#IFFIWood, 21 नोव्‍हेंबर 2025

टर्बो मोडांत प्रतिभा! क्रिएटिव्ह माइंड्स ऑफ टुमॉरो (सीएमओटी) 2025 ची पांचवी आवृत्ती आयज गोंयांत सुरू जाल्ल्यान भारताच्या नेक्स्ट-जेन क्रिएटर्सान माचयेर पावल घालें आनी ह्या सोबीत दर्यादेगेवेल्या शाराक भारतांतल्या सगळ्यांत प्रतिभावान आनी नवोदित तरणाट्या फिल्म निर्मात्यां खातीर एक मैदान थारले . 

125 उदेंते कलाकार  उच्च-स्तरीय 48 वरां चलपी चित्रपट निर्मिती आव्हाना खातीर चर्चेंत येतात , जंय कल्पना सृजनशीलता, सहकार्य आनी सिनेमा, जादूच्या ल्हारार पटकथा वयल्यान पड्ड्या मेरेन धांवतात. हो  फकत महोत्सव न्हय जाल्यार हांगाच्यान फाल्यांचे दिग्दर्शक, नट आनी कथाकार आपल्योच ब्लॉकबस्टर कथा बरोवपाक  सुरवात करतात.

केंद्रीय म्हायती आनी प्रसारण आनी संसदीय वेव्हार राज्यमंत्री डॉ. एल मुरुगन हांणी ह्या सर्तीचे उक्तावण केले. २०२१ सावन सेगीत वाड जावपी ह्या उपक्रमाची आनी तरणाट्या कथाकारांक आंतरराष्ट्रीय मांची  दिल्ल्या खातीर सीएमओटीची तांणी तोखणाय केली. "हो प्लॅटफॉर्म भारताच्या उदयाक येवपी निर्मात्यांक जागतीक निर्माते  आनी सृजनशील नेटवर्कां कडेन जोडटा. सीएमओटी फकत फिल्म मेकिंग न्हय, राष्ट्राच्या सृजनशील फुडाराक आकार दिवपी मांची," अशें तांणी सांगलें.

🎬🔥 The most thrilling race at #IFFI56 is ON!

Creative Minds of Tomorrow (CMOT) kicked off with MoS, @MIB_India, @DrLMurugan and Secretary, @MIB_India Sanjay Jaju reflecting on its incredible growth with former participants now earning global recognition and National Awards.… pic.twitter.com/IySnZSunBw

— PIB in Goa 🇮🇳 (@PIB_Panaji) November 21, 2025

डॉ.मुरुगान हांणी वाटेकार जाल्ल्यांक  48 वरांचें तीव्र फिल्म निर्मिती आव्हान स्वीकारपाचे आवाहन केले, “ह्या उंचेल्या अणभवांक लागून तुमची कुशळटाय धारदार जाता आनी तुमची सगळ्यांत बरी कला मुखार येता” हाचेर तांणी भर दिलो. तशेंच तांणी मुंबयंत नव्यान सुरू केल्ल्या इंडियन इन्स्टिट्यूट ऑफ क्रिएटिव्ह टेक्नॉलॉजीज सयत मुखेल सरकारी उपक्रमांचेर भर दिलो, जी प्रतिभेक पोसवण दिवपाक, भारताची सृजनशील पर्यावरण यंत्रणा घटमूट करपाक आनी ऑरेंज अर्थवेवस्थेक चालना दिवपाक तयार केल्ली आसा, जी प्रधानमंत्र्यांच्या  जिवंत, नवनिर्माण चालीक लायिल्ल्या सृजनशील क्षेत्रा खातीर आशिल्ल्या दृश्टीकोना प्रमाण आसा.

When we celebrated #AzadiKaAmritMahotsav, we began with 75 young creators and today, we proudly have 124 participants at Creative Minds of Tomorrow (CMOT). This reflects PM @narendramodi's vision of strengthening young creators and expanding India’s #OrangeEconomy across media… pic.twitter.com/XXogdWQMlc

— PIB India (@PIB_India) November 21, 2025

म्हायती आनी प्रसारण मंत्रालयाचे सचीव श्री संजय जाजू हांणी वेंचून काडिल्ल्या तरणाट्यांक परबीं दिवन तांचो आस्पाव म्हत्वाचो अशें म्हणलें. तांच्या उमेदीची तोखणाय करून ताणें फाटल्या वर्साच्या आव्हानांत तयार केल्ल्या अपवादात्मक चित्रपटांचो उगडास करून निमाणे प्रदर्शन  “ऑस्कर सारके ” अशें वर्णन केलें. सीएमओटी दुर्मिळ सहकार्याक पोसवण दिता, जंय अनोळखी लोक एकठांय येवन आकर्शक कथा तयार करतात, हाचेरय  तांणी भर दिलो. तुमच्यांतले जायते जाण फुडें वचून भारताचे फुडाराचे कथाकार आनी जागतीक सांस्कृतीक राजदूत जातले अशें तांणी हालींच राष्ट्रीय चित्रपट पुरस्कार मेळयल्ल्या सीएमओटीच्या पूर्ववर्ती विद्यार्थ्यांचें उदाहरण दिवन सांगलें.

Honourable PM @narendramodi reminded us at #WAVES that India is a nation with a rich storytelling heritage, and that’s how we envisioned WAVES to be an event that connects creators with the country 🌊✨

This year, #IFFI has been reoriented to become a platform for India’s… pic.twitter.com/T8akP71YAR

— PIB India (@PIB_India) November 21, 2025

शॉर्ट्स इंटरनॅशनलचे संस्थापक आनी सीईओ कार्टर पिल्चर हांणी ह्या वर्साच्या सीएमओटीचें वर्णन आयज मेरेनची एक रोमांचक आवृत्ती अशें केलां. हेर खंयच्याच जागतीक महोत्सवां सारकोच हांगाय अतुलनीय मंच उबारपा खातीर तांणी मंत्रालयाची तोखणाय केली.  आदल्या आवृत्तींतले वाटेकार  पयलींच कान्सात , संवसारभरांतल्या मुखेल महोत्सवांनी प्रदर्शन करतात आनी ऑस्करच्या शॉर्टलिस्टांत लेगीत प्रवेश करतात अशें तांणी सांगलें. ही संद शिकपाक, सहकार्य करपाक आनी सृजनशील मर्यादा हूपपाक आपणावची अशे  पिल्चरान निर्मात्यांक आवाहन केले  आनी आतां लघुरूप कथाकथन जागतीक मनरिजवणेचे  केंद्रस्थान आसा अशें सांगलें.

उक्तावण सुवाळ्या वेळार संयुक्त सचीव (फिल्म) डॉ अजय नागभूषण आनी एनएफडीसीचे वेवस्थापकीय संचालक श्री प्रकाश मगदुम हेवूय  हाजीर आशिल्ले.

क्रिएटिव्ह माइंड्स ऑफ टुमॉरो (सीएमओटी) विशीं

क्रिएटिव्ह माइंड्स ऑफ टुमॉरो (सीएमओटी) हो म्हायती आनी प्रसारण मंत्रालय (एमआयबी) आनी नॅशनल फिल्म डेव्हलपमेंट कॉर्पोरेशन (एनएफडीसी) हांचो एक दूरदर्शी  उपक्रम, जो भारतीय चित्रपट उद्देगांतल्या उदेंत्या कलाकार नखेत्रांचो सोद घेवपाक, पोसपाक आनी तांकां प्रोत्साहन दिवपाक  तयार केला. हो फकत एक टॅलेंट प्रोग्राम न्हय  जाल्यार तो फुडाराच्या कथाकारांक एक लांचपॅड, जो भारताची सृजनशील अर्थवेवस्थेक चालना दिता.

दर वर्सा सीएमओटी रॉ पैशनाक सिनेमाच्या शानदार प्रतिभेत रुपांतरीत करता, देशभरांतल्या नवोदित चित्रपट निर्मात्यांक एक असामान्य संद दिता: आशियांतल्या एका प्रतिश्ठीत चित्रपट महोत्सवांत जागतीक माचयेर आपली कुशळटाय दाखोवपाची संद दिता.

इफ्फीच्या धर्तरेर ह्या उपक्रमाच्यो चार यशस्वी आवृत्ती जाल्यात. म्हत्वाच्या पांचव्या आवृत्तींत सीएमओटींत परत एक फावट भारतभरांतल्या वट्ट 13 फिल्म क्राफ्टांतल्या सुमार 125 तरणाट्यां प्रतिभेचो आस्पाव जातलो.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, Click on:

https://www.pib.gov.in/PressReleasePage.aspx?PRID=2191768

https://www.pib.gov.in/PressReleasePage.aspx?PRID=2075551

https://www.pib.gov.in/PressReleasePage.aspx?PRID=2073892

https://www.pib.gov.in/PressReleaseIframePage.aspx?PRID=1978454

https://www.pib.gov.in/PressReleasePage.aspx?PRID=1979776

https://www.pib.gov.in/PressReleseDetailm.aspx?PRID=1856855

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56