প্রধানমন্ত্রীগী লোইশঙ
প্রধান মন্ত্রী অমসুং য়ুনাইতেদ কিংদমগী প্রধান মন্ত্রীনা ভারত অমসুং য়ুনাইতেদ কিংদমগী বিজিনেস লীদরশিংগা উনখ্রে
प्रविष्टि तिथि:
24 JUL 2025 7:38PM by PIB Imphal
প্রধান মন্ত্রী, শ্রী নরেন্দ্র মোদী অমসুং য়ুনাইতেদ কিংদমগী প্রধান মন্ত্রী, সর কীর স্তার্মরনা ঙসি ভারত অমসুং য়ু.কে.গী বিজিনেস লীদরশিংগা পুৱারী ওইরবা ভারত-য়ু.কে. কম্প্রিহেন্সিব ইকোনোমিক অমসুং ত্রেদ এগ্রীমেন্ত [CETA]দা খুৎয়েক পীনরবা মতুংদা ঙসি উনখ্রে। মীফম অদুদা হকশেল, ফার্মাসভুতিকেলস, জেমস অমসুং জুৱেলরী, ওতোমোবাইলস, ইনর্জী, মেন্যুফেকচরিং, তেলিকোম, তেক্নোলোজী, আই.তি., লোজিস্তিক্স, তেক্সতাইল অমসুং ফাইনান্সিয়েল সর্ভিস সেক্তরদগী নাকল অনিমক্কী মকোক থোংবা ইন্দস্ত্রীগী কেপ্তেনশিংনা শরুক য়াখি। সেক্তরশিং অসিনা লৈবাক অনিমক্তা থবক ফংহন্নবা অমসুং ইনক্লুসিব ইকোনোমিক দিবেলপমেন্তদা চাউনা শরুক য়ারি।
লুচিংবা অনিনা হৌখিবা চহিশিংদা নাকল অনিগী ওইবা ললোন-ইতিক অমসুং ইনভেস্তমেন্তকী মরীদা পাকথোক চাউথোকপা থেংনখি। বিজিনেস লুচিংবশিংগা ৱারী শানদুনা, মখোয়না CETAদগী লাকপা ত্রেদ, ইনভেস্তমেন্ত অমসুং ইনোবেসন পার্তনরশিপশিং হেন্না চেৎশিলহন্নবা খুদোংচাবশিং অদু মপুং ফানা শীজিন্ননবা মখোয়বু পুক্নিং থৌগৎখি। নাকল অনিগী ওইবা তেংবাং পীনবা হেনগৎহন্দুনা শেন্মিৎলোন চাউখৎহন্নবা মখোয়গী ফিরেপ অদু অমুক হন্না ফোংদোক্লদুনা মখোয়না অনৌবা এগ্রীমেন্ত অসিনা শেন্মিৎলোন অনিমক্তা অমসুং মালেমগী শেন্মিৎলোনগী লমদা বিজিনেস সেন্তিমেন্ত হেনগৎহল্লগনি হায়না পনখি। CETAগী মশক থোকপা কান্নবশিং অদু পল্লদুনা লুচিংবা অনিমক্না লৈবাক অনিমক্কী ফ্লেগশিপ প্রদক্তশিং অমসুং ইনোবেসনশিংগী শিংথানিংঙাই ওইরবা পোৎলমশিং উৎলিবশিং অদু য়েংখি। একজিবিতশিং অদুদা জেমস অমসুং জুয়েলরী, ইঞ্জিনীয়রিংগী পোৎলমশিং, ক্বালিতী লৈবা কঞ্জ্যুমর প্রদক্তশিং অমসুং এদভান্স তেক্নোলোজিকেল সোলুসনশিং য়াওরি।
ভারত-য়ু.কে.গী ললোন-ইতিক্কী লুচিংবশিংনা পুৱারী ওইরবা ললোন-ইতিক্কী য়ানচে অদু থাগৎপা ফোংদোকখি অমসুং মসিনা কমপ্রিহেন্সিব স্ত্রেতেজিক পার্তনরশিপকী অনৌবা য়ুগ অমা পুরক্লগনি অমসুং ললোন-ইতিক অমসুং শেন্মিৎলোন খক্তদা নত্তনা অনৌবা তেক্নোলোজীশিং, এজুকেসন, ইনোবেসন, রিসর্স অমসুং হকশেলগী সেক্তরশিংদসু খুৎশম্ননা থবক তৌমিন্নবা হেনগৎহল্লগনি হায়না থাজবা ফোংদোকখি।
লুচিংবা অনিনা অনৌবা এগ্রীমেন্ত অসিগী পোতেন্সিয়েল অদুবু শিজিন্ননবা অমসুং লাক্কদৌরিবা চহিশিংদা ইকোনোমিক কোওপরেসনগী বোন্দশিং হেন্না চেৎশিলহন্নবা অপিকপা অমসুং অচৌবা বিজিনেসশিংবু মতেং পাংনবা মখোয়গী অচেৎপা ফিরেপ অদু অমুক হন্না ফোংদোক্নখি।
***
(रिलीज़ आईडी: 2188274)
आगंतुक पटल : 5
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam