Ka 56th International Film Festival of India (IFFI) kan long ha Goa naduh ka 20 haduh ka 28 tarik u Naiwieng, 2025. Ia ka prokram pynkhreh na ka bynta ka IFFI la pynlong ha New Delhi mynta ka sngi. Ka pynpaw ia ka prokram kaba iar bad kaba bun bynta: palat 240 tylli ki phlim na ki 81 tylli ki ri, 13 tylli ki phlim ba la pyni nyngkong ha ka pyrthei, 4 tylli ki phlim ba la pyni nyngkong ha ki ri, bad 46 tylli ki phlim ba la pyni nyngkong ha Asia. Ka tamasa ka la ïoh haduh 2,314 tylli ki jingtyrwa na ki 127 tylli ki ri, kaba pynpaw ïa ka jingkiew jong ka IFFI ha ka kam pynlong tamasa ha ka pyrthei.

U Myntri sorkar pdeng ba dei peit ïa ka tnad Information and Broadcasting, Dr. L. Murugan u la pynpaw ba ka IFFI mynta u snem ka wanrah katto katne ki jingthmu thymmai kiba pynpaw ïa ka jingpynthymmai bad ka jingïadon bynta lang. U Myntri u la pynpaw ba palat 50 ngut ki director kynthei ki la pyni ïa ki phlim jong ki mynta u snem, kaba pynpaw ïa ka jingkut jingmut ka sorkar ban kyntiew ïa ka Nari Shakti ha ka phlim. U la pynbna ruh ba ki khusnam OTT kin dang bteng mynta u snem ban ai jingithuh ia ka jingtbit ha ka web bad ka streaming content. U la ong ba kane ka tamasa ka dang bteng ban kyrshan ia ki sap kiba thymmai bad kiba dang mih, ha ki bynta kum ka screenwriting, production design, bad ka sound. U la ban jur ruh ba ki sienjam ki dei kiba dang shim ban pynkhlaiñ ïa ki aiñ pyrshah ïa ki kam piracy bad ban pynsuk ïa ka jingai syrnot na ka bynta ki phlim, katba ka syrnot CBFC kaban sa wan na ka bynta ki phlim ba bun jait ki ktien kan nang kyntiew shuh shuh ïa ka jingïatylli ha ka kolshor jong ka ri India.

U Sanjay Jaju, Secretary jong ka tnad Information and Broadcasting, u la pynpaw ba ki phlim India ki don ka jingktah kaba jur ha ka pyrthei baroh kawei, ha kaba ki phlim India ki kham lah ban ïa ki phlim Hollywood ha ka box office jong ka Australia. Ka Japan, Spain, bad Australia kin wanrah ia ki jingiatreilang kiba thymmai sha ka IFFI mynta u snem. Ka jingïaid paidbah kaba heh bha kaba don ki production house, ki jylla bad ki kynhun kiba pyni ia ka deiriti kin pynshongshit shuh shuh, katba ka Film Bazaar kaba kham heh kan kyntiew ïa ki jingpynmih phlim ba ïatreilang ha ka pyrthei.

Ka IFFIesta ka dei ka jingpynbyrngia kaba itynnad bad kaba iadei bad ka deiriti kaba iadon bynta bad ka International Film Festival of India (IFFI). Ka ‘IFFIesta’ kan rakhe ia ka jingrwai, ka kolshor, bad ka jingpynbyrngia ha ka por ba pynlong ia kane ka tamasa. La shna ia ka ban pyniasoh lang ia ki jaitbynriew lyngba ka jingkhleh lang jong ki phlim, ki jingbam, ki jingsaindur bad ki jingshem, bad ka thmu ban kyntiew ia ka jingiashim bynta jong ki samla bad ka jingiatreilang jong ki paidbah bad kane ka tamasa ba kongsan. U Jaju u la pynpaw ruh ba katba ka Generative AI ka pynthut ïa ka kam pynbyrngia, dei ban pdiang ïa ka kum ka atiar ba thymmai kaba pynwan dur ïa ka lawei jong ka jingïathuhkhana.

U Festival Director ka IFFI 2025 Shekhar Kapur u la ong ba ka India ka dei ka ri kaba heh tam ha ka pyrthei kaba shna phlim bad kaba peit phlim, da kaba rakhe ïa ka jingieid jong ki briew jong ka ïa ki khana. U la ban jur ba ka jingiathuhkhana ka tei ia ka jingsngewthuh jingmut bad ka jingsuk ha kylleng ki kolshor. Haba kren shaphang ka Film Bazaar, u la ong ba kane ka dei ka kam kaba ai bor ia ki samla kiba pynmih ia ki prokram lyngba ka teknoloji. U la bynrap ruh ba dei ban peit ïa ka Artificial Intelligence kum ka lad shna jingshna kaba ïarap ïa ki nongthoh khana ban ïasam ïa ki khana jong ka ri India sha ka pyrthei.

Ha kane ka sngi la iadon lang u Dhirendra Ojha, Principal Director General, Press Information Bureau; Prabhat, Additional Secretary, ka tnad Information & Broadcasting; Dr. Ajay Nagabhushan, Joint Secretary (Films), ka tnad Information & Broadcasting; Raja Bundela, Chairman, Indian Panorama Jury (Feature); Prakash Magdum, Managing Director, NFDC; bad Dharam Gulati, Chairman, Indian Panorama Jury (Non-feature).

Ki mat ba kongsan jong ka bynta ba 56 ki long kumne harum

Ka phlim ba sdang & ki jingpyni nyngkong ia ki phlim

● Ka phlim ba sdang ia ka IFFI 2025 ka dei jong u nong Brazil Gabriel Mascaro, ka THE BLUE TRAIL, ka sci-fi bad fantasy feature shaphang kawei ka tymmen kaba la 75 snem ka rta kaba ka leit lyngba ka Amazon ha kaba kane ka kylla long ka jingpynpaw ia ka jinglaitluid, ka burom, bad ka hok ban don jingthrang. Kane ka phlim ka la jop ïa ka khusnam Silver Bear – Grand Prize Jury, Berlin International Film Festival 2025.

● Ka bynta Gala Premieres kan don 18 tylli ki phlim, ba kynthup ia ki 13 tylli ki phlim ba nyngkong eh ha ka pyrthei, 2 tylli ki phlim ba nyngkong eh ha Asia, 1 tylli ki phlim ba nyngkong eh ha ri India, bad 2 tylli ki Special Showcase screening Ka red carpet kan pdiang sngewbha ia ka kynhun ba pawnam jong ki artist bad ki nongshna phlim.

Ka jingiar ka prokram bad ki phlim ba pyni nyngkong

● Palat 240 tylli ki phlim na 81 tylli ki ri.

● 160 tylli ki phlim ha ka International Section, ba kynthup ia 13 tylli ki phlim ba pyni nyngkong ha ka pyrthei.

● Palat 80 tylli ki phlim ba la jop khusnam bad 21 tylli ki phlim ba la iakhun ban jop Oscar ki dei ki ban pyni ha ka IFFI 2025.

● Palat 55 tylli ki phlim hapoh ka “Cinema of the World” bad ka thup ba la pynkhreh jong 113 tylli ki phlim na ki ri bapher bapher ba la pyni ha ki tamasa phlim.
 

Ki bynta ba la pynkhreh ha ka International Programming

● JAPAN: Ka ri ba peit bniah, bad ar tylli ki bynta ba la wanrah thymmai, ka ri ba iatreilang: Spain bad ka ri ba peit bniah: Australia.
 

● Kane ka tamasa kan pyni ïa ki 15 tylli ki bynta ba ïakhun bad ba la pynkhreh, kynthup ïa ka jingïakop International Competition, Best Debut Feature Film of a Director, ICFT-UNESCO Gandhi Medal, bad ki bynta ba kyrpang kum ka Macabre Dreams, Docu-Montage, Experimental Films, UNICEF, bad ki phlim hyndai ba la pynthymmai.

Ka ri ba la peit bniah — Japan

● Ka Japan ka dei ka Ri kaba la peit bniah ha ka IFFI 2025. Ka Ri ba peit bniah ha ka IFFI: Ka Japan ka wanrah ia ka jingpeit bniah ia ka phlim Japan mynta, da kaba rakhe ia ka bor jong ki nongshna phlim kiba dang kiew bad ki nongthoh kiba la rim kiba dang iai bteng ban pynwan dur ia ki phlim jong ka ri kaba dang kiew. Ha kylleng ki hynriew tylli ki phlim ba la pynkhreh bha - naduh ki drama jong ka jingkynmaw haduh ki psychological thriller ba la jop ha ki tamasa, ki jingïathuhkhana ba phylla, ki sci-fi jong ki samla, bad ki jingpyrshang ba sngewtynnad, ki bym long line.

Ki jingpynkup burom ia kiba la dap 100 snem

● Ka IFFI 2025 kan rakhe ia kiba la dap 100 snem bad pynkup burom ia ki nongshna phlim ba pawnam kum u Guru Dutt, Raj Khosla, Ritwik Ghatak, P. Bhanumathi, Bhupen Hazarika, bad Salil Chowdhury da kaba pyni ia ki kam jong ki.

Yn pyni ia ka Musafir jong u Salil Chowdhury bad Subarnarekha jong u Ritwik Ghatak ha ka IFFI 2025.

Ki 50 snem jong u Rajinikanth

Yn pynkup burom ruh ia u Rajinikanth ha ka prokram pynkut na ka bynta ki 50 snem ki kam shna phlim jong u.

Indian Panorama & bad ki lad ba thymmai

● Indian Panorama 2025: 25 tylli ki Feature Film, 20 tylli ki Non-Feature Film, bad 5 tylli ki Debut Feature Film.

● Ka phlim ba nyngkong (Indian Panorama Feature): Amaran (Tamil), ba direct da u Rajkumar Periyasamy.

● Ka Non-Feature Film ba sdang: Kakori.

● Ki lad ba thymmai: haduh san tylli ki feature film ba la pynkhreh kyrpang (world, international, Asian, lane India premiere) ha ryngkat kiba la jied ha ka Indian Panorama.

Ki longkmie, ki sur ba mih thymmai bad ki sap ba thymmai

● Women in Cinema: Palat 50 tylli ki phlim ba direct da ki longkmie; Palat 50 tylli ki kam na ki nongshna phlim ba dang shu sdang, kaba pyni ia ka jingpeit bniah kane ka tamasa ia ka jingai bynta lang bad ki sur ba dang mih (International Section)

● Best Debut Director of Indian Feature Film: yn pyni san tylli ki feature ba dang sdang thymmai; ka khusnam kan kynthup ia ka syrnot bad ka buskit kaba T. 5 lak ia u director.

● Best Web Series (OTT) Award: na ki san ngut ki finalist (ba la jied na ki 30 tylli ki jingtyrwa), kiba jop kin ioh ia ka syrnot bad ka buskit kaba T. 10 lak, ban iasam lang hapdeng ki nongthaw bad ki nongpynmih.
 

Creative Minds of Tomorrow (CMOT)

● Ka CMOT ka la ïoh ïa ki 799 tylli ki jingïashim bynta ha u snem 2025. Ki nongïashim bynta ba la jied ki la kiew na ka 75 ngut sha ka 124 ngut, kaba kynthup ïa 13 tylli ki kam shna phlim, kynthup ïa lai tylli ki kam thymmai mynta u snem. Ka prokram ka kynthup ïa ka jingïakhun shna phlim kaba 48 kynta ha ka jingïatreilang bad ka ShortsTV.

Waves Film Bazaar

● Ka Waves Film Bazaar (ka bynta kaba 19): Palat 300 tylli ki projek phlim na ka Screenwriters Lab, Market Screening, Viewing Room Library, Co-Production Market Feature & Documentary ba la ai ban pynmih, sam, bad ki jingiatreilang ban die, ka Bazaar ka dang iai bteng ban kiew kum ka iew bah jong ki phlim ha South Asia.

● Waves Film Bazaar Co-Production Market: kan pyni ia 22 tylli ki Feature Film bad 5 tylli ki Documentary. Ki jingai jingiarap pisa kaba $20,000 la tyrwa sha ki 3 ngut ki nongjop (1st Prize : Co-Production Market Feature - $10,000, 2nd Prize : Co-Production Market Feature - $5,000. Special Cash Grant for Co-Production Market Documentary project- $5000).

● Ka bynta jong ka WAVES Film Bazaar (WFBR) mynta u snem ka pyni ïa ki 22 tylli ki phlim kiba kynthup ïa 3 short fiction film, 3 mid-length documentaries, bad 16 fiction feature films, kiba mihkhmat ïa ki 14 tylli ki ktien bad 4 tylli ki ri, bad kiba pynpaw pyrthei ïa ki katto katne ki director ba dang shu sdang treikam.

● Ka “Knowledge Series” kan kynthup ia ki jingtyrwa, ki jingpyni ha ki ri bad ki jylla, bad ki bynta kiba iadei bad ka jingpynmih bad jingsam.

● Ki pavilion bad ki stall jong ka WFB kin pdiang ia ki kynhun na palat 7 tylli ki ri bad kin pyni ia ki jingai jingkyrshan na palat 10 tylli ki jylla jong ka ri India. Ka Tech Pavilion kaba kyrpang kaba don palat san tylli ki kompeni ba pawnam ha ka liang ka teknoloji kan pyni ïa ki jingsaindur thymmai ha ka VFX, animation, CGI, bad kiwei kiwei ki teknoloji shna phlim ha ka jingïatreilang bad ki paralok ba kongsan jong ka kam.

Ka iew bad ki lad ban iapynmih phlim lang: Ki jingïalang jong ka WAVES Film Bazaar kin pynïasoh lang ïa ki nongshna phlim, ki nongpynmih phlim, ki nongdie, ki nongpynlong ïa ki tamasa, bad ki nongbei tyngka ban kyntiew ïa ka jingïatreilang ha ka liang ka jingthaw bad ka pisa tyngka.

Ki Masterclass, Ki Panel & Ki Interactive Programme

● Ki riew ieid phlim ki lah ban khmih lynti ïa ki 21 tylli ki masterclass bad ki panel discussion ha ki 10 tylli ki rukom ha Kala Academy, ha kaba ki riew pawkhmat kin kynthup ia u Vidhu Vinod Chopra, u Anupam Kher, u Christopher Charles Corbould OBE, u Bobby Deol, u Aamir Khan, u Ravi Varman, u Kushboo Sundar, u Suhasini Pereesaper Manirat bad kiwei kiwei. Ki jingïalang kin peit naduh ka jingpynbeit bad ak phlim ha ka juk digital haduh ka jingpynneh pynsah, ka Theatre Acting, ka AI bad VFX.

● Ki bynta kiba thymmai kin peit ia ka bynta jong ka cinema ha kaba kyntiew ïa ka jingiasuk bad ki jingeh ha kaba shna phlim. Ki jingïalang “In Conversation” kin pyni ïa ki artist bad ki nongshna phlim kiba pawnam ha kylleng ki kam. Ki jinghikai ba iadei bad ka jingstad kin peit ia ka editing, cinematography, VFX bad SFX.

Ki jaka pynlong tamasa bad ki lad ban rung

● Yn pyni ïa ki phlim bad pynlong ki jingïalang ha kylleng ki san tylli ki jaka ba kongsan: INOX Panjim, Maquinez Palace, INOX Porvorim, Z-Square Samrat Ashok, bad Ravindra Bhavan, Madgaon. Ki jingpyni phlim yn pynlong ha Miramar Beach, Ravindra Bhavan Fatorda, bad Anjuna Beach.

● Baroh ki jaka ki don ki lad jingïarap ban ïoh rung — ki audio description, sign language, bad ka jingpynkylla ktien ha ki ktien bapher bapher — kaba ïahap bad ka jingkut jingmut jong ka tamasa ban ai bynta lang ia baroh.

Ki nongbishar ia ka International Competition – 56th International Film Festival of India

• Chairperson: Rakeysh Omprakash Mehra (India)
• Ki dkhot:
  • Graeme Clifford, Editor and Director (Australia)
  • Remi Adefarasin, Cinematographer (England)
  • Katharina Schüttler, Actor (Germany)
  • Chandran Rutnam, Filmmaker (Sri Lanka)

Ki phlim ba itynnad bad ki phlim ba la jop khusnam

● Ka tamasa kan pyni ïa ki nongjop khusnam ba pawnam jong ka pyrthei bad ki nongjop ba pawnam jong ki tamasa, kynthup ïa ki phlim kiba la jop ha Cannes, Berlinale, Locarno bad Venice, kaba pynskhem ïa ka bynta jong ka IFFI kum ka jaka ïakynduh na ka bynta ki phlim ba pawnam. Katto katne ki phlim ki kynthup ïa It Was Just An Accident (Palme d’Or, Cannes), Father Mother Sister Brother (Golden Lion, Venice), Dreams (sex Love) (Golden Bear, Berlin), Sirât (Grand Jury Prize, Cannes), The Message (Silver Bear, Jury Prize, Berlin), No Other Choice (People’s Choice Award, TIFF), Gloaming in Luomu (Best Film, Busan), Fiume o Morte! (Tiger Award, IFFR), bad kiwei kiwei.

International Film Festival of India (IFFI)
Ka International Film Festival of India, kaba la sdang ha u snem 1952, ka dei ka tamasa phlim ba pawnam tam jong ka ri kaba la pynlong da ka tnad Information & Broadcasting bad ka sorkar Goa. Ka thmu ban rakhe ia ka jingbha tam jong ka kam shna phlim ha ka pyrthei katba ka dang kyntiew ia ki phlim bad ki sap jong ka ri India. La ju pynlong man la u snem ia kane ka tamasa ha Goa, bad ka IFFI ka long kum ka rynsan ban ïakylliang ïa ki jingmut jingpyrkhat, ban lap ïa ki sur thymmai, bad ban kyntiew ïa ka jingsngewthuh ïa ka kolshor lyngba ka kam shna phlim.

National Film Development Corporation (NFDC)
Ka National Film Development Corporation of India ka dei ka public sector enterprise kaba hap hapoh ka tnad Information & Broadcasating. La seng ia ka ha u snem 1975, bad ka NFDC ka don ka bynta kaba kongsan ha kaba kyntiew ia ka phlim jong ka India, ban kyrshan ia ki nongshna phlim ba trei shimet, bad ban pynsuk ia ki jingpynmih phlim lang bad ki nongiatreilang nabar ri. Ka pyniaid ruh ia ka Film Bazar (kaba long mynta ka WAVES Bazaar), kaba pyniasoh ia ki nongthaw prokram na India bad ki iew ha kylleng ka pyrthei, kaba wanrah ia ka jingkiew jong ka ioh ka kot jong ka ri India.

*****