প্রধান মন্ত্রী, শ্রী নরেন্দ্র মোদীনা ঙসি অঙনবা মতমদা কেন্দ্র অমসুং রাজ্য সরকারশিং য়াওনা প্রো-এক্তিব গোবর্নেন্স অমসুং মতম চানা ইমপ্লিমেন্ত তৌনবগীদমক ICTদা য়ুম্ফম ওইবা মল্তি-মোদেল প্লেৎফোর্ম, PRAGATIগী 46শুবা এদিসনগী মীফম অমদা ময়াই তাংবল লৌখ্রে।

মীফম অদুদা মরুওইবা প্রোজেক্ত নিপান য়েংশিনখি, মদুদা লম্বীগী প্রোজেক্ত অহুম, রেলৱেজগী প্রোজেক্ত অনি অমসুং পোর্ত, শিপ্পিং অমসুং ৱাতরৱেজগী প্রোজেক্ত অমা য়াওখি। তোঙান-তোঙানবা রাজ্যশিং/য়ু.তি.শিংদা শন্দোকপা প্রোজেক্তশিং অসিগী অপুনবা শেনফম অসি লুপা করোর 90,000 রোমনি।

প্রধান মন্ত্রী মাত্রু বন্দনা য়োজনা (PMMVY)গা মরী লৈনবা গ্রীভেন্স রিদ্রেসলগী মতাংদা য়েংশিনখিবা অদুদা, প্রধান মন্ত্রীনা হায়খি মদুদি মন্ত্রালয় অমসুং দিপার্তমেন্ত পুম্নমক্না বেনিফিসরীশিং মশক খঙদোকপা অসি বায়োমেত্রিক্সতা য়ুম্ফম ওইদুনা আধার ওথেন্তিকেসন নত্রগা ভেরিফিকেসনগী খুত্থাংদা তৌহনগদবনি। প্রধান মন্ত্রীনা প্রধান মন্ত্রী মাত্রু বন্দনা য়োজনাদা অহেনবা প্রোগ্রামশিং য়াওহন্নবা, মরুওইনা অঙাংশিং য়েংশিনবা, হকশেল অমসুং হকশেলগী থবকশিং ফগৎহনবা, লু-নানবগী অমসুং মমা অমসুং নৌনা পোক্লিবা অঙাংশিংগী মপুং ফাবা পুন্সি মহিংদা মতেং পাংলিবা অতোপ্পা মরী লৈনবা হীরমশিং য়েংশিন্নবা খঙহনখি।

রিং রোদ অমা শাগৎপগা মরী লৈনবা ইনফ্রাস্ত্রকচর প্রোজেক্ত বেংশিনবদা প্রধান মন্ত্রীনা মরুওইনা ফোংদোকখি মদুদি রিং রোদ অসি চাউখৎহনবসি পাক-শন্না সহরগী চাউখৎ-থৌরাংগী থবকশিংদা মরুওইবা পোৎশক অমা ওইনা য়াওহনগদবনি। চাউখৎ থৌরাং অসি অপুনবা মওংদা লৌখৎকদবনি, মসিনা মথংগী চহি 25দগী 30 ফাওবগী মনুংদা সহরগী চাউখৎপগী ত্রেজেক্তরীগা চান্নবা অমসুং সপোর্ত তৌগদবা ওইগদবনি। প্রধান মন্ত্রীনা রিং রোদকী মতাংদা তুং কোইনা লিশাং-শিৎনা চৎকদবা অমসুং মেনেজমেন্ত নিংথিনা তৌবগী মতাংদা সেল্ফ-সস্তেনেবিলিতী লৈহন্নবা মসিগী মতাংদা অখন্নবা মীৎয়েং থমদুনা তোঙান তোঙানবা প্লান্নিং মোদেলশিং নৈননবা খঙহনখি। মহাক্না মীয়ামগী ত্রান্সপোর্তেসনগীদমক্তা কম্প্লিমেন্তরী অমসুং সস্তেনেবল অল্তর্নেতিব অমা ওইনা সর্ক্যুলর রেল নেতৱার্ক অমা সহরগী ত্রান্সপোর্ত ইনফ্রাস্ত্রকচরগী মনুংদা য়াওহন্নবগী ওইথোকপা য়াবশিং থিজন্নবা হায়খি।

জল মার্গ বিকাস প্রোজেক্ত য়েংশিনবা মতমদা, প্রধান মন্ত্রীনা হায়খি মদুদি ক্রুজ তুরিজম হেনগৎহন্নবা স্ত্রেচশিং অসিদা কম্ম্যুনিতীগা মরি চেৎশিনহন্নবা হোৎনগদবনি। মসিনা লাল্লোন-ইতিক চাউখৎহন্নবা খুদোংচাবশিং, মরুওইনা 'ৱান দিস্ত্রিক্ত ৱান প্রদক্ত' (ODOP) ইনিসিয়েতিব অমসুং অতোপ্পা লোকেল ক্রাফশিংগা মরী লৈনবা আর্তিসানশিং অমসুং এন্ত্রপ্রেনরশিংগীদমক খুদোংচাবশিং লৈহন্দুনা ভাইব্রেন্ত ওইবা লোকেল ইকোসীস্তেম অমা য়োকখৎকনি। থৌওং অসিনা কম্ম্যুনিতীগী থৌদাং হেনগৎহনবতা নত্তনা ঈশিং লম্বীগী মনাক নকপদা লৈবা মফমশিংদা শেন্মিৎলোনগী থবকশিং অমসুং হিংনবগী লম্বী শেমগৎপদা মতেং পাংগনি। প্রধান মন্ত্রীনা হায়খি মদুদি অসিগুম্বা ইনলেন্দ ৱাতরৱেজশিং অসি তুরিজমগীদমক দ্রাইভর ওইগদবনি।

ৱারী শানবা অদুগী মনুংদা, প্রধান মন্ত্রীনা পি.এম.গীতিশক্তি অমসুং অতৈ ইন্তিগ্রেতেদ প্লেৎফোর্মশিং অসি হোলিস্তিক অমসুং ফোর্ৱার্দ-লুকিং প্লান্নিংগীদমক শিজিন্নবগী মরুওইবা অদু অমুক হন্না ফোংদোকখি। সেক্তরশিংগী মরক্তা সিনর্জী ফংনবা অমসুং এফিসিয়েন্ত ইনফ্রাস্ত্রকচর দেবেলপমেন্ত লৈহন্নবা অসিগুম্বা পাম্বৈশিং অসি শিজিন্নবা অসি য়াম্না মরু ওই হায়না মহাক্না অকনবা ৱাফম থমখি।

প্রধান মন্ত্রীনা স্তেকহোল্দর পুম্নমক্তা মখোয়গী দেতাবেজশিং চাং নাইনা অপদেৎ তৌনবা অমসুং চুম্না থম্নবা খঙহনখি। মরমদি, থাজবা য়াবা অমসুং হৌজিক লৈরিবা দেতা অসি ইনফোর্মদ দিসিজন-মেকিং অমসুং ইফেক্তিব প্লানিংগীদমক  য়াম্না মরু ওই।

PRAGATI মীফমগী 46শুবা এদিসন ফাওবদা, লুপা করোর লাখ 20গী অপুনবা শেনফমগা মরি লৈনবা প্রোজেক্ত 370 য়েংশিনখ্রে।

***