.এম.ঐচ.আর.আই. স্কুলশিং অসি রাজ্য সরকারগী অতোপ্পা স্কুলশিংগী বেঞ্চমার্ক অমা ওইহন্নবা হোৎনগদবনি হায়না মহাক্না মখা তানা অকনবা ৱাফম থমখি। মহাক্না হায়খি মদুদি সরকারগী সেনিয়র ওফিসরশিংনা পি.এম.এস.আর.আই. স্কুলশিংগী থবকশিং য়েংশিন্নবা ফিল্দ ভিজিৎ তৌগদবনি।

অখন্নবা থৌরম অসিদা, প্রধান মন্ত্রী শ্রী নরেন্দ্র মোদীনা মাইলস্তোন অসি হৌখিবা চহী তরা অসিদা ভারতনা লৈঙাকপগী চৎনবীদা থেংনখিবা অচৌবা অহোংবা অমগী খুদমনি হায়না ফোঙদোকখি। প্রধান মন্ত্রীনা হায়খি মদুদি ৱারেপশিং মতম চানা লৌবা, কোওর্দিনেসন ইফেক্তিব ওইহনবা অমসুং একাউন্তেবিলিতী ফিক্স তৌবনা গবর্নমেন্তকী থবকশিং য়াংনা পাংথোকপা হেনগৎহল্লি অমসুং মসিগী ইথিল অসি নাগরিকশিংগী পুন্সিদা হকথেংননা উবা ফংই।

প্রগতিগী হৌরকফম

খোংথাং অসিগী হৌরকফম অদু নীংশিংলদুনা, প্রধান মন্ত্রীনা হায়খি মদুদি গুজরাতকী মুখ্য মন্ত্রী ওইনা মহাক্না তেক্নোলোজীগী মতেংগা লোয়ননা স্বগৎ (তেক্নোলোজী শিজিন্নদুনা গ্রিভান্সশিংদা স্তেত ৱাইদ এটেন্সন) প্লেৎফোর্ম হৌদোকখি। মসিনা দিসিপ্লিন, ত্রান্সপরেন্সী অমসুং মতমগী মতুং ইন্না থবক লৌখৎতুনা মীয়ামগী ৱাকৎশিং খঙবা অমসুং কোকহন্নবা হোৎনগনি।

মসিগী এক্সপরিয়েন্স অদুদা য়ুম্ফম ওইদুনা, কেন্দ্রদা ওফিস পায়রক্লবা মতুংদা, মহাক্না মান্নবা ৱাখল্লোন অসি প্রগতিগী খুত্থাংদা লৈবাক শীনবা থুংনা পাকথোক-চাউথোকহনখি। মহাক্না অচৌবা প্রোজেক্তশিং, অচৌবা প্রোগ্রামশিং অমসুং গ্রিভেন্স রিদ্রেসেলবু রিভিয়ু, রিজোলুসন অমসুং ফোলো-অপকীদমক্তা ইন্তিগ্রেতেদ প্লেৎফোর্ম অমদা পুন্সিনখি।

পাক চাউবা অমসুং শাফু

প্রধান মন্ত্রীনা হায়খি মদুদি চহি কয়াগী মমাংদা প্রগতিনা লুচিংবা ইকোসিস্তেম অসিনা লুপা কোতি লাখ ৮৫ হেনবগী প্রোজেক্তশিং য়াঙখৎহনবদা মতেং পাংখি অমসুং মরুওইবা য়াইফ-থৌরাংগী প্রোগ্রামশিং মফম অদুদা পাক-শন্না পায়খৎপদা মতেং পাংখি।

২০১৪দগী হৌদুনা, প্রোজেক্ত ৩৭৭ প্রগতিগী মখাদা য়েংশিনখ্রে। প্রোজেক্তশিং অসিগী মনুংদা, মশক খঙদোক্লবা ইসু ৩১৬২গী মনুংদা ২৯৫৮, হায়বদি চাদা ৯৪গী চাংদা ৱারোইশিন পুরক্লে। মসিনা অথিংবা, শেল হেনগৎলকপা অমসুং কোওর্দিনেসনগী অশোয়বা কয়া হন্থহনখ্রে।

প্রধান মন্ত্রীনা হায়খি মদুদি ভারতনা খোঙজেল য়াংনা চংশিল্লকপগা লোয়ননা, প্রগতিগী মরুওইবা অসি হেন্না হেনগৎলক্লি। মহাক্না হায়খি মদুদি রিফোর্মগী খোঙজং অসি লেপ্তনা চংশিন্নবা অমসুং থবকশিং পাংথোক্নবা প্রগতি অসি তঙাইফদবনি।

