প্রধানমন্ত্রীগী লোইশঙ
প্রধান মন্ত্রী নবেম্বর ২৫ দা কুরুক্ষেত্রদা চৎকদৌরি
শ্রী গুরু তেগ বহাদুর জীগী ৩৫০ শুবা সহীদি দিবসকী থৌরমদা প্রধান মন্ত্রী শরুক য়াগনি
প্রধান মন্ত্রীনা থৌরম অদুগী নীংশিং খুদম ওইগদবা শেনয়েক অমদি নীংশিং স্তাম্প ফোঙগনি
গুরু তেগ বহাদুরগী ৩৫০ শুবা সহীদি দিবসপু ইকায় খুম্নবা ওইনা ভারত লৈঙাক্না চহি অমা চুপ্না থৌরম পাঙথোক্কনি
প্রধান মন্ত্রী মহাভারত অনুভব কেন্দ্রো জ্যোতিসরদা চৎকনি অমদি ‘পঞ্চজন্য’ শঙ্গাগনি
Posted On:
24 NOV 2025 12:37PM by PIB Imphal
প্রধান মন্ত্রী শ্রী নরেন্দ্র মোদী নবেম্বর ২৫ দা হরিয়ানাগী কুরুক্ষেত্রদা চৎকনি।
নুংথিল পুং ৪:০০ রোম তাবা মতমদা প্রধান মন্ত্রীনা ভগবান কৃষ্ণগী শেংলবা মোইবুংবু ইকায়খুম্নবা ওইনা নৌনা শাখিবা ‘পঞ্চজন্য’ শঙ্গাগনি। মদুগী তুংদা, মহাক্না নীংথিরবা নাৎ অমদি লাইনিংগী মরুওইবা ৱাফমশিং উৎলিবা মহাভারতকী মরুওইবা তাঙ্ককশিং তাকপা পোৎলমশিং য়াওবা পুক্নিং লুপ্নিংঙাই ওইরবা এক্সপিরিমেন্তেল সেন্তর, মহাভারত অনুভব কেন্দ্রদা চৎকনি।
নুংথিল পুং ৪:৩০ রোম তাবা মতমদা, প্রধান মন্ত্রীনা ইকায়খুম্নরবা মাপলশুবা সিখ গুরু শ্রী গুরু তেগ বহাদুর জীগী ৩৫০ শুবা সহীদি দিবসকা মরী লৈননবা পাঙথোকপা অখন্নবা থৌরম অমদা শরুক য়াগনি। থৌরম অদুদা, প্রধান মন্ত্রীনা ইকায়খুম্নরবা গুরুগী ৩৫০ শুবা সহীদি দিবসকা মরী লৈননা পুথোকপা অখন্নবা শেনয়েক অমদি নীংশিং স্তাম্প অমা ফোঙগনি। মহাক্না তিল্লিবা মীয়ামগী মফমদসু ৱা ঙাংগনি। গুরু তেগ বহাদুরগী ৩৫০ শুবা সহীদি দিবস ইকায়খুম্নবা ওইনা ভারত লৈঙাক্না চহি অমা চুপ্না থৌরমশিং পাঙথোক্কদৌরি।
তুংদা, নুংথিল পুং ৫:৪৫ রোম তাবা মতমদা, প্রধান মন্ত্রীনা শ্রীমদ ভগবত গীতা লাইগী মশক্কুম শাফোঙখিবগা মরী লৈনৈ হায়না হায়নবা ভারতকী খ্বায়দগী শেংলবা লাইগী খুভমশিংগী মরক্তা অমা ওইরিবা ব্রহ্ম সরোবরদা লাই খুরুমগনি অমদি ইরাৎ থৌনি পাঙথোক্কনি। খোঙচৎ অসি নবেম্বর ১৫ দগী দিসেম্বর ৫ ফাওবা কুরুক্ষেত্রদা পাঙথোক্লিবা মালেমগী গীতা কুমহৈগসু তাঞ্জা চানরি।
***
(Release ID: 2193587)
Visitor Counter : 7
Read this release in:
Assamese
,
English
,
Urdu
,
Marathi
,
हिन्दी
,
Bengali
,
Punjabi
,
Gujarati
,
Tamil
,
Kannada
,
Malayalam