Ka Tnat Information & Broadcasting
La kyntu ia ki kotkhubor, ki kot ba pynmih man ka por bad ki TV Channel ba kin kyntiew kyrteng ha ka rynsan PB-SHABD ban ioh ei ia ki khubor kiba dei
Posted On:
23 JUL 2025 7:02PM by PIB Shillong
Ka Prasar Bharati ka la pynjlan ïa ka jingkhot jingwer ïa baroh ki kot khubor, ki kot kiba pynmih man ka por, bad ki TV channel ha kylleng ka ri India ban kyntiew kyrteng ha ka rynsan newswire jong ka, ka Prasar Bharati Shared Audio Visuals for Broadcast and Dissemination (PB-SHABD), ban ïoh ïa ki khubor kiba bha tam bad ïa ki khubor khlem da hap ai jingsiew ei ei.
La sdang ia kane ha u bnai Lber 2024 bad ka PB-SHABD ka ai palat 800 tylli ki khubor man ka sngi ha ki ktien bapher bapher jong ka India, kaba kynthup palat 40 tylli ki jait khubor bapher bapher. Ka rynsan ka pyni ruh ïa ki jingpynbna jong ki jingjia ba kongsan ha ka ri bad ka pyrthei, ka jingbuh jingtip kaba iar bha jong ki jingthoh, bad ki jingthoh ba la pynmih man ka por kiba batai bad kiba pynshong nongrim ha ka jingwad bniah. Baroh ki jingthoh la pynbiang ha ki rukom ba lah ban pyndonkam, kaba pynthikna ia ka jingsuk ban ioh ia ki kynhun pathai khubor bad ki nongpynmih prokram.
Ha ka jingialang kaba dang shen kaba la pyniaid da u Secretary jong ka tnad Information & Broadcasting u Sanjay Jaju , la ban jur bha ha ka jingpynrung ia baroh ki kynhun pathai khubor kiba lah ban shaniah ban pynthikna ba ki jingtip kiba shisha bad kiba lah ban sngewthuh kin saphriang.
Ki kynhun pathai khubor ki lah ban tip kham bniah shaphang kane ka rynsan ha ka shabd.prasarbharati.org bad peit ia ka kot lyngkdop ba thikna hangne:
https://shabd.prasarbharati.org/public/assets/E-brochure_SHABD_balanced%20final_web.pdf
Ka jingkyntiew kyrteng ka long kaba ym donkam ai jingsiew eiei bad kaba lah ban ioh na ka shabd.prasarbharati.org/register.
Ban ioh ia ki jingiarap ba kham bniah, lah ban iakren bad ka: Ms Jayanti Jha, Assistant Director, PB-SHABD, Email: jha.jayanti16[at]gmail[dot]com
***
(Release ID: 2189002)
Visitor Counter : 7
Read this release in:
Odia
,
English
,
Urdu
,
Urdu
,
हिन्दी
,
Marathi
,
Manipuri
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam