প্রধানমন্ত্রীগী লোইশঙ
প্রধান মন্ত্রীনা ভুতানগী মরিশুবা নীংথৌগা লোয়ননা উনখ্রে অমসুং গ্লোবেল পিস প্রেয়র ফেস্তিবেলদা শরুক য়াখ্রে
Posted On:
12 NOV 2025 9:54AM by PIB Imphal
প্রধান মন্ত্রী শ্রী নরেন্দ্র মোদীনা ঙসি থিম্ফুদা ভুতানগী মরিশুবা নীংথৌ, হিস মেজেস্তী জিগমে সিংঘে ৱাংচুক্কা লোয়ননা উনখ্রে।
প্রধা মন্ত্রীনা হিস মেজেস্তী, মরিশুবা নীংথৌগী 70শুবা মপোক কুমওনগী থৌরমদা নুংঙাইবা ফোংদোকখি অমসুং হিস মেজেস্তীগী মশা-মউ ফনা লৈনবা অমসুং য়াইফনবা ভারত সরকার অমসুং মীয়ামগী য়াইফ-মঙ্গোল পীখি অমসুং থৌনিখি। ভারত-ভুতানগী মরুপ ওইবগী মরী অসি হেন্না মপাঙ্গল কনখৎহন্নবগীদমক মহাক্কী লুচিং অমসুং লমজিং-লমতাকপীবগীদমক প্রধান মন্ত্রীনা হিস মেজেস্তী মরিশুবা নীংথৌদা থাগৎপা ফোংদোকখি। লুচিংবা অনিমক্না লৈবাক অনিগী মরী অমসুং নাকল অনিগী ওইবা হীরমশিংদা খন্ন-নৈনখি। মসিগী মতাংদা মখোয়না লৈবাক অনিগী মীয়াম্বু হেন্না নকশিন্নহল্লিবা মান্নবা স্পিরিচুএল অমসুং কলচরেল বোন্দশিং অদু পনখি।
প্রধান মন্ত্রীনা থিম্ফুদা চত্থরিবা গ্লোবেল পিস প্রেয়র ফেস্তিবেলগী শরুক অমা ওইনা চাংলিমিথোং স্তেদিয়মদা পাংথোকপা কালাচক্র হৌদোকপগী থৌরমদা ভুতানগী নীংথৌ, ভুতানগী মরিশুবা নীংথৌ অমসুং ভুতানগী প্রধান মন্ত্রীগা লোয়ননা শরুক য়াখি। থৌনি থৌরম অসি ভুতানগী চীফ এব্বোত, হিজ হোলিসনেস দি জে খেনপোনা লুচিংখি।
***
(Release ID: 2189132)
Visitor Counter : 4