প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ২০২৩-২৪দগী ২০২৭-২৮ ফাওবা চহি মঙাগী ওইনা লুপা কোতি ১৫০গী মতম অমত্তগী বজেৎ সপোর্তকী খুত্থাংদা ভারত্তা হেদক্বার্তর লৈবা ইন্তর্নেস্নেল বিগ কেৎ এলাইন্স (আই.বি.সি.এ.) লিংখৎনবা অয়াবা পীখ্রে।

কৈ, অতোপ্পা অচৌবা হৌদোং অমসুং মুৎশিল্লক্তুনা লৈরিবা স্পিসিস কয়াবু কঞ্জার্ভ তৌবদা ভারতনা মকোক থোংবা থৌদাং লৌরি হায়না শকখঙলদুনা, গ্লোবেল তাইগর দে, ২০১৯গী থৌরমদা মহাক্কী ৱারোল পীরদুনা ভারতকী প্রধান মন্ত্রীনা এসিয়াদা পোচিং লাকশিন্নবা গ্লোবেল লিদরশিংগী এল্লাইন্স অমা শেম্নবা হায়খি। ২০২৩গী এপ্রিল ৯দা ভারতকী প্রোজেক্ত তাইগরগী চহি ৫০ মপুং ফারকপগী থৌরমদা মহাক্না ৱাফম অসি অমুক হন্না ফোংদোকখি। মহাক্না ইন্তর্নেস্নেল বিগ কেৎ এলাইন্স অমা হৌদোক্নবা ফোর্মেল ওইনা লাউথোকখি। ভারত্তা হৌদোকখিবা অমসুং মতম শাংনা চৎনরক্লবা তাইগর অমসুং অতোপ্পা অচৌবা কেৎশিং ঙাক-শেনবগী অফবা থৌওংশিং অসি অতোপ্পা রেঞ্জ লৈবাক কয়াদসু চৎনহল্লকপা য়াই।

অচৌবা কেৎ তরেৎ অসিদা কৈ, নোংশা, কবোকৈ, স্নো লিওপার্দ, পুমা, জগুৱার অমসুং চীতাহ য়াওরি। কৈ, নোংশা, কবোকৈ, স্নো লিওপার্দ অমসুং চীতাহ অসি ভারত্তা ফংই।

ইন্তর্নেস্নেল বিগ কেত এলাইন্স অসি লৈবাক কয়াগী, এজেন্সী কয়াগী কোলিসন অমা ওইনা বিগ কেত রেন্জ লৈবা লৈবাক ৯৬, বিগ কেত কঞ্জার্বেসনদা পুক্নিং চঙবা নন-রেন্জ লৈবা লৈবাকশিং, কঞ্জার্বেসন পার্তনরশিং অমসুং বিগ কেত কঞ্জার্বেসনগী লমদা থবক তৌরিবা সাইন্তিফিক ওর্গানাইজেসনশিং, বিগ কেত পোপুলেসন হন্থরকপা থিংনবা অমসুং ত্রেন্দ অদু হোংদোক্নবা লমদা কঞ্জার্বেসন এজেন্দা মপাঙ্গল কনখৎহন্নবা শীজিন্নবা য়াবা শেলগী মতেংগা লোইননা মায় পাক্লবা থবকশিং অমসুং মীওইশিংগী সেন্ত্রেলাইজ তৌরবা রিপোজিটোরি অমা কমন প্লেৎফোর্ম অমদা পুথোক্নবা, মীৎয়েং চঙবা মওংদা নেৎৱার্কশিং শেম্নবা অমসুং সিনর্জিশিং দিবেলপ তৌনবা অপাম্বা ইন্তর্নেস্নেল গ্রুপশিং অমসুং কোর্পোরেৎশিংগা লোয়ননা বিগ কেত কঞ্জার্বেসনগী লমদা থবক তৌরিবা সাইন্তিস্তশিংনা অচৌবা কেত এজেন্দাদা লুচিংবা থাক্তা লৈবগী মশক থোকপা খোংথাং অমা ওইগনি। মসিনা রেঞ্জ লৈবাকশিং অমসুং অতোপ্পশিংবু মান্নবা প্লেৎফোর্ম অমদা পুরক্লগনি।

ঙাকশেনগী এজেন্দা অসি মখা তানা পুখৎনবগীদমক লৈবাকশিংগী মরক্তা অমনা অমগী কান্ননবগীদমক ম্যুচেল কোওপরেসন তৌনবা আই.বি.সি.এ.না পান্দম থম্লি। আই.বি.সি.এ.না হীরম কয়াদা পাক-শন্না য়ুম্ফম ওইবা অমসুং মনিফোল্দ লিঙ্কশিং শেমগৎপদা মল্তিপ্রোঞ্জ ওইবা এপ্রোচ অমা লৈগনি অমসুং লৌশিং শেয়র তৌবা, কেপাসিতী বিল্দিং, নেৎৱর্কিং, এদভোকেসী, শেল-থুম অমসুং রিসোর্স সপোর্ত, রিসর্স অমসুং তেক্নিকেল সপোর্ত, এজুকেসন অমসুং এৱারনেসতা মতেং পাংগনি। তুং কোইনা চৎনবা য়াবা চাউখৎ-থৌরাং অমসুং পুন্সি মহিংগী সেক্যুরিতীগীদমক অচৌবা কেৎশিং অসি মাস্কোৎ ওইনা শিজিন্নদুনা, ভারত অমসুং অচৌবা কেৎ রেন্জ লৈবাকশিংনা অকোয়বগী ফিভমদা রেসিলিয়েন্স অমসুং ক্লাইমেৎ চেঞ্জ মিতিগেসনগী মতাংদা অচৌবা থবক কয়া পায়খৎপা ঙমগনি। মসিনা তুংগী পুন্সি অমা শেম্বা ঙমগনি অমসুং মসিনা মহৌশাগী ইকোসিস্তেমশিং অসি চাউখৎপা ঙমগনি অমসুং শেন্মিৎলোন অমসুং চাউখৎ-থৌরাংগী পোলিসীশিংদা মরুওইবা মফম অমা ওইগনি।

আই.বি.সি.এ.না গোল্দ স্তেন্দর্দ বিগ কেত কঞ্জার্বেসন প্রেক্তিসশিং হেন্না পাক শন্না শন্দোক্নবা কোলাবোরেতিব প্লেৎফোর্ম অমগী খুত্থাংদা সিনর্জীগী থৌরাং তৌরি। মসিনা তেক্নিকেল নো-হাও অমসুং ফন্দশিংগী সেন্ত্রেল কম্মন রেপোজিস্তরী অমদা এক্সেস ফংহল্লি। মসিনা কঞ্জার্বেসন অমসুং প্রোতেক্সনগী মতাংদা লৈরিবা স্পিসিস-স্পিসিফিক ইন্তরগবর্নমেন্তেল প্লেৎফোর্মশিং, নেতৱর্কশিং অমসুং ত্রান্সনেস্নেল ইনিসিএতিবশিং মপাঙ্গল কনখৎহল্লি। মসিনা ঐখোয়গী ইকোলোজিকেল তুংলমচৎকী ঙাক-শেন পীবদা অমসুং ক্লাইমেৎ চেঞ্জগী অৱাবা শাফু হন্থহনবদা মতেং পাংলি।

আই.বি.সি.এ.গী ফ্রেমৱার্ক অসিদা হিরম কয়াদা পাক-শন্না য়ুম্ফম ওইবা অমসুং মনিফোল্দ লিঙ্কেজশিং লিংখৎপদা মল্তিপ্রোঞ্জ ওইবা এপ্রোচ অমা লৈগনি অমসুং লৌশিং শেয়র তৌবা, কেপাসিতী বিল্দিং, নেৎৱর্কিং, এদভোকেসি, ফাইনান্সিং অমসুং রিসোর্স সপোর্ত, রিসর্স অমসুং তেক্নিকেল সপোর্ত, অশোয়বা মায়োক্নবগী ইন্সুরেন্স, এজুকেসন অমসুং এৱারনেসতা মতেং পাংগনি। রেঞ্জ লৈবাকশিংদা লৈরিবা ব্রান্দ এম্বেসেদরশিংনা ৱাখল্লোন অসি মাংলোমদা পুখৎপদা হেন্না চাউবা থৌদাং লৌগনি অমসুং প্রোসেস অসিদা মরুওইবা স্তেকহোল্দর ওইরিবা নহাশিং অমসুং লোকেল কম্ম্যুনিতীশিং য়াওনা মীয়ামগী মরক্তা বিগ কেত কঞ্জার্বেসন কেম্পেন অসি পাংথোক্নবা থৌনা হেনগৎহল্লগনি। আই.বি.সি.এ. প্লেৎফোর্মগী খুত্থাংদা লৈবাক অমনা ক্লাইমেৎ লিদরশিপ রোল লৌবা অসি কোলাবোরেতিব এক্সন ওরিয়েন্তেদ এপ্রোচ অমসুং ইনিসিয়েতিবকী খুত্থাংদা গ্রীন ইকোনোমী প্রোজেক্তশিং হেন্না মপাঙ্গল কনখৎহন্নবা ওইথোকপা য়াই। অসুম্না, বিগ কেত এলাইন্সকী মেম্বরশিংগী মরক্তা লৈরিবা ইম্পেৎ অসিনা শেন্নবগী মশক অমসুং শেন্দোং লৈবা পার্তনরশিংবু মপাঙ্গল কনখৎহনবগী মশক অদু হোংদোকপা ঙমগনি।

ইন্তর্নেস্নেল বিগ কেত এলাইন্সনা পুন্না চৎমিন্নবা অমসুং ইনক্লুসিব কঞ্জার্বেসনগী ফলশিং ফংনবগীদমক্তা সস্তেনেবল দিবেলপমেন্ত গোলশিং (এস.দি.জি.শিং) গা বাইওদাইবর্সিতী পোলিসীশিং পুন্সিন্নবগী মরুওইবা অদু খঙই। মথক্তা পনখ্রিবা অসিনা বাইওদাইভর্সিতী কঞ্জার্বেসন তৌনবা হোৎনরিবশিং অসি লোকেলগী মথৌ তাবশিংগা চান্নহন্নবা অমসুং আই.বি.সি.এ.গী মেম্বর লৈবাকশিংদা য়ু.এন. এস.দি.জি.শিং ফংহনবদা মতেং পাংনবা পোলিসী ইনিসিএতিবশিংগীদমক শৌগৎলি। সেক্তরশিংগী মরক্তা বাইওদাইভর্সিতীবু মেনস্ত্রীম তৌদুনা সেক্তরেল পোলিসীশিং অমসুং দিবেলপমেন্ত প্লানিং প্রোসেসশিংদা বাইওদাইভর্সিতীগী মীৎয়েং পুন্সিনবা; লৌউ-শিংউ, ফোরেস্ত্রি, তুরিজম অমসুং ইনফ্রাস্ত্রকচর দিবেলপমেন্ত য়াওনা; সস্তেনেবল ওইবা লম শীজিন্নবগী থবকশিং, হেবিতেৎ রিকোভরী ইনিসিএতিবশিং অমসুং বাইওদাইভর্সিতী কঞ্জারবেসনদা মতেং পাংলিবা অমসুং ক্লাইমেৎ চেঞ্জ, ফুদ সেক্যুরিতী, ক্লিন ৱাতর অমসুং লায়রবা হন্থহনবগা মরী লৈনবা এস.দি.জি.শিংদা মতেং পাংলিবা ইকোসিস্তেমদা য়ুম্ফম ওইবা এপ্রোচশিং প্রমোৎ তৌবা।

আই.বি.সি.এ.গী গবর্নান্সতা মেম্বরশিংগী এসেমব্লী, স্তেন্দিং কমিতী অমসুং ভারত্তা হেদ ক্বার্তর লৈবা সেক্রেতরিয়েৎ অমা য়াওরি। ইন্তর্নেস্নেল সোলর এলাইন্স (আই.এস.এ.) গী মওং মতৌদা ফ্রেমৱার্ক ওফ এগ্রীমেন্ত (স্তেটুৎ) অসি চাউনা শেমখ্রে অমসুং ইন্তর্নেস্নেল স্তিয়রিং কমিতী (আই.এস.সি.) না লোইশিনগনি। আই.এস.এ. অমসুং ভারত সরকারগী মতুং ইন্না হোস্ত কন্ত্রী এগ্রীমেন্ত শেমখ্রে। স্টিয়রিং কমিতী অসি লিংখৎলকপা মেম্বর লৈবাকশিংগী নোমিনেৎ তৌরবা নেসনেল ফোকাল পোইন্টশিংগা লোয়ননা শেমগনি। আই.বি.সি.এ.গী এসেমব্লি মীফম মনুংদা আই.বি.সি.এ.না মশাগী দি.জি. মিনিস্তরগী থাক্তা পাংথোক্কদবা আই.বি.সি.এ. এসেমব্লীদা প্রধান মন্ত্রী, ঐচ.এম.ই.এফ.সি.সি.

আই.বি.সি.এ.না চহি মঙা (২০২৩-২৪দগী ২০২৭-২৮ ফাওবা) গী ওইনা লুপা কোতি ১৫০গী অহানবা তেংবাং ভারত সরকারদগী ফংলে। হেনগৎহল্লবা কোর্পসকীদমক্তা, বাইলেতরেল অমসুং মল্তিলেতরেল এজেন্সীশিং; অতোপ্পা চুনবা ইন্সতিত্যুসনশিং অমসুং পব্লিক সেক্তর ওর্গনাইজেসনশিং, নেস্নেল অমসুং ইন্তর্নেস্নেল ফাইনান্সিএল ইন্সতিত্যুসনশিং অমসুং দোনর এজেন্সীশিংদগী ফাইনান্সিএল সপোর্ত মোবিলাইজ তৌবা অসি মখা তানা নৈনগনি।

এল্লাইন্স অসিনা নেচরেল রিসোর্সশিং অসি তুং কোইনা শিজিন্নবা অমসুং ক্লাইমেৎ চেঞ্জনা থোকহনবা শিংনবশিং হন্থহনবা ঙমহল্লি। অচৌবা কেৎশিং অমসুং মখোয়গী হেবিতেতশিং ঙাক-শেন্দুনা, আই.বি.সি.এ.না মহৌশাগী ওইবা ক্লাইমেৎ এদাপ্তেসন, ঈশিং অমসুং চিঞ্জাক্কী সেক্যুরিতী অমসুং হায়রিবা ইকোসিস্তেমশিং অসিদা মখা পোল্লিবা কম্ম্যুনিতী লিশিং কয়াগী য়াইফ-থৌরাংদা মতেং পাংলি। আই.বি.সি.এ.না লৈবাকশিংগী মরক্তা ম্যুচেল বেনিফিৎকীদমক মতেং পীনবা পুক্নিং থৌগৎকনি অমসুং মতম শাংনা কঞ্জার্বেসন এজেন্দাদা মতেং পাংগনি।

***