এক্সলেন্সীশিং,

ইচিল ইনাওশিং

তেনা য়িস্তিলিন,

ঙসি ইথিওপিয়াগী শক্তি লৈরবা লমদম অসিদা পুম্নমক্কী মরক্তা তিনবা ফংবা অসি ঐহাক্কীদমক্তা য়াম্না লাইবক ফবনি। ঐহাক ঙসি নুমিদাংৱাইরমদা ইথিওপিয়াদা থুংলখি, অমসুং ঐহাক মফম অসিদা থুংলবা মতমদগী হৌনা, মফম অসিগী মীয়ামগী নুংশিবা অমসুং চান্নবগী মতৌ উবা ফংবদা অদুক্কী মতীক অপেনবা পোকই। প্রধান মন্ত্রী মশামক্না ঐহাকপু এয়রপোর্ত্তা তরাম্না ওকখি অমসুং ঐহাকপু ফ্রেন্দশিপ পার্ক অমসুং সাইন্স ম্যুজিয়মদা পুবীখি।

ঙসি নুমিদাং ঐহাক্না মফমসিগী লুচিংবশিংগা লোয়ননা মরুওইবা ইসুশিংদা খন্ন-নৈনবগী থৌরম অমসু পাংথোকখি, অমসুং মসি পুম্নমক অসি কাওবা ঙম্লরোইদবা মীকুপ অমনি।

মরুপশিং,

ঐহাকপু ইথিওপিয়াগী খ্বাইদগী ৱাংবা মীচম অমদা পীবা ইকাই খুম্নবা ওইরিবা "গ্রেট ওনর নিসান ওফ ইথিওপিয়া" পীবীখি। মালেমগী খ্বাইদগী অরিবা অমসুং খ্বাইদগী চাউরবা সিভিলাইজেসনশিংগী মরক্তগী অমনা ঐহাকপু ইকায় খুম্নবা উৎলি। ভারত মচা পুম্নমক্কী মহুৎ শিন্দুনা, ঐহাক্না ইকাইখুম্নবা উৎচগা লোইননা থাগৎচবা ফোংদোকচরি।

মসিগী ইকায় খুম্নবা অসি ঐখোয়গী পার্তনরশিপ শেম্বদা মতেং পাংখিবা মশিং য়াম্লবা ভারত মচাশিংগীনি। মখোয় অদুদি ১৮৯৬কী লানফম অদুদা মতেং পাংখিবা গুজরাতিগী ললোন-ইতিক তৌবা মীওইশিং, ইথিওপিয়াগী নীংতম্বা ফংনবা লান্থেংনখিবা ভারতকী লান্মীশিং, নৎত্রগা এজুকেসন অমসুং ইনভেস্তমেন্তকী খুত্থাংদা তুংলমচৎ শেমগৎপদা মতেং পাংখিবা ভারতকী ওজাশিং অমসুং ইন্দস্ত্রিএলিস্তশিংনি। অমসুং মসিগী ইকাই খুম্নবা অসি ভারত্‌তা থাজবা থমখিবা অমসুং মরী অসিবু থম্মোয়দগী মপাঙ্গল কনখৎহনখিবা ইথিওপিয়াগী নাগরিক খুদিংমক্কীনি।

মরুপশিং,

মসিগী তাঞ্জা অসিদা, ঐহাক্না ঐহাক্কী মরুপ, প্রধান মন্ত্রী দোক্তর  অবী অহমেদ অলীবু থাগৎপা ফোংদোকচরি।।

ইকসেলেন্সী,

মমাং থাদা ঐখোয়না খা আফ্রিকাদা জি.২০ সমিৎতা উনখিবা মতমদা, ইথিওপিয়াদা লাক্নবা ফোংদোকখি। ঐগী মরুপ অমসুং ঐগী ইচিল-ইনাওগী অসিগুম্লবা নুংশিনা চেবাউ পীবীরিবা অসি ঐনা করম্না লৎনগদগে? মসিনা মরম ওইদুনা, অহানবা খুদোংচাবা অদুদা ঐনা ইথিওপিয়াদা লাক্নবা ৱারেপ লৌখি।

