প্রধানমন্ত্রীগী লোইশঙ
প্রধান মন্ত্রীনা সংবিধানগী নুমিত্তা ভারত সংবিধান শেম্বীরম্বশিংদা ইকাইখুম্নবা উৎখ্রে
Posted On:
26 NOV 2025 10:01AM by PIB Imphal
সংবিধান নুমিৎকী থৌরমদা প্রধান মন্ত্রী শ্রী নরেন্দ্র মোদীনা ভারতকী সংবিধান শেমখিবা মীওইশিংদা ইকায় খুম্নবা উৎখ্রে। মখোয়গী ৱাখল্লোন অমসুং মঙলাননা বিক্সিত ভারত অমা শেমগৎনবা পুন্না হোৎনবদা লৈবাক অসিবু ইথিল পীরি হায়না মহাক্না ফোংদোকখি।
প্রধান মন্ত্রীনা হায়খি মদুদি ভারতকী সংবিধান্না মীওইবগী ইকাই খুম্নবা, চপ মান্নবা অমসুং নীংতম্বদা খ্বাইদগী হেন্না মরুওইবা পীরি। মহাক্না হায়খি মদুদি সংবিধান্না নাগরিকশিংদা হকশিং পীরি, অদুবু মসিনা মখোয়গী থৌদাংশিংগী মতাংদা নীংশিংলদুনা মসি থম্মোই শেংবগা লোইননা পাঙথোক্কদবনি হায়খি। অসিগুম্বা থৌদাংশিং অসি মপাঙ্গল কনবা অমসুং মশক থোকপা গনতন্ত্র অমগী য়ুম্ফমনি হায়না মহাক্না হায়খি।
লৈবাক অসিগী ৱারেপ অদু অমুক হন্না ফোংদোক্লদুনা, প্রধান মন্ত্রী মোদীনা নাগরিকশিংদা মখোয়গী থবকশিং অদুগী খুত্থাংদা সংবিধানগী মগুনশিং অসিবু মপাঙ্গল কনখৎহন্নবা হায়খি। মসিনা লৈবাক অসিগী চাউখৎপা অমসুং অমত্তা ওইনা পুনশিন্নবদা মতেং পাংগনি।
Xতা থাগৎপা পোস্ত অমদা, শ্রী মোদীনা হায়খি:
"সংবিধান নুমিৎতা, ঐখোয়না ঐখোয়গী সংবিধান শেম্বীরম্বশিংদা ইকায় খুম্নবা উৎচরি। মখোয়গী মিৎয়েং অমসুং ৱাখল্লোন অসিনা বিক্সিত ভারত অমা শেমগৎনবা হোৎনবদা ঐখোয়দা মখা তানা পুক্নিং থৌগৎলি।
ঐখোয়গী সংবিধান্না মীওইবগী ইকাই খুম্নবা, চপ মান্নবা অমসুং নীংতম্বাবু খ্বাইদগী মরুওইনা লৌরি। মসিনা ঐখোয়দা হকশিং পীবগা লোয়ননা, ঐখোয়না মতম পুম্নমক্তা ঙাক্না চৎকদৌরিবা নাগরিক অমা ওইনা ঐখোয়গী থৌদাংশিং অদুসু ঐখোয়দা নিংশিংহল্লি। হায়রিবা থৌদাংশিং অসি মপাঙ্গল কনবা দেমোক্রেসী অমগী য়ুম্ফম্নি।
ঐখোয়গী থবক থৌরমশিংগী খুত্থাংদা সংবিধানগী ভেল্যুশিংবু মপাঙ্গল কনখৎহন্নবা ঐখোয়না ঐখোয়গী ফিরেপ অদু অমুক হন্না নীংশিংলসি।
***
(Release ID: 2195226)
Visitor Counter : 4
Read this release in:
English
,
Urdu
,
Marathi
,
हिन्दी
,
Bengali
,
Bengali-TR
,
Assamese
,
Gujarati
,
Odia
,
Tamil
,
Telugu
,
Kannada
,
Malayalam