#IFFIWood, 24 नोव्‍हेंबर 2025

56व्या इफ्फीत अश्या वेग वेगळ्या प्रकारचे नॉन-फिचर फिल्म्स सादर करतात, जे प्रभावी आनी अर्थपूर्ण संदेश घेवन येतात, सकारात्मक प्रभाव निर्माण करतात आनी प्रभावशाली कथाकथनावरवीं जागतिक सिनेमात महत्त्वपूर्ण योगदान दितात. अंदूंच्या इफ्फीत लक्ष वेधून घेतिल्ल्या नॉन फिचर फिल्मां मदीं हमसफर (मराठी), आनी बॅटलफील्ड (मणिपुरी) हांचो आस्पाव जाता. आयज जाल्ले पत्रकार परिशदेंत ह्या सिनेमाच्या दिग्दर्शकांनी, निर्मात्यांनी आनी कलाकारांनी आपल्या निर्मिती फाटल्यो कथा सांगल्यो आनी ह्या सिनेमांक लागून समाजाचेर सकारात्मक परिणाम जातलो हाची आस्त उक्तायली.

बॅटलफील्ड हो चित्रपट पुराय जावपाक सुमार धा वर्सां लागलीं अशें दिग्दर्शक बोरुन थोकचोम हाणें सांगले. दरेक मणिपुरी दुसऱ्या म्हाझुजाच्यो काणयो आयकून व्हड जाला अशें ताणें  नदरेक हाडलें आनी मणिपूर हें दुसऱ्या म्हाझुजाच्या इतिहासांतलें एक रक्तरंजित रणांगणांपैकी आसूं येता अशें सांगलें. एक सिनेमा निर्मातो म्हणून ताका ह्या यादींचें दस्तावेजीकरण करपाचें आव्हान घेवप गरजेचे दिसले, खास करून योग्य रेकॉर्ड नाशिल्ल्यान-पुस्तकांत आसूं वा माध्यमांतल्यान आसूं. ह्या प्रदेशांतल्या पूर्वजांची काणी प्रामाणीकपणान आनी आदरान सांगप ही आपली जापसालदारकी अशें ताचें मत आशिल्लें.

फुडें ताणें उक्तायलें की ह्या सिनेमाची निर्मिती सुमार धा वर्सां आदीं राजेश्वर सारकिल्या लोकां कडल्यान प्रेरीत जावन सुरू जाली, त्या दोगांनी -फकत साद्या मेटल डिटेक्टरां वरवीं -दुसऱ्या म्हाझुजाच्यो कथा आनी मिथक जिवीत करपाचे मिशन पयलींच सुरवात केल्ले.

चित्रपट ‘बॅटलफिल्ड’ चो निर्मातो आनी सह-निर्मातो, मांजॉय लौरेम्बम आनी डॉ. राधेश्याम ओइनम, हाणी अशा प्रभावशाली आनी गहन विषयाचो चित्रपट वेंचिल्ल्या खातीर इफ्फी आयोजन समितीचे मनासावन उपकार मानले. बॅटलफील्डाक आपलें स्वताचें म्हत्व आसा आनी ह्यो कथा सांबाळपाक आनी फुडल्या पिळग्यां मेरेन पावोवपाक म्हत्वाची भुमिका आसतली अशें तांणी नदरेक हाडलें.

‘हंसफर’ ह्या सिनेमाचे दिग्दर्शक अभिजीत अरविंद दळवी हांणी सांगलें, ही कथा आपल्या घरांतल्या भुरगेपणांतल्या घडणुकेंतल्यान प्रेरीत आसा. ल्हान भुरगो आसतना ताणें एक फावट आज्याचो रेडिओ ट्रान्झिस्टर लिपोवन दवरलो, ताचे बगर आजो कसो प्रतिक्रिया दितलो तें पळोवपा खातीर,कारण ताका दिसले की तो या उपकरणाकडेन चडूच लागी आसा. कांय दिसांनी ताचे आवयक कळ्ळें की ताणें हे कारस्थान केला. ताका समज दिली आनी निमाणें ट्रान्झिस्टर परत आज्याक दिलो. वर्सां उपरांत ताका परतून तोच ट्रान्झिस्टर सापडलो, जाका लागून ह्या चित्रपटाची कल्पना सुचली.

दळवी हाणें स्पष्ट केले की चित्रपटात सगळे आवाज फकत रेडिओ वरवीं आयकुंक येतात-कोणच नायक थेट उलयना-हें कथेत ट्रान्झिस्टरचे भावनिक कनेक्शन आनी कथात्मक महत्त्व दाखयता. ताणें अशेंय निदर्शनाक हाडलें की आज्याक ट्रान्झिस्टर ना जाल्या उपरांत रेडिओचे माध्यम आनी साथीदार म्हणून आशिल्ले महत्त्व दिसून आयले.

पीसी लिंक:

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56