প্রধান মন্ত্রী, শ্রী নরেন্দ্র মোদীনা লুচিংবা কেবিনেত কমিতী ওন ইকোনোমিক এফিয়র্সকী  (CCEA)না অসামদা কাজিরঙ্গা নেস্নেল পার্ক (KNP) পরিংদা প্রপোজ তৌরিবা ৱাইল্দলাইফ ফ্রেন্দলী ওইবা পাম্বৈশিং ইমপ্লিমেন্ত তৌবা য়াওনা অসামগী NH-715কী কালিবোর-নুমালিগর সেক্সনগী হৌজিক লৈরিবা হাইৱে অসি 4 লেন ওইহন্নবা অমসুং পাকথোক-চাউথোকহন্নবা অয়াবা পীখ্রে। প্রোজেক্ত অসি ইঞ্জিনীয়রিং, প্রোক্যোরমেন্ত অমসুং কন্সত্রক্সন (EPC) মোদতা পুন্না কিলোমিতর 85.675 শাংবা অমসুং অপুনবা কেপিতেল কোস্ত লুপা কোতি 6957 ওইদুনা শেমগৎকনি।

হৌজিক লৈরিবা NH-715 (হান্নগী NH-37)গী কালিবোর-নুমালিগর সেক্সন অসি জখলাবন্ধা (নাগাওন) অমসুং বোকাখাত (গোলাঘাত) শহরগী মনুং চন্না লৈবা মফমশিংদগী ফাওদুনা, পেব শোল্দর য়াওবা/ য়াওদবা লেন 2গী কনফিগরেসন অমা লৈ। হৌজিক লৈরিবা হাইৱে অসিগী মরুওইবা শরুক অমা কাজিরঙ্গা নেস্নেল পার্ককী ময়াদগী নত্রগা পার্ক অসিগী খা থংবা ঙমখৈদগী লাপ্না চৎলি, মসিদা মিতর 16দগী 32 ফাওবা রিআত ওফ ৱে (ROW)গী অথিংবা থম্বা অসিনা অমুক্কশু হেন্না শোকহল্লে। নোংজুথাগী মতমদা, পার্ক অসিগী মনুংদা লৈরিবা মফম অসি ঈশিং ঈচাওনা থুমজিল্লি অমসুং মসিনা মরম ওইদুনা লম্লক্কী শা-ইচেকশিং অসি পার্ক অসিদগী লৈরিবা হায়ৱে অসি লান্না চত্তুনা খরা তোংবা কার্বি-আংলোং হিলস তম্না লানথোক-লানশিন তৌই। হায়ৱে অসিদা চয়োল চুপ্পা ত্রাফিক মরাং কায়না চত্থবনা মরম ওইদুনা অৱাবা খুদোংথীবা অমসুং লম্লক্কী শাশিং শিব-নাবগী থৌদোকশিং তোইনা থোকই।

হায়রিবা শিংনবশিং অসি কোকহন্নবা, প্রোজেক্ত অসিদা কাজিরঙ্গা নেস্নেল পার্কতগী কার্বি-আংলোং হিল্স ফাওবদা ৱাইল্দলাইফকী ক্রোস মুভমেন্ত পুম্নমক কোনশিন্দুনা চাউরাক্না কিলোমীতর 34.5গী এলিভেতেদ কোরিদোর অমা শেমগৎপা য়াওরি। মসিগা লোয়ননা হৌজিক লৈরিবা লম্বী কিলোমীতর 30.22গী অপগ্রেদেসন তৌরগনি অমসুং জখলাবন্ধা অমসুং বোকাখাৎকী অকোইবদা কিলোমীতর 21গী গ্রীনফিল্দ বাইপাস অমা শেমগৎকনি। মসিনা হৌজিক লৈরিবা কোরিদোরদা চিনবা হন্থহল্লগনি, সেক্যুরিতী হেঙ্গৎহল্লগনি অমসুং গুৱাহাতি (স্তেৎ কেপিতেল), কাজিরঙ্গা নেস্নেল পার্ক (তুরিজম দেস্তিনেসন), অমসুং নুমালিগর (ইন্দস্ত্রীয়েল তাউন)গী মরক্তা হকথেংননা শম্নবা হেনগৎহল্লগনি।

প্রোজেক্ত অসি মরুওইবা নেস্নেল হায়ৱেজ NH-127, NH-129) অনি অমসুং স্তেৎ হায়ৱেজ (SH-35) অমগা পুনশিন্নদুনা অসামগী মরুওইবা শেন্মিৎলোন, খুন্নাই অমসুং লোজিস্তিক্স নোদশিংদা শম্নবা ঙমগনি। মসিগী মথক্তা, অপগ্রেদ তৌরবা কোরিদোর অসিনা রেলৱে স্তেসন 3 (নাগাওন, জখলাবন্ধা, বিশ্বনাথ চার্লি), অমসুং এয়রপোর্ত 3 (তেজপুর, লিয়াবরী, যোরহাৎ)গা শম্নদুনা মল্তি-মোদেল ইন্তিগ্রেসন হেঙ্গৎহল্লগনি। মসিনা লমদম অসিদা পোৎ-চৈ অমসুং পেসেঞ্জরশিং খোঙজেল য়াংনা চৎথোক-চৎশিন তৌবদা মতেং পাংগনি। প্রোজেক্ত এলাইনমেন্ত তৌবা অসিনা সোসিও-ইকোনোমিক নোদ 2, তুরিস্ত অমসুং ধর্মগী মফম 8গা মরী লৈনহনগনি। মসিনা লমদম অসিগী শেন্মিৎলোন অমসুং ধর্মগী ওইবা তুরিজম মপাঙ্গল কনখৎহনগনি।

লোইরবা মতুংদা, কালিবোর-নুমালিগর সেক্সন অসিনা লমদম অসিগী শেন্মিৎলোন চাউখৎহনবদা মরু ওইবা থৌদাং লৌগনি। মসিনা মরুওইবা তুরিজম, ইন্দস্ত্রীএল অমসুং শেন্মিৎলোনগী সেন্তরশিংগী মরক্তা কনেক্তিবিতী মপাঙ্গল কনখৎহল্লগনি। কাজিরঙ্গা নেস্নেল পার্কতা তুরিজম হেনগৎহল্লগনি অমসুং ললোন-ইতিক অমসুং ইন্দস্ত্রীএল দেবেলপমেন্তকী অনৌবা লম্বীশিং হাংহল্লগনি। প্রোজেক্ত অসিনা মীওই-নুমিৎ লাখ 15.42 হকথেংননা অমসুং মীওই-নুমিৎ লাখ 19.19 নাকোইননা থবক ফংহল্লগনি অমসুং অকোইবদা লৈরিবা লমদমশিংদা চাউখৎপা, চাউখৎ-থৌরাংগী অমসুং নুংঙাই-য়াইফবগী অনৌবা লম্বীশিং হাংদোক্লগনি।

কোরিদোরগী মেপ

***