ಮಾನ್ಯ ಸ್ಪೀಕರ್ ಸರ್,

ನೀವು ಎರಡನೇ ಬಾರಿಗೆ ಈ ಸದನದ ಅಧ್ಯಕ್ಷತೆ ವಹಿಸುತ್ತಿರುವುದು ಈ ಸದನದ ಸೌಭಾಗ್ಯ.  ನಿಮಗೆ ಮತ್ತು ಇಡೀ ಸದನಕ್ಕೆ ನನ್ನ ಹೃತ್ಪೂರ್ವಕ ಅಭಿನಂದನೆಗಳು.

ಮಾನ್ಯ ಅಧ್ಯಕ್ಷರೇ,

ನಿಮಗೆ  ನಾನು ಮತ್ತು ಇಡೀ ಸದನದ ಪರವಾಗಿ ಶುಭಾಶಯಗಳನ್ನು ಸಲ್ಲಿಸುತ್ತೇನೆ. ಅಮೃತ ಕಾಲದ ಈ ಮಹತ್ವದ ಹಂತದಲ್ಲಿ, ಎರಡನೇ ಬಾರಿಗೆ ಈ ಸ್ಥಾನಕ್ಕೆ ನೇಮಕಗೊಂಡಿರುವುದು ಒಂದು ದೊಡ್ಡ ಜವಾಬ್ದಾರಿಯಾಗಿದೆ. ನಿಮ್ಮ ಐದು ವರ್ಷಗಳ ಅನುಭವ, ನಮ್ಮ ಐದು ವರ್ಷಗಳ ಅನುಭವದೊಂದಿಗೆ ಸೇರಿ, ಮುಂಬರುವ ಐದು ವರ್ಷಗಳಲ್ಲಿ ನೀವು ನಮ್ಮೆಲ್ಲರಿಗೂ ಮಾರ್ಗದರ್ಶನ ನೀಡುತ್ತೀರಿ ಮತ್ತು ಈ ಸದನದಲ್ಲಿ ರಾಷ್ಟ್ರದ ಆಶಯಗಳು ಮತ್ತು ನಿರೀಕ್ಷೆಗಳನ್ನು ಈಡೇರಿಸುವಲ್ಲಿ ನಿರ್ಣಾಯಕ ಪಾತ್ರ ವಹಿಸುತ್ತೀರಿ ಎನ್ನುವ ವಿಶ್ವಾಸವನ್ನು ನಮಗೆ ನೀಡುತ್ತದೆ.

ಮಾನ್ಯ ಅಧ್ಯಕ್ಷರೇ,

ವಿನಮ್ರ ಮತ್ತು ಚಾತುರ್ಯದ ವ್ಯಕ್ತಿ ಸ್ವಾಭಾವಿಕವಾಗಿ ಯಶಸ್ವಿಯಾಗುತ್ತಾನೆ ಎಂದು ನಮ್ಮ ಧರ್ಮಗ್ರಂಥಗಳು ಹೇಳುತ್ತವೆ.  ಈ ಗುಣಗಳ ಜೊತೆಗೆ, ನೀವು ಇಡೀ ಸದನವನ್ನು ಸಂತೋಷಪಡಿಸುವ ಸಿಹಿ ನಗುವನ್ನು ಹೊಂದಿದ್ದೀರಿ. ನೀವು ಯಾವಾಗಲೂ ಹೊಸ ಮಾನದಂಡಗಳನ್ನು ಸ್ಥಾಪಿಸಿದ್ದೀರಿ ಮತ್ತು ಪ್ರತಿ ಹೆಜ್ಜೆಯಲ್ಲೂ ಹೊಸ ದಾಖಲೆಗಳನ್ನು ಸೃಷ್ಟಿಸಿದ್ದೀರಿ. 18 ನೇ ಲೋಕಸಭೆಯಲ್ಲಿ ಎರಡನೇ ಬಾರಿಗೆ ಸ್ಪೀಕರ್ ಹುದ್ದೆಯನ್ನು ಅಲಂಕರಿಸುವುದು ಸ್ವತಃ ಒಂದು ಹೊಸ ದಾಖಲೆಯಾಗಿದೆ. ಶ್ರೀ ಬಲರಾಮ್ ಜಾಖರ್ ಜಿ ಐದು ವರ್ಷಗಳ ಅವಧಿಯನ್ನು ಪೂರ್ಣಗೊಳಿಸಿದ ಮೊದಲ ಸ್ಪೀಕರ್ ಆಗಿದ್ದರು ಮತ್ತು ನಂತರ ಮತ್ತೆ ಸ್ಪೀಕರ್ ಆಗುವ ಅವಕಾಶವನ್ನು ಪಡೆದರು. ಅದರ ನಂತರ, ಐದು ವರ್ಷಗಳನ್ನು ಪೂರ್ಣಗೊಳಿಸಿದ ನಂತರ, ಮತ್ತೆ ಈ ಸ್ಥಾನವನ್ನು ಹೊಂದಲು ಅವಕಾಶವನ್ನು ಪಡೆದವರು ನೀವು. ಕಳೆದ 20 ವರ್ಷಗಳು ಅಂತಹ ಅವಧಿಯಾಗಿದ್ದು, ಅಂದಿನಿಂದ ಹೆಚ್ಚಿನ ಸ್ಪೀಕರ್ ಗಳು ಚುನಾವಣೆಯಲ್ಲಿ ಸ್ಪರ್ಧಿಸಿಲ್ಲ ಅಥವಾ ಗೆದ್ದಿಲ್ಲ. ಸ್ಪೀಕರ್ ಕೆಲಸ ಎಷ್ಟು ಕಷ್ಟಕರವಾಗಿದೆ ಎಂಬುದನ್ನು ಅರ್ಥಮಾಡಿಕೊಳ್ಳಬಹುದು, ಇದರಿಂದಾಗಿ ಅವರು ಮತ್ತೆ ಗೆಲ್ಲುವುದು ಕಷ್ಟಕರವಾಗುತ್ತದೆ. ಆದರೆ ನೀವು ಗೆದ್ದಿದ್ದೀರಿ, ಹೊಸ ಇತಿಹಾಸವನ್ನು ಸೃಷ್ಟಿಸಿದ್ದೀರಿ.

ಮಾನ್ಯ ಅಧ್ಯಕ್ಷರೇ,

ಈ ಸದನದಲ್ಲಿರುವ ನಮ್ಮ ಹೆಚ್ಚಿನ ಗೌರವಾನ್ವಿತ ಸಂಸದರು ನಿಮ್ಮ ಬಗ್ಗೆ ಮತ್ತು ನಿಮ್ಮ ಜೀವನದ ಬಗ್ಗೆ ಪರಿಚಿತರು. ಕಳೆದ ಬಾರಿ ನಾನು ಈ ಸದನದಲ್ಲಿ ನಿಮ್ಮ ಬಗ್ಗೆ ಮಾತನಾಡಿದ್ದೆ, ಮತ್ತು ಇಂದು ನಾನು ಅದನ್ನು ಪುನರಾವರ್ತಿಸಲು ಬಯಸುವುದಿಲ್ಲ. ಆದಾಗ್ಯೂ, ಒಬ್ಬ ಸಂಸದರಾಗಿ ಮತ್ತು ನಾವೆಲ್ಲರೂ ಸಂಸದರಾಗಿ, ನೀವು ಸಂಸದರಾಗಿ ಕೆಲಸ ಮಾಡುವ ರೀತಿ ತಿಳಿದುಕೊಳ್ಳುವುದು ಅವಶ್ಯವಾಗಿದೆ ಮತ್ತು ಕಲಿಯಲು ಬಹಳಷ್ಟು ಇದೆ. ಸಂಸದರಾಗಿ ನಿಮ್ಮ ಕೆಲಸದ ನೀತಿಯು ನಮ್ಮ ಮೊದಲ ಬಾರಿಗೆ ಆದ ಸಂಸದರು ಮತ್ತು ನಮ್ಮ ಯುವ ಸಂಸದರಿಗೆ ಸ್ಫೂರ್ತಿ ನೀಡುತ್ತದೆ ಎಂದು ನಾನು ನಂಬುತ್ತೇನೆ. ನಿಮ್ಮ ಕ್ಷೇತ್ರದಲ್ಲಿ,   ಆರೋಗ್ಯವಂತ ತಾಯಿ ಮತ್ತು ಆರೋಗ್ಯವಂತ ಮಗುವಿಗೆ ನೀವು ಪ್ರಾರಂಭಿಸಿದ ಬದ್ಧತೆ ಮತ್ತು ಈ ಅಭಿಯಾನದಲ್ಲಿ ನೀವು ನಿಮ್ಮನ್ನು ತೊಡಗಿಸಿಕೊಂಡಿರುವ ರೀತಿ, ಉತ್ತಮ ಪೋಷಣೆಯ ತಾಯಿಗೆ ಆದ್ಯತೆ ನೀಡುವ ಮತ್ತು ನಿಮ್ಮನ್ನು ತೊಡಗಿಸಿಕೊಳ್ಳುವ ರೀತಿ ನಿಜವಾಗಿಯೂ ಸ್ಪೂರ್ತಿದಾಯಕವಾಗಿದೆ. ನೀವು ಕೋಟಾದ ಗ್ರಾಮೀಣ ಪ್ರದೇಶಗಳಲ್ಲಿ ʻಹಾಸ್ಪಿಟಲ್ ಆನ್ ವೀಲ್ಸ್ʼ ಅನ್ನು ಸಹ ಸ್ಥಾಪಿಸಿದ್ದೀರಿ, ಇದು ರಾಜಕೀಯ ಕೆಲಸದ ಜೊತೆಗೆ, ನೀವು ಮಾಡಲು ಆಯ್ಕೆ ಮಾಡಿಕೊಂಡಿರುವ ಉದಾತ್ತ ಮಾನವೀಯ ಕೆಲಸ. ಇದು ಪ್ರತಿ ಹಳ್ಳಿಯ ಜನರಿಗೆ ಆರೋಗ್ಯ ಸೇವೆಯನ್ನು ಒದಗಿಸಲು ಸಹ ಸಹಾಯ ಮಾಡುತ್ತಿದೆ. ಬಡವರಿಗೆ, ವಿಶೇಷವಾಗಿ ಸಮಾಜದ ಕೆಳ ಹಂತದವರಿಗೆ ನೀವು ನಿಯಮಿತವಾಗಿ ಬಟ್ಟೆ, ಕಂಬಳಿ, ಕೊಡೆ, ಬೂಟುಗಳು ಮತ್ತು ಇತರ ಅನೇಕ ಅಗತ್ಯವಸ್ತುಗಳನ್ನು ಒದಗಿಸುತ್ತೀರಿ. ನಿಮ್ಮ ಕ್ಷೇತ್ರದ ಯುವಕರಿಗೆ ಕ್ರೀಡೆಗಳನ್ನು ಪ್ರೋತ್ಸಾಹಿಸುವುದನ್ನು ನೀವು ಆದ್ಯತೆಯನ್ನಾಗಿ ಮಾಡಿದ್ದೀರಿ.

ನಿಮ್ಮ ನಾಯಕತ್ವದಲ್ಲಿ 17 ನೇ ಲೋಕಸಭೆಯಲ್ಲಿ ನಿಮ್ಮ ಅವಧಿಯು ಸಂಸದೀಯ ಇತಿಹಾಸದಲ್ಲಿ ಸುವರ್ಣ ಅವಧಿಯಾಗಿತ್ತು ನಿಮ್ಮ ಅಧ್ಯಕ್ಷತೆಯಲ್ಲಿ ಸಂಸತ್ತಿನಲ್ಲಿ ತೆಗೆದುಕೊಂಡ ಐತಿಹಾಸಿಕ ನಿರ್ಧಾರಗಳು ಮತ್ತು ನಿಮ್ಮ ಅಧ್ಯಕ್ಷತೆಯಲ್ಲಿ ಸದನವು ಜಾರಿಗೆ ತಂದ ಸುಧಾರಣೆಗಳು ಸದನ ಮತ್ತು ನಿಮ್ಮ ಎರಡೂ ಪರಂಪರೆಯಾಗಿದೆ. ಭವಿಷ್ಯದಲ್ಲಿ 17 ನೇ ಲೋಕಸಭೆಯ ವಿಶ್ಲೇಷಣೆಗಳಲ್ಲಿ, ನಿಮ್ಮ ಅಧ್ಯಕ್ಷತೆಯಲ್ಲಿ 17 ನೇ ಲೋಕಸಭೆಯು ಭಾರತದ ಭವಿಷ್ಯವನ್ನು ರೂಪಿಸುವಲ್ಲಿ ಮಹತ್ವದ ಪಾತ್ರ ವಹಿಸುತ್ತದೆ.

