नवी दिल्ली, 7 ऑक्टोबर 2025

प्रधानमंत्री सूर्य घर मोफत वीज योजनेअंतर्गत देशाने स्वच्छ आणि परवडणाऱ्या सौर ऊर्जेसह कुटुंबांचे सक्षमीकरण करण्याच्या दिशेने एक महत्वाचा टप्पा गाठला आहे. सप्टेंबर 2025 पर्यंत, सार्वजनिक क्षेत्रातील बँकांनी छतावरील सौर प्रणाली बसवण्यासाठी लाभार्थ्यांना दिल्या जाणाऱ्या आर्थिक सहाय्यात वाढ करत, 10,907 कोटी रुपये रकमेच्या 5.79 लाखाहून अधिक कर्जाच्या अर्जांना मंजुरी दिली आहे.

कर्ज  वितरण प्रक्रियेचे सुलभीकरण, तसेच कमी व्याजदरात तारणमुक्त परवडणारे कर्ज उपलब्ध करून देणे आणि सार्वजनिक क्षेत्रातील बँकांमार्फत सुलभ वित्तपुरवठा अशा उपाययोजनांच्या माध्यमातून प्रधानमंत्री सूर्य घर मोफत वीज योजनेच्या अंमलबजावणीला पाठबळ दिले जात आहे. ही कर्ज प्रक्रिया जनसमर्थ पोर्टलच्या  माध्यमातून पार पाडली जाते. या पोर्टलचे प्रधानमंत्री सूर्य घर मोफत वीज योजनेच्या राष्ट्रीय पोर्टलसोबत एकात्मिकीकरण केलेले आहे. यामुळे लाभार्थ्यांसाठी निरंतर डिजिटल अर्ज प्रक्रिया, वापरकर्त्यांना सर्वोत्तम अनुभव आणि माहिती-आधारित निर्णय क्षमतेची सुनिश्चिती झाली आहे.