প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা শ্রী লঙ্কাগী রাস্ত্রপতিগা তেলিফোন্দা ৱারী শানখ্রে
পি.এম.না সাইক্লোন দিতৱাহনা মরম ওইদুনা শ্রী লঙ্কাদা পুন্সি মাংখিবা অমসুং অমাং-অতা থোকহনখিবা অদুগীদমক্তা অৱাবা ফোংদোকখ্রে
রাস্ত্রপতি দিসানায়াকেনা ভারতকী মতম চানা অমসুং ইফেক্তিব ওইবা তেংবাং অদুগীদমক মহাক্কী মাইকৈদগী থাগৎপা ফোংদোকখ্রে
পি.এম.না ভিজন মহাসাগরগী মতুং ইন্না অমসুং ‘ফার্স্ত রেস্পোন্দর’ ওইনা ওপরেসন সাগর বন্ধুগী মখাদা ভারতনা মখা তানা তেংবাং পীরগনি হায়না থাজবা পীখ্রে
प्रविष्टि तिथि:
01 DEC 2025 8:50PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি শ্রী লঙ্কাগী দেমোক্রেতিক সোসিয়েলিস্ত রিপব্লিক্কী রাস্ত্রপতি, হিস এক্সেলেন্সী মিস্তর অনুরা কুমারা দিসানায়াকেগা ফোনদা ৱারী শানখ্রে।
প্রধান মন্ত্রীনা সাইক্লোন দিতৱাহনা মরম ওইদুনা শ্রী লঙ্কাদা পুন্সি মাংখিবা অমসুং পাক শন্না অমাং-অতা থোকখিবা অদুগীদমক্তা অৱাবা ফোংদোকখি। মহাক্না হায়খি মদুদি ভারতকী মীয়াম্না শ্রী লঙ্কাগী মীয়ামগীদমক অৱাবা তারবা মতম অসিদা মতেং পাংনবা খোংফম চেৎনা মখোয়গীদমক্তা লেপ্লি হায়না ফোংদোকখি।
রাস্ত্রপতি দিসানায়াকেনা দিজাস্তর অসিদা ভারতনা মতেং পাংলিবা অসিগীদমক মহাক্না থমাওই শেংনা তৌবীমল খঙবা উৎখি অমসুং রেস্ক্যু তীমশিং অমসুং রিলীফকী পোৎলমশিং অথুবা মতমদা থারকপগীদমক্তা থাগৎপা ফোংদোকখি। মহাক্না ভারতকী মতম চানা অমসুং ইফেক্তিব ওইবা রেস্পোন্সকী থৌওংশিংগীদমক শ্রী লঙ্কাগী মীয়ামগী মাইকৈদগী থাগৎপা ফোংদোকখি।
প্রধান মন্ত্রীনা প্রসিদেন্ত দিসানায়াকেদা হৌজিক চত্থরিবা ওপরেসন সাগর বন্ধুগী মখাদা শ্রী লঙ্কাদা ভারতনা মখা তানা মতেং পাংখিগনি, অৱাবা তারবা মীওইশিংদা রেস্ক্যু অমসুং রিলীফ পীরগনি হায়না থাজবা পীখি। মহাক্না থাজবা পীখি মদুদি ভিজন মহাসাগর মতুং ইন্না অমসুং 'ফার্স্ত রেস্পোন্দর' অমা ওইনা, ভারতনা শ্রী লঙ্কানা অমুক হন্না শেমগৎনবা হোৎনবদা, মীয়ামগী সর্ভিসশিং অমুক হন্না হৌনবা অমসুং শোকহল্লবা মফমশিংদা পুন্সি মহিং অমুক হন্না হান্নগুম হঞ্জিনহন্নবা হোৎনবদা লাক্কদৌরিবা নুমিৎশিংদা ভারতনা মথৌ তাবা মতেং পুম্নমক পীগনি হায়না থাজবা পীখি।
লুচিংবা অনিমক্না নক্নবা মরী লৈনদুনা লৈনবা য়ানখি।
****
(रिलीज़ आईडी: 2197421)
आगंतुक पटल : 3
इस विज्ञप्ति को इन भाषाओं में पढ़ें:
Malayalam
,
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada