দ্বিতীয় বিশ্বযুদ্ধ আৰু পৌৰাণিক কাহিনীক জীৱন্ত কৰি তুলিলে মণিপুৰী তথ্যচিত্ৰ ‘বেটলফিল্ডে’
‘হমছফৰ’ – অতীত যুগৰ সংগীৰ কাহিনী
৫৬সংখ্যক আইএফএফআইয়ে শক্তিশালী, অৰ্থপূৰ্ণ বাৰ্তা বহন কৰা, ইতিবাচক প্ৰভাৱ সৃষ্টি কৰা আৰু শক্তিশালী কাহিনীৰে বিশ্ব চলচ্চিত্ৰ জগতলৈ গুৰুত্বপূৰ্ণ বৰঙণি আগবঢ়োৱা বিভিন্ন ধৰণৰ চলচ্চিত্ৰ প্ৰদৰ্শন কৰি আছে। চলিত বৰ্ষৰ আইএফএফআইত বিশেষভাৱে আকৰ্ষিত হোৱা ন'ন-ফিচাৰ ছবিসমূহৰ ভিতৰত হমছফাৰ (মাৰাঠী) আৰু বেটেলফিল্ড (মণিপুৰী) আছে। আজি এক সংবাদমেলত এই চলচ্চিত্ৰসমূহৰ পৰিচালক, প্ৰযোজক আৰু অভিনেতাসকলে তেওঁলোকৰ সৃষ্টিৰ আঁৰৰ কাহিনীসমূহ শ্বেয়াৰ কৰে আৰু এই চলচ্চিত্ৰসমূহে সমাজলৈ কঢ়িয়াই অনা ইতিবাচক প্ৰভাৱৰ বাবে তেওঁলোকৰ আশা ব্যক্ত কৰে।
পৰিচালক বৰুণ ঠোকচমে কয় যে ছবিখন সম্পূৰ্ণ কৰিবলৈ প্ৰায় দহ বছৰ লাগিছিল। তেওঁ উল্লেখ কৰে যে প্ৰতিজন মণিপুৰীয়ে দ্বিতীয় বিশ্বযুদ্ধৰ কাহিনী শুনি ডাঙৰ-দীঘল হৈছে। তেওঁ লগতে কয় যে মণিপুৰ দ্বিতীয় বিশ্বযুদ্ধৰ ইতিহাসৰ অন্যতম ৰক্তাক্ত যুদ্ধক্ষেত্ৰ আছিল। চলচ্চিত্ৰ নিৰ্মাতা হিচাপে তেওঁ এই স্মৃতিসমূহ কিতাপ বা সংবাদ মাধ্যমত নথিভুক্ত নথকাত বিশেষকৈ উপযুক্ত তথ্যৰ অভাৱত প্ৰত্যাহ্বান গ্ৰহণ কৰিবলগীয়া হৈছিল। তেওঁ বিশ্বাস কৰিছিল যে এই অঞ্চলৰ পূৰ্বপুৰুষসকলৰ কাহিনী সত্যতা আৰু সন্মানেৰে ক'ব পৰাটো তেওঁৰ দায়িত্ব।
যিহেতু প্ৰতিজন মণিপুৰীয়ে যুদ্ধকালীন ঐতিহ্যৰ এটা অংশ বহন কৰে, সেয়ে তেওঁ গল্প, পৌৰাণিক কাহিনী আৰু যুদ্ধৰ গীতসমূহ সংগ্ৰহ কৰি সেইবোৰ একত্ৰিত কৰি বিশ্ববাসীৰ সৈতে ভাগ বতৰা কৰে।
তদুপৰি, তেওঁ কয় যে ৰাজেশ্বৰৰ দৰে লোকসকলৰ দ্বাৰা অনুপ্ৰাণিত হৈ প্ৰায় দহ বছৰ পূৰ্বে ছবিখনৰ নিৰ্মাণ আৰম্ভ হৈছিল, যিসকলে দ্বিতীয় বিশ্বযুদ্ধৰ কাহিনী আৰু পৌৰাণিক কাহিনীক জীৱনলৈ আনিবলৈ সাধাৰণ ধাতু অনুসন্ধানকাৰীৰে ইতিমধ্যে এক অভিযান আৰম্ভ কৰিছিল।
ছবিখনৰ প্ৰযোজক তথা সহ-প্ৰযোজক ক্ৰমে মনজয় লুৰেম্বম আৰু ডাঃ ৰাধেশ্যম অনামে আইএফএফআইৰ আয়োজক সমিতিৰ প্ৰতি আন্তৰিক কৃতজ্ঞতা প্ৰকাশ কৰে। তেওঁলোকে উল্লেখ কৰে যে যুদ্ধক্ষেত্ৰৰ নিজস্ব তাৎপৰ্য আছে আৰু এই কাহিনীসমূহ সংৰক্ষণ আৰু ভৱিষ্যৎ প্ৰজন্মলৈ প্ৰচাৰ কৰাত গুৰুত্বপূৰ্ণ ভূমিকা পালন কৰিব।
‘হমছফৰ’ ছবিৰ পৰিচালক অভিজিৎ অৰবিন্দ ডালভীয়ে কয় যে ছবিখন তেওঁৰ শৈশৱৰ এটা ঘটনাৰ দ্বাৰা অনুপ্ৰাণিত। সৰু ল'ৰা হৈ থাকোঁতে, তেওঁ এবাৰ তেওঁৰ ককাৰ ৰেডিঅ' ট্ৰানজিষ্টৰটো লুকুৱাই ৰাখিছিল যাতে তেওঁৰ ককাকে এইটো নাপালে কি প্ৰতিক্ৰিয়া কৰিব পাৰে সেয়া লক্ষ্য কৰিব পাৰে, তেওঁ বিশ্বাস কৰিছিল যে তেওঁ এই ডিভাইচৰ সৈতে অতিশয় সংযুক্ত হৈ পৰিছে। কেইদিনমানৰ পাছত, তেওঁৰ মাতৃয়ে গম পালে যে এই দুষ্কাৰ্যৰ আঁৰত তেওঁৰ হাত আছে। তাৰ বাবে তেওঁক শাস্তি দিয়া হৈছিল আৰু শেষত ট্ৰানজিষ্টৰটো ঘূৰাই দিয়া হৈছিল। বহু বছৰ পিছত, তেওঁ পুনৰ একেটা ট্ৰেঞ্জিষ্টৰক লৈ লাগি পছিল, যিটোৱে এই ছবিখনৰ ধাৰণা জাগ্ৰত কৰিছিল।
ডালভিয়ে ব্যাখ্যা কৰে যে চলচ্চিত্ৰখনত, সকলো কণ্ঠ কেৱল ৰেডিঅ'ৰ জৰিয়তে শুনা যায়-কোনো এজন নায়কে প্ৰত্যক্ষভাৱে কথা নকয়, যিটোৱে কাহিনীটোৰ ভিতৰত ট্ৰানজিষ্টৰৰ আৱেগিক সংযোগ আৰু বৰ্ণনামূলক তাৎপৰ্যৰ প্ৰতীক। তেওঁ লগতে উল্লেখ কৰে যে ৰেডিঅ'ই মাধ্যম হিচাপে আৰু সহযোগী হিচাপে যি গুৰুত্ব বহন কৰে সেয়া ককাকে ট্ৰানজিষ্টৰ হেৰুওৱাৰ অনুভৱ কৰাৰ পিছত প্ৰকাশ পায়।
For more information, click on:
IFFI Website: https://www.iffigoa.org/
PIB’s IFFI Microsite: https://www.pib.gov.in/iffi/56/
PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F
X Handles: @IFFIGoa, @PIB_India, @PIB_Panaji
* * *
PIB IFFI CAST AND CREW | Sangeeta Godbole/Pushpa Maibam/Darshana Rane | IFFI 56 – 064DB
रिलीज़ आईडी:
2194733
| Visitor Counter:
18