ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
୨୬ ଡିସେମ୍ବରରେ ‘ବୀର ବାଲ ଦିବସ’ ଉପଲକ୍ଷେ ଆୟୋଜିତ କାର୍ଯ୍ୟକ୍ରମରେ ଯୋଗ ଦେବେ ପ୍ରଧାନମନ୍ତ୍ରୀ
प्रविष्टि तिथि:
25 DEC 2025 5:37PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆସନ୍ତା କାଲି ଦିନ ୧୨:୧୫ ସମୟରେ ନୂଆଦିଲ୍ଲୀର ଭାରତ ମଣ୍ଡପମ୍ ଠାରେ ‘ବୀର ବାଲ ଦିବସ’ ଉପଲକ୍ଷେ ଆୟୋଜିତ ଜାତୀୟ କାର୍ଯ୍ୟକ୍ରମରେ ଯୋଗଦେବେ । ଏହି ଅବସରରେ ପ୍ରଧାନମନ୍ତ୍ରୀ ସମାବେଶକୁ ସମ୍ବୋଧିତ ମଧ୍ୟ କରିବେ ।
ବୀର ବାଲ ଦିବସ ଉପଲକ୍ଷେ, ଭାରତ ସରକାର ସମଗ୍ର ଦେଶରେ ଅନେକ କାର୍ଯ୍ୟକ୍ରମ ଆୟୋଜନ କରୁଛନ୍ତି । ଏହାର ଉଦ୍ଦେଶ୍ୟ ହେଉଛି ଶ୍ରୀ ଗୁରୁ ଗୋବିନ୍ଦ ସିଂହଙ୍କ ପୁଅ ସାହିବଜାଦେ ବାବା ଜୋରାୱର ସିଂହ ଏବଂ ବାବା ଫତେହ ସିଂହଙ୍କ ଅସାଧାରଣ ସାହସ ଏବଂ ସର୍ବୋଚ୍ଚ ବଳିଦାନ ବିଷୟରେ ନାଗରିକମାନଙ୍କୁ ସୂଚନା ଦେବା ଓ ଶିକ୍ଷିତ କରିବା ତଥା ଭାରତୀୟ ଇତିହାସର ଯୁବ ନାୟକମାନଙ୍କ ଅଦମ୍ୟ ସାହସ, ତ୍ୟାଗ ଏବଂ ବୀରତ୍ୱକୁ ସମ୍ମାନିତ କରିବା ତଥା ସ୍ମରଣ କରିବା । ଏହି କାର୍ଯ୍ୟକଳାପ ମଧ୍ୟରେ ନାୟକମାନଙ୍କ ବିଷୟରେ କାହାଣୀ ଅଧିବେଶନ, କବିତା ପାଠୋତ୍ସବ, ପୋଷ୍ଟର ତିଆରି ଏବଂ ପ୍ରବନ୍ଧ ଲିଖନ ପ୍ରତିଯୋଗିତା ଇତ୍ୟାଦି ହେବାର କାର୍ଯ୍ୟକ୍ରମ ରହିଛି । ଏଗୁଡିକ ସ୍କୁଲ, ଶିଶୁ ଯତ୍ନ ପ୍ରତିଷ୍ଠାନ, ଅଙ୍ଗନୱାଡି କେନ୍ଦ୍ର ଏବଂ ଅନ୍ୟାନ୍ୟ ଶିକ୍ଷାଗତ ଅନୁଷ୍ଠାନରେ ତଥା ମାଇଗଭ୍ ଏବଂ ମାଇଭାରତ ପୋର୍ଟାଲରେ ଅନ୍ଲାଇନ୍ କାର୍ଯ୍ୟକଳାପ ମାଧ୍ୟମରେ ଆୟୋଜିତ ହେବ ।
୯ ଜାନୁଆରୀ ୨୦୨୨ରେ ଶ୍ରୀ ଗୁରୁ ଗୋବିନ୍ଦ ସିଂହଙ୍କ ପ୍ରକାଶ ପରବ ଅବସରରେ, ପ୍ରଧାନମନ୍ତ୍ରୀ ୨୬ ଡିସେମ୍ବରକୁ ‘ବୀର ବାଲ ଦିବସ’ ଭାବରେ ପାଳନ କରିବାକୁ ଘୋଷଣା କରିଥିଲେ । ଏହା ଦ୍ୱାରା ସାହିବଜାଦେ ବାବା ଜୋରାୱର ସିଂହଙ୍କ ଏବଂ ବାବା ଫତେହ ସିଂହଙ୍କ ସହିଦ ଦିବସକୁ ସ୍ମରଣ ରଖାଯିବ, ଯାହାଙ୍କ ଅତୁଳନୀୟ ବଳିଦାନ ପିଢ଼ିମାନଙ୍କୁ ପ୍ରେରଣା ଦେଇ ଆସୁଛି ।
ଏହି କାର୍ଯ୍ୟକ୍ରମ ସମୟରେ ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଲ୍ ପୁରସ୍କାର (ପିଏମ୍ଆର୍ବିପି) ବିଜେତାମାନେ ମଧ୍ୟ ଉପସ୍ଥିତ ରହିବେ ।
SR
(रिलीज़ आईडी: 2208612)
आगंतुक पटल : 16
इस विज्ञप्ति को इन भाषाओं में पढ़ें:
Marathi
,
Assamese
,
Bengali
,
English
,
Urdu
,
हिन्दी
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam