২ ডিচেম্বৰৰ পৰা আৰম্ভ হ’বলগীয়া কাশী তামিল সংগমম ৪.০ৰ বাবে সাজু হোৱাৰ সময়তে জেনজেডৰ মাজত  উৎসাহৰ এক প্ৰবল ঢৌ বিয়পি পৰিছে।এই অনুষ্ঠানৰ লক্ষ্য হৈছে কাশী আৰু তামিলনাডুৰ মাজৰ প্ৰাচীন সাংস্কৃতিক তথা ভাষিক সম্পৰ্কক যুৱ প্ৰজন্মৰ সজীৱ শক্তিৰ সৈতে সংযোগ কৰা।

 

২৯ নৱেম্বৰত  কন্যাকুমাৰীৰ পৰা বিশেষ ৰে’লযোগে যাত্ৰা আৰম্ভ কৰা প্ৰথমটো প্ৰতিনিধি দলত  আছে বৃহৎ সংখ্যক জেনজেডৰ ছাত্ৰ-ছাত্ৰী। দীঘলীয়া ৰে’ল যাত্ৰাটো খেল, গোটৰ কাৰ্য্যকলাপ, সজীৱ কথোপকথন আৰু সৃষ্টিশীল সহযোগিতাৰে ভৰা সাংস্কৃতিক আনন্দৰ যাত্ৰালৈ ৰূপান্তৰিত হৈছে—যাৰ ফলত এই যাত্ৰাৰ অভিজ্ঞতা  যুৱক-যুৱতীসকলৰ বাবে স্মৰণীয় আৰু অৰ্থপূৰ্ণ দুয়োটাই  হৈ পৰিছে।

এই বিশেষ ৰে’ল যাত্ৰাৰ সময়তে  তামিলনাডুৰ অৰ্চনাই কাশী তামিল সংগমম ৪.০ত অংশগ্ৰহণ কৰিবলৈ অহাৰ বাবে অনুভৱ কৰা  উত্তেজনাৰ কথা প্ৰকাশ কৰে।  ঘৰলৈ গৈ মন্দিৰ ভ্ৰমণ কৰাৰ সুযোগ খুব কমেইহে পায় বুলিও কয় ছাত্ৰীগৰাকীয়ে। সেয়েহে এই সুযোগক তেওঁ ঐশ্বৰিক আশীৰ্বাদ হিচাপে গ্ৰহণ কৰিছে।

 

তেওঁ কয় যে তেওঁ কাশীৰ চহকী আধ্যাত্মিক আৰু সাংস্কৃতিক ঐতিহ্যক প্ৰথমবাৰৰ বাবে অনুভৱ কৰিবলৈ আগ্ৰহেৰে বাট চাই আছে।

আন এজন ছাত্ৰ তিৰুপ্পুৰৰ মালাথি—যিয়ে  ইউ পি এছ চিৰ বাবে প্ৰস্তুতি চলাই আছে—কয় যে তামিলনাডু আৰু কাশীৰ মাজত গভীৰ আধ্যাত্মিক বন্ধন আছে, যিটো মাণিক্কবসাগৰৰ দৰে সন্তসকলে যুগ যুগ ধৰি উদযাপন কৰি আহিছে।

কাশী তামিল সংগমমে সেই বন্ধনক আধুনিক, গতিশীল আৰ্হিত শক্তিশালী কৰি তুলিছে বুলিও তেওঁ কয় । তেওঁ লগতে  কাশী ভ্ৰমণ কৰাটো তেওঁৰ বাবে গৌৰৱৰ মুহূৰ্ত বুলিও অভিহিত কৰে। 

ইফালে কাশীত ঘাট আৰু বিশ্ববিদ্যালয় চৌহদত চলি থকা প্ৰি-ইভেণ্টৰ কাম-কাজো  জেনজেডৰ শক্তিশালী অংশগ্ৰহণেৰে সজীৱ হৈ উঠিছে।

ৰান ফৰ কেটিএছ ৪.০ৰ দৰে অনুষ্ঠানে বৃহৎ সংখ্যক যুৱক-যুৱতীক আকৰ্ষণ কৰিছে,  যিয়ে কেৱল ফিটনেছক প্ৰচাৰ কৰাই নহয়,  আগন্তুক সাংস্কৃতিক উৎসৱৰ বিষয়ে সজাগতা বিয়পোৱাতো সহায় কৰিছে।

বিশ্বনাথ মন্দিৰ অঞ্চলৰ চাৰিওফালে বাটৰ নাট   পৰিবেশন কৰা হৈছে  আৰু বিভিন্ন ঘাটত জেনজেডৰ সৃষ্টিশীল প্ৰকাশভংগী প্ৰদৰ্শন কৰা হৈছে । এনে পদক্ষেপে  কাশী আৰু তামিলনাডুৰ মাজৰ ঐতিহাসিক আৰু সাংস্কৃতিক সংযোগক সতেজ, কলাত্মকৰূপত  উপস্থাপন কৰিছে।

ৰিল প্ৰস্তুত প্ৰতিযোগিতাই উত্তেজনা আৰু অধিক বৃদ্ধি কৰিছে, কিয়নো যুৱ সমল  সৃষ্টিকৰ্তাসকলে সমগ্ৰ ছ’চিয়েল মিডিয়াত অনুষ্ঠানটোৰ আভাস ভাগ-বতৰা কৰিছে—যি কথাই দেশজুৰি যুৱক-যুৱতীসকলৰ মাজত কৌতুহল আৰু  আত্মনিয়োজিতাৰ মনোভাব  সৃষ্টি কৰিছে।

কাশী তামিল সংগমম ৪.০ৰ এইবাৰৰ বিষয়বস্তু হৈছে “তামিল শিকক– তামিল কাৰ্কালাম”, যাৰ লক্ষ্য হৈছে ভাষা আৰু সংস্কৃতিক মানুহৰ ওচৰলৈ অনা। জেনজেডৰ  সক্ৰিয় অংশগ্ৰহণে এই বিষয়বস্তুক আৰু অধিক প্ৰাসংগিক তথা  প্ৰভাৱশালী কৰি তুলিছে।

 

 

***

SC/AK/DS/DM

(रिलीज़ आईडी: 2196684) आगंतुक पटल : 2