ভারত – রসিয়া: থাজবা অমসুং অমনা অমবু ইকাই খুম্নবদা য়ুম্ফম ওইবা মতম কয়াদগী লৈরবা প্রোগ্রেসিব পার্তনরশিপ

ভারতকী প্রধান মন্ত্রী শ্রী নরেন্দ্র মোদীনা কৌবদগী রসিয়াগী রাস্ত্রপতি ঐচ.ই. মিস্তর ভ্লাদিমির পুতিন, 2025গী দিসেম্বর 4-5দা 23শুবা ভারত-রসিয়াগী চহিগী মীফমগীদমক ভারত্তা স্তেৎ ভিজিৎ অমদা লাকখ্রে।

লুচিংবা অনিনা ভারত অমসুং রসিয়াগী মরক্তা লৈরিবা অখন্নবা অমসুং প্রিভিলেজ স্ত্রেতেজিক পার্তনরশিপ মখা তানা মপাঙ্গল কনখৎহন্নবা মখোয়গী মতেং পাংনবা অমুক হন্না ফোংদোকখি। রাস্ত্রপতি ভ্লাদিমির পুতিন্না ওক্তোবর, 2000দা ভারত্তা লাকখিবা অদুদা শেমখিবা ভারত অমসুং রসিয়াগী মরক্তা স্ত্রেতেজিক পার্তনরশিপকী দিক্লারেসনগী চহি অসিদা চহি 25শুবা মপোক কুমওন পাংথোক্লি।

লুচিংবা অনিনা মতম শাংনা লৈরক্লবা অমসুং মতমনা চাংয়েং তৌরক্লবা মরী অসিগী অখন্নবা মওং-মতৌ অদু পনখি। ম্যুচেল ত্রস্ত, অমনা অমগী মরুওইবা নেস্নেল ইন্তরেস্তশিংবু ইকায় খুম্নবা অমসুং স্ত্রেতেজিক কনভর্জেন্সনা মগুন লৈ। মখোয়না মরুওইবা মরী অসিনা মালেমগী শান্তি অমসুং তংদু লৈতাবগী য়ুম্ফম ওইরি হায়না মরুওইবা পুক্নিং চিংশিনখি।

লুচিংবশিংনা রাজনিতী অমসুং স্ত্রেতেজিক, মিলিতরী অমসুং সেক্যুরিতী, ললোন-ইতিক অমসুং ইনভেস্তমেন্ত, ইনর্জী, সাইন্স অমসুং তেক্নোলোজী, ন্যুক্লিয়র, স্পেস, কলচর, এজুকেসন অমসুং হ্যুমেনিতরিয়ন কোওপরেসন য়াওনা কোওপরেসনগী হিরম খুদিংমক্তা পাক শন্না য়াওরিবা মল্তি-ফেসেতেদ নাকল অনিমক্কী কান্নরবা ভারত-রসিয়াগী মরীশিং অদু ফজনা য়েংশিনখি। নাকল অনিমক্না ত্রেদিস্নেল এরিয়াশিংদা মতেং পীনবা মখা তানা চেৎশিলহন্দুনা মতেং পীনবগী অনৌবা লম্বীশিং খুমাং চাউশিন্না থিজিল্লিবা অসি থাগৎপা ফোংদোকখি।

লুচিংবশিংনা ভারত-রিসিয়াগী মরীশিং অসি হৌজিক ওইরিবা অরুবা, শিংননিংঙাই ওইবা অমসুং জিওপোলিতিকেলগী ফিভমগী মতুং ইন্না মপাঙ্গল লৈরি হায়না ফোংদোকখি। নাকল অনিমক্না মতমগা চুনবা, চাং মান্নবা, নাকল অনিমক্তা কান্নবা, তুং কোইনা চৎকদবা অমসুং মতম শাংনা চৎকদবা পার্তনরশিপ অমা শেমগৎনবা হোৎনখি। ভারত-রসিয়াগী মরীশিং অসি মপুং ফানা চাউখৎহনবা অসি পুন্না চৎমিন্নরিবা ফোরেন পোলিসীগী মরুওইবা অমনি। লুচিংবশিংনা স্ত্রেতেজিক পার্তনরশিপ অসিগী মপুং ফানা খুদোংচাবা ফংহন্নবা হোৎনবা য়াবা পুম্নমক তৌনবা য়ানখি।

লুচিংবা অনিনা য়েকাতেরিনবুর্গ অমসুং কাজানদা ভারতকী কন্সুলেত জেনরেল অনি হাংদোকপবু তরাম্না ওকখি অমসুং ইন্তর-রিজনেল কোওপরেসন, ললোন-ইতিক অমসুং শেনমিৎলোনগী মরী অমসুং মীয়ামগী মরক্তা লৈনরিবা মরী হেন্না চেৎশিলহন্নবা মখোয়শিং অসি অথুবা মতমদা থবক হৌনবা হোৎনখি।

লুচিংবা অনিনা মমাংগী সমিৎ অদুদগী হৌরগা স্তেৎ পুম্নমক্তা মরী হেন্না চেৎশিল্লকপা অদুদা নুংঙাইবা ফোংদোকখি। মসিদা কজন্দা পাংথোকখিবা 16শুবা ব্রিক্স সমিৎ অমসুং তিয়ানজিনদা পাংথোকখিবা 25শুবা এস.সি.ও. সমিৎকী নাকলদা মখোয় অনিগী মরক্তা পাংথোকখিবা মীফমশিং য়াওরি। ভারতকী মপান থৌরমগী মন্ত্রী অমসুং রসিয়াগী অহানবা উপ-প্রধান মন্ত্রীনা পুন্না প্রসিদেন্সী তৌদুনা ভারত-রসিয়া ইন্তরগবর্নমেন্তেল কম্মিসন (আই.আর.আই.জি.সি.) পাংথোকখি  অমসুং লৈবাক অনিগী দিফেন্স মিনিস্তরশিংনা কো-চেয়র তৌদুনা মিলিতরী অমসুং মিলিতরী-তেক্নিকল কোওপরেসন (আই.আর.আই.জি.সি.-এম.এন্দ.তি.সি.) গী 22শুবা সেসন; লোক সভাগী স্পিকর, মপাল থৌরম মন্ত্রী, ঙাকশেল মন্ত্রী, রেলৱেজ, ইনফোর্মেসন তেক্নোলোজী অমসুং ইনফোর্মেসন অমসুং ব্রোদকাস্তিংগী মন্ত্রী, গৃহ, ঙাকশেল, য়ুথ এফিয়র্স অমসুং স্পোর্তস, তেক্সতাইলসকী রাজ্য মন্ত্রীশিং অমসুং নিতি আয়োগকী ভাইস চেয়রমেনগী ভারতকী মায়কৈদগী চৎপা; স্তেত দুমাগী চেয়রমেন, ফার্স্ত দিপুতি প্রাইম মিনিস্তর, দিপুতি প্রাইম মিনিস্তর, ইনর্জী মিনিস্তর, কলচর মিনিস্তরগী রসিয়াগী খোংচৎশিং; অমসুং নেস্নেল সেক্যুরিতী এদভাইজরশিংগী থাক্তা স্ত্রেতেজিক দাইলোগ পাংথোকপা, ফোরেন ওফিসকী খোংচৎশিং, য়ু.এন.গী হিরমশিংদা খোংচৎশিং, তেরোরিজম থেংননবা জোইন্ত ৱার্কিং গ্রুপকী মীফমশিং, অসিনচিংবা পাংথোকখি।

ললোন ইতিক অমসুং শেন্মিৎলোনগী মরী

লুচিংবা অনিনা রসিয়াদা ভারতকী এক্সপোর্ত হেনগৎহনবা, ইন্দস্ত্রীএল কোওপরেসন মপাঙ্গল কনখৎহনবা, অনৌবা তেক্নোলোজী অমসুং ইনভেস্তমেন্ত পার্তনরশিপ শেমগৎপা, মরু ওইনা এদভান্স হাই-তেক্নোলোজীগী লমশিংদা অমসুং কোওপরেসনগী অনৌবা লম্বী অমসুং মওং-মতৌ পুথোকপদা য়াওনা, বাইলেতরেল ত্রেদবু তংদু লৈতাবা অমসুং তুং কোইনা চৎনগদবা মওংদা পাকথোক-চাউথোকহন্নবগী মখোয়গী অপাম্বা অদু অমুক হন্না ফোংদোকখি।

