৫৬শুবা IFFI না ফজরবা ৱারী কয়াগী খুত্থাংদা মপাঙ্গল কনবা, ৱাহন্থোক লৈরবা পাউজেলশিং পুবা, পুক্নিং থৌগৎনিংঙাই ওইরবা শাফু অমা পীদুনা মালেমগী সিনেমাদা মশক থোক্না শরুক তম্লিবা নন-ফিচর ফিল্মশিংগী তোঙান-তোঙানবা মখল কয়া উৎকদৌরি। চহি অসিগী IFFI দা পুক্নিং চিংশিনগদবা নন-ফিচর ফিল্মশিংগী মরক্তা হমসফর (মরাথি) অমসুং বেত্তলফিল্দ (মনিপুরী) য়াওরি। ঙসি পাংথোকখিবা প্রেস কনফরেন্স অমদা, ফিল্মশিং অসিগী দাইরেক্তরশিং, প্রদ্যুসরশিং অমসুং এক্তরশিংনা মখোয়না পুথোকখিবা ফিল্মশিংগী ৱারীশিং শন্দোক্না হায়খি অমসুং ফিল্মশিং অসিনা খুন্নাইদা পীরবা য়াবা অফবা ইথিলশিংদা মখোয়না থাজবা থমখি।

দিরেক্তর বোরুন থোকচোমনা ফিল্ম বিতেলফিল্দ অসি লোইশিনবদা চহী তরারোম চংখি হায়না ফোঙদোকখি। মহাক্না পনখি মদুদি মনিপুরগী মীওই খুদিংমক অনিশুবা মালেমগী লাঞ্জাওগী ৱারীশিংগা লোইনদুনা চাউরকপনি অমসুং অনিশুবা মালেমগী লাঞ্জাওগী পুৱারীদা মনিপুরি অসিসু খ্বাইদগী শাথিরবা লানফম কয়া শোক্নফম ওইখি। ফিল্মমেকর অমা ওইনা, মহাক্না মরুওইনা লাইরিক নৎত্রগা মেদিয়াদা চপ চাবা রেকোর্দশিং লৈতবদগী, মহাক্না মসিগী নিংশিংবশিং অসি দোকুমেন্ত তৌবগী অৱাবশিংদু মায়োক্নবা তাখি হায়খি। লমদম অসিগী ইপা ইপুগী ৱারীবু অশেংবা অমসুং ইকায়খুম্নবাগা লোয়ননা লীহৌবা হায়বসি মহাক্কী থৌদাংনি হায়না থাজৈ হায়খি।

মনিপুরী খুদিংমক্না লানগী মতমগী ৱারী অসি পুদুনা চৎলিবা মরম্না, মহাক্না ৱারীশিং, অখংবশিং অমসুং লানগী ঈশৈশিংবু পুন্সিন্ননবা অমসুং মালেমদা শন্দোক্নবগীদমক্তা অমুক হন্না নৈনখি অমসুং খোমজিনখি।

মখা তানা মহাক্না হায়খি মদুদি ফিল্ম অসি ইচম চম্বা মেটল দিতেক্তরশিং শিজিন্নদুনা অনিশুবা মালেমগী লাঞ্জাওগী ৱারীমচাশিংবু পুন্সিদা পুরক্নবা মিসন অমা পায়খৎখিবা রাজেশ্বরগুম্বা মীওইশিংনা ইথিল পীরদুনা চহী ১০ রোমগী মমাংদগী নম্বা হৌদোকখি।

বেতলফিল্দ ফিল্মগী প্রদ্যুসর অমসুং কো-প্রদ্যুসর, মঞ্জোই লৌরেম্বম অমসুং দোক্তর রাধেশ্যম ওইনামনা অসিগুম্বা মপাঙ্গল কল্লবা অমসুং শিংথানীংঙাই ওইরবা থিম অমা য়াওবা ফিল্ম অসি খনবগীদমক IFFI গী শীল্লি লাংলিবা কম্মিতীবু থম্মোইদগী থাগৎপা ফোংদোকখি। মখোয়না হায়খি মদুদি বেৎলফিল্দ অসি মশাগী ওইবা তোপ-তোপ্পা মশক অমা লৈজৈ অমসুং হায়রিবা ৱারীশিং অসি ঙাক-শেন্দুনা থম্বদা অমসুং তুংগী চারোন-শুরোনশিংদা থংথরম্নবা মরু ওইবা থৌদাং অমা লৌগনি।

হমসফর ফিল্ম অসিগী দাইরেক্তর অভিজিৎ অরবিন্দ দালবিনা ৱারী অসি মশাগী ময়ুমগী অঙাং ওইরিঙৈদা থোকখিবা থৌদোক অমদগী ইথিল ফংখিবনি হায়না ফোংদোকখি। মহাক্না অঙাং ওইরিঙৈদা, নোংমা মহাক্না মপুবোকগী রেদিও ত্রাঞ্জিস্তর অদু লোৎশিন্দুনা মপুবোক মদু য়াওদবা মতমদা করম্না লৈবগে হায়বদু য়েংখি, মহাক্না থাজখি মদুদু মপুবোক্না দিভাইস অদুবু অদুক্কী মতীক লুনা তৌজৈ। নুমিৎ খরনিগী মতুংদা, মহাক্কী মমানা পুম্নমক মহাক্না থোকহনবনি হায়বা খঙখি। মসিগীদমক্তা মহাকপু চৈদুনা অমসুং ত্রাঞ্জিস্তর অদু হন্না পীখি। চহি কয়াগী মতুংদা, মহাক্না মান্নবা ত্রাঞ্জিস্তর অদু অমুক হন্না থেংনখি, মসিনা ফিল্ম অসিগী ৱাখল্লোন পোকহনখি।

দালবিনা হায়খি মদুদি ফিল্ম অসিদা য়াওরিবা খোঞ্জেল খুদিংমক রেদিওগী খুত্থাংদা ঙাঙনৈ - প্রোতাগোনিস্ত অমত্তনা হকথেংননা ৱা ঙাংদে। মসিনা ত্রাঞ্জিস্তরনা ৱারী অসিগী মনুংদা থম্লিবা ইথিলগী মরী অমসুং ৱারীগী মরুওইবা অদু তাক্লি। মহাক্না হায়খি মদুদি রেদিওনা মেদিয়ম অমা ওইনা অমসুং মরুপ অমা ওইনা লৌরিবা মরুওইবা অদু মপুবোক্কী রেদিও মাঙখিবা মতমদা ফাওখিবা অদুমক্না তাক্লি।

পি.সি. লিঙ্ক: 

IFFI গী মতাংদা

ইং 1952দা হৌদোকখিবা ইন্তর্নেস্নেল ফিল্ম ফেস্তিবেল ওফ ইন্দিয়া (IFFI) অসি খা এসিয়াগী খ্বাইদগী লিরবা অমসুং খ্বাইদগী চাউবা সিনেমাগী কুমহৈ অমা ওইরি। ভারত সরকারগী ইনফোর্মেসন অমসুং ব্রোদকাস্তিং মন্ত্রালয়গী নেস্নেল ফিল্ম দিবেলপমেন্ত কোরপোরেসন (এন.এফ.দি.সি.) অমসুং গোৱাগী এন্তর্তেন্মেন্ত সোসাইতী (ই.এস.জি.), গোৱাগী রাজ্য সরকারনা পুন্না শীন-লাংদুনা পাংথোক্লিবা ফেস্তিবেল অসি মালেমগী সিনেমাগী পাৱরহাউস অমা ওইরক্লি। মসিদা নৌনা শেমজিন-শাজিন তৌরবা ক্লাসিকেল ফিল্মশিংগা থৌনা ফরবা এক্সপরিমেন্তশিংগা পুনশিন্নরি। IFFIবু অশেংবা মঙাল ওইহল্লিবা অসি মসিগী ইলেক্ত্রিক মিক্স- ইন্তর্নেস্নেল কম্পিতিতিবশিং, কলচরেল শোকেসশিং, মাস্তর ক্লাসশিং, ত্রিব্যুতশিং, অমসুং হাই-এনর্জী ৱেভস ফিল্ম বাজার, মফম অসিদা ৱাখল্লোনশিং, য়ানচেশিং অমসুং কোলাবোরেসনশিংনা পীনরি। নবেম্বর ২০দগী ২৮ ফাওবা গোৱাগী নীংথিরবা শমুদ্র খোঙবালগী বেকদ্রোফতা পাংথোক্কদবা ৫৬শুবা ইদিসন অসিনা লোল, জোন্রা, ইন্নোবেসন, অমসুং ভোইসশিংগী অঙকপা স্পেক্ত্রম অমা অমসুং মালেমগী থাক্তা ভারতকী ক্রিএতিব ব্রিলিয়ান্সকী ইম্মির্সিব সেলেব্রেসন অমা পাংথোক্কনি।

অহেনবা ঈপাউগীদমক মফম অসিদা নম্বীয়ুঃ

IFFI ৱেবসাইত: https://www.iffigoa.org/

PIB’s IFFI মাইক্রো ৱেবসাইত: https://www.pib.gov.in/iffi/56/

PIB IFFIWood ব্রোদকাস্ত চেন্নেল: https://whatsapp.com/channel/0029VaEiBaML2AU6gnzWOm3F

X হেন্দলশিং: @IFFIGoa, @PIB_India, @PIB_Panaji

***