#IFFIWood, 27 नोव्‍हेंबर 2025

56 व्या भारतीय आंतरराष्ट्रीय चित्रपट महोत्सवात (इफ्फी) "शोलेची 50 वर्सा : शोले अजूनूय कित्याक प्रतिध्वनीत आसा?" ह्या विषयाचेर आयोजित 'संवाद' सत्रात जेन्ना  प्रतिष्ठित हिंदी चित्रपट 'शोले'चे प्रसिद्ध चित्रपट निर्मातो रमेश सिप्पी हाणी प्रेक्षकांक चित्रपटाच्या इतिहासाचो एक आकर्षक प्रवास दाखयलो तेन्ना चित्रपट मोगिं भूतकाळात परत गेले.

ताची घरकान्न आनी प्रतिभावान अभिनेत्री-निर्माता किरण सिप्पी हांणी येजमानकी केल्ल्या ह्या सत्रात पोरण्यो यादी, खुलासे आनी  भावनिक श्रद्धांजली आशिल्ली.

मूळ शेवट 50 वर्सां उपरांत परत येता

रमेश सिप्पीन सिनेमाप्रेमीं खातीर एक आतुरतेन वाट पळोवपी घोशणा शेअर केली: शोलेची नवी आवृत्ती-ह्या खेपे मूळ शेवटात कसलोच बदल जावंक ना!

1975 वर्सा आणीबाणीच्या काळांत पयलेच खेपे हो चित्रपट प्रदर्शीत जालो तेन्ना तेन्नाच्या सेंसर मंडळान ह्या क्लायमेक्साक हरकत घेतली, जंय ठाकुर बलदेव सिंगान गब्बर सिंगाक आपल्या काटेरी बुटांनी मारलो आनी एक पुलीस अधिकारी सूड घेतना दाखोवंक मेळना असो आग्रह धरलो. नाका म्हणून फिल्म निर्मात्याक आनी ताच्या पंगडाक शेवटाचो रिशूट करचो पडलो. इच्छा नासतना फिल्म निर्मात्याक आनी ताच्या पंगडाक शेवटाचो रिशूट करचो पडलो.

आनंदित सिप्पीन प्रेक्षकांक सांगलें, “आतां तुमकां हो सिनेमा तयार जाल्लो तसो दिसतलो”.

एक नवो लॅंडस्केप आनी एक भयानक खलनायक

ह्या सिनेमा खातीर पुरायपणान नवो व्हिज्युअल पॅलेट कसो सोदून काडलो तें दिग्दर्शकान सांगलें. ज्या काळांत हिंदी सिनेमांतल्या चडशा डकैत ड्रामा फिल्माचें शुटींग राजस्थान आनी चंबल देगणांत जातालें, त्या काळांत रमेश सिप्पीन म्हैसूर आनी बेंगळुरू लागसारच्या खडकाळ वाठाराचो सोद लायलो. फातराच्या फाटभूंयेक लागून शोलेक भारतीय सिनेमांत केन्नाच पळोवंक नाशिल्लो एक खाशेलो देखावो मेळ्ळो.

सेटिंगांतय एक आगळोच कंट्रास्ट आयलो -गब्बर सिंग आपल्या  उत्तर प्रदेश उच्चारान दक्षिण भारताच्या एका वाठाराक आतंकित करतालो. अमजद खानाच्या याद उरपी भूमिके विशीं उलयतना सिप्पीन स्पश्ट केलें की ताका मुळांतूच डॅनी डेन्झोंगपान ही भुमिका करची अशें दिसतालें, पूण परदेशांत शूटिंग कमिटमेंटांक लागून तो उपलब्ध नाशिल्लो. पटकथा लेखक सलीम-जावेद हाणी शिफारश केल्या उपरांत, अमजदखान हाणें सिप्पीक आपल्या नाट्यकुशळटायेन प्रभावित केलो आनी उपरांत सिनेमेटिक इतिहास जालो.

