প্রধানমন্ত্রীগী লোইশঙ
পি.এম.না ওক্তোবর 8দা ইন্দিয়া মোবাইল কংগ্রেসকী 9শুবা এদিসন হৌদোক্কনি
IMC 2025: এসিয়াগী খ্বাইদগী চাউবা তেলিকোম অমসুং তেক্নোলোজী ইভেন্ত ওক্তোবর 8-11দা পাংথোক্লগনি
থীম: "ইন্নোভেত তু ত্রান্সফোর্ম" দিজিতেল ত্রান্সফোর্মেসনদা ভারতকী লুচিংবা উৎপা
মীৎয়েং থমগদবা লমশিং: 6G, ক্বান্তম কম্ম্যুনিকেসন, সেমিকন্দক্তরশিং, ওপ্তিকেল নেতৱার্কশিং, অমসুং সাইবর ফ্রোদ প্রিভেন্সন
IMC 2025দা কম্পেনী 400 হেনবনা শরুক য়ারগনি, মালেমগী দেলিগেৎ 7000 রোম অমসুং লৈবাক 150 হেনবদগী লাকপা ভিজিতের লাখ 1.5 রোম্না শরুক য়ারগনি
Posted On:
07 OCT 2025 10:27AM by PIB Imphal
প্রধান মন্ত্রী, শ্রী নরেন্দ্র মোদীনা এসিয়াগী খ্বাইদগী চাউবা তেলিকোম, মীদিয়া অমসুং তেক্নোলোজীগী থৌরম ওইরিবা ইন্দিয়া মোবাইল কংগ্রেস (IMC) 2025গী 9শুবা এদিসন 2025গী ওক্তোবরগী তাং 8দা অয়ুক পুং 9.45 রোম তাবদা ন্যু দিল্লীগী য়াশোভুমিদা হৌদোক্কনি।
তেলিকম্ম্যুনিকেসন দিপার্তমেন্ত (DoT) অমসুং সেলুলর ওপরেতর এসোসিয়েসন ওফ ইন্দিয়া (COAI)না পুন্না শিন-লাংদুনা ওক্তোবর 8দগী 11 ফাওবা পাংথোক্কদৌরিবা IMC 2025 অসি 'ইন্নোভেত তু ত্রান্সফোর্ম' হায়বা থীমগী মখাদা পাংথোক্কনি। মসিনা দিজিতেল ত্রান্সফোর্মেসন অমসুং খুন্নাইগী চাউখৎ-থৌরাংগীদমক ইন্নোবেসন শিজিন্ননবা ভারতকী অচেৎপা ফিরেপ অদু উৎকনি।
IMC 2025না মালেমগী লুচিংবশিং, পোলিসী মেকরশিং, ইন্দস্ত্রী এক্সপর্তশিং অমসুং ইন্নোবেতরশিং পুনশিন্নদুনা তেলিকোম অমসুং অনৌবা তেক্নোলোজীশিংদা খ্বাইদগী নৌবা খুমাং চাওশিনবশিং উৎকনি। থৌরম অসিদা ওপ্তিকল কম্ম্যুনিকেসন, তেলিকোমদা সেমিকন্দক্তরশিং, ক্বান্তম কম্ম্যুনিকেসন, 6G অমসুং ফ্রোদ রিস্ক ইন্দিকেতরশিং য়াওনা মরুওইবা হীরমশিংদা মীৎয়েং থমগনি। মসিনা মথংগী জেনরেসনগী কনেক্তিবিতী, দিজিতেল সোভরেনতি, সাইবর ফ্রোদ প্রিভেন্সন অমসুং গ্লোবেল তেক্নোলোজী লিদরশিপ্তা ভারতকী স্ত্রেতেজিক প্রায়োরিতীশিং উৎলগনি।
লৈবাক 150 হেনবদগী লাকপা ভিজিতের লাখ 1.5 হেন্না, মালেমগী দেলিগেৎ 7000 হেনবা অমসুং কম্পেনী 400 হেনবনা শরুক য়াগনি হায়না পানরি। 5G/6G, AI, স্মার্ত মোবিলিতী, সাইবর সেক্যুরিতী, ক্বান্তম কম্প্যুতিং, অমসুং গ্রীন তেক্নোলোজীগুম্বা লমশিংদা অনৌবা য়ুজ-কেস 1,600 হেন্না সেসন 100 অমসুং স্পীকর 800 হেনবগী খুত্থাংদা উৎকনি।
IMC 2025না জাপান, কেনাদা, য়ুনাইতেদ কিংদম, রুসিয়া, আয়র্লেন্দ, অমসুং ওস্ত্রিয়াগী মীহুৎ কাংবুশিং শরুক য়াদুনা ইন্তর্নেস্নেল কোলাবোরেসনদা মরুওইবা থম্লি।
***
(Release ID: 2175676)
Visitor Counter : 11
Read this release in:
Bengali
,
Odia
,
English
,
Urdu
,
Urdu
,
Marathi
,
Hindi
,
Bengali-TR
,
Punjabi
,
Gujarati
,
Tamil
,
Telugu
,
Kannada
,
Malayalam