#IFFIWood, 21 नोव्‍हेंबर 2025

केंद्रीय माहिती आणि प्रसारण तसेच संसदीय व्यवहार मंत्री डॉ.एल. मुरुगन यांनी गोव्यातील कला अकादमी येथे आज 56 व्या भारतीय आंतरराष्ट्रीय चित्रपट महोत्सवातील (इफ्फी 2025) मास्टरक्लासेसचे उद्घाटन केले. केंद्रीय माहिती आणि प्रसारण विभाग सचिव संजय जाजू, केंद्रीय माहिती आणि प्रसारण विभागाचे संयुक्त सचिव डॉ.अजय नागभूषण; राष्ट्रीय चित्रपट विकास महामंडळाचे व्यवस्थापकीय संचालक प्रकाश मगदूम, सुप्रसिध्द चित्रपट निर्माते मुझफ्फर अली; तसेच चित्रपट क्षेत्रातील प्रख्यात व्यक्तिमत्व असलेले रवी कोट्टरकारा हे या कार्यक्रमाला उपस्थित होते.

एक ऐतिहासिक टप्पा गाठत या वर्षीच्या मास्टरक्लासचे उद्घाटन पहिल्यांदाच सामान्य जनतेच्या उपस्थितीत झाल्यामुळे सुलभ उपलब्धता आणि व्यापक सहभाग यांच्या प्रती या महोत्सवाच्या बांधिलकीचे दर्शन घडले.

चित्रपटीय सहयोग आणि प्रतिभेची देवाणघेवाण करण्यासाठीचे जागतिक  व्यासपीठ म्हणून या मास्टरक्लासेसची भूमिका आणखी बळकट करत यावर्षी ऑस्ट्रेलिया, जपान, जर्मनी आणि कॅनडा या देशांतील सहभागी मास्टरक्लासेसमध्ये सहभागी होण्यासाठी आले आहेत

जगभरात भारताच्या वाढत्या चित्रपटीय प्रभावाचे प्रतिनिधित्व करत यावेळी इफ्फी 2025 मध्ये 200 पेक्षा जास्त चित्रपट सादर होणार आहेत ही बाब केंद्रीय मंत्री लोकनाथन मुरुगन यांनी आपल्या उद्घाटनपर भाषणात अधोरेखित केली. ते पुढे म्हणाले की, विकसित भारत घडवण्याच्या दिशेने देशाच्या वाटचालीला अनुकूल असेल अशा रीतीने हा महोत्सव आयोजित करण्यात आला असून भारताची सर्जनशील पदचिन्हे विस्तारण्याच्या भारताच्या महत्त्वाकांक्षेला त्यातून दुजोरा मिळतो. यावर्षी महिलांनी दिग्दर्शित केलेले 50 चित्रपट या महोत्सवात सादर होणार आहेत याची दखल घेत केंद्रीय मंत्र्यांनी महिला चित्रपट निर्मात्यांचा सहभाग आणि योगदान अधोरेखित केले. पंतप्रधान नरेंद्र मोदी यांच्या दूरदृष्टीकडून मिळालेल्या प्रेरणेसह स्त्री शक्ती आणि महिला सक्षमीकरण यांच्याप्रती सरकारच्या बांधिलकीचे यातून दर्शन घडते.

🎬✨The Masterclasses & Sessions at #IFFI56 bring together master storytellers from across the world for conversations, workshops, panel discussions, retrospectives, and fireside chats, all exploring how cinema and media continue to evolve.

The segment was inaugurated by the… pic.twitter.com/VLUGXsJbO6

— PIB in Goa 🇮🇳 (@PIB_Panaji) November 21, 2025

इफ्फी 2025 मधील मास्टरक्लासेसमध्ये गट चर्चा, कार्यशाळा, गोलमेज संवाद, मुलाखतींची सत्रे, फायरसाईड गप्पा आणि संवादात्मक कार्यशाळा यांच्यासह ज्ञानाच्या सामायीकीकरणाच्या विविध स्वरूपाची विस्तृत श्रेणी आयोजित करण्यात आली आहे.  विधू विनोद चोप्रा, अनुपम खेर. मुझफ्फर अली, नौशाद अली, शेखर कपूर, राजकुमार हिरानी. आमीर खान, विशाल भारद्वाज आणि सुहासिनी मणिरत्नम यांसारख्या चित्रपटसृष्टीतील मान्यवर व्यक्ती या महोत्सवात विविध सत्रे घेणार आहेत.

