প্রধান মন্ত্রী শ্রী নরেন্দ্র মোদীনা ঙসি লোক সভাদা পহালগামদা তেরোরিস্ত এতেক্তকী মায়োক্তা ভারতনা পাংথোকখিবা মপাঙ্গল কনবা, মায় পাকপা 'ওপরেসন সিন্দুর'গী মতাংদা অখন্নবা খন্ন-নৈনবগী মনুংদা ৱা ঙাংখ্রে। হাউস অদুদা ৱা ঙাংলদুনা, প্রধান মন্ত্রীনা সেসন অসিগী হৌরকপদা মহাক্না মীদিয়াগী মরূপশিংগা ৱারী শানখিবা অদু নীংশিংখি। মহাক্না সেসন অসি ভারতকী মাইপাকপগী থৌরম অমসুং ভারতকী মগুনগী ইকাই খুম্নবা ওইনা শন্দোক্না তাক্লদুনা মহাক্না পার্লিয়ামেন্তকী ইকাই খুম্নরবা মেম্বর পুম্নমক্তা আপিল তৌখি।

তেরোরিস্তশিংগী হেদক্বার্তরশিং মপুং ফানা থুগায়খীবগী 'বিজয় উত্সৱ'কী মতাংদা পল্লদুনা শ্রী মোদীনা হায়খি মদুদি বিজয় উত্সৱ অসি সিন্দুরগা লোয়ননা লৌখিবা অচেৎপা ৱারেপ অদু মপুং ফাহন্নবগী মমি তারি। মহাক্না হায়খি, "বিজয় উৎসব অসি ভারতকী লান্মীশিংগী থৌনা অমসুং মপাঙ্গলগী খুদম অমনি।" মহাক্না মখা তানা হায়খি মদুদি বিজয় উৎসব অসি ভারত মচা করোর ১৪০গী অপুনবা অমসুং পুন্না মায় পাকপগী থৌরম অমনি।

মহাক্না হাউস অসিদা ভারতকী মীৎয়েং পুথোক্নবা মায় পাকপগী ৱাখল্লোনগা লোয়ননা লেপখি হায়না ফোংদোক্লদুনা প্রধান মন্ত্রীনা হায়খি মদুদি ভারতকী মীৎয়েং উবা ঙমদবা মীওইশিংগীদমক মহাক্না মিরর অমা থমদুনা লেপখি। মহাক্না হায়খি মদুদি মহাক্না লৈবাক অসিগী নাগরিক কোতি ১৪০গী ৱাখল্লোনগা লোয়ননা মহাক্কী খোঞ্জেল শরুক য়ানবা লাক্লি। শ্রী মোদীনা হায়খি মদুদি অপুনবা ৱাখল্লোনশিং অসি হাউস অসিদা শন্দোক্না তাক্লি, অমসুং মহাকসু অসিগুম্বা ময়েক শেংবা ৱাখল্লোন অসিদা মহাক্কী খোঞ্জেল হাপচিনবগীদমক থোরক্লি।

ওপরেসন সিন্দুরগী মতমদা ভারতকী মীয়ামনা লেপ্পা লৈতনা মতেং পাংবীবগীদমক অমসুং মখোয়গী য়াইফ-পাউজেলগীদমক থাগৎপা ফোংদোক্লদুনা, প্রধান মন্ত্রীনা হায়খি মদুদি মহাক্না লৈবাক অসিগী মফমদা থাগৎপা ফোংদোক্লি। মহাক্না নাগরিকশিংগী অপুনবা ৱারেপ অদু খঙখি অমসুং ওপরেসন অসি মাই পাকহনবদা মখোয়না লৌখিবা থৌদাং অদুগীদমক থাগৎপা ফোংদোকখি।

২০২৫গী এপ্রিল ২২দা পহলগামদা থোকখিবা তেরোরিস্তশিংনা মখোয়গী ধর্মগী মরমদা হংবগা লোয়ননা মরাল লৈজদবা মীওইশিংবু শাথিবা মওংদা হাৎখিবগী থৌদোক অদু প্রধান মন্ত্রীনা য়ানীংদবা ফোংদোকখি। মহাক্না হায়খি মদুদি মসি ভারতপু হিংসাগী মৈহৌ অদুদা পুখৎনবা অমসুং কম্ম্যুনেল অৱা-অনা থোকহন্নবা খন্ন-নৈনবা হোৎনবনি। মহাক্না ভারতকী মীয়ামদা অপুনবা অমসুং মপাঙ্গল কনবা ঙম্বগী থৌনাগা লোয়ননা মসিগী ৱাখল্লোন অসিবু মায়থিবা পীরকপগীদমক থাগৎপা ফোংদোকখি।

শ্রী মোদীনা এপ্রিল ২২গী মতুংদা মালেমদা ভারতকী ফিরেপ অদু ময়েক শেংনা খঙহন্নবা মহাক্না ইংলিসতা মীয়ামদা ৱারোল অমা পীখিবা অদু নীংশিংখি। মহাক্না হায়খি মদুদি তেরোরিজম মুত্থৎনবা ভারতকী অচেৎপা ৱারেপনি। মহাক্না হায়খি মদুদি মাস্তরমাইন্দশিংসু মখোয়না খনবা ঙমদবা অৱাবা কয়া মাইয়োক্নবা হৌরগনি। প্রধান মন্ত্রীনা পনখি মদুদি মহাক্না এপ্রিল ২২দা মপাল লমগী খোঙচৎ অমদা লৈরম্মি অদুবু অৱাংবা থাক্কী মীফম অমা পাংথোক্নবগীদমক থুনা হল্লকখি। মহাক্না হায়খি মদুদি মীফম অদুগী মনুংদা তেরোরিজমদা অকনবা পাউখুম পীনবা ময়েক শেংবা পাউতাকশিং পীখি। মসি লৈবাক পুম্বগী ওইবা থৌদাং অমনি হায়না মহাক্না অমুক হন্না ফোংদোকখি।

ভারতকী লান্মীশিংগী তৌবা ঙম্বশিং, শক্তি অমসুং থৌনা অদুদা মপুং ফানা থাজবা থম্লদুনা শ্রী মোদীনা হায়খি মদুদি লান্মীশিংদা মতম, মফম অমসুং পাউখুম পীনবগী মওং অদু লেপথোক্নবা অপুনবা ওপরেস্নেল ফ্রীদম পীরি। অৱাংবা থাক্কী মীফম অদুদা হায়রিবা দিরেক্তিবশিং অসি ময়েক শেংনা ফোংদোকখিবনি অমসুং মসিগা মরী লৈনবা হীরম খরদি মীদিয়াদা পাউদম্লকখিবা য়াই হায়না প্রধান মন্ত্রীনা অকনবা ৱাফম থমখি। তেরোরিস্তশিংদা পীখিবা চৈরাক অসি য়াম্না শাথীনা লৌখি হায়না মহাক্না চাউথোকচবা ফোংদোকখি মদুদি মখোয়গী মাস্তরমাইন্দশিং ফাওবা তুম্বা ঙম্নদ্রে হায়না মহাক্না পাউদমখি।

প্রধান মন্ত্রীনা হায়খি মদুদি মহাক্না হাউস অসিগী খুত্থাংদা ভারতকী পাউখুম অমসুং মসিগী আর্মদ ফোর্সেসকী মাইপাকপা অদু লৈবাক অসিগী মমাংদা পুথোকপা পাম্মি। মহাক্না পহলগামগী এতেক্কী মতুংদা, পাকিস্তানগী মিলিতরীনা ভারতকী অচৌবা পাউখুম অমা লাক্কনি হায়না খল্লম্মি, মসিনা মখোয়বু ন্যুক্লিয়রগী খুদোংথীবা পীনবা পুক্নিং থৌগৎখি। অহানবা মওং অদু পল্লদুনা মহাক্না হায়খি মদুদি ২০২৫গী মে ৬ অমসুং ৭গী মরক্তা পাঙথোকখিবা থৌরাং অদুগী মতুং ইন্না ভারতনা মসিগী ওপরেসন অদু পাঙথোকখি। মসিনা মরম ওইদুনা পাকিস্তাননা পাউখুম পীরকপা ঙমখিদে। শ্রী মোদীনা হায়খি মদুদি ইন্দিয়ন আর্মদ ফোর্সেসনা এপ্রিল ২২গী এটেক অদুগী লমন শিংখি অমসুং মখোয়না  পান্দম থম্লিবা পান্দম অদু মিনিত ২২গী মনুংদা ফংখি।

শ্রী মোদীনা হাউসকী থোংদা ভারতকী স্ত্রেতেজিক রেস্পোন্সকী অনিশুবা মওং-মতৌগী মতাংদা মখা তানা ফোংদোক্লদুনা হায়খি মদুদি ভারতনা মমাংদা পাকিস্তানগা লোয়ননা লান কয়া থেংনখ্রবসু, হান্ননা শোকখিদ্রিবা মফমশিংদা চৎপা স্ত্রেতেজী অমা পাংথোকপা অসি মসিনা অহানবা ওইনা ওইখি। মহাক্না হায়খি মদুদি পাকিস্তানগী মফম কয়াদা লৈরিবা তেরোরিস্তশিংগী মফমশিং অসি ভারতনা কৈদৌনুংদা য়ৌবা ঙম্লোই হায়না খল্লবা মফমশিং য়াওনা অকনবা মওংদা লান্দাখি। মহাক্না বাহাৱালপুর অমসুং মুরিদকেগী মতাংদা অখন্ননা পনখি। মহাক্না হায়খি মদুদি হায়রিবা বেজশিং অসি উৎ ওলহনখি। মহাক্না হায়খি মদুদি ভারতকী আর্মদ ফোর্সশিংনা তেরোরিস্তশিংগী বেজশিং মায় পাক্না থুগাইখি।

