Kynhun Myntri

Mynjur ka Kynhun Myntri ia ka jingsdang ia ka International Big Cat Alliance (IBCA)

Posted On: 29 FEB 2024 3:33PM by PIB Shillong

Ka Kynhun Myntri jong ka Sorkar Pdeng ba la khlieh da u Myntri Rangbah duh Narendra Modi ka la mynjur ia ka jingsdang ia ka International Big Cat Alliance (IBCA) bad ka headquarter kalong ha India lyngba ka jingmang tyngka ban ai jingkyrshan shisien kaba long T. 150 klur na ka bynta ka samoi san snem naduh 2023-25 haduh 2027-28.

Ha ka jingmynjur ia ka jinglamkhmat ka India ha ka jingpynneh pynsah ia ki khla, kiwei kiwei ki jait khla bad bun ki mrad ba la jan duh jait jong ka, u Myntri Rangbah duh jong ka ri ha ka jingai jingkren jong u ha ka jingialang jong ka Global Tiger Day, 2019 u la kyntu ia ka jingiatreilang bad ki nongialam jong ki ri ka pyrthei ban tehlakam ia ka jingsiat beain ha Asia. U la ban biang ia kane ha ka jingialang kynmaw burom ia ka jingdap 50 snem ka Projek Tiger jong ka India ha ka 9 tarik Iaiong, 2023 bad u la pynbna ka jingsdang ia ka International Big Cat Alliance kaba thmu ia ka jingshngain jong ka lawei jong ki khla bad ka jaka ba ki shong ki sah.  Ka rukom treikam ba bha ban pynneh ia ki khla bad kiwei kiwei ki jait khla ba pyntreikam ha India ki dei kiba lah ban pynbud ha kiwei kiwei ki ri.

Hynniew tylli ki jait khla ba kynthup ia ki Khla, ki Sing, ‘la thapsim, Snow Leopard, Puma, Jaguar bad Cheetah na kine san ba kynthup ia ki Khla, ki Sing, ‘la thapsim, Snow Leopard bad Cheetah kidei kiba don ha India.

La saindur ia ka International Big Cat Alliance kum ka jingiasoh lang jong ki ri bad ki kynhun kiba kwah ban pynneh pynsah ia ki khla, ki kynhun iatreilang ha ka kam pynneh pynsah bad ki kynhun stad science kiba trei ha ka kam pynneh ia ki khla nalor ki kynhun treikam bad ki kompani kiba kwah ban nohsynniang sha kane ka kam, ban plie ia ki rynsan bad wanrah ia ki rukom treikam ha ka rukom kaba phaikhmat kyrpang khnang ban wanrah ia kawei ka rynsan jong ki rukom treikam bad ki nongtrei kiba bha, ha kaba ka don ka jingkyrshan pisa ba lah ban pyndonkam ban pynkhlain ia ki kam pynneh ha ki jaka trei ban tehlakam ia ka jingduna ka jingdon ki khla bad ban pynkylla ia kane. Kane kan long ka jingpyni ia ka jingialam lynti ha ki kam kiba iadei bad ki khla, ban wanrah ia kiwei kiwei ki ri hapoh kawei ka rynsan.

Ka IBCA ka thmu ban don ka jingiatreilang hapdeng ki ri na ka bynta ka jingmyntoi jong baroh ban kyntiew shuh shuh ia kane ka thong. Ka IBCA kan don ka rukom treikam kaba bun bynta ban wanrah ia ki jingiatreilang ha ki kam bapher bapher bad iarap ha ka jingai jingtip, ka jingpyntbit , ka jingwanrah ia ki rynsan, ka jingkyntiew, ka jingbei tyngka bad ka jingpynbiang ia ki jingdonkam, ka jingkyrshan ia ka jingwad bniah bad ki kam teknikal, ka pule puthi bad ka jingai jingtip. Da kaba pynlong ia ki khla kum ki mascot jong ka bynta ka roi ka par kaba iaineh bad ka jingshngain ha ka kamai kajih, ka India bad ki ri bapher bapher ba don bynta ha kane ka kam ki lah ban wanrah ia ki sienjam ba heh na ka bynta ka jingkhlain ka mariang bad ka jingpynduna ia ka jingkylla ka suinbneng, katba ka plié lad ia ka lawei ha kaba ki jinglong jingman ki bteng ban kiew shaphrang ban wan ha ka bynta kaba kongsan ha ki polisi ba iadei bad ka ioh ka kot bad ka roi ka par.

Ka IBCA ka thmu ban don ka jingiahap ki kam lyngba ka rynsan iatreilang ban kyntiew ka jingpynsaphriang ia ki rukom pynneh ia ki khla ba biang tam, kaba long ka jaka Pdeng jong ki jingnang jingstad ha ki kam teknikal bad ka corpus jong ki fund, kaba pynkhlain ia ki rynsan ba la don lang hapdeng ki Sorkar, ki sienjam hapdeng ki ri ban pynneh bad iada bad kaba iarap ban pynshngain ia ka lawei bad pynduna ia ki jingktah jong ka jingkylla ka suinbneng.

Ka rukom treikam jong ka IBCA kan don ki bynta bapher bapher ban wanrah ia ki jingpyniasoh ha ki kam bapher bapher bad iarap ha ka jingiasam ia ki jingnang jingtip, ka jingai jinghikai, ka jingpyniasoh, ka jingkyrshan ha ka pisa bad ki jingdon jingem, ka jingwad bniah bad ka jingkyrshan ha ki kam teknikal, ka jingiada na ki jingpulom, ki jingai jinghikai bad jingai jingpyntip. Ki nongrah ktien na ki ri bapher bapher kin don ka bynta kaba kham heh ha ka jingrah shakhmat ia ka jingthmu bad kin kyntiew ia ka kam ban pynthikna ka jingpynneh ia ki khla da ki riew paidbah ba kynthup ruh ia ki samla bad ka imlang sahlang kiba don ka bynta kaba khraw ha kane ka kam. Ka bynta jong ka ri kum ka nongialam ha ki kam kiba iadei bad ka mariang lyngba ka rukom treikam bad ki sienjam kiba don ka jingiatreilang, kaba ialam sha ka ioh ki projek ka ioh ka kot kiba khuid ka long kaba lah ban urlong lyngba ka rynsan IBCA. Kumta, ka jingpeit bniah ha ki ri ba long dkhot jong ka Big Cat ka lah ban wanrah jingkylla ha ki kam pynneh bad ka jingriewspah jong ki nongiatreilang kiba plié lad plié lynti.

Ka International Big Cat Alliance ka ithuh ia ka jingkongsan ban pyniasoh ia ki polisi ba iadei bad ka biodiversity bad ki thong sustainable development goal (SDG) ban ioh ia ki jingseisoh ha ki kam pynneh. Kane ka Alliance ka ai jingmut ban don ki sienjam ha ki polisi ba pyniahap ia ki isenjam ban pynneh ia ki jingdon jingem bad ki jingdonkam bad kiba don bynta ha ka jingkot sha ki thong UN SDG hapoh ki ri ba long dkhot ka IBCA. Ka jingpeit bniah ia ki jingdon jingem ha baroh ki kam ban wanrah lang ia ki jingpyrkhat shaphang ki jingdon jingem ka mariang ha ki polisi jong ki kam bapher bapher bad ka jingpynkhreh ia ka roi ka par; ba kynthup ia ka kam rep, ki khlaw, kam jngoh kai, jingkyntiew ia ki jingdon jingem; jingkyntiew ia ki rukom pyndonkam ia ka khyndew ha ka rukom kaba iaineh, ki sienjam ban khyllie im biang ia ki jaka ba sah ki mrad, ki sienjam ba kyrshan ia ka jingpynneh ia ki jingdon jngem ka mariang bad kiba noh synniang sha ki SDG ha kaba iadei bad ka jingkylla ka suinbneng, ka jingshngain ha ka jingioh bam, ka um kaba khuid bad ka jingpynduna ia ka jingduk.

Ka jingpyniaid ia ka IBCA ka kynthup ia ka Assembly of Members, Standing Committee bad ka Secretariat kaba don ka Head Quarter ha India. Ia ka Framework of Agreement (statute) la thaw ha ka rukom jong ka International Solar Alliance (ISA) bad yn pyndep pura ia ka da ka International Steering Committee (ISC). Ia ka Host Country Agreement la pynkhreh katkum ka ISA bad ka Sorkar India. Yn thung ia ka Steering Committee ha kaba yn don ki kam ba kongsan jong ki ri ba la wanrah da ki ri ba seng. Yn thung ia u DG da ka MoEFCC kum u Khliehduh ba Shipor jong ka IBCA Secretariat haduh ba ka IBCA ka thung hi ia u DG lajong ha ka jingialang Assembly. Ia ka IBCA Assembly ha ka kyrdan ki Tnat Sorkar yn long khlieh duh da u President, HMEFCC, Sorkar India.

Ka IBCA ka la ioh ia ka jingkyrshan kaba nyngkong na ka Sorkar India kaba kot sha ka T. 150 klur na ka bynta ki san snem (2023-24 haduh 2027-28). Na ka bynta ka corpus kaba kham bun yn peit ia ki lad ki lynti kiba don na ki jingnoh synniang na ki agency; kiwei kiwei ki kynhun ban wanrah ia ka jingkyrshan pisa na ki kynhun Sorkar, ki jaka kiba treikam ha ki kam pisa bad ki kynhun kiba ai jingiarap.

Kane ka Alliance ka pynthikna ia ka jingpyndonkam ia ki jingdon jingem ha ka rukom kaba iaineh bad ka pynduna ia ki jingeh kiba mih na ka jingkylla ka suinbneng. Da kaba iada ia ki khla bad ki jaka sah jong ki, ka IBCA ka don bynta ha ka jingpyniahap bad ki jingkylla, ka jingshngain ha ka um bad ka bam bad ka bha ka miat jong ki shnong kiba shaniah ha ki jingdon jingem jong ki jaka ba ki sah. Ka IBCA kan wanrah ia ka jingiatreilang hapdeng ki ri na ka bynta ka jingmyntoi lang bad kan don bynta ha ka jingpyntyllun shakhmat ia ki kam pynneh pynsah.

************



(Release ID: 2010370) Visitor Counter : 75