पंतप्रधान कार्यालय
देशाचे सरन्यायाधीश न्यायमूर्ती बी.आर. गवई जी यांच्यावरील हल्ल्याचा पंतप्रधानांकडून निषेध व्यक्त
प्रविष्टि तिथि:
06 OCT 2025 9:45PM by PIB Mumbai
नवी दिल्ली, 6 ऑक्टोबर 2025
पंतप्रधान नरेंद्र मोदी यांनी सर्वोच्च न्यायालयाच्या आवारात आज सरन्यायाधीश न्यायमूर्ती बी.आर. गवई यांच्यावर झालेल्या निंदनीय हल्ल्याचा तीव्र निषेध केला आहे.
या घटनेनंतर मोदी यांनी न्यायमूर्ती गवई यांच्याशी संवाद साधला आणि प्रतिकूल परिस्थितीत त्यांनी दाखवलेल्या धैर्य आणि संयमाचे कौतुक केले.
एक्सवरील एका पोस्टमध्ये मोदी म्हणाले:
“भारताचे सरन्यायाधीश न्यायमूर्ती बी.आर. गवई जी यांच्याशी बोललो. आज सकाळी सर्वोच्च न्यायालयाच्या आवारात त्यांच्यावर झालेल्या हल्ल्याबद्दल प्रत्येक भारतीय संताप व्यक्त करत आहे. आपल्या समाजात अशा निंदनीय कृत्यांना स्थान नाही. असे कृत्य पूर्णपणे निषेधार्ह आहे.
अशा परिस्थितीत न्यायमूर्ती गवई यांनी दाखवलेल्या धैर्याचे मी कौतुक करतो. न्यायाच्या मूल्यांप्रति आणि आपल्या संविधानाची भावना मजबूत करण्याप्रति त्यांची वचनबद्धता यातून अधोरेखित होते.”
* * *
शैलेश पाटील/सुषमा काणे/दर्शना राणे
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(रिलीज़ आईडी: 2175601)
आगंतुक पटल : 48
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Bengali
,
Manipuri
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam