કેન્દ્રીય રેલવે, માહિતી અને પ્રસારણ, અને ઇલેક્ટ્રોનિક્સ અને માહિતી ટેકનોલોજી મંત્રી શ્રી અશ્વિની વૈષ્ણવે આજે રેલવે બોર્ડના વોર રૂમની મુલાકાત લીધી અને તહેવારોની મોસમ દરમિયાન મુસાફરોની અવરજવરનો અભ્યાસ કર્યો. તેમણે ચોવીસ કલાક કામ કરવા બદલ સ્ટાફની પ્રશંસા કરી અને દિવાળી નિમિત્તે તેમને શુભેચ્છાઓ પાઠવી.

ભારતીય રેલ્વે (IR)એ ચાલુ તહેવારોની મોસમ દરમિયાન મુસાફરોની માંગમાં વધારાને પહોંચી વળવા માટે વ્યાપક વ્યવસ્થા કરી છે. પૂજા, દિવાળી અને છઠ દરમિયાન સરળ મુસાફરી સુનિશ્ચિત કરવા માટે , IR 12,011 વિશેષ ટ્રેનો ચલાવી રહ્યું છે, જે ગયા વર્ષના સમાન સમયગાળા દરમિયાન સંચાલિત 7,724 ટ્રેનો કરતા નોંધપાત્ર વધારો છે.

તહેવારોની ઋતુ દરમિયાન મુસાફરો માટે સરળ અને આરામદાયક મુસાફરી સુનિશ્ચિત કરવા માટે ભારતીય રેલવે સંપૂર્ણ તાકાતથી કાર્યરત છે. નિયમિત ટ્રેન સેવાઓ ઉપરાંત, IRએ તહેવારોના સમયગાળા દરમિયાન વધેલી મુસાફરીની માંગને પહોંચી વળવા માટે 1 ઓક્ટોબરથી 19 ઓક્ટોબર 2025 દરમિયાન 3,960 વિશેષ ટ્રેનોનું સફળતાપૂર્વક સંચાલન કર્યું છે.

છઠ માટે મુસાફરોના ટ્રાફિકમાં અપેક્ષિત વધારાને પહોંચી વળવા માટે , ભારતીય રેલવે આગામી દિવસોમાં લગભગ 8,000 વધુ વિશેષ ટ્રેનો ચલાવવાની યોજના ધરાવે છે.

આ ખાસ ટ્રેનો ભારતીય રેલવેના તમામ ઝોનમાં દોડાવવામાં આવી રહી છે, જેમાં ઉત્તર રેલ્વે (1919 ટ્રેનો), મધ્ય રેલવે (1998 ટ્રેનો) અને પશ્ચિમ રેલવે (1501 ટ્રેનો) સૌથી વધુ સંખ્યામાં દોડે છે. પૂર્વ મધ્ય રેલવે (1217) અને ઉત્તર પશ્ચિમ રેલવે (1217) સહિત અન્ય ઝોને પણ પ્રાદેશિક મુસાફરી જરૂરિયાતોને પૂર્ણ કરવા માટે વધારાની સેવાઓ ગોઠવી છે. આ 12,011 ટ્રેનોનું ઝોનવાર વિભાજન નીચે મુજબ છે:

2025માં તમામ તહેવાર વિશેષ સૂચિત ટ્રેનોની યાદી:

1 ઓક્ટોબરથી 19 ઓક્ટોબર, 2025 દરમિયાન, 1 કરોડથી વધુ મુસાફરોએ આ વિશેષ સેવાઓનો લાભ લીધો છે. આરામદાયક મુસાફરીનો અનુભવ સુનિશ્ચિત કરવા માટે સમર્પિત હોલ્ડિંગ એરિયા, વધારાના ટિકિટ કાઉન્ટર, પીવાના પાણીની સુવિધાઓ અને સ્વચ્છ શૌચાલય સાથે તમામ સ્ટેશનો પર મુસાફરોના ટ્રાફિક વ્યવસ્થાપનને સુવ્યવસ્થિત કરવામાં આવ્યું છે.

નવી દિલ્હી વિસ્તારમાં - જેમાં નવી દિલ્હી, દિલ્હી, આનંદ વિહાર, હઝરત નિઝામુદ્દીન અને શકુર બસ્તી સ્ટેશનોનો સમાવેશ થાય છે - 16 થી 19 ઓક્ટોબર, 2025 દરમિયાન કુલ 15.17 લાખ મુસાફરોએ મુસાફરી કરી હતી, જે ગયા વર્ષના સમાન સમયગાળા દરમિયાન 13.66 લાખ મુસાફરોની સરખામણીમાં 1.51 લાખ મુસાફરોનો વધારો દર્શાવે છે.

અગાઉ, કેન્દ્રીય મંત્રીએ નવી દિલ્હી અને આનંદ વિહાર રેલવે સ્ટેશનોની પણ મુલાકાત લીધી હતી અને ભારતીય રેલવે દ્વારા કરવામાં આવેલી વ્યવસ્થાઓ અંગે પ્રતિસાદ મેળવવા માટે મુસાફરો સાથે વાતચીત કરી હતી. મુસાફરો માટે સરળ મુસાફરી માટે ખાસ વ્યવસ્થાઓમાં હોલ્ડિંગ એરિયા, ટિકિટ કાઉન્ટરમાં વધારો, પીવાના પાણીની વ્યવસ્થા, ટ્રેનના સમય દર્શાવવા અને અન્ય સુવિધાઓનો સમાવેશ થાય છે.

ભારતીય રેલવે તહેવારોની મોસમ દરમિયાન તમામ મુસાફરોને સલામત, આરામદાયક અને મુશ્કેલીમુક્ત મુસાફરી પૂરી પાડવા માટે પ્રતિબદ્ધ છે. 1.2 મિલિયનથી વધુ રેલવે કર્મચારીઓ કાર્યક્ષમ કામગીરી અને દરેક મુસાફર માટે સુખદ મુસાફરીનો અનુભવ સુનિશ્ચિત કરવા માટે ચોવીસ કલાક અથાક મહેનત કરી રહ્યા છે.

SM/GP/NP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com