আই এফ এফ আই ২০২৫ত কলা একাডেমীত লোগনাথন মুৰুগানৰ মাষ্টাৰ ক্লাছ উদ্বোধন; বিশেষজ্ঞসকলে জ্ঞান বিলাবলগীয়া মাষ্টাৰ ক্লাছসমূহত অংশগ্ৰহণ কৰিব বিশিষ্ট চলচ্চিত্ৰ নিৰ্মাতা আৰু আন্তৰ্জাতিক প্ৰতিনিধিয়ে
শ্ৰী লোগনাথন মুৰুগানৰ কলা একাডেমীত আই এফ এফ আই ২০২৫ মাষ্টাৰ ক্লাছ ছিৰিজৰ শুভাৰম্ভ; অধিৱেশনসমূহৰ নেতৃত্বত কেইবাগৰাকীও বিশ্ব চলচ্চিত্ৰ বিশেষজ্ঞ
ৰাজহুৱা উদ্বোধনৰ সৈতে আৰম্ভ আই এফ এফ আই ২০২৫ মাষ্টাৰ ক্লাছ; কৃত্ৰিম বুদ্ধিমত্তা, বহনক্ষমতা আৰু মহিলাৰ নেতৃত্বৰ চিনেমাৰ ওপৰত গুৰুত্ব
আই এফ এফ আই ২০২৫ত মাষ্টাৰ ক্লাছ অধিৱেশন আৰম্ভ; ২০০ খন চলচ্চিত্ৰ আৰু ৫০ গৰাকী মহিলা পৰিচালকৰ চলচ্চিত্ৰ প্ৰদৰ্শনৰ ঘোষণা শ্ৰী লোগনাথন মুৰুগানৰ
কেন্দ্ৰীয় তথ্য আৰু সম্প্ৰচাৰ তথা সংসদীয় পৰিক্ৰমাৰ ৰাজ্য মন্ত্ৰী শ্ৰী লোগনাথন মুৰুগানে আজি গোৱাৰ কলা একাডেমীত অনুষ্ঠিত ৫৬ সংখ্যক ভাৰতীয় আন্তঃৰাষ্ট্ৰীয় চলচ্চিত্ৰ মহোৎসৱত (আইএফএফআই ২০২৫) মাষ্টাৰক্লাছ ছিৰিজ উদ্বোধন কৰে। অনুষ্ঠানত তথ্য আৰু সম্প্ৰচাৰ মন্ত্ৰালয়ৰ সচিব শ্ৰী সঞ্জয় জাজু, তথ্য আৰু সম্প্ৰচাৰ মন্ত্ৰালয়ৰ যুটীয়া সচিব ড০ অজয় নাগভূষণ, প্ৰসিদ্ধ চলচ্চিত্ৰ নিৰ্মাতা শ্ৰী মুজাফ্ফৰ আলী, ৰাষ্ট্ৰীয় চলচ্চিত্ৰ উন্নয়ন নিগমৰ পৰিচালন সঞ্চালক শ্ৰী প্ৰকাশ মাগদুম আৰু প্ৰযোজক শ্ৰী ৰবি কোট্টাৰাকাৰাকে ধৰি কেইবাগৰাকীও জ্যেষ্ঠ বিষয়া উপস্থিত থাকে।
এক ঐতিহাসিক মাইলৰ খুঁটি হিচাপে চিহ্নিত কৰি এই বছৰৰ মাষ্টাৰ ক্লাছ উদ্বোধন প্ৰথমবাৰৰ বাবে সাধাৰণ জনসাধাৰণৰ উপস্থিতিত অনুষ্ঠিত হয়। ইয়াৰ জৰিয়তে অধিক লোকক এই উৎসৱত অংশগ্ৰহণ কৰাৰ সুবিধা দিয়াৰ প্ৰতিশ্ৰুতি প্ৰতিফলিত হৈছে।
উদ্বোধনী ভাষণত শ্ৰী লোগনাথন মুৰুগানে উল্লেখ কৰে যে আইএফএফআই ২০২৫ত সমগ্ৰ বিশ্বতে ভাৰতৰ চিনেমাৰ বৰ্ধিত প্ৰভাৱ প্ৰতিফলিত কৰি ২০০ৰো অধিক চলচ্চিত্ৰ প্ৰদৰ্শন কৰা হ’ব। তেওঁ লগতে কয় যে এই উৎসৱ বিকশিত ভাৰতৰ দিশত দেশৰ যাত্ৰাৰ সৈতে সংম্পৃক্ত হৈ থকাৰ লগতে এই উৎসৱে আন্তৰ্জাতিকভাৱে সৃষ্টিশীল ক্ষেত্ৰখনত পদচিহ্ন সম্প্ৰসাৰণৰ বাবে ভাৰতৰ উচ্চাকাংক্ষাক পুনৰ নিশ্চিত কৰে। মন্ত্ৰীগৰাকীয়ে মহিলা চলচ্চিত্ৰ নিৰ্মাতাসকলৰ অংশগ্ৰহণ আৰু অৱদানৰ ওপৰতো গুৰুত্ব আৰোপ কৰি উল্লেখ কৰে যে এই বছৰ মহিলাৰ দ্বাৰা পৰিচালিত ৫০ খন চলচ্চিত্ৰ প্ৰদৰ্শন কৰা হ’ব। এই পদক্ষেপে প্ৰধানমন্ত্ৰী শ্ৰী নৰেন্দ্ৰ মোদীৰ দৃষ্টিভংগীৰ দ্বাৰা অনুপ্ৰাণিত হৈ নাৰী শক্তি আৰু মহিলা সবলীকৰণৰ প্ৰতি ভাৰত চৰকাৰৰ প্ৰতিশ্ৰুতি প্ৰতিফলিত কৰে।
আই এফ এফ আই ২০২৫ৰ মাষ্টাৰ ক্লাছ শিতানত পেনেল আলোচনা, কৰ্মশালা, ঘূৰণীয়া মেজমেলৰ বাৰ্তালাপ, বিশেষ সাক্ষাৎকাৰ, ফায়াৰচাইড চ্যাট আৰু কথোপকথনমূলক কৰ্মশালাকে ধৰি জ্ঞানৰ আদান-প্ৰদানৰ বিস্তৃত কাৰ্যসূচী আয়োজন কৰা হ’ব। বিধু বিনোদ চোপ্ৰা, অনুপম খেৰ, মুজাফ্ফৰ আলী, শ্বাদ আলী, শেখৰ কাপুৰ, ৰাজকুমাৰ হিৰানী, আমিৰ খান, বিশাল ভৰদ্বাজ আৰু সুহাসিনী মণিৰত্নমৰ দৰে চলচ্চিত্ৰ জগতৰ প্ৰসিদ্ধ ব্যক্তিসকলে সমগ্ৰ উৎসৱত বিভিন্ন কাৰ্যসূচীত অংশগ্ৰহণ কৰিব।
প্ৰখ্যাত চলচ্চিত্ৰ নিৰ্মাতা শ্ৰী মুজাফ্ফৰ আলীয়ে মাষ্টাৰক্লাছ শৃংখলাৰ প্ৰথম অধিৱেশনৰ নেতৃত্ব দি পৰৱৰ্তী দিনবোৰ সজাই তুলিছিল।
এই বছৰৰ মাষ্টাৰ ক্লাছে সমসাময়িক আৰু ভৱিষ্যদৰ্শী বিষয়বস্তুও অন্বেষণ কৰিব, য’ত কৃত্ৰিম বুদ্ধিমত্তা, বহনক্ষমতা আৰু চিনেমাটোগ্ৰাফী, ভিএফএক্স আৰু এছএফএক্সৰ ওপৰত গুৰুত্ব দিয়া কাৰিকৰী কৰ্মশালাৰ ওপৰত বিশেষ অধিৱেশন অনুষ্ঠিত হ’ব। তদুপৰি উদ্যোগৰ শীৰ্ষ বিশেষজ্ঞসকলে মঞ্চাভিনয় সন্দৰ্ভত আগবঢ়োৱা মাষ্টাৰ ক্লাছে শিক্ষণৰ অভিজ্ঞতা সমৃদ্ধ কৰিব।
আই এফ এফ আই ২০২৫ত অষ্ট্ৰেলিয়া, জাপান, জাৰ্মানী আৰু কানাডাৰ প্ৰতিনিধিয়ে অংশগ্ৰহণ কৰাৰ জৰিয়তে চিনেমা ক্ষেত্ৰৰ সহযোগিতা আৰু প্ৰতিভা বিনিময়ৰ এক আন্তৰ্জাতিক মঞ্চ হিচাপে এই অনুষ্ঠানৰ স্থিতি অধিক শক্তিশালী কৰিছে।
আই এফ এফ আইৰ বাৰ্ষিক পৰম্পৰাৰ অংশ হিচাপে, ভাৰতীয় চলচ্চিত্ৰলৈ স্থায়ী অৱদানক সন্মান জনাই ভাৰতৰ নাইটিংগেল হিচাপে খ্যাত লতা মংগেশকাৰ আৰু গুৰু দত্তৰ দৰে চিনেমা জগতৰ বিশিষ্ট ব্যক্তিকে ধৰি কিংবদন্তি শিল্পীসকলক শ্ৰদ্ধাঞ্জলি জনোৱা হ’ব।
* * *
PIB IFFI CAST AND CREW | Sayyid Rabeehashmi/Robin Singh/Darshana Rane | IFFI 56 - 022
रिलीज़ आईडी:
2192522
| Visitor Counter:
8
इस विज्ञप्ति को इन भाषाओं में पढ़ें:
English
,
Khasi
,
Urdu
,
Marathi
,
Nepali
,
Konkani
,
हिन्दी
,
Bengali
,
Manipuri
,
Gujarati
,
Tamil
,
Telugu
,
Kannada
,
Malayalam