सुप्रसिध्द चित्रपटनिर्माते मुझफ्फर अली यांनी मास्टरक्लासेसच्या पहिल्या सत्राचे नेतृत्व करून येणाऱ्या सत्रांसाठी सूर निश्चित करून दिला.

या वर्षीच्या मास्टरक्लासेस मध्ये समकालीन तसेच भविष्य-वेधी संकल्पनांचा देखील शोध घेण्यात येणार आहे. यासाठी या महोत्सवाच्या काळात कृत्रिम बुद्धीमत्ता, शाश्वतता यांच्यावर आधारलेली विशेष सत्रे तसेच सिनेमॅटोग्राफी, व्हीएफएक्स आणि एसएफएक्स यांच्यावर अधिक लक्ष केंद्रित करणाऱ्या तांत्रिक कार्यशाळा आयोजित करण्यात आल्या आहेत. त्याबरोबरच, चित्रपट उद्योगातील प्रमुख तज्ञांनी  रंगमंचावरील अभिनय या विषयावरील मास्टरक्लासेस उपस्थितांच्या अध्ययन अनुभवाला खोली प्राप्त करून देईल.

इफ्फीविषयी

वर्ष 1952 मध्ये सुरु झालेला भारतीय आंतरराष्ट्रीय चित्रपट महोत्सव (इफ्फी) हा दक्षिण आशियात सर्वप्रथम सुरु झालेला आणि चित्रपटांशी संबंधित असा सर्वात मोठा उत्सव समजला जातो. राष्ट्रीय चित्रपट विकास महामंडळ (एनएफडीसी), केंद्रीय माहिती आणि प्रसारण मंत्रालय, एन्टरटेनमेंट सोसायटी ऑफ गोवा (ईएसजी) ही संस्था तसेच गोवा राज्य सरकार यांच्या संयुक्त विद्यमाने आयोजित होत असलेला हा महोत्सव आता, जेथे पुनर्संचयित अभिजात कलाकृती धाडसी प्रयोगांना सामोऱ्या जातात आणि दिग्गज कलाकार निर्भय नव-कलाकारांसोबत एकत्र येऊन काम करतात, अशा जागतिक चित्रपटीय शक्तीकेंद्राच्या रुपात उदयाला आला आहे. इफ्फीला खऱ्या अर्थाने चमकदार स्वरूप देणारे घटक म्हणजे त्यातील विजेसारख्या तळपणाऱ्या मिश्र आंतरराष्ट्रीय स्पर्धा, सांस्कृतिक सादरीकरणे, मास्टर क्लासेस,श्रद्धांजलीपर उपक्रम तसेच  कल्पना, व्यवहार आणि सहयोगी संबंधांना झेप घेऊ देणारा, चैतन्याने भारलेला वेव्हज चित्रपट बाजार. गोव्यातील जबरदस्त आकर्षक समुद्रकिनाऱ्याच्या पार्श्वभूमीवर, 20 ते 28 नोव्हेंबर दरम्यान होत असलेला महोत्सवाचा 56 वा भाग भाषा, शैली, नवोन्मेष आणि आवाजांचा झळाळता पिसारा घेऊन जागतिक मंचावर भारताच्या सर्जक प्रतिभेचा गुंगवून टाकणारा सोहळा सादर करत आहे.

For more information, Click on:

https://www.pib.gov.in/PressReleasePage.aspx?PRID=2191742

https://www.pib.gov.in/PressReleasePage.aspx?PRID=2190381

IFFI Website: https://www.iffigoa.org/

 PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | गोपाळ चिप्पलकट्टी/संजना चिटणीस/दर्शना राणे | IFFI 56