প্ৰধানমন্ত্ৰী শ্ৰী নৰেন্দ্ৰ মোদীয়ে ছত্তীশগড় ভ্ৰমণৰ আভাস শ্বেয়াৰ কৰিছে।

এক্সৰ ধাৰাবাহিক পোষ্টত প্ৰধানমন্ত্ৰীয়ে নয়া ৰায়পুৰ অটল নগৰত ৰোডশ্ব’ৰ সময়ত ৰাইজে দেখুওৱা মৰম আৰু উৎসাহৰ বাবে কৃতজ্ঞতা প্ৰকাশ কৰে। তেওঁ কয়-

“ছত্তীশগড়ৰ নিউ ৰায়পুৰ অটল নগৰত অনুষ্ঠিত হোৱা ৰোড শ্ব’ত মোৰ পৰিয়ালে যি আবেগ, উৎসাহ আৰু সাংস্কৃতিক পৰম্পৰাৰে মোক আদৰণি জনাইছে, সেই কথাই মোক  আপ্লুত কৰিছে।”

শ্ৰী মোদীয়ে কয় যে তেওঁ নয়া ৰায়পুৰ অটল নগৰত ছত্তীশগড় বিধানসভাৰ নতুন ভৱন উদ্বোধন কৰাৰ সৌভাগ্য লাভ কৰিছিল। সেউজ অট্টালিকাৰ ধাৰণাত নিৰ্মিত এই নতুন কমপ্লেক্সটোৱে কেৱল সৌৰশক্তিৰে কাম কৰাই নহয় বৰষুণৰ পানীও সংৰক্ষণ কৰিব। তেওঁ মন্তব্য কৰে যে-

“‘উন্নত ছত্তীশগড়’ৰ যাত্ৰা ত্বৰান্বিত কৰিবলৈ নতুন ৰায়পুৰ অটল নগৰত নিৰ্মাণ কৰা ছত্তীশগড় বিধানসভাৰ নতুন ভৱনটো উদ্বোধন কৰাৰ সৌভাগ্য লাভ কৰিলোঁ।এইটো সৌৰশক্তিৰ দ্বাৰা চালিত হ’ব, কিন্তু বৰষুণৰ পানীও সংৰক্ষণ কৰা হ’ব।”

প্ৰধানমন্ত্ৰীয়ে নয়া ৰায়পুৰ অটল নগৰত প্ৰাক্তন প্ৰধানমন্ত্ৰী তথা ভাৰতৰত্ন শ্ৰীযুত অটল বিহাৰী বাজপেয়ীৰ প্ৰতিমূৰ্তি উন্মোচন কৰে। তেওঁ কয় যে এই প্ৰতিমূৰ্তিটোৱে প্ৰজন্মৰ পিছত  প্ৰজন্মক অনুপ্ৰাণিত কৰি যাব। এই উপলক্ষে তেওঁ ‘এক পেড় মা কে নাম’  অভিযানতো অংশগ্ৰহণ কৰে। শ্ৰী মোদীয়ে মন্তব্য কৰে;

“আজি ছত্তীশগড়ত প্ৰাক্তন প্ৰধানমন্ত্ৰী ভাৰতৰত্ন অটল বিহাৰী বাজপেয়ীৰ প্ৰতিমূৰ্তি উন্মোচন কৰাৰ সুযোগ পাইছো।তেওঁ ‘এক পেড় মা কে নাম’ অভিযানতো গছপুলি ৰোপণ কৰে।”

প্ৰধানমন্ত্ৰীয়ে শ্বেয়াৰ কৰে যে নয়া ৰায়পুৰৰ শ্ৰী সত্য সাই সঞ্জীৱনী চিকিৎসালয়ত তেওঁৰ আদান-প্ৰদান অতি বিশেষ আৰু হৃদয়স্পৰ্শী আছিল। তেওঁ কয় যে জন্মগত হৃদৰোগ সফলতাৰে জয় কৰা শিশুসকলক লগ পোৱাৰ সুযোগ পাইছিল, আৰু তেওঁলোকৰ উৎসাহ আৰু ইতিবাচকতাই তেওঁক নতুন শক্তিৰে ভৰাই তুলিছিল। তেওঁ মন্তব্য কৰে;

“চত্তীশগড়ৰ নিউ ৰায়পুৰ অটল নগৰত আজিৰ মুহূৰ্তটো  আছিল অতি বিশেষ আৰু মৰ্মস্পৰ্শী।উৎসাহ আৰু উত্তেজনাৰে ভৰা তেওঁলোকৰ কথাই মোক এক নতুন শক্তিৰে ভৰাই তুলিলে।”

শ্ৰী মোদীয়ে নতুন বিধানসভা ভৱনৰ উদ্বোধনী অনুষ্ঠানত জনসাধাৰণৰ বৃহৎ যোগদানৰ বাবেও আনন্দ প্ৰকাশ কৰি তেওঁলোকৰ আনন্দই ছত্তীশগড়ৰ ২৫ সংখ্যক প্ৰতিষ্ঠা দিৱস উদযাপনৰ উৎসৱমুখৰ পৰিবেশ  বৃদ্ধি কৰা বুলি উল্লেখ কৰে। শ্ৰী মোদীয়ে কয়;

“ছত্তীশগড়ত নতুন বিধান সভা ভৱনৰ উদ্বোধনী অনুষ্ঠানলৈ বিশাল  সংখ্যাত  অহা মোৰ পৰিয়ালৰ সদস্যসকলৰ সুখে ৰাজ্যখনৰ ২৫ বছৰীয়া জয়ন্তীৰ উচাহ বৃদ্ধি কৰিলে।”

প্ৰধানমন্ত্ৰীয়ে লগতে উল্লেখ কৰে যে নয়া ৰায়পুৰ অটল নগৰত ব্ৰহ্ম কুমাৰী ধ্যান কেন্দ্ৰ ‘শান্তি শিখৰ’ উদ্বোধন কৰা হৈছে। তেওঁ কয় যে এই কেন্দ্ৰটোৱে  আধুনিকতা আৰু আধ্যাত্মিকতা দুয়োটাকে প্ৰতিফলিত কৰিছে । তেওঁ  ই ধ্যান, আত্ম-বাস্তৱায়ন আৰু বিশ্ব শান্তিৰ এক উল্লেখযোগ্য কেন্দ্ৰ হিচাপে আত্মপ্ৰকাশ কৰিব বুলি আত্মবিশ্বাস প্ৰকাশ কৰে। শ্ৰী মোদীয়ে কয়;

‘নতুন ৰায়পুৰ অটল নগৰত ব্ৰহ্ম কুমাৰী ধ্যান কেন্দ্ৰ ‘শান্তি শিখৰ’ উদ্বোধন কৰাৰ সৌভাগ্য লাভ কৰিলো।মই বিশ্বাস কৰোঁ যে এই ঐশ্বৰিক প্ৰতিষ্ঠানটো সাধনা, আত্মজ্ঞান আৰু বিশ্ব শান্তিৰ এক প্ৰধান কেন্দ্ৰত পৰিণত হ’ব।”

छत्तीसगढ़ के नवा रायपुर अटल नगर के रोड शो में मेरे परिवारजनों ने जिस जोश, उत्साह और सांस्कृतिक परंपरा के साथ स्वागत किया, वह अभिभूत कर देने वाला है। pic.twitter.com/8Lyhqb6dBC

— Narendra Modi (@narendramodi) November 1, 2025

***

MJPS/ST/DM