तशेंच पटकथा लेखक जोडयेन सुरवेक मनमोहन देसाय कडेन दोन ओळींची कल्पना मांडली आनी ती तांणी न्हयकारली अशेंय ह्या नामनेच्या चित्रपट निर्मात्यान उक्तायलें. पूण बापूय-पूत सिप्पी जोडी, नामनेचो जीपी सिप्पी आनी पूत रमेश सिप्पी हांणी रोखडीच ताची तांक वळखली. म्हयन्या भितर पटकथा पुराय जाली आनी अचानक खतरनाक पात्र  जाय अशें सिप्पीन सलीम-जावेदाक सांगलें तेन्नाच चंचल विलेन जल्माक आयलो. अशे तरेन हिंदी सिनेमाक आतां मेरेनचो एक व्हडलो खलनायक मेळ्ळो अशें शोलेय निर्मात्यान स्पश्ट केलें.

दिग्गजांची याद 

रमेश सिप्पी आतां आमचे कडेन नाशिल्ल्या व्हड फिल्म स्टारांचो उगडास करून भावनीक जालो. हालींच निधन जाल्ल्या संजीव कुमार, अमजद खान, धर्मेंद्र हांकां तांणी काळजा थावन श्रद्धांजली दिली.

एका हृदयस्पर्शी आख्यायिकांत रमेश सिप्पीन घोड्याचेर बसून ऍक्शन दृश्या वेळार काठी सरकली आनी अभिनेतो पडलो तेन्ना सरवस्त धर्मेंद्राच्या समर्पणाची याद करून दिली. "म्हजें काळीज खिणाक थांबलें," रमेश सिप्पीन सांगलें, "पूण धर्म जी फकत उबो रावलो, स्वताक निवळ केलो आनी परत वचपाक तयार जालो. ताका सदांच स्वताक धक्को दिवपाची आनी नव्या गजालींचो प्रयोग करपाची इत्सा आशिल्ली."

शोलेची अतुलनीय कारागिरी

शोले हो प्रचंड संघटनात्मक वावराचो परिणाम अशें सिप्पीन भर दिलो.सिनेमां मदीं ब्रिटनाचो वेवसायीक फायट-सीक्वेन्स पंगड आशिल्लो हो पयलो भारतीय चित्रपट आशिल्लो हें लक्षांत घेवपासारकें आसा. हाका लागून हिंदी सिनेमांतल्या ऍक्शन दृश्यां खातीर सुरक्षेचे प्रोटोकॉल थारायले अशें किरण सिप्पी हांणी स्पश्ट केलें.

प्रेक्षकां कडेन संवाद सादतना सिनेमा निर्मात्यान सिनेमाटोग्राफर द्वारका दिवेचान आपल्या व्हिज्युअल कथानकान नवे मानक थारायले अशेंय सांगलें. तशेंच परदे फाटल्यान प्रोडक्शन मॅनेजर अझीज भाय हांणी म्हत्वाची भुमिका साकारल्या असोय उगडास तांणी केलो.

जया भादुरीच्या सांजवेळाच्या लैंप सीक्वेंसचो अदभूत लाइटिंग कैप्चर करपाक जायते दीस लागले, दर दिसा “मैजिक आवर” ची  वाट पळयली अशें मास्टर फिल्म निर्मात्यान स्पश्ट केलें.

जिवंत वारसो 

सत्र सोंपता म्हणसर एक गजाल स्पश्ट जाली ती म्हणल्यार शोले हो फकत सिनेमा न्हय. फिल्म निर्मात्यांक प्रेरणा दिवपी, प्रेक्षकांचें मनरिजवण करपी आनी भारतीय सिनेमाच्यो शिमो परतून परिभाषित करपी हो एक जिवो दायज.

50 वर्सां पुराय जावपाची परब मनोवपी आनी एका नव्या अवतारात बहुप्रतिक्षित पुनरागमन करत, शोले परत एकदा गर्जना करपाक सज्ज आसा  - जशे  की अर्धशतका आदी  चित्रपट निर्मातो रमेश सिप्पीन ताची  कल्पना केल्ली. 

शोलेच्या 50व्या वर्साच्या सुवाळ्याक श्रद्धांजली म्हणून इफ्फीन ह्या सिनेमाची प्रतिकात्मक मोटारसायकल महोत्सवाच्या मैदानाचेर दाखयल्या, थंय सिनेमा मोगीं खातीर ते आकर्शणाचें केंद्र जाला.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Post Link: https://x.com/PIB_Panaji/status/1991438887512850647?s=20

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56