লুচিংবশিংনা 2030 ফাওবদা ভারত-রসিয়া ইকোনোমিক কোওপরেসনগী স্ত্রেতেজিক এরিয়াশিং দিবেলপ তৌনবা প্রোগ্রাম (প্রোগ্রাম 2030) এদোপ্ত তৌবদা নুংঙাইবা ফোংদোকখি।

লুচিংবা অনিনা ইন্দিয়া অমসুং য়ুরেশিয়ান ইকোনোমিক য়ুনিয়নগী মরক্তা কান্নবা সেক্তরশিংদা কভর তৌরিবা পোৎলমশিংগী মতাংদা ফ্রী ত্রেদ এগ্রীমেন্তগী মতাংদা পুন্না থবক পায়খৎপগীদমক থাগৎপা ফোংদোকখি। ইনভেস্তমেন্তশিং প্রমোসন অমসুং প্রোতেক্সনগী মতাংদা নাকল অনিমক্তা কান্নবা ওইগদবা এগ্রীমেন্ত অমগী মতাংদা খন্ন-নৈনবদা নাকল অনিমক্না হোৎনরিবশিং অদু হেন্না চেৎশিলহন্নবা মখোয়না খঙহনখি।

লুচিংবশিংনা ভারত-রসিয়া ইন্তরগবর্নমেন্তেল কম্মিসন ওন ত্রেদ, ইকোনোমিক, সাইন্তিফিক, তেক্নিকেল অমসুং কলচরেল কোওপরেসন (আই.আর.আই.জি.সি.-তি.ই.সি.) গী 25শুবা অমসুং 26শুবা সেসন অমসুং ন্যু দিল্লীদা (নবেম্বর 2024) অমসুং মোস্কোদা (ওগস্ত 2025) পাংথোকখিবা ভারত-রসিয়া বিজিনেস ফোরমগী মহৈশিং তরাম্না ওকখি।

ৱার্ল্দ ত্রেদ ওর্গনাইজেসনবু ময়াই তাংবল ওইহন্দুনা ওপন, ইনক্লুসিব, ত্রান্সপরেন্ত অমসুং নন-দিস্ক্রিমিনেতরী মল্তিলেতরেল ত্রেদ সিস্তেমগী মরুওইবা অদু নাকল অনিনা পনখি। লৈবাক অনিগী মরক্তা ত্রেদকী অৱাংবা থাক্তা লৈবা অমসুং অৱাংবা থাক্তা লৈতবশিং কোকহনবা, লোজিস্তিক্সতা লৈরিবা অৱাংবা থাক্কী অৱাংবা থাকশিং কোকহনবা, কনেক্তিবিতী হেনগৎহনবা, পেমেন্ত মেকানিজমশিং শোয়দনা লৈহনবা, ইন্সুরেন্স অমসুং রী-ইন্সুরেন্সকী হিরমশিংদা পারস্পরিক্না য়াবা সোলুসনশিং পুথোকপা অমসুং লৈবাক অনিগী ললোন-ইতিক্কী মরক্তা চাং নাইনা ৱারী শানবগী থবকশিং অসি 2030 ফাওবদা দোল্লর বিল্লিয়ন 100গী রিভাইস তৌরবা ত্রেদকী পান্দম মতম চানা ফংনবগী মরু ওইবা মচাকশিংগী মরক্তা অমনি হায়না নাকল অনিমক্না অকনবা ৱাফম থমখি।

রসিয়া অমসুং ভারতনা লৈবাক অনিগী ওইবা ললোন-ইতিক লেপ্পা লৈতনা লেপহন্নবগীদমক নেস্নেল কার্য়দা শীজিন্নদুনা লৈবাক অনিগী ওইবা সেতলমেন্তশিংগী সিস্তেমশিং পুন্না পুন্না শেমগৎনবা য়ানখ্রে। মসিগী মথক্তা, নেস্নেল পেমেন্ত সিস্তেমশিং, ফাইনান্সিএল মেসেজিং সিস্তেমশিং, অমসুং সেন্ত্রেল বেঙ্ক দিজিতেল কারেন্তী প্লেৎফোর্মশিংগী ইন্তরপোরেবিলিতী ওইহন্নবগী মতাংদা মখোয়গী খন্ন-নৈনবা মখা চত্থনবা নাকল অনিমক্না য়ানখি।

নাকল অনিমক্না ভারত্তা মতম শাংনা ফর্তিলাইজর সপ্লাই লৈহন্নবা লৌখৎলিবা খোংথাংশিং তরাম্না ওকখি অমসুং হিরম অসিদা জোইন্ত ভেঞ্চরশিং লিংখৎনবা খন্নখি।

নাকল অনিমক্না স্কিল লৈরবা শিন্মীশিংগী মোবিলিতীগা মরী লৈনবা এগ্রীমেন্তশিংদা খুৎয়েক পীনখিববু তরাম্না ওকখি।

সেন্ত পিতর্সবুর্গ ইন্তর্নেস্নেল ইকোনোমিক ফোরম (জুন 2025) অমসুং ইস্তর্ন ইকোনোমিক ফোরম (সেপ্তেম্বর 2025) দা ভারতকী মীহুৎ কাংবুনা শরুক য়াবদা রসিয়ন সাইদনা তরাম্না ওকখি। নাকল অনিগী ওইবা ললোন-ইতিক, শেন্মিৎলোন অমসুং ইনভেস্তমেন্ত কোওপরেসন হেনগৎহন্নবা ইকোনোমিক ফোরমশিং অসিগী নাকলদা পাংথোকপা ইন্দিয়া-রসিয়া বিজিনেস দাইলোগকী থৌদাং অদু নাকল অনিমক্না খঙখি।

লুচিংবশিংনা ইনর্জীগী সোর্সশিং, মমল য়াম্লবা নুশিং অমসুং ধাতুশিং য়াওনা মিনরেল রিসোর্সশিং, অমসুং ইন্তর্নেস্নেল সপ্লাই চেনশিংগী থাজবা থম্নবগীদমক মরুওইবা কাঁচম পোৎলমশিং য়াওনা মহৈ-মরোং অমসুং নাকল অনিমক্তা কান্নবা পীবা বাইলেতরেল ত্রেদকী মরুওইবা অদু পনখি। রাসিয়া অমসুং ভারতনা সোভরিন স্তেতশিং ওইনা পায়খৎলিবা হীরম অসিদা কান্নবা তেংবাং পীনবা অসি মখোয়গী নেস্নেল সেক্যুরিতী অমসুং সোসিএল ৱেলফেয়রগী মরুওইবা মচাক অমনি।

ইনর্জী পার্তনরশিপ

নাকল অনিমক্না স্পিসিএল এন্দ প্রিভিলেজ স্ত্রাতেজিক পার্তনরশিপকী মরুওইবা য়ুম্বী অমা ওইনা ইনর্জী সেক্তরদা মখোয়গী পাক-চাউবা কোওপরেসন অদু খন্নখি অমসুং থাগৎপা ফোংদোকখি। তেল অমসুং তেলগী পোত্থোকশিং, তেল শেংদোকপা অমসুং পেত্রোকেমিকেল তেক্নোলোজীশিং, ওইলফিল্দ সর্ভিসশিং অমসুং অপস্ত্রিম তেক্নোলোজীশিং অমসুং মরী লৈনবা ইনফ্রাস্ত্রকচর, এল.এন.জি. অমসুং এল.পি.জি.গা মরী লৈনবা ইনফ্রাস্ত্রকচর, মখোয়গী লৈবাকশিংদা লৈরিবা তোঙান তোঙানবা প্রোজেক্তশিং, অন্দরগ্রাউন্দ কোল গ্যাসিফিকেসন (য়ু.সি.জি.) তেক্নোলোজী, ন্যুক্লিয়র প্রোজেক্তশিং অসিনচিংবা হিরমশিংদা ভারত অমসুং রসিয়াগী কম্পেনীশিংগী মরক্তা হৌজিক লৈরিবা অমসুং ওইথোকপা য়াবা কোওপরেসন অদু নাকল অনিনা পনখি। মখোয়না হীরম অসিদা ইনভেস্তমেন্ত প্রোজেক্তশিংগা মরী লৈনবা ইসুশিং অথুবা মতমদা লোইশিন্নবগী মরুওইবা অদুসু পনখি অমসুং ইনর্জী সেক্তরদা মখোয়গী ইনভেস্তরশিংনা থেংনরিবা তোঙান তোঙানবা শিংনবশিং অদু লোইশিন্নবা য়ানখি।

