Ka kynhun myntri jong ka Sorkar Pdeng ba la khlieh da u Myntri Rangbahduh Narendra Modi ka la ai jingmynjur mynta ka sngi ia ka jingpynkylla ia ka bai royalty na ka bynta ka caesium, Graphite, Rubidium and Zirconium kumne harum:

Kane ka rai jong ka kynhun myntri jong ka sorkar pdeng kan kyntiew ia ka jingdie lilam ia ki jaka marpoh khyndew kiba don ia u Caesium, Rubidium bad Zirconium kaba plie ia kine ki marpoh khyndew bad ban plie ruh ia ki marpoh khyndew kiba kongsan kiba iadei bad ki, kum u Lithium, u Tungsten, u REES, u Niobium bad kiwei kiwei. Ka jingbuh ia ka bai royalty ia ka Graphite ha ka ad valorem basis kan wanrah ia ka jingkylla dor jong une u mar poh khyndew ha baroh ki kyrdan. Ka jingpynkiew ia ka jingpynmih ha ka ri ia kine ki marpoh khyndew kan wanrah ia ka jingduna ha ka jingwanrah marpoh khyndew nabar ri bad ki jingma ha ka kam pynpoi marpoh khyndew bad kan pynmih ruh ia ki lad kamai ha ka ri.

U Graphite, u Caesium, u Rubidium bad u Zirconium ki long ki marpoh khyndew kiba kongsan na ka bynta ki kam high-tech bad ka jingpynkylla ha ka kam bor ding. U Graphite bad u Zirconium ki dei ruh napdeng ki 24 tylli ki mar pohkhyndew kiba kongsan bad ba donkam bha kiba la ithuh ha ka ain Mines and Minerals (Development and Regulation) Act, 1957 (MMDR Act).

U graphite u don ka bynta kaba kongsan ha ki battery jong ki kali elektrik (EV), bd u long u anode, uba plié lad ia ka jingpynpoi bording kaba heh bad ka jinglah ban charge. Hynrei ka India ka wanrah 60% na ka jingdonkam jong ka ia u Graphite nabar ri. Kumba ka long mynta, 9 tylli ki par Graphite ki dang treikam ha ka ri bad sa 27 tylli ki block ki dei kiba la die lilam. Shuh shuh, ka GSI bad ka MECL ki la aiti 20 tylli ki block Graphite ki ban die lilam bad kumba 26 tylli ki block ki dang don ha ka jingwad bniah.

U Zirconium u dei u nar ba lah ban pyndonkam ha ki karkhana bapher bapher, kynthup ia ka bor ding nuclear, ki kam liengsuin, ka koit ka khiah bad ka jingshna tiar, namar ka jinglah ban ialeh pyrshah ia ka jingsniew bad ka jinglah ban iada na ka jingkhluit kaba jur. Ia u Cesium la pyndonkam khamtam ha ki mar high-tech elektrik, ki GPS, kiwei kiwei ki tiar kiba donkam ia ka jingbeit ka jingkhein, ki tiar ai jingsumar kynthup ha ka jingsumar ia ka jingpang cancer, bad kiwei kiwei. Ia u Rubidium la pyndonkam ha kaba shna ia ki iit ba kyrpang ba pyndonkam ha ki fibre optics, ki rynsan telecommunication, ki tiar night vision bad kiwei kiwei.

Dang shen, ka Sorkar Pdeng ka la pynmih ïa ka NIT ha ka 16 tarik u Nailur, 2025, na ka bynta ka Tranche kaba hynriew jong ka jingdie lilam ïa ki mar poh khyndew ba kongsan. Kane ka don ruh 5 tylli ki block u Graphite, 2 tylli ki block u Rubidium bad 1 block kawei kawei ka Cesium bad Zirconium (ki jingtip ba bniah la suh lang). Ka jingmynjur mynta ka sngi da ka kynhun myntri jong ka sorkar pdeng halor ka bai royalty kan iarap ia ki nongtyrwa dor ban tyrwa ia ki dor jong ki ha ka jingdie lilam.

Ia ka bai jong ka Graphite la batai bniah ha ka dor jong ka tyngka na ka bynta ka shi ton naduh ka 1 tarik u Nailur, 2014. U dei tang une u mar poh khyndew ha ka thup jong ki marpoh khyndew kiba kongsan bad kiba donkam bha ia kaba la batai ia ka dor jong ka ha ka shi ton. Shuh shuh, haba pyrkhat ia ki jingpher ha ka dor jong u Graphite ha ki kyrdan bapher bapher, mynta la rai ban shim ia ka bai royalty ia u Graphite ha ka rukom ad valorem, khnang ba ka jingkiew jong ka bai royalty kan iadei bad ki kyrdan bapher bapher bad kan iahap bad ka jingkylla ha ka dor jong une u marpoh khyndew. Ha kine ki snem ba la dep, la batai bniah ia ka bai royalty jong kiba bun ki marpoh khyndew kiba kongsan ha ka jingkhein kaba 2% haduh 4%.

*****