ಗೌರವಾನ್ವಿತ  ಅಧ್ಯಕ್ಷರೇ,

17ನೇ ಲೋಕಸಭೆಯಲ್ಲಿ, ನಿಮ್ಮ ಅಧ್ಯಕ್ಷತೆಯಲ್ಲಿ, ಈ ಸದನವು ನಾರಿ ಶಕ್ತಿ ವಂದನ ಕಾಯ್ದೆ 2023, ಜಮ್ಮು ಮತ್ತು ಕಾಶ್ಮೀರ ಮರುಸಂಘಟನೆ ಮಸೂದೆ, ಭಾರತೀಯ ನ್ಯಾಯಾಂಗ ಸಂಹಿತೆ, ಭಾರತೀಯ ಸಾಕ್ಷ್ಯ ಮಸೂದೆ, ಭಾರತೀಯ ನಾಗರಿಕ ರಕ್ಷಣಾ ಸಂಹಿತೆ, ಸಾಮಾಜಿಕ ಭದ್ರತಾ ಸಂಹಿತೆ, ಡಿಜಿಟಲ್ ವೈಯಕ್ತಿಕ ದತ್ತಾಂಶ ಸಂರಕ್ಷಣಾ ಮಸೂದೆ, ಮುಸ್ಲಿಂ ಮಹಿಳಾ (ಹಕ್ಕುಗಳ ರಕ್ಷಣೆ) ಮಸೂದೆ, ಟ್ರಾನ್ಸ್ಜೆಂಡರ್ ವ್ಯಕ್ತಿಗಳ (ಹಕ್ಕುಗಳ ರಕ್ಷಣೆ) ಮಸೂದೆ, ಗ್ರಾಹಕ ಸಂರಕ್ಷಣಾ ಮಸೂದೆ, ನೇರ ತೆರಿಗೆ, ವಿವಾದ್ ಸೆ ವಿಶ್ವಾಸ್ ಮಸೂದೆ ಮತ್ತು ಸಾಮಾಜಿಕ, ಆರ್ಥಿಕ ಮತ್ತು ರಾಷ್ಟ್ರೀಯ ಪ್ರಾಮುಖ್ಯತೆಯ ಹಲವು ಪ್ರಮುಖ ಮಹತ್ತರ ಕಾನೂನುಗಳನ್ನು ಅಂಗೀಕರಿಸಿದೆ ಮತ್ತು ದೇಶಕ್ಕೆ ಬಲವಾದ ಅಡಿಪಾಯವನ್ನು ಹಾಕಿದೆ. ನಿಮ್ಮ ಅಧ್ಯಕ್ಷತೆಯಲ್ಲಿ, ಈ ಸದನವು 70 ವರ್ಷಗಳ ಸ್ವಾತಂತ್ರ್ಯದಲ್ಲಿ ಸಾಧಿಸಲಾಗದ್ದನ್ನು ಸಾಧಿಸಿದೆ.

ಮಾನ್ಯ ಅಧ್ಯಕ್ಷರೇ,

ಪ್ರಜಾಪ್ರಭುತ್ವದ ದೀರ್ಘ ಪ್ರಯಾಣವು ಹಲವು ಮೈಲಿಗಲ್ಲುಗಳನ್ನು ಹೊಂದಿದೆ. ದಾಖಲೆಗಳನ್ನು ಸ್ಥಾಪಿಸುವ ಅದೃಷ್ಟ ನಮಗೆ ಸಿಗುವ ಸಂದರ್ಭಗಳಿವೆ. ಇಂದು ಮತ್ತು ಭವಿಷ್ಯದಲ್ಲಿ 17 ನೇ ಲೋಕಸಭೆಯ ಸಾಧನೆಗಳ ಬಗ್ಗೆ ದೇಶ ಹೆಮ್ಮೆಪಡುತ್ತದೆ ಎಂದು ನನಗೆ ವಿಶ್ವಾಸವಿದೆ. ಇಂದು, ದೇಶವು ತನ್ನ ಆಕಾಂಕ್ಷೆಗಳನ್ನು ಪೂರೈಸಲು ಭಾರತವನ್ನು ಆಧುನೀಕರಿಸಲು ಎಲ್ಲ ಪ್ರಯತ್ನಗಳನ್ನು ಮಾಡುತ್ತಿರುವಾಗ, ಈ ಹೊಸ ಸಂಸತ್ ಭವನವು ಅಮೃತಕಾಲದ ಭವಿಷ್ಯವನ್ನು ಬರೆಯುತ್ತದೆ ಎಂದು ನಾನು ನಂಬುತ್ತೇನೆ, ಮತ್ತು ಅದು ಕೂಡ ನಿಮ್ಮ ಅಧ್ಯಕ್ಷತೆಯಲ್ಲಿ. ನಾವೆಲ್ಲರೂ ನಿಮ್ಮ ಅಧ್ಯಕ್ಷತೆಯಲ್ಲಿ ಹೊಸ ಸಂಸತ್ ಭವನವನ್ನು ಪ್ರವೇಶಿಸಿದ್ದೇವೆ ಮತ್ತು ನೀವು ಸಂಸದೀಯ ಕಾರ್ಯನಿರ್ವಹಣೆಯನ್ನು ಪರಿಣಾಮಕಾರಿಯಾಗಿ ಹಾಗು  ಜವಾಬ್ದಾರಿಯುತವಾಗಿಸಲು ಅನೇಕ ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಂಡಿದ್ದೀರಿ, ಹೀಗಾಗಿ ಪ್ರಜಾಪ್ರಭುತ್ವವನ್ನು ಬಲಪಡಿಸಲು ಸಹಾಯ ಮಾಡಿದ್ದೀರಿ. ಇಂದು, ನಾವು ಲೋಕಸಭೆಯಲ್ಲಿ ಕಾಗದರಹಿತ ಡಿಜಿಟಲ್ ವ್ಯವಸ್ಥೆಯೊಂದಿಗೆ ಕೆಲಸ ಮಾಡುತ್ತಿದ್ದೇವೆ. ಮೊದಲ ಬಾರಿಗೆ, ನೀವು ಎಲ್ಲಾ ಗೌರವಾನ್ವಿತ ಸಂಸದರಿಗೆ ವಿವರಿಸುವ (ಬ್ರೀಫಿಂಗ್ ಗಳ) ವ್ಯವಸ್ಥೆಯನ್ನು ಸ್ಥಾಪಿಸಿದ್ದೀರಿ. ಇದು ಎಲ್ಲಾ ಗೌರವಾನ್ವಿತ ಸಂಸದರಿಗೆ ಅಗತ್ಯವಾದ ಉಲ್ಲೇಖ ಸಾಮಗ್ರಿಗಳನ್ನು ಸಹ ಒದಗಿಸಿತು. ಇದು ಸದನದಲ್ಲಿ ಚರ್ಚೆಯನ್ನು ಬಲಪಡಿಸಿತು ಮತ್ತು ಇದು ನಿಮ್ಮ ಉತ್ತಮ ಉಪಕ್ರಮವಾಗಿತ್ತು, ಇದು ಸಂಸದರಲ್ಲಿ ಅವರು ಮಾತನಾಡಬಹುದು ಮತ್ತು ತಮ್ಮ ವಾದಗಳನ್ನು ಮಂಡಿಸಬಹುದು ಎನ್ನುವ ವಿಶ್ವಾಸವನ್ನು ತುಂಬಿತು. ನೀವು ಉತ್ತಮ ವ್ಯವಸ್ಥೆಯನ್ನು ಸಹ ಅಭಿವೃದ್ಧಿಪಡಿಸಿದ್ದೀರಿ.

ಮಾನ್ಯ ಅಧ್ಯಕ್ಷರೇ,

ಭಾರತದ ಯಶಸ್ಸಿನಲ್ಲಿ ಜಿ20 ಒಂದು ಪ್ರಮುಖ ಮೈಲಿಗಲ್ಲು. ಆದಾಗ್ಯೂ, ಪಿ20 ಬಗ್ಗೆ ಬಹಳ ಕಡಿಮೆ ಚರ್ಚೆ ಪಡೆದಿದೆ. ನಿಮ್ಮ ನಾಯಕತ್ವದಲ್ಲಿ ನಡೆದ ಪಿ20, ಜಿ20 ದೇಶಗಳ ಅಧ್ಯಕ್ಷತೆ ವಹಿಸುವವರು ಮತ್ತು ಭಾಷಣಕಾರರನ್ನು ಒಳಗೊಂಡಿತ್ತು. ಇಲ್ಲಿಯವರೆಗೆ ನಡೆದ ಎಲ್ಲಾ ಪಿ20 ಶೃಂಗಸಭೆಗಳಲ್ಲಿ ಇದೇ ಮೊದಲ ಬಾರಿಗೆ ಇಂತಹ ಸಂದರ್ಭವಾಗಿತ್ತು. ನಿಮ್ಮ ಆಹ್ವಾನದ ಮೇರೆಗೆ ವಿಶ್ವದ ಅತಿ ಹೆಚ್ಚು ದೇಶಗಳು ಭಾರತಕ್ಕೆ ಬಂದಿದ್ದು ಇದೇ ಮೊದಲು. ಆ ಶೃಂಗಸಭೆಯಲ್ಲಿ ಅತ್ಯುತ್ತಮ ನಿರ್ಧಾರಗಳನ್ನು ತೆಗೆದುಕೊಳ್ಳಲಾಯಿತು ಮತ್ತು ಇದು ಜಗತ್ತಿನಲ್ಲಿ ಭಾರತದ ಪ್ರಜಾಪ್ರಭುತ್ವದ ಪ್ರತಿಷ್ಠೆಯನ್ನು ಹೆಚ್ಚಿಸುವಲ್ಲಿ ಮಹತ್ವದ ಪಾತ್ರ ವಹಿಸಿತು.

ಮಾನ್ಯ ಅಧ್ಯಕ್ಷರೇ,

ನಮ್ಮ ಈ ಕಟ್ಟಡ ಕೇವಲ ನಾಲ್ಕು ಗೋಡೆಗಳಲ್ಲ. ನಮ್ಮ ಸಂಸತ್ತು 140ಕೋಟಿ  ಜನರ  ಆಶಾಕಿರಣವಾಗಿದೆ. ಸಂಸತ್ತಿನ ಕಾರ್ಯಕಲಾಪಗಳು, ಹೊಣೆಗಾರಿಕೆ ಮತ್ತು ನಡವಳಿಕೆಯು ಪ್ರಜಾಪ್ರಭುತ್ವದ ಬಗೆಗಿನ ನಮ್ಮ ನಾಗರಿಕರ ನಂಬಿಕೆಯನ್ನು  ಮತ್ತಷ್ಟು ಬಲಪಡಿಸುತ್ತದೆ. ನಿಮ್ಮ ಮಾರ್ಗದರ್ಶನದಲ್ಲಿ, 17 ನೇ ಲೋಕಸಭೆಯ ಉತ್ಪಾದಕತೆ 25 ವರ್ಷಗಳಲ್ಲಿ 97% ರಷ್ಟು ಅತ್ಯಧಿಕವಾಗಿತ್ತು. ಇದಕ್ಕಾಗಿ, ಎಲ್ಲಾ ಗೌರವಾನ್ವಿತ ಸದಸ್ಯರು ಅಭಿನಂದನೆಗಳಿಗೆ ಅರ್ಹರು, ಆದರೆ ನೀವು ವಿಶೇಷ ಅಭಿನಂದನೆಗಳಿಗೆ ಅರ್ಹರು. ಕೊರೊನ   ಸಾಂಕ್ರಾಮಿಕದಂತಹ ಕಷ್ಟದ ಸಮಯದಲ್ಲಿ, ನೀವು ಪ್ರತಿಯೊಬ್ಬ ಸಂಸದರೊಂದಿಗೆ ವೈಯಕ್ತಿಕವಾಗಿ ಫೋನ್ ಮೂಲಕ ಮಾತನಾಡಿ ಅವರ ಯೋಗಕ್ಷೇಮವನ್ನು ವಿಚಾರಿಸಿದ್ದೀರಿ. ಸದನದ ಸ್ಪೀಕರ್ ಆಗಿ, ಸಂಸದರ ಅನಾರೋಗ್ಯದ ಸುದ್ದಿ ನಿಮಗೆ ತಲುಪಿದಾಗಲೆಲ್ಲಾ, ನೀವು ವೈಯಕ್ತಿಕವಾಗಿ ಅವರ ಬಗ್ಗೆ ಕಾಳಜಿ ವಹಿಸಿದ್ದೀರಿ. ಎಲ್ಲಾ ಪಕ್ಷಗಳ ಸಂಸದರಿಂದ ನಾನು ಇದನ್ನು ಕೇಳಿದಾಗ, ಈ ಸದನದ ಕುಟುಂಬದ ಮುಖ್ಯಸ್ಥನಾಗಿ, ಸಾಂಕ್ರಾಮಿಕ ಸಮಯದಲ್ಲಿಯೂ ಸಹ ನೀವು ವೈಯಕ್ತಿಕ ಕಾಳಜಿಯನ್ನು ತೋರಿಸಿದ್ದೀರಿ ಎಂದು ನನಗೆ ತುಂಬಾ ಹೆಮ್ಮೆಯಾಯಿತು. ಕೊರೊನ ಸಾಂಕ್ರಾಮಿಕ ಸಮಯದಲ್ಲಿಯೂ ಸಹ, ನೀವು ಸದನದ ಕೆಲಸವನ್ನು ನಿಲ್ಲಿಸಲು ಬಿಡಲಿಲ್ಲ. ಸಂಸದರು ನಿಮ್ಮ ಪ್ರತಿಯೊಂದು ಸಲಹೆಯನ್ನು ಗಮನಿಸಿದರು. ಕೆಲವರನ್ನು ಎತ್ತರದಲ್ಲಿ ಕುಳಿತುಕೊಳ್ಳಲು ಕೇಳಲಾಯಿತು, ಮತ್ತು ಅವರು ಹಾಗೆ ಮಾಡಿದರು, ಇತರರನ್ನು ಬೇರೆಡೆ ಕುಳಿತುಕೊಳ್ಳಲು ಕೇಳಲಾಯಿತು, ಆದರೆ ಯಾರೂ ದೇಶದ ಕೆಲಸವನ್ನು ನಿಲ್ಲಿಸಲು ಬಿಡಲಿಲ್ಲ. ಆದರೆ ನೀವು ತೆಗೆದುಕೊಂಡ ನಿರ್ಧಾರಗಳು ಈ ಕಷ್ಟದ ಅವಧಿಯಲ್ಲಿಯೂ ನಮ್ಮ ನಿರಂತರ ಕೆಲಸಕ್ಕೆ ಕಾರಣವಾಯಿತು. ಕೋವಿಡ್-19  ಸಾಂಕ್ರಾಮಿಕದ ಸಮಯದಲ್ಲಿ ಸದನವು 170% ಉತ್ಪಾದಕತೆಯನ್ನು ಸಾಧಿಸುವುದನ್ನು ನೋಡುವುದು ಹರ್ಷದಾಯಕವಾಗಿದೆ, ಇದು ಜಗತ್ತಿಗೆ ಮಹತ್ವದ ಸುದ್ದಿಯಾಗಿದೆ.