ত্রান্সপোর্ত অমসুং কন্নেক্তিবিতী

ইন্তর্নেস্নেল নোর্থ-সাউথ ত্রান্সপোর্ত কোরিদোর (আই.এন.এস.তি.সি.), চেন্নাই-ভ্লাদিভোস্তোক (ইস্তর্ন মেরিতাইম) কোরিদোর অমসুং নোর্দর্ন সী রুতপু মতেং পাংনবা ইনফ্রাস্ত্রকচর কেপাসিতী হেনগৎহন্নবা অমসুং কনেক্তিবিতী ফগৎহন্নবা লোজিস্তিক লিঙ্কশিং পাকথোক-চাউথোকহনবদা মীৎয়েং থমদুনা স্তেবল অমসুং ইফেক্তিব ত্রান্সপোর্ত কোরিদোরশিং শেমগৎপদা মতেং পীননবা নাকল অনিমক্না য়ানখি। মখোয়না পোলর ৱাতরদা ওপরেসন তৌরিবা জহাজশিংগী স্পেসিয়েলিস্তশিং ত্রেনিং তৌনবা এম ও য়ু অমা সাইন তৌবদা নুংঙাইবা ফোংদোকখি।

নাকল অনিমক্না রেলৱেজশিংগী মরক্তা তেক্নোলোজী এক্সচেঞ্জগী লমদা পার্তনরশিপ অমা লিংখৎনবা পান্দম থমদুনা রেলৱেজশিংগী মরক্তা কান্নবা পুরকপা অসি নাকল অনিমক্না খঙখি।

রসিয়ন ফার ইস্ত অমসুং আর্তিক্তা তেংবাং পীনবা

নাকল অনিমক্না রসিয়া ফেদরেসনগী ফার ইস্ত অমসুং আর্কতিক জোনদা ললোন-ইতিক অমসুং ইনভেস্তমেন্ত কোওপরেসন হেঙ্গৎহন্নবা মখোয়গী শেম-শাবা অদু কনফার্ম তৌখি। 2024-2029গী মতমগী মনুংদা রসিয়াগী অরাপ্পা নোংপোক লমদমদা ত্রেদ, ইকোনোমিক অমসুং ইনভেস্তমেন্তকী লমদা ভারত-রসিয়া কোওপরেসন প্রোগ্রাম অসিনা ভারত অমসুং রসিয়াগী অরাপ্পা নোংপোক লমদমগী মরক্তা মরুওইনা লৌউ-শিংউ, ইনর্জী, মাইনিং, মেন পৱার, দাইমন্দ, ফার্মাস্যুতিকেল্স, মেরিতাইম ত্রান্সপোর্ত অসিনচিংবা সেক্তরশিংদা মখা তানা কোওপরেসন তৌনবগী তঙাই ফদবা ফ্রেমৱার্ক অমা পীরি।

নোর্দর্ন সী রুতকী মখল-মখা কয়াগী নাকল অনিগী ওইবা তেংবাং পীনবদা খুমাং চাউশিনবা অমসুং আর্কতিককা মরী লৈনবা হিরমশিংদা চাং নাইনা বাইলেতরেল কন্সল্তেসনশিং পাংথোকপগী মরুওইবা অদু নাকল অনিমক্না ফোংদোকখি। 2025গী মার্চ থাদা মুরমান্সকতা পাংথোকখিবা 6শুবা ইন্তর্নেস্নেল আর্কতিক ফোরমদা ভারতকী মীহুৎ কাংবুনা শরুক য়াখিবগীদমক রসিয়ন সাইদনা থাগৎপা ফোংদোকখি। আর্তিক কাউন্সিলদা ওবজর্ভর অমা ওইনা এক্তিব ওইবা থৌদাং লৌনবা ইন্দিয়ন সাইদনা শেম-শারি হায়না ফোঙদোকখি।

সিভিল ন্যুক্লিয়রদা তেংবাং পীনবা, স্পেসতা তেংবাং পীনবা

ন্যুক্লিয়র ইনর্জী, ফ্যুল সাইকল, কুদানকুলম ন্যুক্লিয়র পৱার প্লান্ত (কে.কে.এন.পি.পি.) অমসুং নন-পাৱর এপ্লিকেসনশিং মথৌ তৌহনবদা লাইফ সাইকল সপোর্ত য়াওনা ন্যুক্লিয়র ইনর্জীগী লমদা তেংবাং পীনবা হেনগৎনবা অমসুং এতোমিক ইনর্জী অমসুং মসিগা মরী লৈনবা অৱাংবা তেক্নোলোজীশিংবু শান্তি ওইনা শীজিন্ননবা অনৌবা এজেন্দা অমা শেমগৎনবা নাকল অনিনা মখোয়গী অপাম্বশিং অদু কনফার্ম তৌখি। 2047 ফাওবদা ভারতকী ন্যুক্লিয়র ইনর্জী কেপাসিতী 100 গিগাৱাৎ ওইহন্নবা ভারত সরকারনা থৌরাং তৌরিবা অসি য়েংলগা ন্যুক্লিয়র ইনর্জী অসি শান্তি ওইনা শীজিন্নবদা মতেং পীনবগী মরুওইবা অদু ভারত সরকারগী স্ত্রেতেজিক পার্তনরশিপকী মরুওইবা শরুক অমা ওইনা নাকল অনিনা খঙখি।

নাকল অনিমক্না কে.কে.এন.পি.পি.গী ইমপ্লিমেন্ত তৌবদা লৈরিবা এন.পি.পি. য়ুনিৎশিং শাগৎপা য়াওনা অওনবা পুরকপদা নুংঙাইবা ফোংদোকখি অমসুং ইক্বিপমেন্ত অমসুং ফ্যুএল সপ্লাই তৌনবগী তাঙ্কক অদু ঙাক্না চৎনবা য়ানখি।

নাকল অনিনা এন.পি.পি.গীদমক ভারত্তা অনিশুবা মফমদা মখা তানা খন্ন-নৈনবগী মরুওইবা অদু পনখি। ভারতকী নাকলনা হান্ননা খুৎয়েক পীনখিবা য়ানা ৱারোলশিং অদুগী মতুং ইন্না অনিশুবা মফম অদুগী ফোর্মেল এলোৎমেন্ত ফাইনেল তৌনবা হোৎনগনি।

নাকল অনিমক্না রসিয়াগী দিজাইন, এন.পি.এল.শিংগী রিসর্চ অমসুং জোইন্ত দিবেলপমেন্ত, রসিয়াগী দিজাইন তৌরবা অচৌবা কেপাসিতি লৈবা এন.পি.এল.শিংগীদমক ন্যুক্লিয়র ইক্বিপমেন্ত অমসুং ফ্যুল এসেমব্লীশিংগী লোকেলাইজেসন অমসুং জোইন্ত মেন্যুফেকচরিংগী ভি.ভি.আর.গী মতাংদা তেক্নিকেল অমসুং কম্মর্সিএলগী ওইবা খন্ন-নৈনবশিং অসি অমগা অমগা য়ানবা য়াবা তর্ম অমসুং কন্দিসনশিংগী মখা পোন্না খন্ন-নৈনবা য়ানখি।

স্পেসকী লমদা তেংবাং পীনবগী মরুওইবা অদু পল্লদুনা, হ্যুমেন স্পেস ফ্লাইৎ প্রোগ্রামশিং, সেতেলাইত নেভিগেসন অমসুং প্লানেতরী এক্সপ্লোরেসন য়াওনা শান্তিগী ওইবা পান্দমগীদমক মপান থংবা স্পেস শিজিন্নবদা ইন্দিয়ন স্পেস রিসর্স ওর্গনাইজেসন অমসুং রসিয়ন স্তেত স্পেস কোর্পোরেসন "রোসকোসমস"গী মরক্তা মপাঙ্গল কনখৎলক্লিবা পার্তনরশিপ অদু নাকল অনিমক্না তরাম্না ওকখি। রোকেত ইঞ্জিন পুথোকপা, পুথোকপা অমসুং শীজিন্নবদা নাকল অনিমক্না কান্নগদবা মতেং পীনবগী খোংজেলদা খুমাং চাউশিল্লক্লিবা অদু মখোয়না পনখি।

মিলিতরী অমসুং মিলিতরী তেক্নিকেলদা তেংবাং পীনবা

মিলিতরী অমসুং মিলিতরী-তেক্নিকল কোওপরেসন অসি ভারত অমসুং রসিয়াগী মরক্তা স্পিসিএল অমসুং প্রিভিলেজ স্ত্রেতেজিক পার্তনরশিপকী চৎনবীগী য়ুম্বী অমা ওইদুনা লাক্লি। মসিনা দিকেদ কয়াগী পুন্না হোৎনদুনা অমসুং মগুন লৈবা কোওপরেসনগী খুত্থাংদা মপাঙ্গল হেনগৎলক্লি।

লুচিংবা অনিনা দিসেম্বর 4, 2025দা ন্যু দিল্লীদা পাংথোকখিবা আই.আর.আই.জি.সি.-এম.এন্দ.এম.তি.সি.গী 22শুবা মীফমগী মহৈশিংবু তরাম্না ওকখি। ভারতনা মশা-মরোমদোম লেপচবা পাম্লিবা অসিদা পাউখুম পীরদুনা, পার্তনরশিপ অসিনা হৌজিক্তি জোইন্ত রিসর্স অমসুং দিবেলপমেন্ত, কো-দিবেলপমেন্ত অমসুং এদভান্স দিফেন্স তেক্নোলোজী অমসুং সিস্তেমশিংগী কো-প্রদক্সনদা অমুক হন্না মীৎয়েং থম্লি।

লুচিংবা অনিনা এস.সি.ও.গী মেম্বর স্তেৎশিংগী দিফেন্স মিনিস্তরশিংগী মীফমগী নাকলদা জুন 2025দা কিংদাওদা পাংথোক্কদৌরিবা দিফেন্স মিনিস্তরশিংগী মীফম য়াওনা লেপ্পা লৈতনা মিলিতরী কন্তেক্তশিং পাংথোকপদা নুংঙাইবা ফোংদোকখি। নাকল অনিমক্না আর্মদ ফোর্সেসকী জোইন্ত মিলিতরী এক্সরসাইজ ইন্দ্রাগী থাগৎপা ফোংদোকখি অমসুং জোইন্ত মিলিতরী কোওপরেসন এক্তিবিতীশিংগী খোঙজেল মখা চত্থনবা অমসুং মিলিতরী দেলিগেসন এক্সচেঞ্জ হেঙ্গৎহন্নবা মখোয়গী ফিরেপ অদু অমুক হন্না ফোংদোকখি।

নাকল অনিমক্না তেক্নোলোজী ত্রান্সফর তৌদুনা অমসুং ভারতকী আর্মদ ফোর্সেসকী মথৌ তাবশিং ফংহন্নবা জোইন্ত ভেঞ্চরশিং লিংখৎতুনা মেক ইন ইন্দিয়া প্রোগ্রামগী মখাদা রসিয়াগী ওইবা খুৎলাইশিং অমসুং দিফেন্স ইক্বিপমেন্তকীদমক ভারত্তা স্পেয়র পার্তশিং, কম্পোনেন্তশিং, এগ্রিগেৎশিং অমসুং অতোপ্পা পোত্থোকশিং পুন্না পুথোক্নবা অমসুং তুংদা মরী লৈনবা মরুপ ওইবা অহুমশুবা লৈবাকশিংদা এক্সপোর্ত তৌনবা য়ানখি।

সাইন্স অমসুং তেক্নোলোজীদা তেংবাং পীনবা

নাকল অনিমক্না মরুওইবা অমসুং অনৌবা তেক্নোলোজীশিং শীজিন্নবদা পুক্নিং থৌগৎনবা গবর্নমেন্ত-তু-গবর্নমেন্ত, একাদেমিয়া অমসুং প্রাইবেৎ সেক্তরগী মরক্তা তেংবাং পীনবা হেনগৎনবা হায়খি।

অনৌবা তেক্নোলোজীশিং অমসুং এদভান্স মেন্যুফেকচরিংগীদমক মরুওইবা মিনরেলশিংগী স্ত্রেতেজিক ওইবা মরুওইবা অদু খঙলদুনা, নাকল অনিমক্না মরুওইবা মিনরেলশিং অমসুং রের্ এর্থশিংগী এক্সপ্লোরেসন, প্রোসেসিং অমসুং রিসাইকলিং তেক্নোলোজীশিংদা মতেং পীনবা হেনগৎহন্নবা অপাম্বা ফোঙদোক্নখি।

সাইন্স, তেক্নোলোজী অমসুং ইন্নোবেসনগী লমদা পুন্না রিসর্চ তৌমিন্নবগী মরুওইবা অদু পল্লদুনা নাকল অনিমক্না "সাইন্স, তেক্নোলোজী অমসুং ইন্নোবেসন কোওপরেসনগী রোদমেপ"কী মখাদা কোওপরেসন মপাঙ্গল কনখৎহন্নবা হায়খি। অনৌবা তেক্নোলোজীশিংগী খুত্থাংদা খুন্নাইগী শিংনবশিং থেংননবা লৈবাক অনিগী স্তার্ত-অপশিং অমসুং এস.এম.ই.শিংগী খুদোংচাবশিং শীজিন্ননবা সরকার অমসুং প্রাইবেৎ সেক্তরগী মরক্তা তেংবাং পীনবা মখোয়না য়ানখি। মসিদা জোইন্ত আর.এন্দ.দি. অমসুং তেক্নোলোজীশিং পুন্না শেমগৎপা য়াওরি। মখোয়না দিজিতেল তেক্নোলোজীগী লমদা, ইনফোর্মেসন প্রোতেক্সন, ক্রিতিকেল ইনফ্রাস্ত্রকচরগী সেক্যুরিতী অমসুং আইন চৎনহনবা য়াওনা মতেং পীনবা মখা তানা চাউখৎহন্নবা মখোয়গী অপাম্বশিং অদু কনফার্ম তৌখি। নোভেতরশিং অমসুং ইন্ত্রপ্রিনরশিংবু হেন্না পুক্নিং চিংশিনহন্নবা অমসুং কেপাসিতী বিল্ দিং তৌবা ঙম্নবা, স্তার্ত-অপশিংগীদমক সোফত সপোর্ত প্রোগ্রামশিং দিজাইন তৌনবা অমসুং ইমপ্লিমেন্ত তৌনবা নাকল অনিমক্না য়ানখি।

সাইন্স অমসুং হায়র এজুকেসনগী লমদা ভারত অমসুং রসিয়াগী মরক্তা লৈনরিবা মরীগী মগুন লৈরবা এক্সপরিয়েন্স অসি য়েংলদুনা, নাকল অনিমক্না এজুকেস্নেল অমসুং সাইন্তিফিক ওর্গনাইজেসনশিংগী মরক্তা পার্তনরশিপকী মরীশিং শেমগৎপদা পারস্পরিক ওইবা অপাম্বা ফোঙদোকখি। মসিগী মনুংদা একাদমিক মোবিলিতী, এজুকেস্নেল প্রোগ্রামশিং, সাইন্তিফিক অমসুং রিসর্স প্রোজেক্তশিং অমসুং অখন্নবা ইন্তর্নেস্নেল একজিবিসনশিং, কনফরেন্সশিং, সেমিনারশিং পাঙথোকপা য়াওরি। সাইন্স, তেক্নোলোজী অমসুং ইন্নোবেসনশিংদা জোইন্ত রিসর্চকী মরুওইবা অদু পল্লদুনা, সাইন্স, তেক্নোলোজী অমসুং ইন্নোবেসনশিংদা ইন্দিয়া-রসিয়ন কোওপরেসনগী রোদমেপকী ফ্রেমৱার্ক্কী মনুংদা কোওপরেসন পাকথোক চাউথোকহন্নবা মখোয়না শেম-শারি হায়না নাকল অনিনা ফোংদোকখি।

কলচরেল কোওপরেসন, তুরিজম অমসুং পিপল-তু-পিপলগী মরী

ভারত-রসিয়াগী অখন্নবা অমসুং প্রিভিলেজদ স্ত্রেতেজিক পার্তনরশিপকী মরুওইবা শরুক অমা ওইনা কলচরেল ইন্তরেক্সন অমসুং মীয়ামগী মরক্তা এক্সচেঞ্জশিং অসি ওইরি হায়না নাকল অনিমক্না য়ানখি। মখোয়না লৈবাক অনিমক্তা পাংথোকপা মরুওইবা ইন্তর্নেস্নেল কলচরেল ফোরমশিং, লাইরিক মেলাশিং, ফেস্তিবেলশিং অমসুং আর্ত কম্পিতিতিবশিংদা শরুক য়াবগীদমক থাগৎপা ফোংদোকখি অমসুং ভারত অমসুং রসিয়াগী কলচরবু মপুং ফানা উৎনবগী পান্দমদা মখোয়গী লৈবাকশিংদা কলচরেল একচেঞ্জ ফেস্তিবেলশিং মান্নবা মওংদা পাংথোকপবু তরাম্না ওকখি।

ভারত অমসুং রসিয়াদা পাংথোকপা ইন্তর্নেস্নেল ফিল্ম ফেস্তিবেলশিংদা ম্যুচেল ওইনা শরুক য়াবা অমসুং জোইন্ত ফিল্ম প্রদক্সন চাউখৎহনবা য়াওনা ফিল্ম ইন্দস্ত্রীদা মতেং পীনবা হেনগৎহন্নবা ৱাখল্লোন অদু নাকল অনিমক্না শৌগৎখি।

রসিয়া অমসুং ভারতকী মরক্তা তুরিস্ত এক্সচেঞ্জ লেপ্তনা হেনগৎলক্লিবা অদু নাকল অনিমক্না থাগৎপা ফোংদোকখি। লৈবাক অনিমক্না ই-ভিজা হৌদোকপা য়াওনা ভিজাগী ফোর্মেলিতীশিং লায়থোকহনবদা মখোয়না নুংঙাইবা ফোংদোকখি। মখোয়না তুংলমচৎতা ভিসা কাংলোনবু হেন্না লায়থোকহন্নবগী থবক মখা চত্থনবা য়ানখি।

ভারত অমসুং রসিয়াগী এক্সপর্তশিং, থিঙ্ক-তেঙ্কশিং অমসুং ইন্সতিত্যুৎশিংগী মরক্তা এক্সচেঞ্জ অমসুং কন্তেক্তশিং হেঙ্গৎলকপা অসিদা নাকল অনিমক্না থাগৎপা ফোংদোকখি। চহি কয়া অসিদা, ৱারী শানবগী অসিনা স্ত্রাতেজিক পার্তনরশিপবু হেন্না মপাঙ্গল কনখৎহন্নবা ভারত অমসুং রসিয়াগী স্ত্রাতেজিক অমসুং পোলিসী মেকিং সর্কলশিং অমসুং বিজিনেসশিংগী মরক্তা অমনা অমবু হেন্না খঙমিন্নবা হেনগৎহনখ্রে।

এজুকেসনগী লমদা ভারত অমসুং রসিয়াগী মরক্তা চৎনবীগী ওইবা মপাঙ্গল কনবা কোওপরেসন অদু শকখঙলদুনা, নাকল অনিমক্না মহৈরোইশিংগী য়াইফনবা হোৎনরিবা অদু থাগৎখি অমসুং য়ুনিভর্সিতীশিং অমসুং এজুকেসনগী ইন্সতিত্যুসনশিংগী মরক্তা এজুকেসনগী লিঙ্কশিং পুক্নিং থৌগৎনবা হোৎনরিবা অদু মখা চত্থনবা য়ানখি।

য়ু.এন. অমসুং অতোপ্পা ফোরম কয়া মরুমদা তেংবাং পীনবা

নাকল অনিমক্না য়ু.এন.গী ইসুশিংদা মখোয়গী মরক্তা অৱাংবা থাক্কী পোলিতিকেল দাইলোগ অমসুং কোওপরেসন লৈরে হায়না পনখি অমসুং মসিবু মখা তানা চেৎশিলহন্নবা য়ানখি। মখোয়না য়ুনাইতেদ নেসন্সনা মরুওইবা কোওর্দিনেতিং রোল অমা লৌদুনা মল্তিলেতরেলিজম অমুক হন্না পুক্নিং থৌগৎপগী মরুওইবা অদু পনখি। মখোয়না ইন্তর্নেস্নেল লোগী ইকাই খুম্নবগী মরুওইবা অদুসু পনখি অমসুং য়ু.এন. চার্তরগী পান্দম অমসুং প্রিন্সিপলশিংদা মখোয়গী অচেৎপা ৱাফম থমখি।

নাকল অনিমক্না য়ুনাইতেদ নেসন্স সেক্যুরিতী কাউন্সিলবু মপুংফাবা রিফোর্ম তৌনবা হায়খি। মসিনা হৌজিক্কী মালেমগী ওইবা ৱাফমশিং অদু উৎলগনি অমসুং মসিনা ইন্তর্নেস্নেল শান্তি অমসুং সেক্যুরিতীগী ইসুশিংদা হেন্না রিপ্রজেন্তেতিব, ইফেক্তিব অমসুং ইফিসিএন্ত ওইহল্লগনি। রফোর্ম তৌরবা অমসুং পাকথোক চাউথোক্লবা য়ু.এন. সেক্যুরিতী কাউন্সিলদা ভারতকী পর্মিনেন্ত মেম্বর ওইনবগীদমক রসিয়ানা মহাক্কী অচেৎপা মতেং অমুক হন্না ফোংদোকখি।

নাকল অনিমক্না জি.20 ফোর্মেৎকী মনুংদা মখোয়গী মতেং পীনবগী মতাংদা পনখি অমসুং মসি হেন্না চেৎশিলহন্নবা য়ানখি। 2023দা ভারতনা জি.20গী প্রসিদেন্সী লৌরকপদগী মরুওইবা থবক ওইনা পাংথোকপা লিগেসী অসি মালেমগী খা থংবা লমদমগী লৈবাকশিংগী মরুওইবশিং অসি ইন্তর্নেস্নেল ইকোনোমিক অমসুং ফাইনান্সিএল কোওপরেসনগী মরুওইবা প্লেৎফোর্মগী এজেন্দাদা মপাঙ্গল কনখৎহনবগা লোয়ননা ফোরম অসিগী মপুং ফাবা মেম্বরশিংগী মরক্তা অফ্রিকান য়ুনিয়নসু য়াওরকপনি হায়না মখোয়না অকনবা ৱাফম থমখি। ভারতকী প্রসিদেন্সীগী মখাদা ভোইস ওফ গ্লোবেল সাউথ ভর্চ্যুএল সম্মিৎশিং পাংথোকপবু মখোয়না তরাম্না ওকখি। মসিনা মালেমগী থৌরমশিংদা চাউখৎলক্লিবা লৈবাকশিংগী থাক মপাঙ্গল কনখৎহনবগী মায়কৈদা মরুওইবা সিগ্নেল অমা পীরি।

মখোয়না জি.20 অসি ইকোনোমিক ফোরম অমা ওইরি হায়না ফোংদোকখি। মসিনা ইকোনোমীশিং অমসুং চাউখৎলবা ইকোনোমীশিং অনিমক্না মান্নবা অমসুং অমনা অমবু কান্নবা পীনবা য়ুম্ফমদা ৱারী শানবগী প্লেৎফোর্ম অমা পীরি। মখোয়না জি.20গী কন্সেন্সসতা য়ুম্ফম ওইদুনা অমসুং মসিগী মরুওইবা মেন্দেৎতা মীৎয়েং থমদুনা মখা তানা অমসুং কান্নগদবা থবক তৌবগী মরুওইবা অদু খঙখি।

নাকল অনিমক্না মখোয়গী ব্রিক্স পার্তনরশিপ মপাঙ্গল কনখৎহন্নবগী মরুওইবা অদু পনখি অমসুং পোলিতিকেল অমসুং সেক্যুরিতী, ইকোনোমিক অমসুং ফাইনান্সিএল, কলচরেল অমসুং পিপল-তু-পিপল কোওপরেসনগী য়ুম্বী অহুমগী মখাদা ব্রিক্স এক্সপেন্দ তৌবদা মতেং পীননবা মখোয়না মখা তানা অচেৎপা ৱাফম থমখি। মখোয়না অমগা অমগা ইকায় খুম্নবা অমসুং খঙমিন্নবা, সোভরেন ইক্বেলিতী, সোলীদরিতী, দেমোক্রেসী, ওপননেস, ইনক্লুসিবনেস, কোলাবোরেসন অমসুং কন্সেন্সসকী ব্রিক্স স্পিরিৎতা মখোয়গী অচেৎপা ফিরেপ অমুক হন্না ফোংদোকখি। 2026তা ভারতনা ব্রিক্সকী চেয়রশিপ লৌগদৌরিবা অসিদা রসিয়ানা মপুং ফানা মতেং পাংগনি হায়না থাজবা পীখি।

