তথ্য আৰু সম্প্ৰচাৰ মন্ত্ৰালয়
তথ্য আৰু সম্প্ৰচাৰ মন্ত্ৰালয়ে ডিচিআইডিৰ জৰিয়তে ডিজিটেল আৰু স্থানীয় প্ৰচাৰ সম্প্ৰসাৰণ কৰে
ডিচিআইডি আঁচনিয়ে চৰকাৰী পদক্ষেপৰ প্ৰতি দেশব্যাপী সজাগতাক সমৰ্থন কৰে
प्रविष्टि तिथि:
18 DEC 2025 12:44PM by PIB Guwahati
উন্নয়ন যোগাযোগ আৰু তথ্য প্ৰসাৰ (ডিচিআইডি) হৈছে তথ্য আৰু সম্প্ৰচাৰ মন্ত্ৰালয়ৰ কেন্দ্ৰীয় খণ্ডৰ আঁচনি। ই চৰকাৰী কাৰ্যসূচী/আঁচনি/উদ্দেশ্যৰ তথ্য প্ৰচাৰ আৰু নাগৰিক প্ৰসাৰত সহায় কৰে।
মহাৰাষ্ট্ৰ আৰু জম্মু-কাশ্মীৰকে ধৰি সমগ্ৰ দেশৰ গ্ৰাম্য, জনজাতীয়, দুৰ্গম আৰু নগৰীয়া জনসংখ্যাৰ কাষ চাপিবলৈ আঁচনিত গুৰুত্ব দিয়া হৈছে।
তথ্য আৰু সম্প্ৰচাৰ মন্ত্ৰালয়ে ইয়াৰ মিডিয়া ইউনিট - কেন্দ্ৰীয় যোগাযোগ ব্যুৰো (চিবিচি), প্ৰেছ ইন্ফৰ্মেশ্বন ব্যুৰো (পিআইবি), আৰু নিউ মিডিয়া উইং (এনএমডব্লিউ)ৰ জৰিয়তে এই আঁচনি ৰূপায়ণ কৰে।
চৰকাৰৰ বিভিন্ন আঁচনি যেনে স্বচ্ছ ভাৰত মিছন, প্ৰধানমন্ত্ৰী আৱাস যোজনা- গ্ৰাম্য আৰু নগৰীয়া, জল জীৱন মিছন, প্ৰধানমন্ত্ৰী কিষাণ সন্মান নিধিৰ বিষয়ে তথ্য প্ৰচাৰৰ বাবে চিবিচিয়ে বহু ৰাজহুৱা মাল্টিমিডিয়া অভিযান চলায়।
ডিচিআইডি আঁচনিৰ অধীনত ব্যয়ৰ কাৰ্য্যকলাপভিত্তিক বিৱৰণ চিবিচিৰ ৱেবছাইট অৰ্থাৎ www.davp.nic.in ত উপলব্ধ।
চৰকাৰে চলিত বিত্তীয় বৰ্ষত ডিজিটেল আৰু স্থানীয় প্ৰসাৰক কেন্দ্ৰ কৰি আধুনিক আৰু বহু-প্লেটফৰ্ম যোগাযোগ কৌশল গ্ৰহণ কৰি আঁচনিখনৰ ফলপ্ৰসূতা যথেষ্ট বৃদ্ধি কৰিছে।
ডিজিটেল সংবাদ মাধ্যমৰ স্থানত যুৱক-যুৱতী আৰু লক্ষ্য গ্ৰাহকৰ মাজত প্ৰসাৰতা বৃদ্ধি কৰিবলৈ বিভিন্ন ডিজিটেল আউটৰিচ প্লেটফৰ্মত লক্ষ্যভিত্তিক যোগাযোগ অভিযান গ্ৰহণ কৰা হয়। ভাৰত চৰকাৰৰ ডিজিটেল বিজ্ঞাপন নীতি, ২০২৩ অনুসৰি এই কাম কৰা হয়।
কেন্দ্ৰীয় যোগাযোগ ব্যুৰোৱে (চিবিচি) ক্লায়েণ্ট মন্ত্ৰালয়ৰ প্ৰয়োজনীয়তা আৰু নিজ নিজ কাৰ্যসূচীৰ নিৰ্দিষ্ট লক্ষ্য গ্ৰাহকৰ সৈতে নিজৰ কৌশল মিলাই জলগাঁৱৰ দৰে অঞ্চলত অনুষ্ঠিত কৰা অভিযানকে ধৰি সকলো সংবাদ মাধ্যমৰ অভিযানৰ পৰিকল্পনা কৰে।
এই তথ্য লোকসভাত তথ্য আৰু সম্প্ৰচাৰ ৰাজ্যিক মন্ত্ৰী ড° এল মুৰুগানে ১৭-১২-২০২৫ তাৰিখে দাখিল কৰিছিল।
******
Mahesh Kumar / Vivek Vishwash/AA
(रिलीज़ आईडी: 2206258)
आगंतुक पटल : 6