মন্ত্রীমন্দল
দিল্লিগী লাল কিলা ময়াদা বোম্ব পোকখায়বদা মন্ত্রীমন্দলনা ৱারেপ লৌখ্রে
Posted On:
12 NOV 2025 8:17PM by PIB Imphal
হৌখিবা নবেম্বর ১০,২০২৫ গী নুমিদাংৱাইরমদা দিল্লিগী লাল কিলা ময়াদা তেরোরিষ্টকী থৌদোক্ক মরী লৈনবা কার বোম্ব অমা পোকখায়বদা মীওই কয়া লৈখিদবদা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলগী মীফম্না অৱাবা ফোঙদোকখ্রে। মন্ত্রীমন্দলনা মিনিত অনি তুমিন্নবা লেপতুনা লৈখিদ্রবশিংগী মফমদা ইকায়খুম্নবা উৎখি।
মন্ত্রীমন্দলনা মখাগী ৱারেপশিং অসি লৌখ্রে:
নবেম্বর ১০,২০২৫ গী নুমিদাংৱাইরমদা দিল্লিগী লাল কিলা ময়াদা কার বোম্ব অমা পোকখায়হন্দুনা লৈবাক্কী মায়োক্ত লৈবশিংনা থোকহনবা তমথিরবা থৌদোক অমা লৈবাক অসিনা থেংনখ্রে। পোকখায়বা অদুদা মীওই কয়া শিহনখি অমসুং অতোপ্পা কয়া শোকহনখি।
ৱাখল য়াওদবা হিংশাগী থৌদোক অসিদা লৈখিদ্রবশিংগী মফমদা মন্ত্রীমন্দলনা ইকায়খুম্নবা উৎলি অমসুং লৈখিদ্রবা মীওইশিংগী ইমুংশিংগী অৱাবদা মন্ত্রীমন্দলনা শরুক য়াজরি।
অশোকপশিং অথুবা মতমদা ফগৎলক্নবা মন্ত্রীমন্দলনা থৌনিজরি অমসুং অৱাবা তারবশিং মতেং পাংখিবা মেদিকেলগী মীওইশিং অমসুং ইমর্জেন্সিগী থবক পাংথোকখিবা মীওইশিংগী থবক থাগৎপা ফোঙদোকচরি।
মীওই কয়াগী পুন্সি মাঙহনখিবা তমথিবা অমসুং পাংদবগী থবক অসি মন্ত্রীমন্দলনা অমতা ওইনা য়ানিংদবা ফোঙদোক্লি।
তেরোরিজমগী মওং খুদিংমক অমসুং থবকশিংদা তুমিন্না খাংদুনা লৈথোক্তবা হায়বা ভারতকী লেংদ্রবা থৌশিল অদু মন্ত্রীমন্দলনা অমুক হন্না থমখি।
মালেম শীনবা থুংবগী সরকার কয়ানা অমতা ওইবা অমসুং শৌগৎপগী ৱারোলশিং ফোঙদোক্লকপদা মন্ত্রীমন্দলনা থাগৎপা ফোঙদোকখি।
খুদোংথিবা লাকপা মতমদা ওথোরিতিশিং, সেকুরিতিতি এজেন্সিশিং অমসুং মীয়াম্না থৌনা ফনা অমসুং মীওইবগী মীনুংশিংগা লোয়ননা মতম চানা অমসুং মপুংফানা থবক পায়খৎপদা মন্ত্রীমন্দলনা থাগৎপা ফোঙদোকখি। মখোয়গী কৎথোকপা অমসুং মথৌ মশক খঙবা অদু থাগৎনিঙাইনি।
থৌদোক অদুদা চেন্নরবশিং, মখোয়গী মতেং পাংলিবশিং অমসুং মখোয় শৌগৎপশিং মশক খঙদোক্নবা অমসুং থিন্থবা তৌদনা অচুম্বা ৱায়েল পুরক্নবা খোঙলৈ থুনা অমসুং মপুংফানা থৌদোক অদুগী মতাংদা থিজিন্নবা মন্ত্রীমন্দলনা পাউতাক পীখ্রে। সরকারগী অৱাংবা থাকশিংদা মখা তানা ফিবম অসি কুপ্না য়েংশিনগনি।
লৈবাক অসিগী সেকুরিতি অমসুং মীওই খুদিংমক অশোই-অঙাম থোকহন্দনবা সরকারনা থাজবা পীবগা লোয়ননা, ভারতমচা খুদিংমক্কী পুন্সি অমসুং নুংঙাই য়াইফবা ঙাক-শেন্নবা সরকারগী অচেৎপা ৱারেপ মন্ত্রীমন্দলনা অমুক হন্না ফোঙদোকখ্রে।
***
(Release ID: 2189527)
Visitor Counter : 5
Read this release in:
English
,
Khasi
,
Urdu
,
हिन्दी
,
Marathi
,
Bengali
,
Assamese
,
Gujarati
,
Odia
,
Tamil
,
Kannada
,
Malayalam