মরুপশিং,

করিগুম্বা খোংচৎ অসিনা মহৌশানা দিপ্লোমেতিক প্রোতোকোলশিং ঙাক্লবদি, মতম শাংনা চঙলমগনি। অদুম ওইনমক নখোয়গী নুংশিবা অসিনা নুমিৎ ২৪নিগী মনুংদা ঐহাকপু মফমসিদা পুরকখি।

মরুপশিং,

মালেমগী মীৎয়েং অসি গ্লোবেল সাউথতা চঙশিল্লিবা মতম অসিদা, ইথিওপিয়াগী ইকাই খুম্নবা, নীংতম্বা অমসুং মশাগী ইকাই খুম্নবা লৈবগী মতম শাংনা চৎনরক্লবা চৎনবী অসি ঐখোয় পুম্নমক্কী পুক্নিং থৌগৎপগী মপাঙ্গল লৈবা হৌরকফম অমা ওইরি। অসিগুম্বা মরুওইবা মতম অসিদা ইথিওপিয়াগী লুচিংবশিং অসি দোক্তর মোদীগী খুৎতা লৈজবা অসি য়াম্না নুংঙাইবা অমনি। অবী।

মহাক্কী "মেদেমর" ফিলোসোফী অমসুং চাউখৎ-থৌরাংগীদমক অচেৎপা থৌদাং লৌদুনা মহাক্না ইথিওপিয়াবু চাউখৎপগী লম্বীদা লমজিংলিবা অসি মালেম পুম্বগীদমক্তা অচৌবা খুদম অমনি। অকোইবগী ফিভম ঙাক-শেন্নবা, ইনক্লুসিব দিবেলপমেন্ত ওইগেরা নত্ত্রগা তোঙান তোঙানবা খুন্নাই অমদা অমত্তা ওইবগী মপাঙ্গল কনখৎহনবা ওইগেরা, ঐহাক্না মহাক্কী হোৎনরিবশিং, থৌরাংশিং অমসুং থৌনা অদু থাগৎচরি।

মরুপশিং,

ভারত্তা, ঐখোয়না মতম শাংনা "সা বিধা, য়া বিমুক্তয়ে" হায়বদি লৌশিংনা  নীংতমহল্লি" হায়না থাজরম্মি।

এজুকেসন অসি লৈবাক অমগী য়ুম্ফম্নি, অমসুং ইথিওপিয়া অমসুং ভারতকী মরক্তা লৈনরিবা মরী অসিদা ঐখোয়গী ওজাশিংনা খ্বাইদগী চাউবা থৌদাং লৌরিবা অসিদা ঐহাক চাউথোকচরি। ইথিওপিয়াগী চাউরবা কলচরনা মখোয়বু মফমসিদা পুক্নিং চিংশিনখি, অমসুং মখোয়দা মীরোল কয়া শেমগৎপগী খুদোংচাবা ফংখি। ঙসি ফাওবদা, ইথিওপিয়াগী য়ুনিভর্সিতীশিং অমসুং অৱাংবা থাক্কী এজুকেসন ইন্সতিত্যুসনশিংদা ভারতকী ফেকল্তী মেম্বর কয়ানা মখা তানা থবক তৌরি।

মরুপশিং,

তুংলমচৎ অসি মিৎয়েং অমসুং থাজবদা য়ুম্ফম ওইবা পার্তনরশিপকী মখা পোল্লি। ইথিওপিয়াগা লোইননা, ঐখোয়না মালেমগী ওইবা শিংনবশিং থেংনবদা নত্তনা অনৌবা খুদোংচাবশিংসু পুথোকপা ঙম্নবা মতেং পীনবা ঐখোয়না অচেৎপা ৱাফম থম্লি।

ঐহাক্না অমুক্কা হন্না ভারতকী নাগরিক বিলিয়ন ১.৪গী মহুৎ শিন্দুনা ইথিওপিয়াগী ইকাই খুম্নরবা মীপুম খুদিংদা য়াইফ-পাউজেল পীজরি।

অদোমবু থাগৎচরি।

খঙহঞ্জবাঃ মিস প্রধান মন্ত্রীগী ৱারোলগী চাউরাক্না হন্দোকপনি। অশেংবা ৱারোলদি হিন্দিদা পীখি।

***