রসিয়া অমসুং ভারতকী মরক্তা স্পিসিএল অমসুং প্রিভিলেজ স্ত্রেতেজিক পার্তনরশিপ মখা তানা চেৎশিলহন্নবা সাংহাই কোওপরেসন ওর্গনাইজেসন (এস.সি.ও.) গী ফ্রেমৱার্ক্কী মনুংদা মখোয়গী জোইন্ত ৱার্ক্কী মরুওইবা অদু নাকল অনিনা অমুক হন্না ফোংদোকখি।

ভারতনা রসিয়ন ফেদরেসনগী প্রধান মন্ত্রীগী চিয়ারমেনশিপ মখাদা 2025গী নবেম্বর 17-18দা মস্কোদা এস.সি.ও.গী কাউন্সিল ওফ হেদস ওফ গবর্নমেন্তকী মীফম মাই পাক্না পাংথোকপগীদমক রসিয়ন সাইদপু থাগৎপা ফোংদোকখি। 2026দা ভারত্তা অহানবা সেসন পাংথোক্কদবা এস.সি.ও. সিভিলাইজেসন দাইলোগ ফোরম লিংখৎনবা ভারতনা লৌখিবা খোঙথাং অদু রসিয়ন সাইদনা থাগৎখি।

নাকল অনিমক্না মালেমগী আইনগী য়ুনিভর্সেল ওইনা য়ানরবা প্রিন্সিপলশিং অমসুং কলচরেল অমসুং সিভিলাইজেস্নেল দিভর্সিতীদা য়ুম্ফম ওইবা, রিপ্রজেন্তেতিব, দেমোক্রেসী, ফেয়র মলতিপোলার ৱার্ল্দ ওর্দর শেমগৎপদা এস.সি.ও.গী হেনগৎলক্লিবা থৌদাং অদু পনখি।

রাজনিতী, সেক্যুরিতী, শেন্মিৎলোন, কলচর অমসুং হ্যুমেনিতরিয়নগী লমশিংদা এস.সি.ও.গী পোতেন্সিএল অমসুং কোওপরেসন মখা তানা মপাঙ্গল কনখৎহনবগী মরুওইবা অদু নাকল অনিমক্না ফোংদোকখি। মসিগী মতাংদা নাকল অনিমক্না এস.সি.ও.গী মোদর্নাইজেসন, মরুওইনা তেরোরিজম, এক্সত্রিমিজম, সেপারেতিজম, দ্রগ ত্রাফিকিং, ক্রোস-বর্দর ওর্গানাইজ ক্রাইম অমসুং ইনফোর্মেসন সেক্যুরিতীগী খুদোংচাদবশিং থেংনবগী লমদা প্রমোৎ তৌবগী তঙাই ফদবা অদুদা অকনবা ৱাফম থমখি। মখোয়না তাশকেন্ততা য়ুনিভর্সেল সেন্তর ওন কাউন্তরিং সেক্যুরিতী চেলেঞ্জস এন্দ থ্রেৎস অমসুং দুশানবেদা কাউন্তর-নারকোতিক্স সেন্তর লিংখৎপদা অখন্নবা মীৎয়েং থমগনি।

জি.20, ব্রিক্স অমসুং এস.সি.ও.গী মনুংদা মরুওইবা হিরমশিং হায়বদি রিফোর্মদ মল্তিলেতরেলিজম, ইন্তর্নেস্নেল ইকোনোমিক গবর্নান্স ইন্সতিত্যুসনশিং অমসুং মল্তিলেতরেল দিবেলপমেন্ত বেঙ্কশিং শেমগৎনবা হোৎনরিবা, এস.দি.জি.শিং অসি মসিগী ইকোনোমিক, সোসিএল অমসুং এনভাইরনমেন্তকী মওংশিংদা ফংবদা মতেং পাংলিবা, ইকোনোমিক গ্রোথ পুক্নিং থৌগৎলিবা, সস্তেনেবিলিতী হেনগৎহনবা অমসুং মরুওইবা মিনরেলশিং য়াওনা ইন্তর্নেস্নেল সপ্লাই চেনশিংগী রেসিলিয়েন্স শেমগৎলিবা, ফ্রী অমসুং ফেয়র ত্রেদ নোর্মশিং ঙাক্না চৎপা অমসুং ক্লাইমেৎ চেঞ্জদা মতেং পাংলিবা অসি মখা চত্থনবা নাকল অনিমক্না য়ানখি।

নাকল অনিমক্না আউতর স্পেসপু শান্তি ওইনা শিজিন্ননবা য়ু.এন. কমিতী (য়ু.এন. কোপুস) গী মনুংদা মরী লৈনবশিং মখা তানা চেৎশিলহন্নবা পান্দম থম্লি। মসিগী মনুংদা আউতর স্পেসকী থবক থৌরমশিংগী মতম শাংনা চৎনগদবা মওং-মতৌগী ৱাফমশিং য়াওরি।

নাকল অনিমক্না মাংতাক্নীংঙাই ওইবা খুৎলাইশিং শন্দোক্তনবা মালেমগী ওইনা হোৎনরিবশিং মখা তানা চেৎশিলহন্নবা মখোয়গী ফিরেপ অদু অমুক হন্না ফোংদোকখি। রসিয়ানা ন্যুক্লিয়র সপ্লাইয়র গ্রুপতা ভারতকী মেম্বর ওইরকপদা অকনবা শৌগৎপা ফোঙদোকখি। মালেমগী শান্তি অমসুং সেক্যুরিতী প্রমোৎ তৌনবগীদমক নাকল অনিমক্না অমগা অমগা থাজবা হেনগৎহন্নবা হোৎননবা মালেমগী কম্ম্যুনিতীগী মেম্বর পুম্নমকপু নাকল অনিমক্না তকশিনখি। নাকল অনিমক্না এক্সপোর্ত কন্ত্রোলগী নন-প্রোলিফরেসনগী মওং অমসুং তেক্নোলোজীগী সেক্যুরিতী অমসুং কম্মর্সিএল কন্সত্রক্সন, অমসুং শান্তি ওইনা শীজিন্নবগী মরক্তা বেলেন্স অমা লৈহন্নবা পান্দমদা হীরম অসিদা তেংবাং পীনবা মখা চত্থনবা মখোয়গী অপাম্বা অদু ফোংদোকখি।

ইস্ত এসিয়া সমিৎ, আসিয়ান রিজনেল ফোরম, আসিয়ান দিফেন্স মিনিস্তরশিংগী মীফম প্লস য়াওনা রিজনেল শান্তি অমসুং সেক্যুরিতী হেন্না চেৎশিলহন্নবা পান্দম থমদুনা তোঙান তোঙানবা রিজনেল ফোরমশিংদা মতেং পীনবা হেনগৎহনবগী মরুওইবা অদু নাকল অনিনা ফোংদোকখি।

বেক্তিরিওলোজিকেল (বাইওলোজিকেল) অমসুং তোক্সিন ৱাপ্স দিবেলপমেন্ত, প্রদক্সন অমসুং স্তোক হোল্দরিং অমসুং মখোয়গী দিস্ত্রক্সন (বি.তি.দবল্যু.সি.) গী কনভেন্সনবু কা হেন্না ঙাক্না চৎপগী অমসুং মসিবু মখা তানা মপাঙ্গল কনখৎহন্নবগী তঙাইফদবা অদু, মসিগী ইন্সতিত্যুস্নেলাইজেসনগী খুত্থাংদা, অমসুং ইফেক্তিব ভেরিফিকেসন মেকানিজমগা লোইননা লিগেল্লি বাইন্দেন্ত প্রোতোকোল অমা এদোপ্ত তৌবগী তঙাইফদবা অদু পার্তীশিংনা খল্লি। মখোয়না বি.তি.ৱাই.তি.সি.গী মথৌশিং পুন্না পাংথোকপা য়াবা মেকানিজমশিং শেমগৎপদা য়ানীংদবা ফোংদোকই।

