প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীদা খ্বাইদগী ৱাংবা নেস্নেল এৱার্দ ‘ওর্দর ওফ দি তিপব্লিক ওফ ত্রিনিদাদ অমসুং তোবেগো’ পীরকখ্রে
ঐহাক্না অদোমগী মফমদা, অদোমগী সরকার অমসুং মীয়ামদা খ্বাইদগী ৱাংবা নেস্নেল এৱার্দ, "ওর্দর ওফ রিপব্লিক ওফ ত্রিনিদাদ অমসুং তোবেগো" পীরকপগীদমক থম্মোয় শেংনা তৌবিমল খঙবা ফোংদোকচরি; মসিগী ইকাই খুম্নবা অসি ঐখোয়গী লৈবাক অনিগী মরক্তা লৈনরিবা লোইনাইদ্রবা অমসুং অচেৎপা মরুপ মপাং ওইবগী মরীগী খুদম অমনি; ভারত মচা করোর 140গী মহুৎ শিন্দুনা মসিগী ইকাই খুম্নবা অসি অপুনবা চাউথোকচবা অমা ওইনা ঐহাক্না লৌজরি: পি.এম.
ঙসি ফাওবদা ভারতকী কম্ম্যুনিতীনা ঐখোয়গী মান্নবা চৎনবীশিং, কলচর অমসুং কস্তমশিং ঙাক-শেন্দুনা থম্বা অসি চাউথোকচনীংঙাইনি; রাস্ত্রপতি কঙ্গালু জী অমসুং প্রধান মন্ত্রী কমলা জী অসি কম্ম্যুনিতী অসিগী খ্বাইদগী চাউবা ব্রান্দ এম্বেসেদরশিংনি: পি.এম.
ত্রিনিদাদ অমসুং তোবেগো অসি ভারতকী CARICOM পার্তনর অমা ওইবতা নত্তনা মালেমগী ওইনা মরুওইবা পার্তনর অমসুনি; ঐখোয়গী কোওপরেসন অসি গ্লোবেল সাউথ পুম্নমক্কীদমক মরু ওই: পি.এম.
Posted On:
04 JUL 2025 9:17PM by PIB Imphal
পোর্ত ওফ স্পেনগী প্রসিদেন্ত হাউসতা পাংথোকখিবা অখন্নবা থৌরম অমদা, ত্রিনিদাদ অমসুং তোবেগোগী রাস্ত্রপতি ঐচ.ই. খৃস্তিন কারলা কঙ্গালু ORTTনা প্রধান মন্ত্রী শ্রী নরেন্দ্র মোদীদা মহাক্কী লুচিংবগী মতৌ, গ্লোবেল সাউথকী মরু ওইবশিং পুখৎনবা হোৎনবা, অমসুং ভারত অমদি ত্রিনিদাদ অমসুং তোবেগোগী মরক্তা লৈনরিবা মরী অসি মপাঙ্গল কনখৎহন্নবা মহাক্না থোইদোক হেন্দোক্না শরুক তম্বগীদমক ত্রিনিদাদ অমসুং তোবেগোগী খ্বাইদগী ৱাংবা নেস্নেল এৱার্দ - "ওর্দর ওফ রিপব্লিক ওফ ত্রিনিদাদ এন্দ তোবেগো" পীখ্রে। প্রধান মন্ত্রী অসি এৱার্দ অসি ফংবা অহানবা মপান লৈবাক্কী লুচিংবা অমনি।
ভারতকী মীওই বিল্লিয়ন 1.4গী মহুৎ শিন্দুনা এৱার্দ অসি লৌদুনা প্রধান মন্ত্রীনা লৈবাক অনিগী মরক্তা লৈনরিবা অচেৎপা মরুপ মপাং ওইবগী মরী অদুদা এৱার্দ অসি কৎথোকখি। চহি 180গী মমাংদা লৈবাক অসিদা লাকখিবা ভারত মচাশিংনা শেয়র তৌখিবা পুৱারী অমসুং কলচরেল হেরিতেজকী মতুং ইন্না অখন্নবা মরী অসি লৈনরে হায়না মহাক্না ফোংদোকখি। ভারত অমসুং ত্রিনিদাদ অমসুং তোবেগোগী মরক্তা লৈরিবা নাকল অনিগী ওইবা মরী অসি হেন্না চেৎশিলহন্নবা মহাক্না মহাক্কী অচেৎপা ফিরেপ অদু ফোংদোকখি।
থৌরম অদুদা রিপব্লিক ওফ ত্রিনিদাদ অমসুং তোবেগোগী প্রধান মন্ত্রী ঐচ.ই. শ্রীমতী কমলা পর্সাদ-বিসেসর, মহাক্কী মন্ত্রীমন্দলগী মেম্বরশিং, পার্লিয়ামেন্তকী মেম্বরশিং অমসুং অতোপ্পা মকোক থোংবা মীওইশিংনা শরুক য়াখি।
***
(Release ID: 2183344)
Visitor Counter : 5
Read this release in:
Odia
,
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam