প্রধানমন্ত্রীগী লোইশঙ
প্রধান মন্ত্রীগী মফমদা সাইপ্রসকী ‘গ্রান্দ ক্রোস ওফ দ ওর্দর মেকারিওস III’ পীবা মনা লৌবা মতমদা মহাক্না থমখিবা ৱারোলগী মনিপুরী ৱাহন্থোক
Posted On:
16 JUN 2025 9:10PM by PIB Imphal
ঐহাক্কী ইকাই খুম্নরবা শ্রী রাস্ত্রপতি,
ঐহাক্না অদোমবু থাগৎচরি, সাইপ্রসকী সরকার অমসুং মীয়াম্বু ঐঙোন্দা "গ্রান্দ ক্রোস ওফ দি ওর্দর ওফ মেকারিওস III" পীবগীদমক থাগৎচরি।
মসি নরেন্দ্র মোদীদা খক্তা পীবা ইকায় খুম্নবা নত্তে। মসি ভারত মচা বিল্লিয়ন ১.৪দা পীবা ইকায়খুম্নবা অমনি। মসিনা মখোয়গী শক্তি অমসুং এস্পিরেসনশিংবু শকখঙবনি। মসি ঐখোয়গী কলচরেল হেরিতেজ অমসুং "ৱাসুধৈব কুতুম্বকম"গী ফিলোসোফী, হায়বদি " মালেম অসি ইমুং অমনি" হায়বসিগী মশক অমনি।
ঐহাক্না মসি ভারত অমসুং সাইপ্রসকী মরক্তা লৈনরিবা মরুপ-মপাং ওইবা মরীশিংদা, ঐখোয়গী মান্নবা মগুনশিংদা, অমসুং ঐখোয়গী অমগা অমগা খঙমিন্নবদা কৎচরি।
ভারত মচা পুম্নমক্কী মহুৎ শিন্দুনা ঐহাক্না ইকায়খুম্নবা অমসুং থাগৎপা ফোঙদোকচরি।
এৱার্দ অসি ঐখোয়গী মীয়ামগী শান্তি, সেক্যুরিতী, সোভরিনিতী, তেরিতোরিয়েল ইন্তিগ্রিতী অমসুং চাউখৎপগীদমক ঐখোয়গী অচেৎপা ফিরেপ অদুগী খুদম অমনি।
একসেলেন্সী,
ভারত অমসুং সাইপ্রসকী মরক্তা লৈনরিবা মরুপ-মপাং ওইবগী মরী অসি মপাঙ্গল কনখৎহন্নবগীদমক ঐহাক্না থৌদাং অসি লৌজরি।
ঐহাক্না থাজবা থম্লি মদুদি ঐখোয়গী পার্তনরশিপ অসিনা লাক্কদৌরিবা মতমশিংদা হেন্না ৱাংবা থাক্তা য়ৌরগনি। অমসুং, ঐখোয় পুন্না, ঐখোয়গী লৈবাকশিংগী চাউখৎপগী মায়কৈদা থবক তৌবতা নত্তনা, মালেমগী শান্তি অমসুং সেক্যুরিতীগীদমক্তা হোৎনমিন্নবা লেপ্তনা হোৎনগনি।
ঐহাক্না অমুক্কা হন্না মসিগী ইকাই খুম্নবা অসিগীদমক্তা অদোমগী মফমদা থাগৎপা ফোংদোকচরি।
অদোমবু য়াম্না থাগৎচরি।
দিস্ক্লেমর - মসি প্রধান মন্ত্রীগী ৱাফমশিংগী চাউরাকপা ৱাহন্থোক্নি। অশেংবা ৱারোলদি হিন্দিদা পীখিবনি।
***
(Release ID: 2181485)
Visitor Counter : 9
Read this release in:
Odia
,
English
,
Urdu
,
हिन्दी
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam