اِفّی ووڈ ، 20 نومبر- 2025 #

گبریئل ماسکارو کی دکھ بھری کہانی ‘‘دی بلیو ٹریل’’  جو اپنی مادری پرتگالی زبان میں‘‘O Ultimo Azul’’ کے نام سے جانی جاتی ہے ، نے آج 56ویں انٹرنیشنل فلم فیسٹیول آف انڈیا (اِفّی) کے آغاز میں اپنی پہلی چمک بکھیری۔اس کے  ساتھ گوا کے سمندری دامن میں ایک نئے سفر کا آغاز ہوگیا۔افتتاحی فلم کو بے حد پذیرائی ملی، جس نے ناظرین میں تحسین اور حیرت دونوں کو جنم دیا۔

فلم کے اسکرین پر رونما ہونے سے قبل، اس کی کاسٹ اور ٹیم — ماریہ الجینڈرا راجوس، ارتروسالازاآربی ، کلیریساپنہیرو، روژا مالاگیٹا اور ڈائریکٹر گیبریئل ماسکارو  نے ریڈ کارپٹ کی رونق بڑھائی۔اسی دوران ایل مورگن، وزیر مملکت برائے اطلاعات و نشریات و پارلیمانی امور؛ پرمود ساونت، وزیر اعلیٰ گوا؛ سنجے جاجو، سکریٹری وزارت اطلاعات و نشریات؛ شیکھر کپور، فیسٹیول ڈائریکٹر اِفّی ؛ اورمشہور اداکار نندموری بال کرشن بھی موجود تھے۔

فلم پر تبصرہ کرتے ہوئے شیکھر کپور نے کہا “میں نے افتتاحی فلم برلن فلم فیسٹیول میں دیکھی تھی جہاں اسے سلور بیئر کا ایوارڈ ملا، جو دوسرا سب سے بڑا اعزاز ہے۔ یہ ایک بے حد متاثرکن فلم ہے، مگر میں چاہوں گا کہ اس کے بارے میں ہدایتکار خود آپ سے بات کریں۔” وہیں گیبریئل ماسکارو نے اظہارِ خیال کرتے ہوئے کہا“یہ فلم ایک معمر خاتون کے بارے میں ہے، جو شاید ہماری مدد کرے کہ ہم سمجھ سکیں کہ زندگی میں اپنا مطلب تلاش کرنے کے لیے ہمیشہ وقت موجود ہوتا ہے۔” شیکھر کپور نےاِفی کے مستقبل کے حوالے سے اُمید کا اظہار بھی کیا اور کہا“میرا خیال ہے کہ دو یا تین سال میں ہمارے پاس ایک لاکھ لوگ ہوں گے اور ہم بہت جلد کانز فلم فیسٹیول جتنے بڑے بن جائیں گے۔”

‘دی بلیو ٹریل’ کے پریمیئر کا تالیوں کی گڑگڑاہٹ کے ساتھ استقبال کیا گیا ہے ۔  سامعین نے زندگی کی آزمائشوں کی دل کی گہرائیوں سے تلاش ، اس کی مزاحمت کے پرسکون جشن   اور خود دریافت کے روشن سفر کے لیے فلم کی تعریف کی جو ٹریسا اتنی دلیری سے کرتی ہے ۔

 ایک دکھ بھرا ڈرامہ:

برازیل کے خوفناک پس منظر پر مبنی ‘دی بلیو ٹریل’  ٹریسا نام کی ایک پرجوش 77سالہ خاتون کی کہانی بیان کرتی ہے، جو قسمت کے سخت ہاتھوں ور اسے حکومت کے ذریعے ایک بزرگوں کی کالونی تک محدود رکھنے کے دباؤ کو چیلنج کرتی ہے۔  خوابوں سے بھرے دل اور پرجوش جذبے کے ساتھ ، وہ ایمیزون  کے راستے ایک جرات مندانہ سفر پر نکل پڑتی ہے ، کھلے آسمان میں پرواز بھرنے کے لیے پہلی بار تڑپ اٹھتی ہے ۔  نقل وحرکت کے عام ذرائع نہ ملنے پر وہ کشتی کے سہارے نکل پڑتی ہے، اس دوران راہ میں وہ متعدد کرداروں سے ملتی ہےاور ان چیلنجوں کا سامنا کرتی ہے جو اس کی ہمت کا امتحان لیتے ہیں اور راستے میں حیرت کو جنم دیتے ہیں ۔  سفر کے ہر موڑ ، ٹھوکر  اور عارضی لمحے کے ذریعے ، ٹریسا کا سفر آزادی ، مزاحمت اور اپنی شرطوں  پر زندگی گزارنے کی ناقابل تسخیر خوشی کا ثبوت بن جاتی ہے ، جو معاشرے کے ذریعے طے کی گئی عمر کی حدود سے ماورا ہے۔

آئی ایف ایف آئی(اِفّی) کے بارے میں

1952 میں شروع ہوا ، انٹرنیشنل فلم فیسٹیول آف انڈیا (آئی ایف ایف آئی) جنوبی ایشیا کا سب سے قدیم اور سنیما کا سب سے بڑا جشن ہے۔  نیشنل فلم ڈیولپمنٹ کارپوریشن (این ایف ڈی سی) وزارت اطلاعات و نشریات ، حکومت ہند اور انٹرٹینمنٹ سوسائٹی آف گوا (ای ایس جی) ریاستی حکومت گوا کے ذریعے مشترکہ طور پر منعقد کیا جانے والا یہ فیسٹیول وقت کے ساتھ، ایک عالمی فلمی مرکز بن چکا ہے—جہاں بحال شدہ کلاسکس اور جرأت مندانہ تجربات ایک ساتھ پیش کیے جاتے ہیں اور عظیم فنکاراس تقریب میں پہلی بارشرکت  کرنے والے بے باک فنکاروں کے ساتھ اسٹیج شیئر کرتے ہیں۔ اِفّی کی سب سے بڑی خصوصیت اس کا پرجوش امتزاج ہے۔ بین الاقوامی مقابلے، ثقافتی پیشکش، ماسٹرکلاسز، خراجِ تحسین اور پرجوش ویوز فلم بازار، جہاں تخلیقی آئیڈیاز، سمجھوتے اور تعاون پروان چڑھتے ہیں۔گوا کے دلکش ساحلی مناظر کے پس منظر میں 20 سے 28 نومبر تک منعقد ہونے والا 56واں ایڈیشن زبانوں، اصناف، اختراعات اور آوازوں کا شاندار امتزاج ایک ساتھ لے کر آتا ہے—جو ہندوستان کی تخلیقی ذہانت کا عالمی اسٹیج پر ایک بھرپور جشن ہے۔

مزید معلومات کے لیے ، درج ذیل لنک پرکلک کریں:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Post Link: https://x.com/PIB_Panaji/status/1991438887512850647?s=20

X Handles: @IFFIGoa, @PIB_India, @PIB_Panaji

********

ش ح۔م ش۔ ج ا

U-1577