ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଶ୍ରୀଲଙ୍କା ରାଷ୍ଟ୍ରପତିଙ୍କ ସହ ଟେଲିଫୋନ୍ ଯୋଗେ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ
प्रविष्टि तिथि:
01 DEC 2025 8:50PM by PIB Bhubaneshwar
- ଘୂର୍ଣ୍ଣିବାତ୍ୟା ଦିଟୱା କାରଣରୁ ଶ୍ରୀଲଙ୍କାରେ ଘଟିଥିବା ଜୀବନହାନି ଏବଂ ବିପର୍ଯ୍ୟୟ ପାଇଁ ପ୍ରଧାନମନ୍ତ୍ରୀ ଶୋକ ବ୍ୟକ୍ତ କରିଛନ୍ତି
- ଭାରତର ସମୟୋଚିତ ଏବଂ ଫଳପ୍ରଦ ସହାୟତା ପାଇଁ ରାଷ୍ଟ୍ରପତି ଦିସାନାୟକେ ଗଭୀର କୃତଜ୍ଞତା ବ୍ୟକ୍ତ କରିଛନ୍ତି
- ଭିଜନ ମହାସାଗର ଅନୁରୂପ ଏବଂ 'ପ୍ରଥମ ପ୍ରତିକ୍ରିୟା’ ଭାବେ ଅପରେସନ ସାଗର ବନ୍ଧୁ ଅଧୀନରେ ଭାରତର ସମର୍ଥନ ଜାରି ରହିବ ବୋଲି ପ୍ରଧାନମନ୍ତ୍ରୀ ଆଶ୍ୱାସନା ଦେଇଛନ୍ତି
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଶ୍ରୀଲଙ୍କାର ଗଣତାନ୍ତ୍ରିକ ସମାଜବାଦୀ ଗଣରାଜ୍ୟର ରାଷ୍ଟ୍ରପତି ମହାମହିମ ଶ୍ରୀ ଅନୁରା କୁମାର ଦିସାନାୟକେଙ୍କ ସହ ଟେଲିଫୋନ୍ ଯୋଗେ ବାର୍ତ୍ତାଳାପ କରିଛନ୍ତି।
ଘୂର୍ଣ୍ଣିବାତ୍ୟା ଦିଟୱା କାରଣରୁ ଶ୍ରୀଲଙ୍କାରେ ଘଟିଥିବା ଜୀବନହାନି ଏବଂ ବ୍ୟାପକ କ୍ଷୟକ୍ଷତି ନେଇ ପ୍ରଧାନମନ୍ତ୍ରୀ ଗଭୀର ଶୋକ ବ୍ୟକ୍ତ କରିଛନ୍ତି। ସେ କହିଥିଲେ ଯେ ଭାରତର ଲୋକମାନେ ଏହି ଆବଶ୍ୟକ ସମୟରେ ଶ୍ରୀଲଙ୍କାର ଲୋକଙ୍କ ସହ ଦୃଢ଼ ଏକତାର ସହ ଠିଆ ହୋଇଛନ୍ତି।
ବିପର୍ଯ୍ୟୟ ପରେ ଭାରତର ସହାୟତା ପାଇଁ ରାଷ୍ଟ୍ରପତି ଦିସାନାୟକେ ଗଭୀର କୃତଜ୍ଞତା ବ୍ୟକ୍ତ କରିଥିଲେ ଏବଂ ଉଦ୍ଧାରକାରୀ ଦଳ ଏବଂ ରିଲିଫ ସାମଗ୍ରୀର ଦ୍ରୁତ ମୁତୟନକୁ ପ୍ରଶଂସା କରିଥିଲେ। ଭାରତର ସମୟୋଚିତ ଏବଂ ଫଳପ୍ରଦ ପ୍ରତିକ୍ରିୟା ପ୍ରୟାସ ପାଇଁ ସେ ଶ୍ରୀଲଙ୍କାର ଜନସାଧାରଣଙ୍କ ତରଫରୁ ମଧ୍ୟ ପ୍ରଶଂସା କରିଥିଲେ।
ପ୍ରଧାନମନ୍ତ୍ରୀ ରାଷ୍ଟ୍ରପତି ଦିସାନାୟକେଙ୍କୁ ଆଶ୍ୱାସନା ଦେଇଛନ୍ତି ଯେ, ବର୍ତ୍ତମାନ ଚାଲିଥିବା ଅପରେସନ ସାଗର ବନ୍ଧୁ ଅଧୀନରେ ଶ୍ରୀଲଙ୍କାକୁ ଭାରତର ସମର୍ଥନ ଜାରି ରହିବ, ଯାହା ଦ୍ୱାରା ଦୁର୍ଦ୍ଦଶା ଭୋଗୁଥିବା ଲୋକଙ୍କୁ ଉଦ୍ଧାର ଏବଂ ରିଲିଫ ଯୋଗାଇ ଦିଆଯିବ। ସେ ଆଶ୍ୱାସନା ଦେଇଛନ୍ତି ଯେ ଭାରତ, ଏହାର ଭିଜନ ମହାସାଗର ଏବଂ 'ପ୍ରଥମ ପ୍ରତିକ୍ରିୟା' ଭାବରେ ଏହାର ପ୍ରତିଷ୍ଠିତ ସ୍ଥିତି ଅନୁରୂପ, ଆଗାମୀ ଦିନରେ ସମସ୍ତ ଆବଶ୍ୟକୀୟ ସହାୟତା ଜାରି ରଖିବ, ଯେହେତୁ ଶ୍ରୀଲଙ୍କା ପୁନର୍ବାସ ପ୍ରୟାସ ଆରମ୍ଭ କରେ, ସାର୍ବଜନୀନ ସେବା ପୁନର୍ବାର ଆରମ୍ଭ କରେ ଏବଂ ପ୍ରଭାବିତ ଅଞ୍ଚଳରେ ଜୀବିକା ପୁନରୁଦ୍ଧାର ଦିଗରେ କାର୍ଯ୍ୟ କରେ ।
ଦୁଇ ନେତା ଯୋଗାଯୋଗରେ ରହିବାକୁ ରାଜି ହୋଇଥିଲେ
HS
(रिलीज़ आईडी: 2197413)
आगंतुक पटल : 5
इस विज्ञप्ति को इन भाषाओं में पढ़ें:
Malayalam
,
English
,
Urdu
,
Marathi
,
हिन्दी
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada