पंतप्रधान नरेंद्र मोदी यांनी आज इंडो-तिबेट सीमा पोलीस दलाच्या (आयटीबीपी) स्थापना दिनानिमित्त सर्व हिमवीरांना आणि त्यांच्या कुटुंबीयांना शुभेच्छा दिल्या. या दलाने राष्ट्रासाठी दिलेल्या उत्कृष्ट सेवेचाही त्यांनी गौरव केला असून, या दलाचे शौर्य, शिस्तबद्धता आणि कर्तव्याप्रती असलेल्या दृढ बांधिलकीचे त्यांनी कौतुक केले आहे. आपत्कालीन परिस्थितीत मदत आणि बचाव मोहिमांदरम्यानची या दलाची करुणा  वृत्ती आणि तत्परतेचीही पंतप्रधानांनी प्रशंसा केली असून, यात या दलाच्या सेवा आणि मानवतेच्या उत्कृष्ट परंपरांचे प्रतिबिंब उमटल्याचे दिसते असे त्यांनी म्हटले आहे.

यासंदर्भात पंतप्रधान नरेंद्र मोदी यांनी  X या समाजमाध्यमावर सामायिक केलेला संदेश  :

भारत-तिबेट सीमा पोलीस दलाचे सर्व हिमवीर आणि त्यांच्या कुटुंबीयांना त्यांच्या या दलाच्या स्थापना दिनाच्या मनःपूर्वक शुभेच्छा. हे दल अतुलनीय शौर्य, शिस्तबद्धता आणि कर्तव्यनिष्ठेचे मूर्तिमंत रूप आहे. अत्यंत प्रतिकूल हवामानात तसेच आव्हानात्मक भूप्रदेशात सेवा बजावताना, ते दृढ निर्धाराने राष्ट्राचे संरक्षण करतात. आपत्कालीन मदत आणि बचाव मोहिमांदरम्यानची त्यांची करुणा  वृत्ती आणि तत्परतेतून, सेवा आणि मानवतेच्या उत्कृष्ट परंपरांचे प्रतिबिंब उमटते.

Warm greetings to all ITBP Himveers and their families on their Raising Day. The Force embodies unmatched courage, discipline and devotion to duty. Serving amid the harshest climates and most difficult terrains, they safeguard the nation with unwavering resolve. Their compassion… pic.twitter.com/qiyL6gqcb8

— Narendra Modi (@narendramodi) October 24, 2025

****

निलिमा चितळे / तुषार पवार / परशुराम कोर

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com