প্রধানমন্ত্রীগী লোইশঙ
প্রধান মন্ত্রীনা য়ু.এস. উপ-রাস্ত্রপতি অমসুং ইমুং-মনুংশিংবু তরাম্না ওকখ্রে
প্রধান মন্ত্রীনা ফেব্রৱারীদা ৱাশিংতন দি.সি.দা মহাক্না মায় পাক্না চৎখিবা অমসুং রাস্ত্রপতি ত্রম্পকা ৱারী শানখিবা অদু নিংশিংখ্রে
চহি অসিগী ফেব্রৱারীদা পেরিসতা পাংথোকখিবা মখোয়গী মীফমগী মতুং ইন্না, পি.এম. অমসুং উপ-রাস্ত্রপতি ভান্সনা লৈবাক অনিগী মরীদা খুমাং চাউশিল্লকপগী মতাংদা য়েংশিনখি
মখোয়না ভারত-য়ু.এস.কী বাইলেতরেল ত্রেদ এগ্রীমেন্ত অমসুং ইনর্জী, দিফেন্স, স্ত্রেতেজিক তেক্নোলোজীশিংদা তেংবাং পীনবা হেনগৎহন্নবা হোৎনরিবশিং অদুদা খুমাং চাউশিল্লকপা অদুবু তরাম্না লৌখি
লুচিংবা অনিনা ম্যুচেল ইন্তরেস্তকী ওইবা তোঙান তোঙানবা রিজনেল অমসুং গ্লোবেল ইসুশিংদা খন্নখ্রে
প্রধান মন্ত্রীনা উপ-রাস্ত্রপতি অমসুং মহাক্কী ইমুং-মনুংগী মফমদা নুংঙাইনা লৈনবগীদমক য়াইফ-পাউজেল পীখ্রে
পি.এম.না রাস্ত্রপতি ত্রম্পতা য়াইফ-পাউজেল পীখ্রে অমসুং চহি অসিগী অরোইবা শরুক্তা মহাক্কী ভারতকী খোংচৎ অদুগীদমক্তা তরাম্না ঙাইরি হায়না ফোংদোকখি
प्रविष्टि तिथि:
21 APR 2025 8:50PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি য়ুনাইতেদ স্তেতস ওফ অমেরিকাগী উপ-রাস্ত্রপতি, ইকাই খুম্নরবা জে.দি. ভান্স ঙসি সেকেন্দ লেদী শ্রীমতী উশা ভান্স, মখোয়গী অঙাংশিং অমসুং য়ু.এস. এদমিনিস্ত্রেসকী সেনিয়র মেম্বরশিংগা লোইননা লাকখি।
প্রধান মন্ত্রীনা ফেব্রুৱারী থাদা ৱাশিংতন দি.সি.দা মহাক্না চৎখিবা খোংচৎ অমসুং মেক অমেরিকা গ্রেৎ এগেন (MAGA) অমসুং বিক্সিত ভারত 2047গী মপাঙ্গলশিং শীজিন্নদুনা ভারত অমসুং য়ু.এস.কী মরক্তা য়াম্না নকশিন্না খুৎশম্ননা থবক তৌমিন্নবগী রোদমেপ অমা শেমখিবা, মহাক্কী প্রসিদেন্ত ত্রম্পকা পাংথোকখিবা মহৈ-য়াল্লবা খন্ন-নৈনবশিং অদুবু অমুক হন্না নিংশিংখি।
প্রধান মন্ত্রী অমসুং উপ-রাস্ত্রপতি ভান্সনা লৈবাক অনিগী ওইবা খুৎশম্ননা থবক তৌমিন্নগী তোঙান তোঙানবা লমশিংদা খুমাং চাউশিল্লকপা অদু য়েংশিনখি অমসুং মদুগী মতাংদা অফবা মতৌ অমা ফোংদোকখি।
মখোয়না ইন্দিয়া-য়ু.এস.কী মরক্তা কান্নবা পুরক্নবা ৱারী শানবদা চাউনা খুমাং চাওশিল্লকপবু তরাম্না ওকখি। বাইলেতরেল ত্রেদ এগ্রীমেন্তনা লৈবাক অনিগী মীয়ামগী য়াইফনবগী মতাংদা অখন্নবা মীৎয়েং থমখি। ইনর্জী, দিফেন্স, স্ত্রেতেজিক তেক্নোলোজী অমসুং অতোপ্পা হিরমশিংদা তেংবাং পীনবা হেনগৎহন্নবগী মায়কৈদা মখা তানা হোৎনরিবা অদুসু মখোয়না পনখি।
লুচিংবা অনিমক্না ম্যুচেল ইন্তরেস্তকী ওইবা রিজনেল অমসুং গ্লোবেল ইসু কয়াদা মখোয়গী ৱাখল্লোনশিং অদুবুসু অমগা অমগা তাথোক-তাশিন তৌখি অমসুং খন্ন-নৈনবা অমসুং দিপ্লোমেসীবু খুমাং চাউশিন্নবগী পাম্বৈ অমা ওইনা হায়খি।
প্রধান মন্ত্রীনা উপ রাস্ত্রপতি, সেকেন্দ লেদী অমসুং মখোয়গী অঙাংশিংবু ভারত্তা লৈবদা নুংঙাইবা অমসুং কান্নবা অমা ওইরসনু হাবনা য়াইফ-পাউজেল পীখি।
প্রধান মন্ত্রীনা রাস্ত্রপতি ত্রম্পতা মহাক্কী নুংশিজরবা য়াইফ-পাউজেল পীখি অমসুং মহাক্না চহি অসিগী অরোইবা শরুক্তা মহাক্কী ভারত খোংচৎকীদমক তরাম্না ঙাইরি হায়না ফোংদোকখি।
***
(रिलीज़ आईडी: 2176673)
आगंतुक पटल : 12
इस विज्ञप्ति को इन भाषाओं में पढ़ें:
Assamese
,
Malayalam
,
English
,
Urdu
,
Marathi
,
हिन्दी
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada