প্রধান মন্ত্রী শ্রী নরেন্দ্র মোদী অমসুং য়ুনাইতেদ কিংদমগী প্রধান মন্ত্রী ঐচ. ই. কের স্তারমরনা ঙসি তেলিফোন্দা ৱারী শানখি। লুচিংবা অনিনা দবল কন্ত্রিব্যুসন কনভেন্সনগা লোয়ননা অচৌবা অমসুং নাকল অনিমক্তা কান্নগদবা ইন্দিয়া- UK ফ্রী ত্রেদ এগ্রীমেন্ত মাই পাক্না লোইশিনখিবদা নুংঙাইবা ফোংদোকখি।

লুচিংবশিংনা মসি লৈবাক অনিগী কম্প্রিহেন্সিব স্ত্রেতেজিক পার্তনরশিপকী পুৱারী ওইরবা মাইলস্তোন অমনি হায়না ফোংদোকখি। মসিনা ইকোনোমী অনিমক্তা ললোন-ইতিক, ইনভেস্তমেন্ত, ইন্নোবেসন অমসুং থবক ফংহনবদা মতেং ওইরগনি। মালেমগী অচৌবা অমসুং ওপন মার্কেত ইকোনোমী অনিগী মরক্তা য়ানা ৱারোলশিং অসিনা বিজিনেসকীদমক অনৌবা খুদোংচাবশিং হাংদোক্লগনি, ইকোনোমিক লিঙ্কশিং মপাঙ্গল কনখৎহল্লগনি অমসুং মীয়ামগী মরক্তা লৈনরিবা মরী হেন্না চেৎশিলহল্লগনি হায়না মখোয় অনিমক্না য়ানখি।

পি.এম. স্তারমরনা হায়খি মদুদি এলাইন্সশিং মপাঙ্গল কনখৎহনবা অমসুং মালেমগী অকোইবদা লৈরিবা ইকোনোমীশিংগা লোয়ননা ললোন-ইতিক্কী অথিংবশিং হন্থহনবা অসি মপাঙ্গল কনবা অমসুং হেন্না সেক্যুর ইকোনোমী অমা ফংহনবদা অহোংবা পুরক্নবগীদমক মখোয়গী থৌরাংগী শরুক অমনি।

ভারত অমসুং UKগী মরক্তা শেন্মিৎলোন অমসুং ললোন-ইতিক্কী মরী পাকথোক চাউথোকহনবা অসি হেন্না মপাঙ্গল কনখৎলক্লিবা অমসুং মল্তি-ফেসেতেদ পার্তনরশিপকী য়ুম্ফম অমা ওইরি হায়না লুচিংবা অনিমক্না য়ানখি। শেল-থুমগী মতাংদা বেলেন্স ওইবা, থোং মান্নবা অমসুং এম্বিসিয়স ওইবা FTAগী ৱারোইশিন অসিনা লৈবাক অনিগী ওইবা ললোন-ইতিক হেনগৎহনগনি, থবক ফংহন্নবা অনৌবা লম্বীশিং শেমগৎকনি, পুন্সি মহিং ফগৎহনগনি অমসুং লৈবাক অনিগী নাগরিকশিংগী পুন্না নুংঙাই-য়াইফবা ফগৎহনগনি হায়না পানরি। মালেমগী কৈথেলশিংগীদমক পুন্না পোৎথোকশিং অমসুং সর্বিসশিং পুন্না পুথোক্নবা লৈবাক অনিগী অনৌবা ওইথোকপা য়াবশিংসু মসিনা ফংহল্লগনি। মসিগী এগ্রীমেন্ত অসিনা ইন্দিয়া-UK কম্প্রিহেন্সিব স্ত্রেতেজিক পার্তনরশিপকী মপাঙ্গল কনবা ফাউন্দেসনশিং চেনশিনহন্নবা, অমসুং মতেং পাংনবা অমসুং চাউখৎপগী অনৌবা য়ুগ অমগী লম্বী য়াৎলি।

প্রধান মন্ত্রী মোদীনা প্রধান মন্ত্রী স্তারমরবু ভারত্তা লাক্নবা বর্তন তৌখি। লুচিংবা অনিনা অদুমক পাউ ফাওননবা য়ান্নখি।

***