ಮಾನ್ಯ ಅಧ್ಯಕ್ಷರೇ,

ನಾವೆಲ್ಲರೂ ಸದನದ ನಡವಳಿಕೆಯ ನಿಯಮಗಳನ್ನು ಪಾಲಿಸಲು ಬಯಸುತ್ತೇವೆ, ಮತ್ತು ನೀವು ನಿರ್ಧಾರಗಳನ್ನು ಬಹಳ ನಿಖರತೆ, ಸಮತೋಲನ ಮತ್ತು ಕೆಲವೊಮ್ಮೆ ಕಠೋರತೆಯಿಂದ ತೆಗೆದುಕೊಂಡಿದ್ದೀರಿ. ಅಂತಹ ನಿರ್ಧಾರಗಳು ನಿಮಗೆ ನೋವನ್ನುಂಟುಮಾಡುತ್ತವೆ ಎಂದು ನನಗೆ ತಿಳಿದಿದೆ. ಆದರೆ ಸದನದ ಘನತೆ ಮತ್ತು ವೈಯಕ್ತಿಕ ನೋವಿನ ಹೊರತಾಗಿಯೂ, ನೀವು ಸದನದ ಘನತೆಯನ್ನು ಎತ್ತಿಹಿಡಿಯಲು ಆಯ್ಕೆ ಮಾಡಿಕೊಂಡಿದ್ದೀರಿ ಮತ್ತು ಅದರ ಸಂಪ್ರದಾಯಗಳನ್ನು ಸ್ಥಾಪಿಸಲು ಶ್ರಮಿಸಿದ್ದೀರಿ. ಈ ಧೈರ್ಯಶಾಲಿ ಕಾರ್ಯಕ್ಕಾಗಿ, ಗೌರವಾನ್ವಿತ ಅಧ್ಯಕ್ಷರೇ, ನೀವು ಅಭಿನಂದನೆಗಳಿಗೆ ಅರ್ಹರು. ಗೌರವಾನ್ವಿತ ಅಧ್ಯಕ್ಷರೇ, ನೀವು ಯಶಸ್ವಿಯಾಗುವಿರಿ ಎಂದು ನನಗೆ ವಿಶ್ವಾಸವಿದೆ. ನಿಮ್ಮ ಅಧ್ಯಕ್ಷತೆಯಲ್ಲಿ, ಈ 18 ನೇ ಲೋಕಸಭೆಯು ದೇಶದ ನಾಗರಿಕರ ಕನಸುಗಳನ್ನು ಯಶಸ್ವಿಯಾಗಿ ನನಸಾಗಿಸುತ್ತದೆ.

ಮತ್ತೊಮ್ಮೆ, ಈ ಮಹತ್ವದ  ಜವಾಬ್ದಾರಿಗಾಗಿ ಮತ್ತು ದೇಶವನ್ನು ಅಭಿವೃದ್ಧಿಯ ಹೊಸ ಎತ್ತರಕ್ಕೆ ಕೊಂಡೊಯ್ಯುವ ಈ ಸದನದ ಅಧ್ಯಕ್ಷತೆ ವಹಿಸಿದ್ದಕ್ಕಾಗಿ ನಾನು ನಿಮಗೆ ನನ್ನ ಹೃತ್ಪೂರ್ವಕ ಅಭಿನಂದನೆಗಳನ್ನು ಸಲ್ಲಿಸುತ್ತೇನೆ!

ನಿಮಗೆ ಅನೇಕ ಅಭಿನಂದನೆಗಳು!

ಸೂಚನೆ: ಇದು ಪ್ರಧಾನಮಂತ್ರಿಯವರ  ಭಾಷಣದ ಅಂದಾಜು ಅನುವಾದವಾಗಿದೆ. ಮೂಲ ಭಾಷಣವನ್ನು ಹಿಂದಿಯಲ್ಲಿ  ಮಾಡಲಾಗಿದೆ.

****