প্রধানমন্ত্রীগী লোইশঙ
জনজাতিয়া গৌরব দিবস থৌরমদা, নবেম্বর ১৫ দা প্রধান মন্ত্রী গুজরাতকী নরমাদা জিলাদা চৎকনি
প্রধান মন্ত্রীনা ধর্তি আবা ভগবন বিরসা মুন্দাগী ১৫০শুবা মপোক কুমওন থৌরম শরুক য়াগনি
প্রধান মন্ত্রীনা নরমাদাগী দেদিয়াপরাদা লুপা করোর ৯,৭০০ হেনবগী চাউখৎ-থৌরাংগী প্রোজেকশিং শঙ্গাগনি অমসুং উরেপ-উয়ুং তমগনি
প্রোজেকশিং অদুনা ইনফ্রাষ্ট্রকচর, হকশেল, লাইরিক-লাইশু অমসুং ত্রাইবেলগী হেরিতেচদা মীৎয়েং চঙগনি
Posted On:
14 NOV 2025 11:41AM by PIB Imphal
প্রধান মন্ত্রী শ্রী নরেন্দ্র মোদী নবেম্বর ১৫ দা গুজরাত্ত চৎকনি। নুংথিল পুং ১২:৪৫ রোম তাবদা, মহাক্না নরমাদা জিলাদা দেবমোগ্রা লাইশঙদা পুজা অমসুং দরশন পাংথোক্কনি। মতুংদা নুংথিল পুং ২:৪৫ রোম তাবদা, ধর্তি আবা ভগবন বিরসা মুন্দাগী ১৫০শুবা মপোক কুমওন থৌরম শরুক য়ানবা প্রধান মন্ত্রী নরমাদা জিলাগী দেদিয়াপরদা চৎকনি। থৌরম অদুদা মহাক্না লুপা করোর ৯,৭০০ হেনবগী চাউখৎ-থৌরাংগী প্রোজেকশিং শঙ্গাগনি অমসুং উরেপ-উয়ুং তমগনি অমসুং মীয়ামদা ৱা ঙাংগনি।
দেদিয়াপরাদা থৌরম মনুংদা, ত্রাইবেলগী ফিবম ফগৎনবা অমসুং খুঙ্গং অমসুং মনুং হুঞ্জিনবা মফমশিংদা ইনফ্রাষ্ট্রকচর চাউখৎনবা চাউখৎ-থৌরাংগী প্রোজেকশিং শঙ্গাগনি অমসুং উরেপ-উয়ুং তমগনি।
প্রধান মন্ত্রী জনজাতি অদিবাসি ন্যয়া মহা অভিয়ান (পি.এম-জনমন) অমসুং ধর্তি আবা জনজাতিয়া গ্রাম উতকার্স অভিয়ান(দি.এ-জগুৱা) গী মখাদা শাবা য়ুম ১০০,০০০ গী গ্রিহ প্রভেস থৌরমদা প্রধান মন্ত্রী শরুক য়াগনি।
লুপা করোর ১,৯০০ গী ত্রাইবেল মহৈরোয়শিংদা কৎথোক্লবা এক্লব্য মোদেল রেসিদেন্সিএল স্কুল ৪২; মীয়ামগী থবকশিংগী মফম অমা ওইনবা মল্তি-পর্পজ সেন্তর ২২৮; অসাম মেদিকেল কোলেজ, দিব্রুগরদা সেন্তর ওফ কম্পিতেন্স অমসুং ত্রাইবেল কলচর অমসুং হেরিতেচ ঙাক-শেন্নবা মনিপুরগী ইম্ফালদা ত্রাইবেল রিছার্স ইন্সতিতুৎ বিল্দিং প্রধান মন্ত্রীনা শঙ্গাগনি। ত্রাইবেলগী লমদমশিংদা চৎথোক-চৎশিন ফগৎনবা গুজরাতকী ত্রাইবেল জিলা ১৪ গী বস ২৫০ প্রধান মন্ত্রীনা লমথাগনি।
ত্রাইবেলগী লমদমশিংদা লম্বী-থোঙ ফগৎনবা কিমি ৭৪৮ গী অনৌবা লম্বীশিং শেম্নবা অমসুং মীয়ামগী মফমশিং ওইনা থবক তৌনবা দি.এ-জগুৱাগী মখাদা ত্রাইবেল মল্তি-মার্কেতিং সেন্তর ১৪ শানবা প্রধান মন্ত্রীনা উরেপ-উয়ুং তমগনি। ত্রাইবেল মহৈরোয়শিংদা অফবা মখলগী লাইরিক-লাইশু তম্বগী খুদোংচাবা পীনবা লুপা করোর ২৩২০ হেন্না চঙনা অনৌবা এক্লব্য মোদেল রেসিদেন্সিএল স্কুল ৫০ শানবা প্রধান মন্ত্রীনা উরেপ-উয়ুং তমগনি।
***
(Release ID: 2190650)
Visitor Counter : 4
Read this release in:
हिन्दी
,
Marathi
,
Punjabi
,
English
,
Urdu
,
Bengali
,
Assamese
,
Gujarati
,
Odia
,
Tamil
,
Telugu
,
Kannada
,
Malayalam