مرکزی وزیر اطلاعات و نشریات جناب اشونی ویشنو نے آج راجیہ سبھا میں جناب محمد ندیم الحق کے پوچھے گئے سوالات کے جواب دیتے ہوئے بتایا کہ آزادی اظہار کو آئین کے آرٹیکل 19 (1) کے تحت تحفظ حاصل ہے ۔  حکومت میڈیا پلیٹ فارموں پر فرضی ، غلط ، گمراہ کن معلومات اور اے آئی سے تیار کردہ ڈیپ فیک  معلومات کے  بڑھتے ہوئے واقعات  کے تئیں محتاط   ہے ، جو جمہوری عمل اور امن عامہ کو بری طرح متاثر کر سکتی ہیں ۔

فرضی خبروں کو عام طور پر ایسی معلومات کے طور پر سمجھا جاتا ہے جو جھوٹی یا گمراہ کن ہو اور خبروں کے طور پر پیش کی جائے ۔  مختلف میڈیا پلیٹ فارمز پر اس طرح کے نقصان دہ مواد سے نمٹنے کے لیے ایک وسیع قانونی اور ادارہ جاتی فریم ورک پہلے سے موجود ہے ۔

الیکٹرانک میڈیا

• کیبل ٹیلی ویژن نیٹ ورکس (ریگولیشن) ایکٹ ، 1995 کے تحت ٹی وی چینل پروگرام کوڈ کی پیروی کرتے ہیں ۔
• یہ ایسے مواد کی ممانعت کرتا ہے جو فحش ، ہتک آمیز ، جان بوجھ کر جھوٹا ہو ، یا جس میں  بے بنیاد صلاح اور آدھی ادھوری  سچائیاں ہوں ۔
• اس قانون  کے تحت بنائے گئے قواعد خلاف ورزیوں سے نمٹنے کے لیے تین سطحی  شکایات کے ازالے کا طریقہ کار قائم کرتے ہیں ۔
• سطح  I-نشریاتی اداروں کی طرف سے خود ضابطہ
• سطح  II-نشریاتی اداروں کے خودانضباطی   اداروں کے ذریعہ بنائے گئے ضابطے
• سطح  III-مرکزی حکومت کی طرف سے نگرانی کا طریقہ کار

پروگرام کوڈ کی خلاف ورزی کو مشاورت  ، انتباہات ، معافی نامے ، عارضی آف ایئر ہدایات وغیرہ کے ذریعے حل کیا جاتا ہے ۔

پرنٹ میڈیا

• پریس کونسل آف انڈیا کی طرف سے جاری کردہ صحافتی ضابطے اخلاق  کے معیارات فرضی ، ہتک آمیز یا گمراہ کن خبروں کی اشاعت کو روکتے ہیں ۔
• پی سی آئی ان اصولوں کی مبینہ خلاف ورزیوں کی تحقیقات کر سکتا ہے ۔
• پی سی آئی مناسب طریقے سے شکایات کا جائزہ لیتا ہے اور اخبار ، مدیران  ، صحافیوں وغیرہ کو خبردار کرنے ، تنبیہ کرنے یا مذمت کرنے جیسے اقدامات کرتا ہے ۔

ڈیجیٹل میڈیا

ڈیجیٹل میڈیا پر خبروں اور حالات حاضرہ کے ناشرین کے لیے آئی ٹی رولز 2021 کے تحت ضابطہ اخلاق وضع کئے گئے ہیں۔

• ثالثوں کو صارفین کو غلط معلومات یا ایسی معلومات کا  اشتراک  کرنے سے روکنا چاہیے جو واضح طور پر غلط ، جھوٹی اور ا گمراہ کن نوعیت کی ہوں ۔
• ضابطہ اخلاق کی پاسداری کے لیے تین سطحی  شکایات کے ازالے کا طریقہ کار بھی فراہم کیا گیا ہے ۔
• شکایات افسر کا تقرر پلیٹ فارمز کے ذریعے ایک مقررہ وقت کے اندر جھوٹے یا ہتک آمیز مواد سے متعلق شکایات کا تصفیہ کرنے کے لیے کیا جاتا ہے ۔
• آئی ٹی رولز کا حصہ دوم ، دیگر باتوں کے ساتھ ساتھ ، ثالثوں  پر یہ ذمہ داری عائد کرتا ہے کہ وہ ایسی معلومات کی تشہیر کو روکیں جو واضح طور پر غلط ، جھوٹی یا گمراہ کن نوعیت کی ہو ۔

حکومت ہندوستان کی خودمختاری اور سالمیت ، ہندوستان کے دفاع ، ریاست کی سلامتی ، غیر ملکی ریاستوں کے ساتھ دوستانہ تعلقات یا عوامی نظم و ضبط کے مفاد میں یا مذکورہ بالا سے متعلق کسی بھی قابل شناخت جرم کے ارتکاب کو روکنے کے لیے آئی ٹی ایکٹ کی دفعہ 69 اے کے تحت احکامات جاری کرتی ہے ۔

فیکٹ چیک یونٹ

مرکزی حکومت سے متعلق فرضی خبروں کی جانچ کے لیے پریس انفارمیشن بیورو کے تحت فیکٹ چیک یونٹ (ایف سی یو) قائم کیا گیا ہے ۔

• یہ حکومت ہند کی وزارتوں/محکموں میں مجاز ذرائع سے خبروں کی صداقت کی تصدیق کرتا ہے ۔
• اس کے بعد ایف سی یو اپنے سوشل میڈیا پلیٹ فارم پر درست معلومات پوسٹ کرتا ہے ۔

حکومت ایسے  اداروں  اور اعتماد کو مضبوط کر رہی ہے جو معاشرے کی بنیاد بتانے ہیں۔ اس کا نقطہ نظر تخلیقی آزادی کی حفاظت کرتے ہوئے  غلط معلومات کی وجہ سے ہونے والے نقصانات سے نمٹنا ہے۔

****

ش ح۔ م ش۔ خ م

U.NO.3027