মতম শাংনা লেপ্লুরবা প্রোজেক্তশিং লোইশিনবা

প্রধান মন্ত্রীনা হায়খি মদুদি ২০১৪দগী হৌদুনা সরকারনা থবক পাংথোকপা অমসুং পাউখুম পীরকপা অসি ইন্সতিত্যুস্নেলাইজ তৌনবা থবক পায়খৎলি। মসিনা থবকশিং অসি মতম চানা অমসুং বজেৎকী মনুংদা লোইশিন্নবা অমসুং তুং কোইনা থবক পায়খৎনবা সিস্তেম অমা শেমগৎলি। মহাক্না হায়খি মদুদি মমাংদা হৌদোকখিবা অদুবু লোইশিনখিদবা প্রোজেক্তশিং নৎত্রগা কাওথোক্লুরবশিং লৈবাক অসিগী কান্ননবগীদমক্তা অমুক হন্না পুথোকতুনা লোইশিনখ্রে।

চহি কয়াগী মমাংদগী লেপতুনা লাক্লবা প্রোজেক্ত কয়া অমা লোইশিনখ্রে নৎত্রগা প্রগতি প্লেতফোর্মগী মখাদা লৌখৎলবা মতুংদা ৱারেপ লৌদুনা উরেপ উয়ুং তমখ্রে। মখোয়শিং অদুদি ১৯৯৭তা অহানবা ওইনা খল্লম্বা অসামগী বোগিবিল রেল-কম রোদ ব্রিজ, ১৯৯৫দা থবক হৌখিবা জম্মু-উধমপুর-শ্রীনগর-বারামুলা রেল লিঙ্ক, ১৯৯৭দা ৱাখল্লোন শেমখিবা নবি মুম্বাই ইন্তরনেস্নেল এয়রপোর্ত, ২০০৭দা অয়াবা পীরবা ভীলাই স্তীল প্লান্তগী মোদর্নাইজেসন অমসুং এক্সপেন্দিসন, অমসুং মথংশিৎনা ২০০৮ অমসুং ২০০৯দা অয়াবা পীরবা গদরৱারা অমসুং লারা সুপর থর্মেল পাৱর প্রোজেক্তশিং অসিনি। মসিগী মহৈশিং অসিনা অৱাংবা থাক্তা লেপ্পা মোনিতরিং অমসুং ইন্তর-গবর্নমেন্তেল কোওর্দিনেসনগী ইম্পেক্ত অদু উৎলি।

সিলোদগী তীম ইন্দিয়াদা ওন্থোকপা

প্রধান মন্ত্রীনা পনখি মদুদি প্রোজেক্তশিং অসি লোইশিনগে খন্দবনা মরম ওইদুনা মায় পাকপা ঙমদবা খক্তা নত্তে, কয়া অমনা কোওর্দিনেসন লৈতবনা অমসুং সিলোদা য়ুম্ফম ওইবা থবক তৌবনা মরম ওইদুনা মায় পাকপা ঙমদে। মহাক্না হায়খি মদুদি প্রগতিনা স্তেকহোল্দর পুম্নমকপু প্লেৎফোর্ম অমদা পুন্সিন্দুনা অমসুং অপুনবা মহৈ অমা ফংনবা হোৎনদুনা মসিগী মায়োক্তা পুরকপদা মতেং পাংলি।

মহাক্না প্রগতিবু কোওপরেতিব ফেদরেলিজমগী ইফেক্তিব মোদেল অমা ওইনা শন্দোক্না তাকখি, মসিদা কেন্দ্র অমসুং রাজ্যশিংনা তীম অমগুম্না থবক তৌরি, অমসুং মিনিস্ত্রীশিং অমসুং দিপার্তমেন্তশিংনা প্রোব্লেমশিং কোকহন্নবগীদমক্তা সিলোদগী হেন্দুনা য়েংলি। প্রধান মন্ত্রীনা হায়খি মদুদি হৌরকপদগী ভারত সরকারগী সেক্রেতরী ৫০০ অমসুং রাজ্যশিংগী চীফ সেক্রেতরীশিংনা প্রগতি মীফমশিংদা শরুক য়াখ্রে। মহাক্না মখোয়বু মখোয়গী শরুক য়াবা, থৌদাং লৌবা, অমসুং গ্রাউন্দ লেভেলদা খঙমিন্নবগীদমক থাগৎপা ফোংদোকখি। মসিনা প্রগতিবু রিভিয়ু ফোরম অমদগী অশেংবা প্রোব্লেম সোল্বিং প্লেৎফোর্ম অমদা ওন্থোকপদা মতেং পাংলি।

প্রধান মন্ত্রীনা হায়খি মদুদি সরকারনা সেক্তর পুম্নমক্তা তুংকোইনা ইনবেস্তমেন্ত তৌদুনা, নেস্নেল প্রাইওরিতিশিংগীদমক মতিক চাবা রিসোর্সশিং লৈহন্নবা হোৎনরি। মহাক্না মন্ত্রালয় অমসুং রাজ্য খুদিংমক্তা প্লানিংদগী হৌরগা এক্সিক্যুতিব ফাওবগী চেন মপুং ফানা মপাঙ্গল কনখৎহন্নবা, তেন্দরদগী গ্রাউন্দ দেলিভরী ফাওবদা থেংথবা হন্থহন্নবা হায়খি।

