डॉ एल मुरुगन हांणी कला अकादमींत IFFI 2025 मास्टरक्लासाचें उक्तावण केलें
IFFI 2025 मास्टरक्लास ची भौशीक उक्तावणांन जाली सुरवात; AI, शाश्वतता आणि महिलांच्या फुडारपणा खालच्या सिनेमाचेर खासा भर
#IFFIWood, 21 नोव्हेंबर 2025
केंद्रीय म्हायती आनी प्रसारण आनी संसदीय वेव्हार राज्यमंत्री डॉ. एल.मुरुगन हांणी आयज गोंयात कला अकादमींत भारताच्या 56व्या आंतरराष्ट्रीय चित्रपट महोत्सवांत (इफ्फी 2025) मास्टरक्लास मालिकेचें उक्तावण केलें. ह्या वेळार म्हायती आनी प्रसारण मंत्रालयाचे सचीव श्री संजय जाजू, म्हायती आनी प्रसारण मंत्रालयाचे संयुक्त सचीव; डॉ.अजय नाघभूषण आनी नामनेचो चित्रपट निर्मातो श्री मुजफ्फर अली; राष्ट्रीय चित्रपट विकास म्हामंडळाचे वेवस्थापकीय संचालक श्री प्रकाश मगदुम आनी निर्माते श्री रवि कोट्टराकारा तशेच हेर मानेस्त हजर आशिल्ले.
ह्या वर्सा मास्टरक्लासचे उक्तावण पयलेच खेपे सर्वसामान्य जनतेच्या उपस्थितीत जाले. मास्टरक्लासात ऑस्ट्रेलिया, जपान, जर्मनी आनी कॅनडा थावन प्रतिनिधीनी सहभाग घेतला, सिनेमॅटिक सहकार्य आनी प्रतिभेचो दिवप - घेवप करपा खातीर आंतरराष्ट्रीय मंच म्हूण ह्या महोत्सवाची सुवात आनीक घटमूट जाल्या.
IFFI 2025 त २०० परस चड चित्रपट दाखयतले, जे संवसारभर भारताच्या वाडट्या सिनेमॅटिक प्रभावाचे प्रतीक आसा अशें, डॉ. एल. मुरुगन हाणी आपल्या उक्तावणाच्या उलोवपांत सांगले. हो महोत्सव विकसीत भारताच्या प्रवासाक अनुरूप आसा आनी संवसारीक पांवड्यार सृजनशीलतेचो विस्तार करपाच्या भारताच्या महत्त्वाकांक्षेची परतून पुष्टी करता, अशे तांणी म्हळें. तशेंच महिला चित्रपट निर्मात्यांचो सहभाग आनी योगदान हांचेर तांणी भर दिलो. अंदूं महिलांनी दिग्दर्शीत केल्ले 50 चित्रपट प्रदर्शीत जातले अशे तांणी नमूद केले - जे प्रधानमंत्री श्री नरेंद्र मोदी हांच्या दृष्टीकोनातून प्रेरीत जावन नारी शक्ति आनी महिला सशक्तीकरणा खातीर भारत सरकाराच्या बांदिलकेचे प्रतिबिंब आसा.
IFFI 2025 च्या मास्टरक्लास विभागांत पॅनल चर्चा, कार्यशाळा, गोलमेज संवाद, मुलाखत सत्रां,फायरसाइड चॅट्स आनी संवादात्मक कार्यशाळा अशा वेगवेगळ्या ज्ञान-विनिमय स्वरूपांचो विस्तृत आस्पाव आसतलो. विधु विनोद चोपडा, अनुपम खेर, मुजफ्फर अली, शाद अली, शेखर कपूर, राजकुमार हिरानी, आमिर खान, विशाल भारद्वाज, सुहासिनी मणिरत्नम ह्या सारकिली नामनेचीं चित्रपट व्यक्तीमत्वां पुराय महोत्सवांत वेगवेगळी सत्रा घेतलीं.
नामनेचो चित्रपट निर्मातो श्री मुजफ्फर अली हाणें मास्टरक्लास मालिकेच्या पयल्या सत्राचें फुडारपण केले.
अंदूंच्या मास्टरक्लासांत कृत्रिम बुद्धिमत्ता, शाश्वतता ह्या सारक्या समकालीन आनी भविष्याभिमुख विशयांचेरय तशेच सिनेमॅटोग्राफी, VFX आनी SFX विशीच्या तांत्रिक कार्यशाळांचेर खासा भर दितले. ते भायर नाट्य-अभिनय विशीच्या शीर्ष तज्ज्ञांच्या मास्टरक्लासाक लागून भाग घेवप्यांचो शिकपाचो अणभव आनीक समृध्द जातलो.
IFFI विशीं
1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.
For more information, Click on:
https://www.pib.gov.in/PressReleasePage.aspx?PRID=2191742
https://www.pib.gov.in/PressReleasePage.aspx?PRID=2190381
IFFI Website: https://www.iffigoa.org/
PIB’s IFFI Microsite: https://www.pib.gov.in/iffi/56new/
PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F
X Handles: @IFFIGoa, @PIB_India, @PIB_Panaji
* * *
PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56
Release ID:
2192517
| Visitor Counter:
32
Read this release in:
English
,
Khasi
,
Urdu
,
Marathi
,
Nepali
,
हिन्दी
,
Assamese
,
Bengali
,
Manipuri
,
Gujarati
,
Tamil
,
Telugu
,
Kannada
,
Malayalam