লুচিংবশিংনা, ঐখোয়গী লৈবাকশিংবু পুনশিন্নরিবা, বাইওলোজিকেল দাইবর্সিতী ঙাক-শেন্দুনা থম্নবা অমসুং অঙকপা অমসুং মুৎখিগদবা স্পিসিস, মরুওইনা মাইগ্রেতিব বার্দ স্পিসিস ঙাক-শেন্দুনা থম্নবা, ইন্তর্নেস্নেল ত্রেৎশিংদা য়াওরিবা প্রিন্সিপলশিংদা মখোয়গী অচেৎপা ফিরেপশিং অদু অমুক হন্না ফোংদোকখি।

নাকল অনিমক্না ইন্তরনেস্নেল বিগ কেত এলাইন্স (আই.বি.সি.এ.) দা য়াওনবগীদমক রাসিয়াগী মায়কৈদগী ফ্রেমৱার্ক এগ্রীমেন্ত এদোপ্ত তৌখিবদা নুংঙাইবা ফোংদোকখি। ইন্তর্নেস্নেল সোলর এলাইন্স অমসুং কোলিসন ওফ দিজাস্তর রেসিলিয়েন্ত ইনফ্রাস্ত্রকচর (সি.দি.আর.আই.) দা রসিয়াগী অথুবা মতমদা য়াওরকপদা ভারতনা থাগৎপা ফোংদোকখি।

মালেমগী শেন্মিৎলোনগী শিংনবশিং থেংননবা, চাউখৎলক্লিবা লৈবাকশিং অমসুং অহোংবা লাক্লিবা ইকোনোমীশিংদা ক্লাইমেৎ ফাইনান্সিং অমসুং তেক্নোলোজীশিং ফংহন্নবা অমসুং ইকোনোমিক গবর্নান্সকী ইন্তর্নেস্নেল ইন্সতিত্যুসনশিং, মরু ওইনা মল্তিলেতরেল দিবেলপমেন্ত বেঙ্কশিংদা মরম চাবা রিফোর্ম অমা লৈহন্নবা পুন্না থবক পায়খৎনবা নাকল অনিমক্না য়ানখি।

কাউন্তর তেরোরিজম

তেরোরিজম, এক্সত্রিমিজম, ত্রান্সনেস্নেল ওর্গানাইজ ক্রাইম, শেল লান্থোকপা, তেরোরিজম ফাইনান্সিং অমসুং দ্রগকী ইলিলিসিতেৎ ত্রাফিকিংগুম্বা মান্নবা শিংনবশিং অমসুং খুদোংচাদবশিং থেংননবা লৈবাক অনিগী ওইবা অমসুং মল্তিলেতরেল কোওপরেসন মপাঙ্গল কনখৎহন্নবা নাকল অনিমক্না মখোয়গী অচেৎপা ফিরেপ অদু অমুক হন্না ফোংদোকখি।

লুচিংবা অনিনা তেরোরিজমগী মওং অমসুং মশক মওং খুদিংমক, তেরোরিস্তশিংগী ঙমখৈ লান্না চৎথোক-চৎশিন তৌবা অমসুং তেরোরিস্ত ফাইনান্সিং নেটৱার্কশিং অমসুং সেফ হেভনশিং য়াওনা তেরোরিজম থিংনবা অমসুং থেংননবা মখোয়গী অচেৎপা ফিরেপ অদু অমুক হন্না ফোংদোক্নখি। মখোয়না এপ্রিল 22, 2025দা জম্মু অমসুং কাশ্মীরগী পহলগামদা ভারততা অমসুং মার্চ 22, 2024দা মোস্কোদা ক্রোকস সিতি হোলদা রসিয়াদা পাংথোকখিবা তেরোরিস্ত এতেক অদু অকনবা মওংদা য়ানিংদবা ফোঙদোকখি। মখোয়না তেরোরিজমগী থৌওং খুদিংমক, করিগীদমক, কদায়দা, কনাগী মফমদা অমসুং কনানা হায়বা অসি য়েংদনা, ধর্মগী নত্ত্রগা ৱাখল্লোনগী ওইবা মরম অমা হেক্তদগী থোক্লবসু, মসি ক্রাইমনি অমসুং চুমথোকপা য়াদে হায়না অকনবা মওংদা য়ানিংদবা ফোঙদোকখি। মখোয়না অল কাইদা, আই এস আই এস/দাইশ অমসুং মখোয়গী মরী লৈনবশিং য়াওনা য়ু এন লিস্ততা য়াওরিবা তেরোরিস্ত গ্রুপশিং অমসুং এন্তিতী পুম্নমক্কী মায়োক্তা, তেরোরিস্তশিংগী সেফ হেভনশিং মুত্থৎনবা, তেরোরিস্তকী ৱাখল্লোন শন্দোরকপা থিংনবা, তেরোরিস্ত ফাইনান্সিং চেনেলশিং অমসুং ত্রান্সনেস্নেল ক্রাইমগা মরী লৈনবশিং মুত্থৎনবা, অমসুং মপান্দগী তেরোরিস্ত লান্মীশিং য়াওনা তেরোরিস্তশিংগী ঙমখৈ লান্না চত্থোক চৎশিন থিংনবা পান্দমদা পুন্না থবক তৌমিন্ননবা হায়খি।

নাকল অনিমক্না ইন্তর্নেস্নেল তেরোরিজম অমসুং এক্সত্রিমিজমবু মখোয়গী মওং অমসুং মশক মওং খুদিংমক্তা লান্থেংনবা হায়খি। মখোয়না হিরম অসিদা তেংবাং পীনবা হেনগৎহনবগী মরুওইবা অদু পনখি। মসিগী মথক্তা, মখোয়না য়ু.এন. সেক্যুরিতী কাউন্সিল, য়ু.এন. জেনরেল এসেমব্লীগী মরী লৈনবা রিজোলুসনশিং নিংথিনা ইমপ্লিমেন্ত তৌবগী তঙাইফদবা অদুগা লোয়ননা য়ু.এন. গ্লোবেল কাউন্তর তেরোরিজম স্ত্রেতেজিগী বেলেন্স তৌরবা ইমপ্লিমেন্ত তৌবগী তঙাইফদবা অদুসু পনখি।

তেরোরিজম থেংনবদা স্তেতশিং অমসুং মখোয়গী মতিক চাবা ওথোরিতীশিংগী মরুওইবা থৌদাং অদু নাকল অনিমক্না মরুওইনা পনখি। মখোয়না তেরোরিজমদা জিরো-তোলরেন্স পোলিসী অমা লৈহন্নবা অমসুং য়ু.এন. ফ্রেমৱার্ক্তা কমপ্রিহেন্সিব কনভেন্সন ওন ইন্তর্নেস্নেল তেরোরিজম অথুবা মতমদা ফাইনেল তৌনবা অমসুং এদোপ্ত তৌনবা অমসুং তেরোরিজম অমসুং তেরোরিজমদা মতেং পাংলিবা হিংসাগী এক্সত্রিমিজম থেংননবা য়ু.এন.জি.এ. অমসুং য়ু.এন.এস.সি.গী রিজোলুসনশিং ইমপ্লিমেন্ত তৌনবা হায়খি।

নাকল অনিমক্না 2022গী ওক্তোবরদা ভারত্তা পাংথোকখিবা য়ু.এন.এস.সি.গী কাউন্তর তেরোরিজম কমিতীগী (সি.তি.সি.) অখন্নবা মীফম অদু নিংশিংখি অমসুং সি.তি.সি.গী ভারতকী চেয়রশিপ মখাদা তেরোরিজমগী পান্দমদা অনৌবা অমসুং অনৌবা তেক্নোলোজীশিং শীজিন্নবদা থেংনবা য়ানবা দিল্লী দিক্লারেসনবু তরাম্না ওকখি। মখোয়না পনখি মদুদি দিক্লারেসন অসিনা পেমেন্ত তেক্নোলোজীশিং, সোসিএল মীদিয়া প্লেতফোর্মশিং অমসুং ফন্দ হঞ্জিনবগী পাম্বৈশিং অমসুং মীওই লৈতবা এয়র ভেহিকলশিং (ই.এ.ভি.শিং নৎত্রগা দ্রোনশিং) গী লান্না শীজিন্নবা অসিনচিংবা ইনফোর্মেসন অমসুং কম্ম্যুনিকেসন তেক্নোলোজীবু তেরোরিস্তশিংনা শীজিন্নবগী মরুওইবা শিংনবশিং অদু কুপশিনবা পান্দম থম্লি। নাকল অনিমক্না ওনলাইন স্পেসতা রেদিকেলাইজেসন অমসুং এক্সত্রিমিস্ত আইদিওলোজী শন্দোকপা থিংবদা অখন্নবা মীৎয়েং থমদুনা হিরম অসিদা মখা তানা মতেং পীননবা শেম-শাবা অদুসু ফোংদোকখি। হীরম অসিগী মতাংদা, মখোয়না এস.সি.ও. অমসুং ব্রিক্স ফোর্মেৎশিংগী মনুংদা মরী লৈনবা মেকানিজমশিং মপাঙ্গল কনখৎহন্নবগী পোজিতিব দাইনামিক অদু থাগৎপা ফোংদোকখি।

