#IFFIWood, 29 नोव्‍हेंबर 2025

गाब्रिएल मास्कारोची ‘द ब्लू ट्रेल’ ह्या डिस्टोपियन कथानकान, जाका ताच्या मूळ पोर्तुगेज भाशेंत ‘O Último Azul’ म्हणून वळखतात, आयज 56व्या भारतीय आंतरराष्ट्रीय चित्रपट महोत्सवाची गोयांत सुरवात केली. उक्तावणाच्या चित्रपटाक मोठ्या प्रमाणात प्रतिसाद मेळा आनी तोखणाय आनी आश्चर्य निर्माण केला. 

चित्रपट सुरू जावचे पयलीं, मारिया अलेजांद्रा रोजास, आर्तुरो सालाझार आर.बी., क्लारिसा पिन्हेइरो, रोसा मलागुएता आणि गाब्रिएल मास्कारो हांच्या सयत सिनेमाचे कलाकार आनी तंत्रीक पंगड रेड कार्पेटीचेर उपस्थित आशिल्ली. माहिती आनी प्रसारण तसेच संसदीय कामकाज राज्यमंत्री एल. मुरुगन; गोयचे मुख्यमंत्री प्रमोद सावंत; माहिती आनी प्रसारण मंत्रालयाचे सचिव संजय जाजू; IFFIचे फेस्टिव्हल डायरेक्टर शेखर कपूर आनी नामनेचे अभिनेते नंदमुरी बालकृष्ण हे संवाद सत्रा वेळार उपस्थित आशिल्ले. 

ह्या सिनेमा विशीं उलयतना शेखर कपूर हांणी म्हणलें,"हें उक्तावण फिल्म हांवें बर्लिन फिल्म फेस्टिवलांत पळयलें, थंय ताका ‘सिल्वर बियर’ हो दुसरो उत्कृश्ट पुरस्कार मेळ्ळो, हो एक अतिशय भावनिक चित्रपट, पूण हांव दिग्दर्शकाक तुमचे कडेन हे विशीं उलोवंक दिता.” गाब्रिएल मास्कारो हाणी ह्या म्हळें,हो चित्रपट एका जाण्ट्या बायल मनशे विशीं आसा, जी आमका हे समजून घेवपाक मदत करता की जीवनाचो अर्थ सोदपाखातीर सदांच योग्य वेळ आसता. श्री कपूर हाणी  इफफींत आपली आस्त उक्तायली आनी म्हळें, “म्हाका दिसता दोन, तीन वर्सांनी आमचे कडेन एक लाख लोक आसतले, आनी आमी बेगीनच कान फेस्टिवल इतले व्हडले जातले.”

‘द ब्लू ट्रेल’च्या प्रीमियरचे ताळ्यांच्या कडकडाटात स्वागत जाले. जिणेतल्या संघर्शांचो हृदयस्पर्शी शोध आनी तेरेसान इतले धाडसान स्वीकारलेल्या आत्म-शोधाच्या प्रकाशमय प्रवासाखातीर ह्या चित्रपटाचे कौतुक केले.

एक डिस्टोपियन नाटक:

डिस्टोपियन ब्राझीलाच्या भिरांकूळ फाटभुंयेर ‘द ब्लू ट्रेल’ हि कथा 77 वर्सां पिरायेची बायल मनीस टेरेसाचे काणी सांगता, जी नशिबाच्या कठोर हाताक आनी वृद्धाश्रम बंदिस्त करपाच्या सरकारच्या दबावाक झुगारून दिवपी एक उत्साही बायल मनीस. सपनांनी भरिल्लें काळीज आनी अमर्याद उत्साहान  ती ऍमेझॉनांतल्यान धाडसी भोंवडेक भायर सरता, पयलेच खेपे मळबाची चव घेवपाची आनी पयलेच खेपे उड्डाण करपाची इत्सा बाळगत. सामान्य मार्गान प्रवास नाकारिल्ल्यान, ती बोटींतल्यान वता, वाटेर जायत्या जिवंत पात्रांक मेळटा आनी अशा आव्हानांक फुडो करता जे तिच्या धैर्याची कसोटी घेतात आनी प्रत्येक टप्प्यात आश्चर्य निर्माण करतात. प्रत्येक वळण, चूक आनी जादूच्या खिणांतल्यान टेरेसाचो प्रवास स्वतंत्रता, सहनशक्ती आनी समाजान पिराये खातीर थारायिल्ल्या मर्यादे परस खूब पयस, स्वताच्या नेमा प्रमाण जिवीत जगपाची अदम्य खोस हांचो पुरावो जावन फुलता.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Post Link: https://x.com/PIB_Panaji/status/1991438887512850647?s=20

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56