প্রধানমন্ত্রী শ্রী নরেন্দ্র মোদীনা থৌরম মপু ওইদুনা ঙসি ফমখিবা কেন্দ্র মন্ত্রীমন্দলগী মীফমদা  গ্রীন ইনর্জীগীদমক্তা মখাদা পীরিবা অসিগুম্বা মওংদা গ্রাফাইত, কেসিয়ম, রুবিদিয়ম অমসুং জির্কোনিয়ম মিনরেলশিংগী রোয়েলতী রেত স্পেসিফাই/রিভাইজ তৌনবা এপ্রুব তৌখ্রেঃ

কেন্দ্রগী মন্ত্রীমন্দলনা লৌখিবা মথক্কী ৱারেপ অসিদগী সিজিয়ম, রুবিদিয়ম অমসুং জির্কোনিয়ম য়াওবা মিনরেলগী ব্লোকশিং নিলাম লাওবদা ঙাক্লৌ পীগনি। মসিনা শুপ্নতগী হায়রিবা মিনরেলশিংসি শিজিন্নবদা নত্তনা মখোয়গা লোয়ননা য়াওরিবা মরুওইবা মিনরেলশিং হায়বদি লিথিয়ম, তংসতেন, আর.ই.ই.এস., নাইয়োবিয়ম্নচিংবসু শিজিন্নবা য়ারগনি। এদ ভেলোরেমদা গ্রাফাইতকী রোয়েল্তী রেত ফিক্স তৌবা অসিনা গ্রেদশিংদা মিনরেলগী মমল অসিদা মপা চান্ননা অহোংবা লৈহল্লগনি। হায়রিবা মিনরেলশিং অসিগী য়েলহৌঙৈগী ওইনা পুথোকপা হেনগৎপা অসিনা ইম্পোর্ত অমসুং সপ্লাই চেন ভলনরেবিলিতীশিং হন্থহনগনি অমসুং লৈবাক অসিদা হেন্না থবক লৈবা হেনগৎহল্লগনি।

গ্রাফাইত, সেসিয়ম, রুবিদিয়ম অমসুং জির্কোনিয়ম অসি হাই-তেক এপ্লিকেসনশিং অমসুং ইনর্জী ত্রাজ্ঞিসনশিংগীদমক্তা মরুওইবা মিনরেলশিংনি। গ্রাফাইত অমসুং জির্কোনিয়ম অসি মাইন্স এন্দ মিনরেল্স(দিভেলপমেন্ত এন্দ রিগুলেসন) এক্ত, 1957(এম.এম.দি.আর. এক্ত) কী অরুবা অমসুং স্ত্রেতিজিক ওইবা মিনরেল 24 গী লিস্তকী মনুং চনবসুনি।

গ্রাফাইৎ অসি মরুওইনা হাই কন্দক্তিবিতী অমসুং চার্জ তৌবগী কেপাসিতী লৈবা এনোদ মেতরিএল ওইনা মথৌ তৌবা ইলেক্ত্রিক ভিহিকল(ই.ভি.) গী অরুবা পোৎচাক অমনি। অদুমওইনমক ভারত্তা গ্রাফাইতকী মথৌ তাবগী 60% ইম্পোর্ত তৌই। হৌজিক্কী ওইনা লৈবাক অসিদা গ্রাফাইৎ মাইন 9  মথৌ পাংথোক্লি অমসুং মখা তানা ব্লোক 27 অমসুং মায় পাক্না ওক্সন তৌখ্রে।  মখা তানা ওক্সন তৌগদবা গ্রাফাইৎ ব্লোক 20 দা জি.এস.আই. অমসুং এম.ই.সি.এল. পীখ্রে অমসুং ব্লোক 26 রোমসু পুথোরক্কদৌরে।

জির্কোনিয়ম অসি কোল্হিং কাহন্দবা অমসুং তেম্পরেচর ৱাংবদা কুইনা লৈবা ঙম্বা মরম্না ন্যুক্লিয়র ইনর্জী, এরোস্পেস, হেল্থকেয়র অমসুং মেনুফেকচরিং য়াওনা তোঙান-তোঙানবা ইন্দস্ত্রীদা শিজিন্নবা ভর্সেতাইল মেতলনি। কেসিয়ম অসি মরুওইনা হাই-তেক ইলেক্ত্রোনিক সেক্তরদা মরুওইনা এতোমিক ক্লোকশিং, জি.পি.এস. সিস্তেমশিং, অতৈ হাই প্রেসিজনগী খুৎলাইশিং, কেন্সর লায়য়েংবনচিংবদা মেদিকেলগী খুলায়শিংদা শিজিন্নৈ। রুবিদিয়ম অসি ফাইবর ওপ্তিক্স, তেলিকম্যুনিকেসন সিস্তেমশিং, নাইত ভিজন দিভাইসশিংনচিংবদা শিজিন্নৈ।

হন্দক্তা কেন্দ্র সরকারনা সেপ্তেম্বর 16, 2025 তা ক্রিতিকেল মিনরেল ব্লোকশিংগী ওইনা ত্রাজ্ঞে তরুক্কী ওক্সনগী এন.আই.তি. ইসু তৌখ্রে। মসিদা গ্রাফাইতকী ব্লোক 5, রুবিদিয়মগী ব্লোক 2 অমসুং কেসিয়ম অমসুং জির্কোনিয়মগী ব্লোক 1(দিতেলশিং কোন্ননা হাপ্লবা) অসি য়াওরি। কেন্দ্রগী মন্ত্রীমন্দলনা ঙসি এপ্রুভেল পীখ্রিবা রোয়েল্তীগী রেত অসিনা ওক্সন তৌবদা নিলাম লাওবশিংদা রেস্নেল ওইবা মওংদা সবমিৎ তৌবদা মতেং ওইরগনি।

সেপ্তেম্বর 1, 2014 দগী গ্রাফাইতকী রোয়েল্তী রেতকী মমল অসি তোন্দা য়ুম্ফম ওইরগা অখন্নবা মওংদা শেমখ্রে। মসি মরুওইবা অমসুং স্ত্রেতিজিক ওইবা মিনরেলশিংগী লিস্ততা অমত্তা ঙাইবা মিনরেলনি, মসিগী রোয়েল্তী রেত অসি তোন্দা য়ুম্ফম ওইরগা অখন্ননা শেমখিবনি। মসিদা নত্তনা তোঙান-তোঙানবা গ্রেদশিংদা রোয়েল্তীগী হেনগৎলকপা মিনরেলগী মমলশিংদা অহোংবা অসি চাং চান্নবা মওংদা ওইহল্লক্নবগীদমক্তা গ্রেদ খুদিংমক্তা গ্রাফাইতকী মমলশিংদা খেন্নবা অসিদা য়েংলগা গ্রাফাইতকী রোয়েল্তী অসি হৌজিক ভেলোরেমদা য়ুম্ফমদা চার্জ তৌনবা ৱারেপ লৌখ্রে। হন্দক্কী চহীশিংদা মরুওইবা মিনরেল অয়াম্বগী রোয়েল্তী রেত অসি 2% দগী 4% গী চাংদা ওইনবা স্পেসিফাই তৌখ্রে।  

***