রিজনেল অমসুং ইন্তরনেস্নেলগী ইসুশিং

লৈবাক অনিগী সেক্যুরিতী কাউন্সিলশিংগী মরক্তা দাইলোগ মেকানিজমগী খুত্থাংদা অফগানিস্তানগী মতাংদা ভারত অমসুং রসিয়াগী মরক্তা অচেৎপা কোওর্দিনেসন লৈবগী মতাংদা নাকল অনিমক্না থাগৎপা ফোঙদোকখি। মখোয়না মোস্কো ফোর্মেৎকী মীফমশিংগী মরু ওইবা থৌদাং অদু পনখি।

লুচিংবশিংনা আই.এস.আই.এস. অমসুং আই.এস.কে.পি. অমসুং মখোয়গী মরী লৈনবশিং য়াওনা ইন্তরনেস্নেল তেরোরিস্ত গ্রুপশিংগী মায়োক্তা চত্থরিবা কাউন্তর তেরোরিজমগী খোঙথাংশিংবু তরাম্না ওকখি অমসুং অফগানিস্তান্দা তেরোরিজমগী মায়োক্তা চত্থরিবা লাঞ্জং অসি মপুং ফানা অমসুং ইফেক্তিব ওইগনি হায়না থাজবা ফোংদোকখি। মখোয়না অফগান মীয়ামদা অথুবা মতমদা অমসুং লেপ্পা লৈতনা হ্যুমেনিতরিয়ান এসিস্তেন্স ফংহনবগী তঙাই ফদবা অদুদা অকনবা ৱাফম থমখি।

নাকল অনিমক্না মিদল ইস্ত/ ৱেস্ত এসিয়াদা শান্তি অমসুং তংদু লৈতাবা ঙম্নবগীদমক মখোয়গী অচেৎপা ফিরেপ অমুক হন্না ফোংদোক্নখি। মখোয়না মপাঙ্গল কনবা, সিভিলিয়ানশিংবু ঙাকথোকপা অমসুং ইন্তর্নেস্নেল লো ঙাক্না চৎনবা অমসুং ফিভম অসি হেন্না শোকহনবা অমসুং রিজনেল তংদু লৈতাবা অসি শোকহনগদবা থবকশিং লৌদনবা হায়খি। মখোয়না ইরানগী ন্যুক্লিয়র ইসু অসি দাইলোগকী খুত্থাংদা লোইশিন্নবগী মরুওইবা অদু পনখি। মখোয়না গাজাদা লৈরিবা হ্যুমেনিতরিয়ন ফিভমদা অৱাবা ফোংদোকখি অমসুং কনফ্লিক্ত, হ্যুমেনিতরিয়ন এসিস্তেন্স অমসুং তুং কোইবা শান্তিগীদমক মখোয়না য়ানখিবা এগ্রীমেন্তশিং অমসুং য়ানশিন্নবশিংদা মরী লৈনরিবা নাকল পুম্নমক্না মখা তানা অচেৎপা থাজবা থমবগী মরুওইবা অদু অকনবা মওংদা ফোংদোকখি।

নাকল অনিমক্না ক্লাইমেৎ চেঞ্জ থেংননবা অমসুং য়ুনাইতেদ নেসন্স ফ্রেমৱার্ক কনভেন্সন ওন ক্লাইমেৎ চেঞ্জ (য়ু.এন.এফ.সি.সি.সি.) অমসুং পেরিস এগ্রীমেন্তকী পান্দমশিং ফংনবা হোৎনরিবশিং পাকথোক চাউথোকহনবগী মরুওইবা অদু খঙখি। ন্যু দিল্লীদা ক্লাইমেৎ চেঞ্জ অমসুং লো কার্বোন দিবেলপমেন্তকী ইসুশিংগী মতাংদা মেমোরেন্দম ওফ অন্দর্স্তেন্দিংগী মখাদা 2025গী সেপ্তেম্বর 10দা পাংথোকখিবা ক্লাইমেৎ চেঞ্জ অমসুং লো কার্বন দিবেলপমেন্তকী ইসুশিংগী মতাংদা জোইন্ত রসিয়া-ইন্দিয়া ৱার্কিং গ্রুপকী অহানবা মীফমদা নাকল অনিনা তরাম্না ওকখি। নাকল অনিনা পেরিস এগ্রীমেন্তকী আর্তিকল 6গী মেকানিজমশিং ইমপ্লিমেন্ত তৌনবা, কার্বোন হন্থবা তেক্নোলোজীশিং শেমগৎনবা অমসুং সস্তেনেবল ফাইনান্সিং ইন্সত্রুমেন্তশিং শীজিন্ননবা নাকল অনিগী ওইবা দাইলোগ হেনগৎনবা য়ানখি।

জি.20, ব্রিক্স, এস.সি.ও.গী মনুংদা ক্লাইমেৎ চেঞ্জগী মরুওইবা ইসুশিংদা মখা তানা ৱারী শাননবা নাকল অনিমক্না য়ানখি। ব্রিক্স ক্লাইমেৎ রিসর্স প্লেৎফোর্ম অমসুং ত্রেদ, ক্লাইমেৎ অমসুং সস্তেনেবল দিবেলপমেন্তকী ব্রিক্স লেবোরেতরী হৌদোকপা য়াওনা ব্রিক্স কন্তেক্ত গ্রুপ ওন ক্লাইমেৎ চেঞ্জ অমসুং সস্তেনেবল দিবেলপমেন্তকী মনুংদা কোওর্দিনেৎ তৌদুনা থবক পায়খৎপগী মহৈশিংবু নাকল অনিনা তরাম্না ওকখি। 2026তা গ্রুপিং অসিদা ভারতনা চেয়রশিপ পীবা মতমদা ব্রিক্সতা ক্লাইমেৎ চেঞ্জ থেংনবগী লমদা কান্নরবা কোওপরেসন অমা লৈনবা নাকল অনিমক্না পুক্নিং থৌগৎখি।

নাকল অনিমক্না ভারত-রসিয়া স্পিসিএল এন্দ প্রিভিলেজ স্ত্রেতেজিক পার্তনরশিপকী রেসিলিয়েন্স অমসুং মখোয়গী ফোরেন পোলিসী প্রাইওরিতিশিংগী কনভর্জেন্ত অমসুং কম্প্লিমেন্তরী এপ্রোচশিং অদু অপেনবা ফোংদোকখি অমসুং মসিবু মখা তানা মপাঙ্গল কনখৎহন্নবা মখোয়গী অচেৎপা ফিরেপ অদু অমুক হন্না ফোংদোকখি। মখোয়না মরুওইবা শক্তিশিং ওইনা ভারত অমসুং রসিয়ানা মালেমগী শান্তি অমসুং মতিং লৈবা মালেম অমা অমসুং মতিং লৈবা এসিয়াদা মালেমগী শান্তি অমসুং মতিং লৈবা ওইহন্নবা হোৎনগনি হায়না অকনবা ৱাফম থমখি।

রাস্ত্রপতি ভ্লাদিমির পুতিননা প্রধান মন্ত্রী শ্রী নরেন্দ্র মোদীবু মহাক অমসুং মহাক্কী মীহুৎ কাংবুবু ন্যু দিল্লীদা তরাম্না ওকপগীদমক থাগৎপা ফোংদোকখি। মহাক্না মহাকপু 2026তা 24শুবা ভারত-রসিয়া চহিগী মীফমগীদমক রসিয়াদা লাক্নবা হায়খি।

***