پردھان منتری سوریہ گھر مفت بجلی یوجنا(پی ایم ایس جی ایم بی وائی) نے صاف اور سستی شمسی توانائی کے ساتھ گھروں کو بااختیار بنانے میں اہم سنگ میل حاصل کیے ہیں۔ پبلک سیکٹر کے بینکوں (پی ایس بیز) نے ستمبر 2025 تک 10,907 کروڑ روپے کی 5.79 لاکھ سے زیادہ قرض کی درخواستوں کو منظوری دی ہے، جس سے فائدہ اٹھانے والوں کو چھت پر شمسی توانائی کے نظام کی تنصیب کے لیے دستیاب مالی امداد میں اضافہ ہوا ہے۔

پردھان منتری سوریہ گھر مفت بجلی یوجنا(پی ایم ایس جی ایم بی وائی) کے نفاذ کو قرضوں کی تقسیم کے عمل کو ہموار کرنے، کم شرح سود پر بغیر ضمانت کے قرضے فراہم کرنے اور پبلک سیکٹر کے بینکوں کے ذریعے مالی اعانت کو آسان بنا کر فعال طور پر تعاون کیا جا رہا ہے۔ قرض کی تقسیم کا عمل جن سمرتھ پورٹل کے ذریعے مکمل کیا جاتا ہے، جو پردھان منتری سوریہ گھر مفت بجلی یوجنا کے قومی پورٹل (pmsuryaghar.gov.in) کے ساتھ مربوط ہے۔ یہ ہموار ڈجیٹل ایپلیکیشن کے عمل کو یقینی بناتا ہے، صارف کا بہتر تجربہ اور فائدہ اٹھانے والوں کے لیے ڈیٹا پر مبنی فیصلہ سازی کو یقینی بناتا ہے۔

اس اختراعی قرضہ اسکیم کے کلیدی فوائد میں بغیر کسی ضمانت کے مسابقتی شرح سود پر 2 لاکھ تک کے قرضے، بجلی کی لاگت کی بچت کے مطابق طویل ادائیگی کی مدت، 6 ماہ کی مہلت، درخواست دہندہ کی طرف سے ایک چھوٹا مارجن شراکت اور خود اعلان پر مبنی ڈجیٹل منظوری کا عمل شامل ہیں۔

پبلک سیکٹر کے بینکوں کی فعال شرکت کے ساتھ قرض دینے کے عمل کو آسان بنانے اور اسکیم کی رسائی کو بڑھانے کے لیے کئی اصلاحات کی گئی ہیں۔ صارف کے تاثرات کی بنیاد پر قرض کی اسکیم میں نمایاں بہتری لائی گئی ہے، جس میں اہلیت کے دائرہ کار کو بڑھانے کے لیے شریک درخواست دہندگان کو شامل کرنا، صلاحیت پر مبنی حدود کو ہٹانا اور دستاویزات کی ضروریات کو آسان بنانا شامل ہیں۔

مالیاتی خدمات کا محکمہ، نئی اور قابل تجدید توانائی کی وزارت کے ساتھ مل کر اسکیم کے تحت قرضوں کی پیشرفت کا فعال طور پر جائزہ لیتا ہے اور ریاستی سطح کے بینکروں کی کمیٹیوں اور لیڈ ڈسٹرکٹ  منیجر کے ساتھ تعاون کے ذریعے اس کے نفاذ کو مضبوط بناتا ہے تاکہ اسے اپنانے، رسائی کو بہتر بنانے اور اسکیم کی رسائی کو وسعت دی جاسکے۔

***

ش ح۔ ظ ا-ع ر

UR  No. 7199