শ্রী মোদীনা অহুমশুবা মাইকৈদা পুক্নিং চিংশিনখি মদুদি পাকিস্তানগী ন্যুক্লিয়রগী মতাংদা কিহল্লকপশিং অসি কান্নদ্রে অমসুং ন্যুক্লিয়র ব্লেকমেইলিংবু ভারতনা মখা তানা য়ানীংদবা ফোংদোক্লরোই অমসুং মসিগী মতাংদা ভারতনা কনাগুম্বা অমত্তবু ইকায় খুম্নরোই হায়না ভারতনা উৎখ্রে।

ওপরেসন সিন্দুরগী মখাদা ভারতকী স্ত্রেতেজিক রেস্পোন্সকী মরিশুবা মওং অদু পল্লদুনা, প্রধান মন্ত্রীনা হায়খি মদুদি ভারতনা পাকিস্তানগী লমদমগী অরাপ-অরাপ্পা মফমশিংদা অখন্নবা স্ত্রাইকশিং পাংথোক্তুনা ভারতকী অৱাংবা থাক্কী তেক্নোলোজীগী তৌবা ঙম্বশিং অদু উৎখি। মসিগী মহৈ ওইনা পাকিস্তানগী এয়র বেজগী এসেতশিংদা য়াম্না চাউনা অশোক-অপন থোকহনখি। ঐখোয়না হৌজিক তেক্নোলোজীনা লমজিংবা লানগী মতম অমদা লৈরে হায়না মহাক্না ফোংদোকখি। অমসুং ওপরেসন সিন্দুরনা লম অসিদা ভারতকী মাস্তরিং অদু উৎখি। ভারতনা হৌখিবা চহি ১০গী শেম-শারিবা অদু লৌখৎলমদ্রবদি, লৈবাক অসিনা তেক্নোলোজীগী মতম অসিদা চাউবা মাঙজবা অমা নংলম্বা য়াই হায়না পল্লদুনা শ্রী মোদীনা মঙাশুবা দিমেন্সন অদু শন্দোক্না তাকখি। প্রধান মন্ত্রীনা হায়খি মদুদি অহানবা ওইনা, ওপরেসন সিন্দুরগী মতমদা মালেম অসিনা আত্মনির্ভর ভারতকী শক্তি অদু উবা ফংলে। মহাক্না মেদ-ইন-ইন্দিয়াগী দ্রোনশিং অমসুং মিসাইলশিংগী ইফেক্তিবিতীদা পুক্নিং চিংশিনখি, মসিনা পাকিস্তানগী খুৎলায়গী সিস্তেমশিংদা লৈরিবা খুদোংচাদবশিং অদু উৎখি।

ভারতকী ঙাকশেলগী মওং-মতৌদা মশক থোকপা মাইপাকপা অমা উবা ফংলবা মতুংদা প্রধান মন্ত্রীনা চীফ ওফ দিফেন্স স্তাফ (সি.দি.এস.) গী মতাংদা ফোঙদোকখি। প্রধান মন্ত্রীনা হায়খি মদুদি ওপরেসন সিন্দুর অসি নেভী, আর্মী অমসুং এয়র ফোর্সনা পুন্না থবক পায়খৎপা অমনি।

শ্রী মোদীনা হায়খি মদুদি ভারত্তা হান্নসু তেরোরিস্তকী থৌদোকশিং থোকখ্রবসু, মাস্তরমাইন্দশিং অসি মমাংদা পুক্নিং চিংশিনখিদে অমসুং তুংগী থৌদোকশিং অসি পুক্নিং চিংশিন্দুনা লেপ্তনা থৌরাং তৌরি। মহাক্না ফোংদোকখি মদুদি হৌজিক্তি ফিভম অসি হোংখ্রে। ঙসিদি, স্ত্রাইক খুদিংমক্কী মতুংদা, ভারতনা অমুক হন্না শাফু পীগনি অমসুং অকনবা মওংদা য়েক্নবশিং লৌথোক্কনি হায়বা খঙদুনা মাস্তরমাইন্দশিংনা অকীবগা লোয়ননা হিংলি। প্রধান মন্ত্রীনা হায়খি মদুদি ভারতনা "অনৌবা মহৌশাগী ফিভম" অমা শেম্লে।

ভারতকী স্ত্রেতেজিক ওপরেসনশিংগী পাক চাউবা স্কেল অমসুং য়ৌগদবা মফম মালেমগী কম্ম্যুনিতীনা হৌজিক থেংনরে হায়না পল্লদুনা শ্রী মোদীনা হায়খি মদুদি ওপরেসন সিন্দুরদগী সিন্ধু ফাওবা পাকিস্তানগী মফম কয়াদা লান হৌখি। শ্রী মোদীনা হায়খি মদুদি ওপরেসন সিন্দুরনা অনৌবা ৱাখল্লোন অমা শেম্লে: ভারতকী মায়োক্তা তেরোরিস্ত এটেক অমা পাংথোকপা হায়বসিদা মাস্তরমাইন্দরশিং অমসুং পাকিস্তানগীদমক্তা অচৌবা মাঙজবা ওইরগনি।

প্রধান মন্ত্রীনা ওপরেসন সিন্দুরদগী হৌরকপা ময়েক শেংবা ৱাখল্লোন অহুম পনখি। অহানবদা, ভারতনা তেরোরিস্ত এতেক্তশিংদা মশাগী ৱাহন্থোক্তা, মশাগী মওংদা, অমসুং মশাগী পাম্বা মতমদা পাউখুম পীরগনি। অনিশুবদা, মখল অমহেক্তগী ন্যুক্লিয়র রিক্বেস্তরিংবু মখা তানা থাগৎলরোই। অহুমশুবদা, ভারতনা তেরোরিস্তশিংগী স্পোন্সরশিং অমসুং অসিগুম্বা এতেক্তশিংগী মাস্তরমাইন্দশিংগী মরক্তা খেন্নবা থম্লোই।

শ্রী মোদীনা ওপরেসন সিন্দুরগী মতমদা ভারতনা পায়খৎখিবা থবকশিংগীদমক মালেমগী মীয়াম্না শৌগৎপগী মতাংদা হাউসতা ময়েক শেংনা পাউদমখি। মহাক্না হায়খি মদুদি মালেমগী লৈবাক অমত্তনা ভারতনা মাগী নেস্নেল সেক্যুরিতী ঙাক্নবা মথৌ তাবা থবক লৌখৎপদা অয়েৎপা পীরোই। প্রধান মন্ত্রীনা অকনবা ৱাফম থমখি মদুদি য়ুনাইতেদ নেসন্সকী মেম্বর লৈবাক ১৯৩গী মনুংদা, ওপরেসন অসিগী মনুংদা পাকিস্তানবু শৌগৎনবা স্তেতমেন্ত অহুমখক্তমক থোকখি। মহাক্না হায়খি মদুদি ভারতনা ক্বাদ অমসুং ব্রিক্সগুম্বা স্ত্রেতেজিক গ্রুপিংশিং অমসুং ফ্রান্স, রসিয়া অমসুং জর্মনীগুম্বা লৈবাকশিং য়াওনা মালেমগী লৈবাকশিংদগী পাক শন্না মতেং ফংলি। প্রধান মন্ত্রীনা হায়খি মদুদি ইন্তর্নেস্নেল কম্ম্যুনিতীনা ভারতপু মপুং ফানা মতেং পাংলি।

ভারতনা মালেমগী কাংলুপকী মতেং ফংলবসু, লৈবাক অসিগী লান্মীশিংগী থৌনা অসি ওপোজিসনগী মায়কৈদগী শৌগৎপা ফংদবদা থোইদোক্না নুংঙাইতবা ফোংদোক্লদুনা শ্রী মোদীনা হায়খি মদুদি এপ্রিল ২২গী তেরোরিস্ত এতেক্কী মতুং নুমিৎ খরনিগী মতুংদা ওপোজিসনগী লুচিংবা খরনা সরকারবু ইকায় খুম্নবা উৎখিদে অমসুং মায় পাকপা ঙমদ্রে হায়খি। প্রধান মন্ত্রীনা হায়খি মদুদি পহলগামগী মীহাৎ অদুগী মতুংদা ফাওবা মসিগী ইকাইখুম্নবা অমসুং মখোয়গী রাজনিতীগী খুদোংচাবশিং ফংবগী থৌওং অসিনা লৈবাক্কী অৱাবা অদুগী মতাংদা মীৎয়েং চংদবা উৎলি। মহাক্না হায়খি মদুদি অসিগুম্বা ৱারোলশিং অসি খক নত্তনা ভারতকী সেক্যুরিতী ফোর্সশিংগী পুক্নিং হন্থহল্লি। শ্রী মোদীনা অকনবা ৱাফম থমখি মদুদি ওপোজিসনগী লুচিংবা খরনা ভারতকী মপাঙ্গল অমসুং মসিগী আর্মদ ফোর্সেসকী তৌবা ঙম্বদা থাজদে অমসুং মখোয়না ওপরেসন সিন্দুরদা চিংনবা পোকহল্লি। মহাক্না হায়খি মদুদি হেদলাইনশিং তাদুনা পোলিতিকেল ইন্তরেস্তশিং ফংহনবা য়াই, অদুবু মসিনা মীয়ামগী থাজবা অমসুং ইকাই খুম্নবা ফংহল্লোই।

প্রধান মন্ত্রীনা হায়খি মদুদি ২০২৫গী মে ১০দা ভারতনা ওপরেসন সিন্দুরগী মখাদা ওপরেসনশিং লেপকনি হায়না লাউথোকখি। মহাক্না য়ানখি মদুদি মসিগী পাউজেল অসিনা তোঙান তোঙানবা ৱাখল্লোন কয়া অমা পুখৎলকখি, মসি মহাক্না ঙমখৈগী ৱাংমদগী লাকপা প্রোপেগান্দা অমনি হায়না ফোঙদোকখি। মহাক্না ভারতকী লান্মীশিংনা পীরিবা ফেক্টশিংদা থাজবা থমবগী মহুত্তা পকিষ্টানগী দিসইনফোর্মেসন হেঙ্গৎহন্নবা খনবশিংবু কুপ্না সমালোচনা তৌখি অমসুং ভারতকী ফিরেপ অসি মতম পুম্নমক্তা ময়েক শেংনা অমসুং অকনবা মওংদা লৈরি হায়না অমুক হন্না ফোংদোকখি।

চহি কয়াদগী ভারতনা পান্দম থমদুনা চত্থরক্লবা মিলিতরী ওপরেসনশিং নীংশিংলদুনা, স্ত্রেতেজিক ক্লিয়রেন্স অমসুং এক্সিক্যুসনদা মিৎয়েং থম্লদুনা, শ্রী মোদীনা হায়খি মদুদি সর্জিকেল স্ত্রাইকশিংগী মনুংদা, ভারতনা ময়েক শেংবা পান্দম অমা থমখি মদুদি, য়েক্নবগী লমদমদা লৈবা তেরোরিস্ত লোঞ্চ পেদশিং থুগাইবনি। মহাক্না হায়খি মদুদি বালাকোট এয়র স্ত্রাইকতা ভারতনা তেরোরিস্ত ত্রেনিং সেন্তরশিংবু পান্দম থমখি অমসুং মিসন অদু মায় পাক্না পাংথোকখি। প্রধান মন্ত্রীনা অকনবা ৱাফম থমখি মদুদি ওপরেসন সিন্দুরগী মখাদা, ভারতনা অমুক্কা হন্না ময়েক শেংনা মশক খঙদোক্লবা পান্দম অমগা লোইননা থবক পায়খৎলি: তেরোরিজমগী ইপিসেন্তর অমসুং পহালগামগী লান্মীশিংগী প্লানিং বেজশিং, ত্রেনিং হাংবশিং, ফন্দিং সোর্সশিং, ত্রেকিং অমসুং তেক্নিকেল সপোর্ত, অমসুং খুৎলায়গী সপ্লাই চেনশিং য়াওনা পহালগামগী লান্মীশিংগী মনুং চনবা ইনফ্রাস্ত্রকচরদা খুদোংচাদবা পীখি। প্রধান মন্ত্রীনা হায়খি, "ভারতনা তেরোরিস্তশিং অসিগী নর্ভ সেন্তরদা অকনবা মওংদা লান্দারকখি অমসুং মখোয়গী থবক থৌরমশিংগী মপুং ওইবা মচাকশিং মুত্থৎখি।"

শ্রী মোদীনা হায়খি, "ভারতকী লান্মীশিংনা লৈবাক অসিগী শক্তি উৎতুনা মখোয়গী পান্দম ১০০% মায় পাকখি।" লৈবাক অসিনা নীংশিংলি হায়না ফোংদোক্লদুনা মহাক্না হায়খি, "মসিগুম্বা মাইলস্তোনশিং অসি কুপ্না খল্লবা মীওইশিংবু থাগৎপা ফোংদোকখি: ওপরেসন অসি মে ৬কী নুমিদাং অমসুং মে ৭গী অয়ুকতা পাংথোকখি অমসুং মে ৭গী নুমিদাংৱাইরমদা, ভারতকী লান্মীনা মিসন অসি মপুং ফানা পাংথোক্লে হায়না প্রেস কনফরেন্স অমা পাংথোকখি।" প্রধান মন্ত্রীনা অমুক হন্না হায়খি মদুদি ভারতকী পান্দমদি অহানবা নুমিৎতগী ময়েক শেংনা থম্লি। তেরোরিস্ত নেৎৱার্কশিং, মখোয়গী মাস্তরমাইন্দশিং অমসুং মখোয়গী লোজিস্তিক হবশিং মুত্থৎনবা পান্দম থম্লি। থৌরাং তৌখিবগী মতুং ইন্না মিসন অসি মপুং ফানা লোইশিনখ্রে। কেন্দ্রগী ঙাকশেল মন্ত্রী, শ্রী রাজনাথ সিংহগী ৱাফম পল্লদুনা প্রধান মন্ত্রীনা থাজবা থমখি মদুদি ভারতকী লান্মীশিংনা মখোয়গী মাইপাকপা অদু মিনিৎ খরগী মনুংদা পাকিস্তানগী লান্মীদা খঙহনখি। মহাক্না হায়খি মদুদি তেরোরিস্তশিংগী মায়কৈদা পাক শন্না লেপ্নবা পাকিস্তানগী ৱারেপ্না ৱাখল লৈতবা উৎলি। মখোয়না ৱাখল লৈনা থবক তৌরম্লবদি, মখোয়না অসিগুম্লবা অশোয়বা অমা তৌরম্লোই। ভারতনা মপুং ফানা শেম-শাদুনা লৈরবসু অমসুং অচুম্বা মতম অদুগীদমক ঙাইরি, মসিগী পান্দমদি তেরোরিজম মুত্থৎপনি, লৈবাক অমত্তগা চয়েৎনবা অমত্তা লৈতে হায়না প্রধান মন্ত্রীনা অকনবা ৱাফম থমখি। অদুম ওইনমক, পাকিস্তাননা তেরোরিস্তশিংগী মতেং পাংনবা লানফমদা চঙনবা ৱারেপ লৌরকপা মতমদা, ভারতনা পাউখুম ওইনা পাঙ্গল কনবা কন্ত্রাস্ত্রাইক অমা পীখি। মহাক্না হায়খি মদুদি মে ৯গী অয়ুক্ ময়াই অমসুং মে ১০গী অয়ুক্ ময়াইদা, ইন্দিয়ন মিসাইলশিংনা পাকিস্তানগী মফম কয়াদা মখোয়গী ৱাখল্লোনদগী হেনবা মওংদা লান্দারকখি।

প্রধান মন্ত্রীনা হাউসকী ফ্লোরদা মখা তানা হায়খি মদুদি ওপরেসন সিন্দুরগী মখাদা ভারতনা লৌখৎখিবা ৱারেপ্না পাকিস্তানবু মাগী খুৎতা চিংশিনখি। মহাক্না পাকিস্তানগী প্রজাশিংনা করম্না খোইশাওবা ফোঙদোকখিবগে, মখোয়গী রিএক্সনশিং অদু তেলিভিজনদা পাক শন্না উবা ফংখিবগে হায়বদু নিংশিংখি। শ্রী মোদীনা হায়খি মদুদি পাকিস্তাননা পাউখুম পীরকপদগী য়াম্না নুংঙাইখি। মদুগী দিরেক্তর জেনরেল ওফ মিলিতরী ওপরেসনস (দি.জি.এম.ও.) না ভারততা হকথেংননা ফোন তৌদুনা, মখোয়না মখা তানা লান্দারকপা থিংনবা হায়খি। মহাক্না অমুক হন্না হায়খি মদুদি ভারতনা মে ৭গী অয়ুক্কী প্রেস কনফরেন্সকী মতমদা ময়েক শেংনা হায়খি মদুদি মসিগী পান্দমশিং অসি ফংলে অমসুং মখা তানা চৈথেং পীরবদি অৱাবা য়াম্না নংগনি। প্রধান মন্ত্রীনা হায়খি, "ভারতকী পোলিসী অসি ৱাখলনা খল্লবা, ফজনা খল্লবা অমসুং মসিগী আর্মদ ফোর্সেসকা লোইননা পুন্না থবক তৌমিন্নদুনা শেমখিবনি।" তেরোরিজম, মসিগী স্পোন্সরশিং অমসুং মখোয়গী য়ুম্ফমশিং মুত্থৎপদা অখন্ননা মীৎয়েং থমখি। ভারতকী থবক অসি দিজাইন তৌদুনা খোংজেল হেঙ্গৎহনখিদে।"

প্রধান মন্ত্রীনা হায়খি মদুদি মালেমগী লুচিংবা অমত্তনা ভারতকী থবক থৌরমশিংদা অয়েৎপা পীরোই। মহাক্না ফোঙদোকখি মদুদি মে ৯গী নুমিদাংদা য়ুনাইতেদ স্তেৎসকী উপ রাস্ত্রপতিনা মহাকপু ইন্দিয়ন দিফেন্স ওফিসিএলশিংগা লোয়ননা অৱাংবা থাক্কী মীফম অমদা শরুক য়াদুনা লৈরিঙৈদা মহাক্কা কয়ারক হন্না ৱারী শাননবা হোৎনখি। মহাক্কা ৱারী শানরবা মতুংদা, প্রধান মন্ত্রীনা পাকিস্তাননা অচৌবা লান হৌদোকপা য়াই হায়না পাউদমখি। মহাক্না অকনবা মওংদা পাউখুম পীখি: "পাকিস্তানগী পান্দম অদু ওইরবদি, মখোয়না অৱাবা য়াম্না নংগনি।" মহাক্না অকনবা মওংদা হায়খি মদুদি ভারতনা হেন্না শক্তি লৈনা পাউখুম পীরগনি। মহাক্না হায়খি, "ঐখোয়না বুলেৎশিংবু কেননশিংগা লোয়ননা পাউখুম পীরগনি।" প্রধান মন্ত্রীনা মে ৯গী নুমিদাং অমসুং মে ১০গী অয়ুক্কী মতমদা ভারতনা পকিস্তানগী লানগী ইনফ্রাস্ত্রকচরবু মপাঙ্গল কনবা মওংদা থুগাইদুনা পাউখুম পীখি। মহাক্না হায়খি মদুদি পাকিস্থান্না হৌজিক মপুং ফানা খঙলে মদুদি ভারতকী পাউখুম খুদিংমক মমাংগীদগী হেন্না মপাঙ্গল লৈগনি। করিগুম্বা পাকিস্তান্না অমুক হন্না হোৎনরক্লবদি, মদুগী চপ চাবা অমসুং শিংথানীংঙাই ওইবা মওংদা লমন শিংগনি। ওপরেসন সিন্দুর অসি এক্তিব অমসুং রেজোলুসিব ওইদুনা লৈরি।"

ইনফোর্মেসন অমসুং ৱারী শানবগী থৌওংনা মরুওইবা থৌদাং লৌরিবা, লানগী ইভোল্যুসনগী মওং অদু পল্লদুনা, প্রধান মন্ত্রীনা এ.আই.না পাৱর তৌরবা দিসইনফোর্মেসন কেম্পেনশিং অসি আর্মদ ফোর্সেসকী মোরেল হন্থহন্নবা অমসুং মীয়ামদা থাজদবা পোকহন্নবা শীজিন্নরি হায়না পনখি। মহাক্না ওপোজিসন অমসুং মসিগী মরী লৈনবশিংনা ভারতকী নেস্নেল ইন্তরেস্ততা অশোই-অঙাম থোকহন্দুনা, পকিস্তানগী প্রোপেগান্দাগী ৱাঙাংলোইশিং ওইরকপা অসিদা নুংঙাইতবা ফোঙদোকখি।

ভারতকী লান্মীগী মাইপাকপশিংবু ৱাহং হংনবা অমসুং পুক্নিং হন্থহন্নবা হোৎনরকপশিং অদু পল্লদুনা শ্রী মোদীনা হায়খি মদুদি ভারতনা মায় পাক্না সর্জিকেল স্ত্রাইক তৌখ্রবা মতুংদা, ওপোজিসনগী লুচিংবশিংনা আর্ম্দ ফোর্সশিংদগী প্রমান অমা মথৌ তাখি। মীয়ামগী ৱাখল্লোননা লান্মীগী মায়কৈদা হোংলকপগা লোয়ননা ওপোজিসনগী লুচিংবশিংনা মখোয়গী ফিরেপ হোংখি হায়না মহাক্না ফোংদোকখি। মখোয়নসু অসিগুম্বা স্ত্রাইকশিং অসি তোঙান তোঙানবা মশীংশিং, সর্জিকেল স্ত্রাইক অহুমদগী তরামঙা ফাওবা পাংথোকখি হায়না মখোয়না হায়খি।

প্রধান মন্ত্রীনা ফোংদোকখি মদুদি বালাকোট এয়র স্ত্রাইককী মতুংদা ওপোজিসননা ওপরেসন অদু মপুং ফানা চেলেঞ্জ তৌবা ঙমখিদে অদুবু মসিগী মহুত্তা ফোতোগ্রাফিক প্রমানশিং দিমান্দ তৌবা হৌখি। মহাক্না পনখি মদুদি মখোয়না লান্দারকপদা কদায়দা শোকখিবগে, করি মাঙখিবগে, কয়া শিখিবগে হায়না হন্না হন্না হংখি। ৱাহংশিং অসি পাকিস্তানগী মশাগী ৱাঙাংলোইশিংগা মান্নৈ হায়না মহাক্না পনখি।

প্রধান মন্ত্রীনা হায়খি মদুদি ইন্দিয়ন এয়র ফোর্সকী পাইলোত অবিনন্দনবু পাকিস্তাননা ফাজিনখিবা মতমদা লৈবাক ওদুদা থৌরম পাংথোক্কনি হায়না থাজবা থমখি। অদুম ওইনমক, ভারতকী মনুং চন্না মীওই খরনা প্রধান মন্ত্রীনা খুদোংচাদবা ফীভম অমদা লৈরে হায়না ফোংদোক্লদুনা অমসুং অবিনন্দনবু অমুক হন্না পুরক্কদ্রা হায়বগী মতাংদা ৱাহং হংনবা হৌরকখি। প্রধান মন্ত্রীনা ফোংদোকখি মদুদি অবিনন্দনগী ভারত্তা হল্লকপা অসি "অকনবা ৱারেপ অমগা লোয়ননা" ফংহনখি অমসুং মহাক ময়ুমদা হল্লকপা মতমদা, অসিগুম্বা ক্রিতিকশিং অসি তুমিন্না লৈহনখি।

শ্রী মোদীনা মখা তানা হায়খি মদুদি পাহলগামগী এতেক্কী মতুংদা, বি.এস.এফ.কী জৱান অমা পাকিস্তাননা বন্দী ওইনা লৌখিবা মতমদা, কাঙলুপ খরনা মখোয়না সরকারবু কোয়শিনবগী অচৌবা খুদোংচাবা অমা ফংলে হায়না থাজখি। মহাক্না ফোংদোকখি মদুদি মখোয়গী ইকোসিস্তেম্না সোসিএল মীদিয়াদা ৱারী কয়া শন্দোক্লি। মসিনা লান্মী অদুগী মরাইবক, মহাক্কী ইমুং-মনুংগী ফিভম, অমসুং মহাক্না হল্লকপা য়াবগী ওইথোকপা অদুগী মতাংদা ৱাহং কয়া অমা থোরক্লি। মহাক্না অকনবা ৱাফম থমখি মদুদি মসিগী হোৎনবা কয়া লৈরবসু, ভারতনা ময়েক শেংনা অমসুং ইকাই খুম্নবা উৎতুনা, অরানবা পাউ মাইয়োক্নদুনা অমসুং লান্মী খুদিংমকপু ঙাক শেনবগীদমক মহাক্কী ফিরেপ অদু অমুক হন্না ফোংদোকখি।

পহলগামগী থৌদোক অদুগী মতুংদা ফাখিবা বি.এস.এফ.গী লান্মী অদুসু ইকাই খুম্নবা অমসুং ইকাই খুম্নবাগা লোইননা হল্লকখি হায়না পল্লদুনা শ্রী মোদীনা হায়খি মদুদি তেরোরিস্তশিংনা অৱাবা ফোংদোক্লি, মখোয়গী হেন্দলরশিংনা অৱাবা ফোংদোক্লি অমসুং মখোয়বু উবদা ভারতকী মীওই খরসু অৱাবা ফোংদোকপা উরি। মহাক্না হায়খি মদুদি সর্জিকেল স্ত্রাইককী মতমদা, পোলিতিকেল গেমশিং শান্ননবা হোৎনখি অদুবু মদু মায় পাকখিদে। এয়র স্ত্রাইককী মতমদা, অসিগুম্বা থৌওং অসি পাংথোক্নবা হোৎনখি, অদুবু মদুসু মায় পাকখিদে। মহাক্না হায়খি মদুদি ওপরেসন সিন্দুর পাঙথোকপা মতমদা, ক্রিতিকশিংনা মখোয়গী ফিরেপ অমুক হন্না ওন্থোকখি, অহানবদা ওপরেসন অসিবু য়ানিংদবা ফোংদোকখি, অদুগা করিগীদমক মসি লেপখিবনো হায়না হংখি। মহাক্না হায়খি মদুদি মাইয়োক্নবা মীওইশিংনা মতম পুম্বদা মাইয়োক্নবা মরম অমা থিরি।

ওপোজিসন্না মতম শাংনা আর্মদ ফোর্সেসকী মায়কৈদা নেগেতিব ওইবা ৱাখল্লোন অমা উৎলি হায়না পল্লদুনা, প্রধান মন্ত্রীনা হায়খি মদুদি কার্গিল বিজয় দিবসকী হৌখিবা কুমহৈগী মতমদা, ওপোজিসন্না মায় পাকপগী থৌরম পাংথোকখিদে অমসুং মসিগী মরুওইবা অদু খঙখিদে। মহাক্না হায়খি মদুদি পুৱারীনা খুদম ওইদুনা লৈরি মদুদি দোকলামগী লানফম অদুদা, ভারতকী লান্মীশিংনা থৌনা উৎলম্বা মতমদা, ওপোজিসনগী লুচিংবশিংনা চিংননিংঙাই ওইবা সোর্সশিংদগী পাউ লৌনবা হোৎনখি।

প্রধান মন্ত্রীনা মখা তারদুনা ওপোজিসননা পাকিস্তানদা ক্লিন চিৎ পীবগুম তৌরকপদা থোইদোক্না নুংঙাইতবা ফোংদোকখি। মহাক্না পহলগামগী তেরোরিস্তশিং অসি পকিস্তানগী নাগরিকশিংনি হায়বা প্রমান পীনবা ওপোজিসন্না তকশিনখিবা অদুদা চিংনখি অমসুং মসি পকিস্তান মশামক্না তকশিনখিবা অদুগা মান্নৈ হায়না পনখি। মহাক্না হায়খি মদুদি অসিগুম্বা চৎনবী অমসুং থৌনা অসি ওপোজিসনগী মনুংদসু অদুমক লৈরি, মসিনা মপানগী ৱারোলশিংগা মান্নৈ। প্রধান মন্ত্রীনা হায়খি মদুদি ঙসিদি, প্রমান অমসুং ফেক্টশিং মীয়ামগী মমাংদা উবা ফংলবসু, মীওই খরনা মখা তানা চিংনবশিং পুথোরক্লি। অসিগুম্বা ময়েক শেংবা প্রমান অমা ফংদ্রবদি মীওইশিং অসিনা মতৌ করম্না থবক লৌরমগনি হায়না মহাক্না হংখি, মসিনা তাকপদি মখোয়গী পাউখুমশিং অসি হেন্না লানবা নৎত্রগা থৌদাং লৌদবা ওইরমগনি।

ওপরেসন সিন্দুরগী শরুক অমখক্তদা খন্ন-নৈনরকপা মতমদা, শ্রী মোদীনা হায়খি মদুদি নেস্নেল প্রাইদকী তাঙ্ককশিং অমসুং মপাঙ্গল উৎপগী তাঙ্ককশিং অসিসু পুক্নিং চিংশিনবা মথৌ তাই। মহাক্না ভারতকী এয়র দিফেন্স সিস্তেমশিংবু থাগৎপা ফোংদোকখি। মহাক্না হায়খি মদুদি মখোয়শিং অসি মালেম পুম্বদা পাক শন্না খঙনরি অমসুং মখোয়না পাকিস্তানগী মিসাইলশিং অমসুং দ্রোনশিংবু য়ারোইদবা মওংদা মুত্থৎখ্রে। মে ৯দা পাকিস্তাননা ভারতপু পান্দম থমদুনা চাউরাক্না মিসাইল লিশিং অমা অমসুং খুৎলায় পায়বা দ্রোনশিং য়াওনা অচৌবা লান হৌনবা হোৎনখি হায়না মহাক্না দেতা পনখি। প্রধান মন্ত্রীনা অকনবা ৱাফম থমখি মদুদি করিগুম্বা মিসাইলশিং অসি লৈহল্লম্লবদি, মখোয়না পাক-শন্না মাং-তাকহনগনি। মদুগী মহুত্তা, ভারতকী এয়র দিফেন্সনা মখোয় পুম্নমকপু নুংশিৎকী ময়াইদা নেত্রেলাইজ তৌখি। মহাক্না হায়খি মদুদি মসিগী এচিবমেন্ত অসিনা নাগরিক খুদিংমকপু চাউথোকচবা পোকহল্লি।

পাকিস্থান্না অদামপুর এয়রবেজদা লান্দারকপগী অরানবা পাউ শন্দোকপা অমসুং অরানবা অদু পাক শন্না শন্দোক্নবা হোৎনবগী মতাংদা অৱাবা ফোংদোক্লদুনা, শ্রী মোদীনা হায়খি মদুদি মহাক মশামক্না অদামপুরদা মথংগী নুমিত্তা চৎখি অমসুং অরানবা অদু মফম অদুদা ফোংদোকখি। মহাক্না অসিগুম্বা অরানবা পাউ শন্দোকপা অসি মখা তানা মায় পাক্লরোই হায়না ময়েক শেংনা ফোংদোকখি।

প্রধান মন্ত্রীনা হৌজিক লৈরিবা ওপোজিসন অসিনা মতম শাংনা ভারত লৈঙাক্লম্বা অমসুং এদমিনিস্ত্রেতিব সিস্তেমশিং করম্না মথৌ তৌবগে হায়বদু মপুং ফানা খঙলিবনি হায়না কুপ্না ফোংদোকখি। মসিগী এক্সপরিয়েন্স অসি লৈরবসু, মখোয়না ওফিসিএল ক্লিয়রেন্সীশিং লৌনবা লেপ্পা লৈতনা য়াখিদে হায়না মহাক্না নুংঙাইতবা ফোংদোকখি। শ্রী মোদীনা হায়খি মদুদি ফোরেন এফিয়র্স মিনিস্তরগী ৱারোল, ফোরেন এফিয়র্স মিনিস্তরগী হন্না হন্না পাউখুম পীরকপা, নৎত্রগা হোম অমসুং দিফেন্স মিনিস্তরগী ক্লিয়রেন্স পীবা ওইরবসু ওপোজিসন্না মখোয়বু থাজবা পীবা য়াদে। মহাক্না হায়খি মদুদি চহী কয়া লৈঙাক পায়দুনা লাক্লবা পার্টি অমনা লৈবাক অসিগী ইন্সতিত্যুসনশিংদা অসিগুম্বা থাজবা লৈতবা মতৌ অসি করম্না উৎলক্কদগে হায়না হংখি। মহাক্না হায়খি মদুদি ওপোজিসন অসিনা হৌজিক্তি পাকিস্তানগী রিমোৎ কন্ত্রোলগী মতুং ইন্না থবক তৌরিবগুম তৌরি।

শ্রী মোদীনা ওপোজিসনগী মকোক থোংবা লুচিংবশিংবু অইবা স্তেতমেন্ত শেম্বা অমসুং নহা ওইরিবা এম.পি.শিংবু মখোয়গী মহুৎ শিন্দুনা ৱা ঙাংহনবগীদমক ৱা ঙাংখি। মহাক্না অসিগুম্বা লুচিংবশিংবু মখোয় মশানা ৱা ঙাংবগী থৌনা লৈতবা অমসুং ওপরেসন সিন্দুরবু মীওই ২৬ শিখিবা অকনবা তেরোরিস্ত এটেক অমগী পাউখুম অমা ওইনা "স্পেক্তেকল" হায়না মিংথোল পীবগীদমক নিন্দা তৌখি। মহাক্না হায়রিবা ৱাফম অসি অৱাবা থৌদোক অমগী নিংশিংবদা এসিদ থাদোকপগা মান্নৈ অমসুং মসি অরানবা থৌওং অমনি হায়না ফোঙদোকখি।

শ্রী মোদীনা পহলগাম এটেকতা চেন্নবা তেরোরিস্তশিং অদু মমাং নুমিৎতা ওপরেসন মহাদেবতা ভারতকী সেক্যুরিতী ফোর্সশিংনা নিউত্রেলাইজ তৌখিবা অদু পনখি। ওপরেসন অসিগী মতমগী মতাংদা হংলকপা ৱাহংশিংদা করেম্নবগী মতৌ উৎলদুনা মহাক্না শাৱন থাগী নিংথৌকাবা নুমিত্তা পাঙথোক্কদ্রা হংলকখিবা অদুদা নুংঙাইতবা ফোংদোকখি।

লৈবাক অমা খুৎলায়না ঙাক-শেনবা মতমদা, লৌশিং অমসুং ফিলোসোফিকেল দিসকোর্স তান্নবা অসি চাউখৎপা ঙম্মি হায়না শ্রী মোদীনা অরিবা লাইরিকশিং অসি পল্লদুনা হায়খি। শ্রী মোদীনা হায়খি, ঙমখৈশিংদা মপাঙ্গল কনবা লান্মী অমা লৈবনা হিংবা অমসুং সেক্যুর ওইবা দেমোক্রেসী অমা লৈগনি।

প্রধান মন্ত্রীনা হায়খি, "ওপরেসন সিন্দুর অসি হৌখিবা চহী তরা অসিদা ভারতকী লান্মীগী শক্তি হেনগৎলকপগী হকথেংননা খুদম্নি।" মহাক্না হায়খি মদুদি অসিগুম্বা শক্তি অসি মশানা থোক্লকপা নত্তে, অদুবু অকনবা হোৎনবা অমগী মহৈনি। মসিগী ওপোজিসনগী মতমগা চাংদম্নবদা, ঙাকশেলদা মশা-মরোমদোম থাজবা থম্বা অসি খন্নরমদে। মহাক্না হায়খি মদুদি ঙসিসু গান্ধীগী ফিলোসোফীদা য়ুম্ফম ওইবা "আত্মনির্ভর" হায়বা ৱাহৈ অসিবু করেম্নরি।

ওপোজিসনগী লৈঙাক্কী মতমদা, দিফেন্স দিল খুদিংমক অসি লনাইগী কান্নবা ফংনবগী খুদোংচাবা অমনি হায়না ফোংদোক্লদুনা শ্রী মোদীনা হায়খি মদুদি ভারত অসি বেসিক ইক্বিপমেন্তগীদমক মপানগী সপ্লাইয়রশিংদা মখা পোল্লি। মহাক্না বুলেৎপ্রুফ জেকেৎশিং অমসুং নাইত ভিজন কেমেরাশিং লৈতবা অসিগুম্বা অৱাৎপা কয়া অমা পনখি অমসুং জীপশিংদগী হৌরগা বোফরশিং ফাওবা হেলিকোপ্তরশিং ফাওবা ঙাকশেলগী পোৎলম খুদিংমক্তা অশোই-অঙামশিং লৈ হায়না পনখি। প্রধান মন্ত্রীনা হায়খি মদুদি ভারতকী লান্মীশিংনা মোদর্ন খুৎলাইশিং ফংনবগীদমক দিকেদ কয়া ঙাইদুনা লৈখি। মহাক্না হাউস অসিদা নিংশিংখি মদুদি পুৱারীগী ওইনা ভারত অসি দিফেন্স মেন্যুফেকচরিংদা লুচিংবা অমা ওইরি। মহাক্না হায়খি মদুদি থাংগী লানগী মতমদা ফাওবা, ভারতকী খুৎলাইশিং অসি হেন্না ফৈ হায়না লৌনরম্মি। মহাক্না হায়খি মদুদি নীংতম্লবা মতুংদা, ভারতকী মপাঙ্গল লৈবা দিফেন্স মেন্যুফেকচরিং ইকোসিস্তেম অসি শোত্থহনখি অমসুং পথাপ নাইনা মুত্থৎখি।

শ্রী মোদীনা হায়খি মদুদি রিসর্স অমসুং মেন্যুফেকচরিংগী লম্বীশিং অসি চহি কয়াগী মমাংদগী থিংজিনখি। অমসুং হায়রিবা পোলিসীশিং অসি মখা চত্থরম্লবদি, ভারতনা ২১শুবা চহিচাদা ওপরেসন সিন্দুরগী থৌওং অসি ৱাখলনা লাম্বা ফংলম্লোই। মহাক্না হায়খি মদুদি অসিগুম্বা ফিভমশিং অসিদা, ভারতনা মতম চানা খুৎলায়, ইক্বিপমেন্ত অমসুং ম্যুনিসন ফংনবা হোৎনগনি, অমসুং মিলিতরী এক্সনগী মতমদা অথিংবা লৈগনি হায়না থাজৈ। হৌখিবা চহী তরা অসিদা মেক ইন ইন্দিয়া ইনিসিয়েতিবকী মখাদা শাখিবা খুৎলাইশিংনা ওপরেসন সিন্দুর মাই পাকহনবদা অচৌবা থৌদাং লৌখি হায়না মহাক্না ফোংদোকখি।

চহি তরাগী মমাংদা, ভারত মচাশিংনা মপাঙ্গল কনবা, মশা-মরোমদোম লেপচবা অমসুং মোদর্ন নেসন অমা শেমগৎনবা ৱারেপ লৌখিবা অদু প্রধান মন্ত্রীনা নীংশিংখি। মসিনা নীংতম্বা ফংলবা মতুংদগী অহানবা ওইনা চৎনহল্লকখিবা সেক্যুরিতী রিফোর্মশিংগী পরিং অমা পোকহনখি। প্রধান মন্ত্রীনা হায়খি মদুদি দিফেন্স স্তাফকী চীফ খনবা অসি মরী লৈনবা অসি অচৌবা রিফোর্ম অমনি। মসি মালেম পুম্বদা মতম শাংনা খন্ন-নৈনদুনা অমসুং থবক ওইনা পাংথোক্নদুনা লাক্লি, অদুবু ভারত্তা থবক ওইনা পাংথোকপা ঙমদ্রি। মহাক্না সর্ভিস অহুম্না পুক্নিং থৌগৎপীবা অমসুং সিস্তেম অসিবু য়ানবগীদমক থাগৎপা ফোংদোকখি।

হৌজিক্কী ওইনা খ্বাইদগী চাউবা শক্তি অসি জোইন্তনেস অমসুং ইন্তিগ্রেসনদা লৈ হায়বা ৱাফম থম্লদুনা শ্রী মোদীনা হায়খি মদুদি নেভী, এয়র ফোর্স অমসুং আর্মীদা ইন্তিগ্রেসন তৌবনা ভারতকী ঙাকশেলগী তৌবা ঙম্বগী চাং হেনগৎহনখ্রে অমসুং ওপরেসন সিন্দুরনা মসিগী অহোংবা অসি মাই পাকপা উৎলি।

প্রধান মন্ত্রীনা হায়খি মদুদি সরকারগী মপু ওইবা দিফেন্স প্রদক্সন কম্পেনীশিংদা অহানবদা অৱাবা অমসুং স্ত্রাইক য়াওনা থেংনখিবা অওনবা কয়া লৈরবসু রিফোর্মশিং পুরকখি। মহাক্না শিন্মীশিংবু নেস্নেল ইন্তরেস্তপু অহানবদা থম্লিবা, রিফোর্মশিং পায়খৎলিবা অমসুং মপুং ফানা পোত্থোক পুথোকপা ঙম্বগীদমক থাগৎপা ফোংদোকখি। মহাক্না মখা তানা হায়খি মদুদি ভারতনা প্রাইবেৎ কম্পেনীশিংদা দিফেন্স সেক্তর হাংদোক্লে, অমসুং ঙসি প্রাইবেৎ সেক্তরনা চাউখৎপা উবা ফংলে। শ্রী মোদীনা হায়খি মদুদি দিফেন্সকী লমদা স্তার্ত-অপ চা কয়া অমা লৈরি, মখোয় কয়া অমা তায়র ২ অমসুং তায়র ৩গী শহরশিংদগী লাকপা চহি ২৭-৩০গী মরক্তা লৈবা নহা ওইরিবা প্রোফেস্নেলশিংনা লুচিংলি।

প্রধান মন্ত্রীনা হায়খি মদুদি দ্রোন সেক্তরদা লৈরিবা থবক থৌরমশিং অসি মরু ওইনা চহি ৩০দগী ৩৫ ফাওবগী মনুংদা লৈবা মীওইশিংনা লুচিংলি অমসুং মখোয়গী কন্ত্রিব্যুসনশিং অসি ওপরেসন সিন্দুরদা য়াম্না মরু ওই। মহাক্না অসিগুম্বা কন্ত্রিব্যুতর পুম্নমক্তা মহাক্কী থাগৎপা ফোংদোকখি অমসুং লৈবাক অসিনা মাংলোমদা চংশিল্লগনি হায়না মখোয়দা থাজবা পীখি।

দিফেন্স সেক্তরদা 'মেক ইন ইন্দিয়া' অসি স্লোগান অমখক্তং নত্তে হায়না পল্লদুনা শ্রী মোদীনা হায়খি মদুদি বজেৎ হেনগৎহনবা, পোলিসী হোংদোকপা অমসুং অনৌবা থৌরাংশিং অসি ময়েক শেংবা মিৎয়েং অমগা লোয়ননা পায়খৎলি। মসিনা লৈবাক অসিদা দিফেন্স মেন্যুফেকচরিংদা খোঙজেল য়াংনা খুমাং চাউশিলহনগনি। মহাক্না হায়খি মদুদি হৌখিবা চহী তরা অসিদা, ভারতকী ঙাকশেলগী বজেৎ অসি শরুক অহুম হেনগৎখ্রে। দিফেন্স প্রদক্সন অসি চাউরাক্না চাদা ২৫০ হেনগৎখ্রে, অমসুং দিফেন্স এক্সপোর্ত অসি হৌখিবা চহি ১১ অসিদা শরুক ৩০ হেনগৎখ্রে, হৌজিক্তি লৈবাক ১০০ রোম য়ৌরে।

প্রধান মন্ত্রীনা হায়খি মদুদি মাইলস্তোন খরনা পুৱারীদা অচেৎপা ইথিল অমা পীরি। মহাক্না হায়খি মদুদি ওপরেসন সিন্দুরনা মালেমগী ঙাকশেলগী কৈথেলদা ভারতপু মপাঙ্গল কনখৎহনখি। মহাক্না হায়খি মদুদি ভারতকী খুৎলায়শিংগী হেনগৎলক্লিবা দিমান্দনা দোমেস্তিক ইন্দস্ত্রীশিং মপাঙ্গল কনখৎহল্লগনি, এম.এস.এম.ই.শিংবু শক্তি লৈহল্লগনি অমসুং নহারোলশিংগীদমক থবক ফংহল্লগনি। মহাক্না হায়খি মদুদি ভারতকী নহাশিংনা হৌজিক মখোয়গী ইন্নোবেসনশিংগী খুত্থাংদা ভারতকী শক্তি উৎলি।

ঙাকশেলগী লমদা মশা-মরোমদোম লেপচবা অসি লৈবাক অসিগী কান্নবখক্তা নত্তনা ঙসিগী কম্পিতিতিব ইরা অসিদা মালেমগী শান্তিগীদমকসু তঙাইফদবা অমনি হায়না শ্রী মোদীনা ফোংদোকখি। শ্রী মোদীনা হায়খি, "ভারত অসি বুদ্ধগী লমনি, য়ুধাগী লমদি নত্তে, অমসুং লৈবাক অসিনা চাউখৎপা অমসুং শান্তি পাম্লবসু, অনিমক ফংনবগী লম্বীদা শক্তি অমসুং ৱারেপ লৌবা মথৌ তাই।" মহাক্না ভারত অসি শক্নাইরবা লান্মীশিং - ছত্রপতি শিবাজী মহারাজ, মহারাজ রঞ্জিৎ সিংহ, রাজেন্দ্র চাওলা, মহারাণা প্রতাপ, লচিত বোর্ফুকান অমসুং মহারাজ সুহেলদেবকী লমদমনি হায়না শন্দোক্না তাকখি। মহাক্না মরুওইনা পনখি মদুদি চাউখৎপা অমসুং শান্তিগীদমক স্ত্রাতেজিক্কী পাঙ্গল অসি য়াম্না মরু ওই।

প্রধান মন্ত্রীনা হায়খি মদুদি ওপোজিসনগীদি নেস্নেল সেক্যুরিতীগীদমক ময়েক শেংবা ভিজন অমত্তা লৈখিদে অমসুং মসিনা মরম ওইদুনা লেপ্পা লৈতনা কমপ্রোমাইজ তৌরি। মহাক্না হায়খি মদুদি হৌজিক্তি করিগীদমক পাকিস্তাননা পায়শিনখ্রবা কাশ্মীর অসি অমুক হন্না লৌশিনখিদবনো হায়না হংলিবা মীওইশিংনা অহানবদা পাকিস্তাননা মসিগী কন্ত্রোল লৌশিনবা য়াহনখিবা মীওইশিং অদুগী পাউখুম পীগদবনি।

লৈবাক অসিদা মখা তানা চৈথেং পীরিবা নীংতম্লবা মতুংদা লৌখিবা ৱারেপশিং অদু অকনবা মওংদা য়ানিংদবা ফোঙদোক্লদুনা শ্রী মোদীনা হায়খি মদুদি অকাসাই চিনদা স্ক্বার কিলোমীতর ৩৮,০০০গী ভারতকী লম মাংহনখিবগী মরম অসি মরু ওইবা লমনি হায়না অরানবা মওংদা লেবেল তৌখিবনি। মহাক্না পনখি মদুদি ইং ১৯৬২ অমসুং ১৯৬৩গী মরক্তা, মতমদুগী লৈঙাক্লৌ দলগী লুচিংবশিংনা জম্মু অমসুং কাশ্মীরগী মরুওইবা মফমশিং, পুঞ্চ, উরি, নীলাম ভেলী অমসুং কিশানগঙ্গা য়াওনা খুৎশিন্নবা ৱাফম থমখি।

প্রধান মন্ত্রীনা পনখি মদুদি "লাইন্স ওফ পিস"কী খুত্থাংদা খুদোংচাবা পীবগী ৱাফম থমখি। মহাক্না মখা তানা ওপোজিসনবু ইং 1966দা রন ওফ কচ্ছকী মতাংদা মেদিএসন লৌখিবা অদুগীদমক য়ানীংদবা উৎখি। মসিনা মরম ওইদুনা চয়েৎনরিবা ছাদ বেৎ লমদম য়াওনা চাউরাক্না স্ক্বার কিলোমীতর 800 রোমগী লম পাকিস্তানদা পীথোকখি। মহাক্না নিংশিংখি মদুদি ভারতকী লান্মীশিংনা ১৯৬৫গী লানদা হাজীপির পাস অমুক হন্না লৌশিনখ্রবসু, মতমদুগী লৈঙাক্না মদু অমুক হন্না লৌশিনখি, মসিনা লৈবাক অসিগী স্ত্রাতেজিক ওইবা মাইপাকপা অদু মাংহল্লে।

প্রধান মন্ত্রীনা অকনবা ৱাফম থমখি মদুদি ১৯৭১গী লানগী মতমদা, ভারতনা পাকিস্তানগী লম স্ক্বার কিলোমীতর লিশিং কয়া অমা লৌশিনখি অমসুং লানগী বন্দী ৯৩,০০০ থমখি। মহাক্না হায়খি, খুদোংচাবশিং অসি লৈরবসু, পাকিস্তাননা পায়বা কাশ্মীর (পি.ও.কে.) অমুক হন্না লৌশিনবগী খুদোংচাবা অসি মাংখি। ঙমখৈগী মনাক্তা লৈবা করতারপুর সাহিব ফাওবা সেক্যুরিতী পীবা ঙমখিদে। মহাক্না ১৯৭৪দা কাচেতীভু ইথৎ অসি শ্রীলঙ্কাদা পীশিনবগী ৱারেপ লৌখিবদা নুংঙাইতবা ফোংদোকখি। মসিগী ত্রান্সফর অসিনা মরম ওইদুনা তামিল নাদুগী ঙামীশিংনা থেংনরিবা অৱাবা অদু মহাক্না পনখি।

প্রধান মন্ত্রীনা ফোংদোকখি মদুদি ওপোজিসন্না চহী কয়াদগী সিয়াচেনদগী ভারতকী লান্মীশিং লৌথোক্নবা হোৎনদুনা লৈবাক্কী ঙাক-শেনগীদমক খুদোংচাদবা কয়া মায়োক্নদুনা লাক্লি।

প্রধান মন্ত্রীনা হাউস অসিদা নিংশিংখি মদুদি ২৬/১১ মুম্বাইগী অৱাবা ওইরবা এতেককী মতুংদা, মতমদুগী সরকারনা অৱাবা তারবা মতুংদা চয়োল খরাগী মতুংদা, ফোরেন প্রেসরগী মখাদা, পাকিস্তানগা লোইননা ৱারী শানবগী থৌওং অমুক হন্না হৌনবা ৱারেপ লৌখি। মহাক্না হায়খি মদুদি ২৬/১১গী অচৌবা থৌদোক ওইজরবসু মতমদুগী সরকারনা পাকিস্তানি দিপ্লোমেত অমত্তা থাদোকখিদে অমসুং ভিসা অমত্তা কেন্সেল তৌখিদে। প্রধান মন্ত্রীনা পনখি মদুদি পাকিস্তাননা স্পোন্সর তৌরিবা তেরোরিস্ত এতেক্তশিং অসি লেপহন্দনা চত্থরি, অদুবু পাকিস্তাননা মতমদুগী সরকারগী মখাদা "মোস্ত ফেবর্দ নেসন"গী থাক অদু ঙাক্না চৎলি, মদু হন্দোকখিদে।

লৈবাক অসিনা মুম্বাইগীদমক অচুম্বা ৱায়েল ফংহন্নবা হায়জরকপা মতমদা, মতমদুগী লৈঙাক্লৌ দলনা পাকিস্তানগা লোইননা ললোন-ইতিক তৌদুনা লৈখি হায়না শ্রী মোদীনা অকনবা ৱাফম থমখি। মহাক্না হায়খি মদুদি পাকিস্তাননা তেরোরিস্তশিংবু অৱা-অনা থোকহন্নবগীদমক থারকপা মতমদা, মতমদুগী সরকারনা ভারত্তা শান্তিগী ওইবা শৈরেংগী মীফমশিং পাঙথোকখি।

প্রধান মন্ত্রীনা হায়খি মদুদি মহাক্কী সরকারনা পাকিস্তানগী এম.এফ.এন.গী থাক্তগী লৌথোক্তুনা, ভিজা থিংদুনা অমসুং অত্তারি-ৱাগা ঙমখৈ থিংদুনা তেরর অমসুং অরানবা আশাগী অমখক ওইবা চৎথোক-চৎশিন অসি লোইশিনখি। মহাক্না সিন্ধু ৱাতর ত্রিতীবু মরুওইবা খুদম অমা ওইনা পল্লদুনা ভারতকী নেস্নেল ইন্তরেস্তশিংবু কয়ারক হন্না মোর্তগেজ তৌবগীদমক ওপোজিসনবু অমুক্কা হেন্না কুপ্না য়েৎখি। মহাক্না হায়খি মদুদি মতমদুগী প্রধান মন্ত্রীনা ভারতকী কলচরেল অমসুং স্পিরিচুএল লিগেসিগী শরুক অমা ওইদুনা লাক্লবা ভারতকী তুরেলশিংগা মরী লৈনবা ত্রিতী অদু পাংথোকখি।

শ্রী মোদীনা হায়খি মদুদি সিন্ধু অমসুং ঝেলুমগুম্বা তুরেলশিং অসি মতম অমদা ভারতকী মশক মওং ওইরম্মি, অদুবু মখোয়শিং অসি ভারতকী মশাগী তুরেল অমসুং ঈশিং ওইজরবসু ৱার্ল্দ বেঙ্ককী মীৎয়েং চংনবা পীখি। মহাক্না খোঙথাং অসি ভারতকী ইশাগী ইকাই খুম্নবা অমসুং কলচরেল ইথোসকী মাইয়োক্তা চৎপা অমনি হায়না ফোংদোকখি।

ভারতকী ঈশিংগী হক অমসুং চাউখৎ-থৌরাং, মরুওইনা সিন্ধু ৱাতরস ত্রিতিগী মখাদা খুদোংচাদবা পুৱারী ওইরবা দিপ্লোমেতিক ৱারেপশিং অদু য়ানিংদবা ফোঙদোক্লদুনা প্রধান মন্ত্রীনা হায়খি মদুদি মতমদুগী প্রধান মন্ত্রীনা ভারতকী তুরেলশিংগী ঈশিংগী ৮০% পাকিস্তানদা পীবদা য়ানখি। মহাক্না মসিগী এরেঞ্জমেন্ত অসিগী মখাদা লৈরিবা মরমশিং অদুদা চিংনবা থমখি অমসুং মসিবু ৱাখল লৈতবা, দিপ্লোমেসী, অমসুং নেস্নেল ইন্তরেস্ত অমনি হায়না কৌখি।

শ্রী মোদীনা হায়খি মদুদি ভারতকী লৈমায়দগী হৌরকপা তুরেলশিং অসি নাগরিকশিংগীনি, মরু ওইনা পঞ্জাব অমসুং জম্মু অমসুং কাশ্মীরগী লৌমীশিংগীনি। মহাক্না হায়খি মদুদি মতমদুগী লৈঙাক্না তৌখিবা দিসপেন্সনগী এগ্রীমেন্তনা লৈবাক অসিগী শরুক কয়া অমা ঈশিংগী অৱাবা মায়োক্নহনখি অমসুং ইন্তর-স্তেৎ লেবেলগী ঈশিংগী ৱাথোকশিং থোকহনখি, অদুগা পাকিস্তাননা কান্নবশিং অদু শীজিন্নখি।

মহাক্না হায়খি মদুদি করিগুম্বা অসিগুম্বা ফিভম অসি থোক্লমদ্রবদি নোংচুপ থংবা তুরেলশিংদা অচৌবা ঈশিংগী প্রোজেক্ত কয়া অমা শেম্বা ঙম্লমগনি। পঞ্জাব, হরিয়ানা, রাজস্থান অমসুং দিল্লীগী লৌমীশিংদা ঈশিং মরাং কায়না ফংলগনি, অমসুং থক্নবা ঈশিংগী অৱাৎপা লৈররোই। মসিগী মথক্তা, ভারতনা ইন্দস্ত্রীএল সিস্তেমশিংগী খুত্থাংদা পাৱর পুথোক্কনি।

প্রধান মন্ত্রীনা হায়খি মদুদি মতমদুগী সরকারনা পাকিস্তানদা কানেলশিং শাবগীদমক লুপা করোর কয়া পীরম্মি, মসিনা ভারতকী কান্নবশিং হেন্না শোকহল্লি। শ্রী মোদীনা হায়খি মদুদি সরকারনা হৌজিক্তি নেস্নেল ইন্তরেস্তকী য়েংলগা সিন্ধু ৱাতর ত্রিতিবু লেপহন্দুনা থম্লে। প্রধান মন্ত্রীনা হায়খি, "ভারতনা ঈশিং অমসুং ঈশিং অমত্তা ওইনা চেল্লোই হায়না ৱারেপ লৌরে।"

২০১৪গী মমাংদা লৈবাক অসিনা মীপায়বা অমগা লোয়ননা লৈরম্মি লৈরম্মি হায়না পল্লদুনা শ্রী মোদীনা মীয়াম তিনবা মফমশিং হায়বদি রেলৱে স্তেসনশিং, বস স্তেন্দশিং, এয়রপোর্তশিং, লাইশঙশিংদা বোমগী অকিবা লৈবনা মরম ওইদুনা মী য়াওদবা পোৎলমশিং থাদোক্তুনা চেকশিন থৌরাং লৌখৎনবা মতম মতমগী মতুং ইন্না খঙহনখিবা অদু নীংশিংখি। মহাক্না অকনবা ৱাফম থমখি মদুদি মতমদুগী লৈঙাক পায়রিবা দিসপেন্সনগী মখাদা লৈঙাক পায়বগী মতীক চাদবা অসিনা মশিং থিঙমদ্রবা সিভিলিয়ান কয়া অমা শিহনখি। মহাক্না হায়খি মদুদি লৈঙাক অসিনা মখোয়গী প্রজাশিংবু ঙাকথোকপা ঙমখিদে। শ্রী মোদীনা হায়খি মদুদি তেরোরিজম অসি লাকশিনবা ঙমগনি। মহাক্না হৌখিবা চহি ১১ অসিদা খুমাং চাওশিল্লকপা অদু প্রমান ওইনা পীখি। মহাক্না হায়খি মদুদি ২০০৪ অমসুং ২০১৪গী মরক্তা লৈবাক অসিদা থোকখিবা তেরোরিজমগী থৌদোকশিং অসি য়াম্না হন্থরে।

তেরোরিজম লাকশিন্নবা করিগীদমক্তা মমাংগী এদমিনিস্ত্রেসনশিংনা ইফেক্তিব ওইবা খোংথাংশিং লৌখৎখিদবনো হায়না প্রধান মন্ত্রীনা হংখি।

শ্রী মোদীনা হায়খি মদুদি ২০০১দা, লৈবাক অসিগী পার্লিয়ামেন্ততা লান্দারকপা মতমদা, ওপোজিসনগী মকোক থোংবা লুচিংবা অমনা অফজল গুরুদা চিংনবগী কান্নবা পীবগী মতাংদা ৱা ঙাংখি। তেরোরিস্ত অজমল কসাবপু ফাখিবা অমসুং মালেম্না মহাক্কী পাকিস্তানিজ নেসনেলিতি শকখঙলবসু, ২৬/১১ মুম্বাই এতেক্তশিং অসি "সেফ্রান তেরোরিস্ত"গী ৱারী শানবগীদমক মতৌ করম্না শীজিন্নখিবগে হায়বদু মহাক্না ফোংদোকখি।

প্রধান মন্ত্রীনা হায়খি মদুদি মতমদুগী লৈঙাক্লোনগী পার্টিগী লুচিংবা অমনা য়ু.এস.কী মকোক থোংবা দিপ্লোমেত অমদসু হিন্দু গ্রুপশিংনা লস্কর-ই-তৈবাদগী হেন্না চাউবা খুদোংথীবা অমা ওইহল্লি হায়না হায়খি।

জম্মু অমসুং কাশ্মীরদা ভারতকী সংবিধান মপুং ফানা চৎনহনবদা অথিংবা থম্লিবা ওপোজিসনবু মহাক্না অকনবা মওংদা য়ানিংদবা ফোঙদোকখি। মহাক্না হায়খি মদুদি বাবাসাহেব অম্বেদকরগী সংবিধান অসি লমদম অসিদা চংবদা অথিংবা থমখিবগী মরম অসি নেস্নেল সেক্যুরিতীবু মতম পুম্নমক্তা খুদোংথীবা পীরিবা পুক্নিং চিংশিনবগী রাজনিতীনি।

শ্রী মোদীনা পোলিতিকেলগী ওইবা খেন্নবশিং লৈরম্বা য়াই হায়না ফোংদোক্লদুনা অমত্তা ওইবা ৱাখল্লোন অমা পনখি। পহলগামগী অৱাবা অদু পল্লদুনা, প্রধান মন্ত্রীনা হায়খি মদুদি মসিনা লৈবাক অসিবু মতৌ করম্না য়াম্না শোকহনবগে অমসুং ওপরেসন সিন্দুরগী খুত্থাংদা ভারতনা মতৌ করম্না অকনবা মওংদা পাউখুম পীবগে হায়বদু উৎখি। মসিদা থৌনা, মশা-মরোমদোম লেপচবা অমসুং লৈবাক্কী ৱারেপ য়াওরি।

মহাক্না ভারতকী মীহুৎ কাংবুবুবু থাজবা অমসুং ময়েক শেংনা মালেমগী থাক্তা লৈবাক অসিগী মহুৎ শিন্দুনা থবক তৌবগীদমক থাগৎপা ফোংদোকখি। মহাক্না হায়খি, মখোয়গী এদভোকেসী অসিনা হৌজিক্তি ভারতকী ঙমখৈগী মনুং অমসুং মপান্দা লৈরিবা ভারতকী মওং মতৌবু লমজিংলিবা 'সিন্দুর স্পিরিৎ' অসিবু শৌগৎলি।

ভারতনা মালেমদা পীরিবা পাউজেলগী মায়োক্তা লেপ্লিবা ওপোজিসনগী লুচিংবা খরগী রিএক্সন অদুদা থোইদোক্না নুংঙাইতবা ফোংদোক্লদুনা, প্রধান মন্ত্রীনা লৈবাক অসিগী ঙাক্লৌদা হাউস অসিদা ৱা ঙাংখিবা মীওইশিংবু তুমিন্না লৈহন্নবা হোৎনবদা অৱাবা ফোংদোকখি। ৱাখল্লোন অসিবু কোকহন্নবগীদমক্তা, মহাক্না থৌনা ফবা অমসুং পান্দম লৈবা ৱা ঙাংবগী মথৌ তারিবা শৈরেং অমা পনখি।

শ্রী মোদীনা ওপোজিসনবু পোলিতিকেল প্রেসরশিং থাদোক্নবা হায়খি। মসিনা পাকিস্তানগী মায়কৈদা কোমথোকপা পুরক্লে হায়না মহাক্না হায়খি।

প্রধান মন্ত্রীনা মসি ময়েক শেংনা ফোংদোকখি মদুদি ভারতনা তেরোরিজমবু মদুগী হৌরকফমদগী মুত্থৎলগনি। ওপরেসন সিন্দুর মখা তানা চত্থরি। মসিনা পাকিস্তানদা হকথেংননা খঙহল্লি মদুদি ঙমখৈ লান্না চত্থবা তেরোরিজম থিংবা ঙমদ্রিবা ফাওবা ভারতনা পাউখুম পীনবা থবকশিং মখা চত্থখিগনি।

শ্রী মোদীনা ভারতকী তুংলমচৎ অসি অচেৎপা অমসুং চাউখৎপা ওইহন্নবা অচেৎপা ৱারেপ লৌদুনা ৱারোইশিন পীখি। মীয়ামগী ৱাখল্লোনশিং উৎলিবা মগুন লৈবা খন্ন-নৈনবগীদমক মহাক্না হাউস অসিদা থাগৎপা ফোংদোকখি।

***