রিফোর্ম, পর্ফোর্ম, ত্রান্সফোর্ম তৌবা

থৌরম অদুদা প্রধান মন্ত্রীনা মথংগী তাঙ্কক্কীদমক ময়েক শেংনা থাজবা থমখি। রিফোর্ম, পর্ফোর্ম অমসুং ত্রান্সফোর্মগী মহাক্কী মিৎয়েং অদু পল্লদুনা মহাক্না হায়খি, "রিফোর্ম তৌদুনা অচম্বা ওইহল্লু, পর্ফোর্ম তৌদুনা ফংহল্লু, ত্রান্সফোর্ম তৌদুনা ইম্পেক্ত তৌহল্লু।"

মহাক্না হায়খি রিফোর্মগী ৱাহন্থোক্তি প্রোসেসতগী সোলুসনশিংদা চংশিনবা, প্রোসিদ্যুরশিং লাইথোকহনবা অমসুং ইজ ওফ লিভিং অমসুং ইজ ওফ দুইং বিজিনেসকীদমক্তা সিস্তেমশিংবু হেন্না মরুপ-মপাং ওইহনবা হায়বসিনি।

মহাক্না হায়খি মদুদি পর্ফোর্ম হায়বসিনা মতম, মমল অমসুং ক্বালিতীদা চপ মান্ননা মীৎয়েং চংবা হায়বদু ওইগদবনি। মহাক্না মখা তাখি মদুদি প্রগতিগী খুত্থাংদা রিজল্ত দাইরেক্ত গবর্নান্স মপাঙ্গল কনখৎলে অমসুং হৌজিক্তি হেন্না মপুং ফানা চৎকদবনি।

মহাক্না মখা তানা হায়খি মদুদি ত্রান্সফোর্ম অসি নাগরিকশিংনা মতম চানা সর্ভিসশিং ফংহনবা, অৱা-অনাগী ৱারোইশিন থুনা পুরকপা অমসুং পুন্সি মহিং লাইথোকহনবগী মতাংদা তশেংনা খল্লিবা অদুগী মতুং ইন্না য়েংগদবনি।

প্রগতি অমসুং ২০৪৭দা ভিক্সিৎ ভারতকী খোঙচৎ

প্রধান মন্ত্রীনা হায়খি মদুদি ২০৪৭ ফাওবদা বিক্সিত ভারত অসি নেস্নেল রিজোল্ব অমসুং মতমগী ওইবা পান্দম অনিমক ওইরি অমসুং মদু ফংনবগীদমক প্রগতি অসি শক্তি লৈবা এক্সিলরেতর অমনি। প্রধান মন্ত্রীনা রাজ্যশিংদা মরুওইনা সোসিএল সেক্তরগীদমক চীফ সেক্রেতরীগী থাক্তা প্রগতিগী মওং মতৌগী ওইবা মেকানিজমশিং ইনস্তিত্যুস্নেল ওইনা শেম্নবা পুক্নিং থৌগৎখি।

প্রগতিবু মথংগী থাক্তা পুখৎনবা, প্রধান মন্ত্রীনা প্রোজেক্ত লাইফ সাইকলগী ফেজ খুদিংমক্তা তেক্নোলোজী শিজিন্নবদা মরুওইবা পীখি।

প্রধান মন্ত্রীনা মখা তাখি মদুদি প্রগতি@50 অসি খক্তমক মাইলস্তোন অমা নত্তে, মসি অচেৎপা থৌদাং অমনি। নাগরিকশিংগীদমক হেন্না থুনা থবক পায়খৎপা, হেন্না মগুন লৈবা অমসুং চাং নাইবা মহৈ ফংহন্নবা লাক্কদৌরিবা চহিশিংদা প্রগতিবু হেন্না মপাঙ্গল কনখৎহনগদবনি।

কেবিনেৎ সেক্রেতরীনা পীবা পাউদম

৫০শুবা প্রগতি মাইলস্তোনগী থৌরমদা কেবিনেৎ সেক্রেতরীনা প্রগতিগী মরুওইবা মাইপাকপশিং অদু শন্দোক্না তাক্লদুনা অমসুং মসিনা মতৌ করম্না ভারতকী মোনিতরিং অমসুং কোওর্দিনেসন ইকোসিস্তেম, ইন্তর-মিনিস্ত্রীএল অমসুং সেন্তর-স্তেৎ ফোলোৱর থ্রো-থ্রুবু মপাঙ্গল কনখৎহনবা, অমসুং প্রোজেক্তশিং অথুবা মতমদা পায়খৎপা, স্কিমশিং অমসুং প্রোগ্রামশিং লেপ্তনা পীবা অমসুং মীয়ামগী অৱাবশিং ক্বালিতী রেজোলুসন তৌবগী মহৈ অমা ওইরিবা মতম চানা লোইশিনবগী চৎনবী অমা মপাঙ্গল কনখৎহনবগে হায়বদু শন্দোক্না তাক্লদুনা অতেনবা প্রজেন্তেসন অমা পীখি।

***